جاڭا حابارلار

 رايونىمىزداعى ءار دارەجەلى حالىق سوتى مەكەمەلەرى ءتۇرلى شارانى تەڭ يگەرىپ، سەنىمى كەتكەن اتقارۋ وبيەكتىلەرىن جازالاۋ تەبىنىن ارتتىرىپ، ءادىليانىڭ ادىلدىگى مەن تۋراشىلدىعىن قورعاۋمەن بىرگە، قوعامنىڭ سەنىمدىلىك جۇيەسى قۇرىلىسىن ءونىمدى جەبەدى

    كەلۋ قاينارى: شينجياڭ حالىق راديو ىستانسياسى    2018-09-25 17:24:50  

   ستانسيامىزدىڭ ءتىلشىسى حاميتتىڭ حابارى:بيىل جىل باسىنان بەرى، رايونىمىزداعى ءار دارەجەلى حالىق سوتى مەكەمەلەرى ءتۇرلى شارانى تەڭ يگەرىپ، سەنىمى كەتكەن اتقارۋ وبيەكتىلەرىن جازالاۋ تەبىنىن ارتتىرىپ، ءادىليانىڭ ادىلدىگى مەن تۋراشىلدىعىن قورعاۋمەن بىرگە، قوعامنىڭ سەنىمدىلىك جۇيەسى قۇرىلىسىن ءونىمدى جەبەدى.       8- ايدىڭ 23- كۇنى، ءۇرىمجى قالاسى جاڭا قالا رايوندىق حالىق سوتى مەكەمەسى ءبىر رەتكى اتقارۋعا قارسىلىق كورسەتۋ دەلوسىن قارادى، اتقارۋ وبيەكتىلەرى جى فاميليالى مەن ليۋ فاميليالى زاڭدىق مىندەتىن اتقارماي عانا قويماي،  ارام نيەتپەن ءجۇرىس-تۇرىسىن، مال-مۇلكىن جاسىرىپ، مال-مۇلكىن باسقاعا جاققا اپارعان. « جۇڭحۋا حالىق رەسپۋبليكاسى قىلمستى ىستەر زاڭىنىڭ»  313-، 25- تارماعىنداعى بەلگىلەمە بويىنشا، سوت مەكەمەسى جى فاميليالى مەن ليۋ فاميليالىنى 6 اي مەرزىمدى قاماۋ جازاسىنا ۇكىم ەتتى. جاڭا قالا رايوندىق حالىق سوتى مەكەمەسى اتقارۋ مەكەمەسىنىڭ اتقارۋشى سۋدياسى ۋىڭ ليچىن بىلاي دەدى: اتقارۋ ارەكەتىنىڭ اناعۇرلىم جۇيەلەنۋىنە، اتقارۋ شارالارىنىڭ اناعۇرلىم قاتاڭداسۋىنا وراي، اتقارۋ وبيەكتىسىن، وتە-موتە، بەتباقتىق ىستەگەندەردى جازالاۋ جانە سوققى بەرۋ تەبىنى دە ۇزدىكسىز كۇشەيدى.  اتقارۋ وبيەكتىسىنىڭ بەينەسىنە قاراي، سايكەستى ايىپ  سالۋ، قاماۋعا الىپ، قىلمىستىق ىستەر جاۋاپكەرلىگىن قۋزاۋ شاراسىن قولدانىلادى.   2016- جىلى، ەڭ جوعارى حالىق سوتى مەكەمەسى « اتقارۋداعى قيىن ماسەلەلەردى ەكى دە ءۇش جىل ىشىندە نەگىزىنەن شەشۋدى» العا قويعان،  بيىل اتقارۋداعى قيىن ماسەلەلەردى نەگىزىنەن شەشۋدىڭ جاپپاي جەڭىسىنە جەتۋ جىلى تۇرعىسىنان، رايونىمىزداعى ءار دارەجەلى حالىق سوتى مەكەمەلەرى ءتۇرلى ارناۋلى ارەكەتتەردى جالعاستى ورىستەتىپ، سەنىمى كەتكەن اتقارۋ وبيەكتىلەرىن جازالاۋ تەبىنىن ارتتىرىپ، اتقارۋعا قارسىلىق كورسەتكەن بەتباقتىق ىستەگەندەردى سەنىمسىزدىگى ءۇشىن بوداۋ بەرگىزدى.      بيىل 5- ايدا، « ناجاعاي ارەكەتى» اتتى ارناۋلى ارەكەت بارىسىندا، ءۇرىمجى قالاسى سايباق رايوندىق حالىق سوتى مەكەمەسىنىڭ اتقارۋشى حالىق ساقشىلارى التاي جولىنداعى بەلگىلى شاعىن رايونعا بارىپ، اتقارۋ وبيەكتىسى تاڭ فاميليالىنى سوت مەكەمەسىنە الىپ كەلەدى. سول كۇنى كەشتە،  سايباق رايوندىق حالىق سوتى مەكەمەسى اتقارۋ وبيەكتىسى ۇزاق ۋاقىت «جاسىرىنباق» ويناپ كەلگەن 27 دەلونى شوعىرلى اتقاردى.  سايباق رايوندىق حالىق سوتى مەكەمەسى 2- اتقارۋ سوتىنىڭ ورىنباسار باستىعى دىڭ جيە بىلاي دەدى: نەگىزىنەن جاي ادامدار 50 مىڭ يۋاننان تومەن اقشاعا قارىزدار بولادى دا، سۋبيەكتيۆ جاقتا ارام ويمەن قارىزدان قاشقالاقتايدى،  ءبىز شوعىرلى ارەكەت ورىستەتۋ ارقىلى اتقارۋعا  قارسىلىق كورسەتۋ بەينەسىنە سوققى بەرەمىز.      مۇنان سىرت، رايونىمىزداعى ءار دارەجەلى حالىق سوتى مەكەمەلەرى تاعى ءتۇرلى تاسىلدەر ارقىلى سەنىمى كەتكەن اتقارۋ وبيەكتىلەرىن اشكەرلەيدى. ءۇرىمجى قالالىق ورتا دارەجەلى حالىق سوتى مەكەمەسى ۇكىمەت جاقتىڭ توراپ بەكەتىنەن سەنىمى كەتكەن اتقارۋ وبيەكتىلەرىنىڭ ەسىمدىگىن تەكسەرۋ  يقۋاتىن اشتى؛ كورلا تەمىر جول تاسىمال سوتى مەكەمەسى رايونىمىز بويىنشا سەنىمى كەتكەن اتقارۋ وبيەكتىلەرىنە باعىتتاپ « ەرەكشە ءتۇستى قوڭىراۋدى» بۇيىرتىپ جاساتتى؛ شىحىزى قالالىق حالىق سوتى مەكەمەسى سەنىمى كەتكەندەردى جازالاۋ الەۋمەتتىك يگىلىك جارناماسىن كەسكىنگە الدى ءارى تەلەۆيزور، گازەت سياقتى اقپارات ورىندارىندا قاتىستى ينفورماتسيالاردى جاريالادى؛ قارامايلى قالالىق ورتا دارەجەلى حالىق سوتى مەكەمەسى بەتباقتىق ىستەگەندەردى تۇگەلىمەن سەنىمى كەتكەن اتقارۋ وبيەكتىلەرى ەسىمدىگىنە ەنگىزدى، ءارى وسى قالانىڭ سەنىمدىلىك جۇيەسىنەن پايدالانىپ، اتقارۋ وبيەكتىلەرىن بىرلەسىپ جازالادى.  سونىمەن بىرگە، ءار دارەجەلى حالىق سوتى مەكەمەلەرى اتقارىلىپ تياناقتانعان دەلو قاراجاتىن شوعىرلى تاراتىپ، ءوتىنىش ەتۋشىنىڭ زاڭدى ۇقىق-مۇددەسىن قورعادى.   اۆتونوميالى رايوندىق جوعارى حالىق سوتى مەكەمەسى اتقارۋ مەكەمەسىنىڭ ورىنباسار باستىعى ۋاڭ شينشۋاڭ بىلاي دەدى: 7- ايدىڭ 9- كۇنىنە دەيىن، رايونىمىزداعى سوت مەكەمەلەرى سەنىمى كەتكەن  86 مىڭ 868 ادامدى سەنىمى كەتكەن اتقارۋ وبيەكتىلەرى ەسىمدىگىنە ەنگىزىپ، جوعارى دەڭگەيدە تۇتىنۋى شەكتەلگەندەرى 24 مىڭ 468 رەت، ايروپلانعا وتىرۋىنا شەك قويىلعانداردى 191 مىڭ رەت جاريالادى. مۇنان سىرت، رايونىمىزداعى ءار دارەجەلى حالىق سوتى مەكەمەلەرى قوعام حاۋىپسىزدىگى، قورا-جاي، بانكە، دامۋ -رەفورما كوميتەتى سياقتى كوپتەگەن تاراۋلارمەن بىرلەسىپ ارەكەت جاساۋ مەحانيزمىن قالىپتاستىرىپ، ينفورماتسيادان ورتاق يگىلىكتەنۋ ارقىلى كوپ تاراۋ بىرلەسىپ جازالايتىن جالپى جاعدايدى جارىققا شىعاردى. ۋاڭ شينشۋاڭ:  سەنىمى كەتكەن اتقارۋ وبيەكتىلەرىن جاريالاۋ تەكشەسىنە نەگىزدەلىپ، سەنىمى كەتكەن اتقارۋ وبيەكتىلەرىن جاريالاۋ، كۇشىنەن قالدىرۋ، جويۋ ءتارتىبىن جۇيەگە تۇسىرۋمەن بىرگە، اتقارۋعا سايكەسەتىن قاتىستى ورىندارمەن بىرلىكتە ينفورماتسيادان ورتاق يگىلىكتەنۋدى جۇزەگە اسىرىپ، بەدەلدى ساندى مالىمەت ارقىلى قوعامنىڭ سەنىمدىلىك جۇيەسىن قالىپتاستىردى،- دەدى.
 


بەرىپ كەت ورامالىڭدى

دوستار

الىستاعى اق ەركە