جاڭا حابارلار

حۇڭشان باقشاسى قالاداعى ەڭ كوركەم كورىنىس ءتۇيىنىن قالىپتاستىردى

    كەلۋ قاينارى: شينجياڭ حالىق راديو ىستانسياسى    2018-09-24 09:04:38  

ستانسيامىزدىڭ ءتىلشىسى حاميت پەن پراكتيكانت ءتىلشى رىن شينجيەنىڭ حابارى: مەملەكەتتىك 4A دارەجەلى كورىنىس رايونى بولعان حۇڭشان باقشاسى ءۇرىمجى قالا تۇرعىندارىنىڭ كورىنىستى تاماشالاپ، سەرۋەندەيتىن تاماشا جەرى بولىپ عانا قالماستان، سىرت جەرلەردەگى ساياحاتشىلاردىڭ ءۇرىمجىنى تۇسىنۋىندەگى ماڭىزدى تەرەزەلىك. سوڭعى جىلداردان بەرى، حۇڭشان باقشاسى ەكولوگيالىق قۇرىلىستى ۇزدىكسىز نىعايتىپ، قالاداعى ەڭ كوركەم كورىنىس ءتۇيىنىن قالىپتاستىردى.
قازىر، ۇرىمجىدەگى حۇڭشان باقشاسىنا الىستان كوز جىبەرسەڭىز، ءدالىزدىڭ ەكى جاعىنداعى 20 مىڭ تۇبەكتەن استام كۇرەڭكەي قۇلپىرا گۇل اشىپ، وزگەشە تۇسكە ەنىپ، كوپتەگەن ساياحاتشىنى سەيىلدەپ سۋرەتكە تۇسۋگە باۋرادى. تۇبەكتىك كورىنىستە تاعى جاساندى جولمەن بۋ بۇركۋ جابدىعى كوبەيتىلىپ، ماڭايدى بۋ تورلاپ، ءتۇرلى ءتۇستى كۇرەڭكەيلەر كۇزگى سامال جەلمەن تەربەلىپ، اسەم كورىنىستەر جۇرتتى قاتتى قىزىقتىردى. ساياحاتشى ياڭ حانىم: قازىرگە دەيىن وسىنشا كوپ كۇرەڭكەيدى كورمەگەن ەكەنمىن، ءتۇرلى-ءتۇستى ەكەن، كورىپ راحاتتانىپ قالدىم،-دەدى.
گۇلدەردى تاماشالاۋدان سىرت، ساياحاتشىلار تاۋعا شىعۋدىڭ شاتتىعىنا شومدى، كۇزدە حۇڭشان باقشاسىنداعى ورمان اعاشتارى قۇبىلىپ القىزىل تۇسكە ەنىپ، وزگەشە كورىنىس قالىپتاستىرادى. تاۋدىڭ توبەسىنە شىعىپ الىسقا كوز جىبەرسەڭىز، تۇتاس ءۇرىمجىنىڭ قالا كورىنىسىن كوز الدىڭىزعا اكەلەدى. سانشيدان كەلگەن ساياحاتشى يۇي مىرزا: حۇڭشان تاۋىنىڭ توبەسىنەن تۇتاس ءۇرىمجى قالاسىنا كوز تاستاعانىمدا ءۇرىمجىنىڭ بىرنەشە جىلدان بەرگى دامۋىنىڭ نەداۋىر تەز ەكەنىن، وتە-موتە، جول قۇرىلىسىنىڭ ەرەكشە دامىعانىن سەزىمدىم،-دەدى.
اعاشپەن كومكەرىلگەن حۇڭشان تاۋىن كورگەندە كەزىندە قاعىر تاۋ ەكەنىنە نانعىڭىز كەلمەيدى. حۇڭشان تاۋى جالاما جارتاس، تاۋ قىزىل قوڭىر رەڭىمەن اتى شىققان. 1956-جىلدان باستاپ، ءۇرىمجى قالاسى قالا تۇرعىندارىن اعاش ەگىپ، ورمان وسىرۋگە، تاستى قوپارىپ، توپىراعىن اۋىستىرىپ، توعاندى جوندەپ، سۋ باستاپ، جول جاساپ، كوپىر سالۋعا اتتانىسقا كەلتىرىپ، 1985-جىلى 5-ايدا ساياحاتشىلارعا رەسمي اشىلعان. شينجياڭ گازەتى مەكەمەسى كەسكىنگە الۋ گرۋپپاسىنىڭ بۇرىنعى باستىعى سۇڭ تۋجيڭ قولىنداعى كەسكىن اپپاراتى ارقىلى حۇڭشان تاۋى باقشاسىنىڭ جاسىل جامىلعىمەن كومكەرىلۋ بارىسىن ەستەلىككە العانىن ايتا كەلىپ: نەشە ۇرپاق ادامداردىڭ رەتتەپ وڭاپ، زور ەڭبەك ءسىڭىرۋىنىڭ ارقاسىندا حۇڭشان تاۋى جاسىل جەلەك جامىلىپ، ماڭىنداعى قالا قۇرىلىستارىندا وراسان زور وزگەرىستەر جارىققا شىعىپ، بىتىك ورماندى كورىنىس قالىپتاستىردى.
حۇڭشان باقشاسى سەرۋەن باسىلارى ۇگىت ءبولىمىنىڭ قىزمەتكەرى ليۋ ليلي تىلشىگە بىلاي دەدى: بيىل باقشادا كۇلگىن جاپىراقتى مويل، اق بالاۋىز سياقتى اشەكەي جاپىراقتى اعاش تۇرلەرى كوبەيىپ، گۇل-شوپتەردە مولايىپ، باقشانىڭ ءسانىن اسىردى، قازىر، حۇڭشان باقشاسىنىڭ ورمانمەن كومكەرىلۋ مولشەرى %98 تەن اسىپ، 80 مىڭ تۇپتەن ارتىق اعاش جانە 90 نەشە اعاش ءتۇرى بار، ەكولوگيالىق ورتاسى ەرەكشە جاقسى، كوپتەگەن جابايى جانۋار حۇڭشان باقشاسىن مەكەن ەتۋدە.


بەرىپ كەت ورامالىڭدى

دوستار

الىستاعى اق ەركە