جاڭا حابارلار

رايونىمىزدىڭ قاتىناس-تاسىمال جۇيەسى سەنىمدىلىك جۇيەسى قۇرىلىسىن كۇشەيتىپ، «سەنىمدى» جول جاسادى

    كەلۋ قاينارى: شينجياڭ حالىق راديو ىستانسياسى    2018-09-24 09:05:23  

ستانسيامىزدىڭ ءتىلشىسى جين لەي، پراكتيكانت ءتىلشى لو يۋانميڭنىڭ حابارى: اۆتونوميالى رايونىمىزدىڭ قاتىناس-تاسىمال جۇيەسى تاس جول قۇرىلىس نىساندارىنداعى سەنىمدىلىك جۇيەسى قۇرىلىسىنا ءمان بەرىپ، كاسىپورىنداردى سەنىمدىلىكتى ساقتاۋعا شابىتتاندىرىپ، سەنىمسىزدەردى جازالاپ ساقتاندىرىپ، «سەنىمدى جول» جاساپ، رايونىمىز تاس جول قۇرىلىسىنىڭ جوعارى ساپالى دامۋىن جاپپاي ىلگەرلەتتى.
تەمپەراتۋرانىڭ سۋىتۋىنا بايلانىستى، سوڭعى ءبىر مەزگىلدەن بەرى، ارتۇرىك اۋداندىق قاتىناس-تاسىمال مەكەمەسىنىڭ باستىعى حۋ شينميڭ تۇتاس اۋدانداعى ون شاقتى اۋىل-قىستاق تاس جول قۇرىلىسى نىسانىنىڭ اياق الىسىن تەكسەرۋىمەن قاربالاستىققا ءتۇستى، ءارى ينجەنەريانىڭ ساپاسى، حاۋىپسىزدىگى، توقتامنىڭ اتقارىلۋى سياقتى جاعدايلاردى تەكسەردى. مىنە بۇل كاسىپورىننىڭ سەنىمدىلىگىن باعالايتىن ماڭىزدى نەگىزگە اينالدى. حۋ شينميڭ بىلاي دەدى: « قۇرىلىس جوبالاۋ ورىندارى، قۇرىلىس جۇرگىزۋ ورىندارى، ءبىرىنشى جاقتىڭ باقىلاۋ-باسقارۋ ورىندارى سياقتىلاردىڭ سەنىمدىلىگىن باعالاۋ ارقىلى ءار جىلى سەنىمدىلىك جاعىنا ءنومىر بەرەمىز، بۇلاردىڭ ىشىندەگى ءبىزدىڭ ءنومىر ولشەمىمىزگە تولماعاندارى، قارا تىزىمدىككە تىركەلەدى دە، بۇدان بىلاي جوبالاۋ جاعىنداعى قاتاردان قاعىس قالادى، قاتىناس سالاسىنا قاتىناسۋعا دا رۇحسات ەتىلمەيدى. جاقسى باعا العاندارىن شابىتتاندىرامىز، قولدايمىز، تەپە-تەڭ شارت-جاعدايدا كەيبىر جاقتان تيىمدىلىك ساياساتىن اتقارامىز».
تاس جول قۇرىلىسى بازارىنىڭ نەگىزگى تۇلعاسى رەتىندە، وسى كاسىپپەن شۇعىلدانعان كاسىپورىندار مەن ادامداردىڭ سەنىمدىلىك تانىمى تاس جول قۇرىلىسى بازارىنىڭ اقاۋسىز ءارى رەتتى دامۋىمەن، ينجەنەريا قۇرىلىسى ساپاسىنىڭ حاۋىپسىزدىگىمەن قاتىستى. اۆتونوميالى رايوندىق قاتىناس-تاسىمال مەڭگەرمەسى 2009-جىلدان باستاپ رايونىمىزداعى تاس جول قۇرىلىسى نىسانىمەن شۇعىىلداناتىن ورىنداردىڭ، ادامداردىڭ سەنىمدىلىگىن باعالاۋ جۇيەسىن ورناتتى. وتكەن جىلى اۆتونوميالى رايوننىڭ تاس جول قۇرىلىسىن باسقارۋ امالياتىمەن ۇشتاستىرىپ، «اۆتونوميالى رايوننىڭ تاس جول قۇرىلىسىن جۇرگىزەتىن كاسىپورىنداردىڭ سەنىمدىلىگىن باعالاۋدىڭ اتقارۋ ەرەجەسى» سياقتى التى ءتۇرلى باعالاۋدى اتقارۋ ەرەجەسىن وزگەرتىپ جاساپ، تاراتىپ، تاس جول قۇرىلىسىمەن شۇعىلداناتىن ورىندار مەن جەكەلەردىڭ سەنىمدىلىك تانىمىن جوعارىلاتۋىن جەبەپ، ۋادەسىن قاتاڭ اتقارىپ، ساپا وتكەلىن مىقتى يگەردى. بايىنعولىن وبلىستىق قاتىناس-تاسىمال مەكەمەسىنىڭ باس ينجەنەري قاليالىم: «سەنىمدىلىك جۇيەسى قۇرىلىسىنىڭ رولى نەداۋىر كورنەكتى، تۇتاس ينجەنەريانىڭ ساپاسى، ءبىر جولدا قۇرىلىس تاپسىرۋداعى تولىمدىلىق مولشەرى سوناۋ 2000-جىلداردىڭ باسىندا %80 بولسا، قازىر %95 تەن استى»،-دەدى. سونىمەن بىرگە، ءىشىنارا كاسىپورىنداردىڭ تاس جول قۇرىلىسى قىزمەتىندە ورىن تەپكەن توقتامعا قايشىلىق جاساۋ، سەنىمسىزدىك ارەكەتتەرى جونىندە اۆتونوميالى رايوندىق قاتىناس-تاسىمال مەڭگەرمەسى جالپى حابارلاندىرۋ، جازالاۋ تەبىنىن ارتتىردى،سوڭعى جىلدارى، 20 نەشە قاتىستى جاۋاپتى كاسىپورىن، وسى كاسىپپەن شۇعىلداناتىن 50 نەشە ادامعا سەنىمدىلىك باعالاۋ دارەجەسىن تومەندەتۋ جانە رايونىمىزدىڭ تاس جول بازارىندا قۇرىلىسقا قاتىستى قيمىلدارعا قاتىناسۋعا تيىم سالۋ جازاسى بەرىلدى. اۆتونوميالى رايوندىق قاتىناس-تاسىمال مەڭگەرمەسى ينجەنەريا باسقارماسىنىڭ ورىنباسار باستىعى جاۋ يۇڭ بىلاي دەدى: «سەنىمدىلىكتى باسقارۋدىڭ ەرەجە-تۇزىمدەرىن كەمەلدەندىرۋ ارقىلى بازاردى ءادىل، اشىق، تارتىپشەڭ دە ۇتىمدى بەتالىسقا قاراي دامۋعا بەلسەنە جەبەپ، جەتەكتەپ، سەنىمدىلىك جۇيەسى قۇرىلىسىن كۇشەيتىپ، بازاردىڭ ومىرشەڭدىك قۋاتىن ارتتىرىپ، ىشكى قوزعاۋشى كۇشىن نىعايتىپ، بازار دامۋىنىڭ كومەسكى كۇشىن اشىپ، رايونىمىزدىڭ تاس جول قاتىناس قۇرىلىسىن جوعارى ساپالى دامىتىپ، حالىق ريزا بولاتىن قاتىناستى كۇش سالا قالىپتاستىرۋعا بەرىك نەگىز قالايمىز».


بەرىپ كەت ورامالىڭدى

دوستار

الىستاعى اق ەركە