جاڭا حابارلار

شينجياڭ تاعى 15 پرجەۆالسكي جىلقىسىن تابيعاتقا قويا بەردى

    كەلۋ قاينارى: شينجياڭ گازەتى    2018-09-29 18:37:51  

دالا جايىلىسىندا باعۋ سىناعى ىزدەنىستىك تابىسقا جەتىپ، باتىس بولىك ەكولوگياسىن قورعاۋدىڭ جارقىن تۇيىنىنە اينالدى

9 - ايدىڭ 27 - كۇنى شينجياڭ تارپاڭ ءوسىرۋ - زەرتتەۋ ورتالىعى قارامايلى تۇياقتى جابايى حايۋاناتتار جاراتىلىستىق قورىعىنا تاعى 15 پرجەۆالسكي جىلقىسىن قويا بەردى.
سۋرەتتى ءتىلشىمىز وتكىر نيجات تۇسىرگەن

 ءتىلشىمىز گاۋا 9 - ايدىڭ 27 - كۇنى جەمسارىدان حابارلايدى. 9 - ايدىڭ 27 - كۇنى شينجياڭ تارپاڭ ءوسىرۋ - زەرتتەۋ ورتالىعى قارامايلى تۇياقتى جابايى حايۋاناتتار جاراتىلىستىق قورىعىنا تاعى 15 پرجەۆالسكيي جىلقىسىن قويا بەردى. سونىمەن پرجەۆالسكي جىلقىسىنىڭ شينجياڭنىڭ دالا جايىلىسىنداعى ءتۇر توبىنىڭ سانى 221گە جەتتى.
  17 جىلدىق قۇلشىنىس ارقىلى قازىر تارپاڭداردى دالا جايىلىسىندا باعۋ سىناعى ىزدەنىستىك تابىسقا جەتىپ، باتىس بولىك ەكولوگياسىن قورعاۋدىڭ جانە قورشاعان ورتا قۇرىلىسىنىڭ جارقىن تۇيىنىنە اينالدى، سونىمەن بىرگە، ەلىمىزدىڭ كەسەك تۇلعالى جابايى حايۋاناتتاردى قويا بەرۋىنە جانە تۇزگە بەيىمدەۋىنە پايدالى تاجىريبە ۇسىندى. قازىرگە دەيىن شينجياڭ تارپاڭ ءوسىرۋ - زەرتتەۋ ورتالىعىنداعى تارپاڭ ءتۇر توبىنداعى تارپاڭدار 411گە جەتىپ، جيىنى 16 توپتا 110 تارپاڭ تابيعاتقا قويا بەرىلگەن.
  شينجياڭ تارپاڭ ءوسىرۋ - زەرتتەۋ ورتالىعىنىڭ مەڭگەرۋشىسى ما شينپيڭنىڭ تانىستىرۋىنشا، وسى رەتكى تارپاڭداردى تابيعاتقا قويا بەرۋ قىزمەتىن ءساتتى ورىنداۋ ءۇشىن، ورتالىق 5 - ايدا تارپاڭدى ۇيىرگە ءبولۋ قىزمەتىن اياقتاپ، 9 بيە مەن 6 ايعىردى بۇرىنعى ۇيىرىنەن ءبولىپ، دالا جايىلىسىندا باعىلاتىن بيە ءۇيىرىن جانە دالا جايىلىسىندا باعىلاتىن ايعىر ءۇيىرىن دايىنداپ، وسى 2 ءۇيىردى 3000 مۋلىق جارتىلاي قولدا باعۋ رايونىنا قويا بەرىپ، جارتىلاي قولدا باعىپ جاتتىقتىرىپ، ولاردىڭ دالا جايىلىسىنا ۇيلەسۋ قابىلەتتەرىن جوعارىلاتقان ءارى ولارعا كارانتيندەۋ جانە قۇرتىن جويۋ قىزمەتىن جۇرگىزگەن.
  ما شينپيڭنىڭ تانىستىرۋىنشا، سوڭعى بىرنەشە جىلدا دالا جايىلىسىنداعى تارپاڭ ءتۇر توبىنىڭ كوبەيۋ، قاتارعا قوسىلۋ مولشەرى %100كە جەتكەن. بۇل − تارپاڭداردىڭ دالا جايىلىسىنا ۇيلەسۋ قابىلەتىنىڭ جانە تارپاڭدار ءتۇر توبى تۇراقتىلىعىنىڭ ۇزدىكسىز كۇشەيگەندىگىنىڭ بەلگىسى. بۇدان سىرت، تارپاڭداردىڭ اۋەلگى ءورىسى − قارامايلى تاۋىنىڭ ەكولوگيالىق ورتاسى ۇزدىكسىز قالپىنا كەلۋى دە دالا جايىلىسىنا قويا بەرىلگەن تارپاڭداردىڭ كوبەيۋ، قاتارعا قوسىلۋ مولشەرىنىڭ جوعارىلاۋىن پارمەندى قامتاماسىزداندىرعان.
  اۆتونوميالى رايوندىق ورمان شارۋاشىلىعى مەڭگەرمەسىنىڭ ورىنباسار باستىعى مىرزابەك مۇقاش ۇلىنىڭ تانىستىرۋىنشا، تارپاڭ وسىرۋدە ازيا بويىنشا ەڭ ۇلكەن بازا سانالاتىن شينجياڭ تارپاڭ ءوسىرۋ - زەرتتەۋ ورتالىعى وسىرگەن تارپاڭداردىڭ كوبى قورعاۋشىلاردىڭ باعۋىنان قول ءۇزىپ، ءبىرشاما تۇراقتى تارپاڭ ءتۇر توبىن قالىپتاستىرىپ، تۇقىمى قۇرۋعا تاياعان، مىسىق ايۋدان دا باعالى ءتۇردىڭ قۇتقارىلۋىنا مۇمكىندىك جاساعان.
  پرجەۆالسكي جىلقىسى قازىر جەر شارىندا ءتىرى قالعان بىردەن - ءبىر تارپاڭ ءتۇرى، وندا جىلقىنىڭ اۋەلگى گەنى ساقتالعان، جوڭعار ويپاتىنان موڭعۇل ءۇستىرتىنىڭ باتىس وڭتۇستىگىنە دەيىنگى ءشولدى جايىلىمدا تىرشىلىك ەتكەن ول − جىلقى تۇرىندەگى حايۋاناتتاردىڭ گەندىك تۇرلىلىگىن ساقتاۋداعى، ءۇي جىلقىسىنىڭ قاسيەتىن جاقسارتۋعا جانە تۇقىم جەتىلدىرۋگە پايدالانۋداعى باعالى، سيرەك كەزدەسەتىن ءتۇر بولىپ تابىلادى. 19 - عاسىردىڭ 80 - جىلدارىندا، ولاردى رەسەي جاھانكەزى پرجەۆالسكي بايقاعان جانە «پرجەۆالسكي جىلقىسى» دەپ اتاعان. قازىر بۇكىل دۇنيە جۇزىندەگى پرجەۆالسكي جىلقسىنىڭ سانى 2000عا تايايدى.


بەرىپ كەت ورامالىڭدى

دوستار

الىستاعى اق ەركە