جاڭا حابارلار

رايونىمىز جازۋشىلارى فىڭ شوۋ مەن لي جۋان لۋشۇن ادەبيەت سيلىعىن الدى

    كەلۋ قاينارى: شينجياڭ گازەتى    2018-09-23 11:56:31  
 ءتىلشىمىز گاۋ فاڭ 9 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق ادەبيەت - كوركەمونەرشىلەر بىرلەستىگىنە قاراستى شينجياڭ جازۋشىلار قوعامىنان ۇعىسۋىمىزشا، 9 - ايدىڭ 20 - كۇنى كەشتە 7 - كەزەكتى لۋشۇن ادەبيەت سيلىعىن تاراتۋ سالتى بەيجيڭدە وتكىزىلگەن، رايونىمىز جازۋشىلارى فىڭ شوۋ مەن لي جۋان جەكە - جەكە ادەبي حابار سيلىعىن جانە شالقىما - زاۋىن سيلىعىن العان.
  شينجياڭ ءوندىرىس - قۇرىلىس بيڭتۋانىنىڭ جازۋشىسى فىڭ شوۋدىڭ كولەمدى دەرەكتى شىعارماسى «باتىس قورعان» وسى كەزەكتى لۋشۇن ادەبيەت سيلىعىنىڭ ادەبي حابار سيلىعىن الدى. بۇل شىعارمادا بيڭتۋاننىڭ 60 جىلدىق شۇعىلالى تاريحى جان - جاقتى ايگىلەنىپ، نەشە ۇرپاق بيڭتۋاندىقتاردىڭ تىڭ يگەرىپ، شەكارانى قورعاعان، شەكارا وڭىرگە ءوزىن ارناعان ايتاقالسىن ىزگى ىستەرى جان - جاقتى دا اسەرلى سۋرەتتەلگەن.
  رايونىمىزدىڭ جاس جازۋشىسى لي جۋان ناقتى وقيعانى ارقاۋ ەتكەن «شالعايداعى كۇنباعىس اتىزى» اتتى كولەمدى شالقىماسىمەن شالقىما - زاۋىن سيلىعىن الدى. بۇل شىعارما دارا دا جاندى، ايقىن دا تارتىمدى بەينەلەۋ تاسىلىمەن شەكارا ءوڭىر تۇرمىسىنىڭ تىرشىلىك تىنىسىن، سۇلۋ بەينەسىن بەدەرلەگەن.
  ۇعىسۋعا قاراعاندا، قازىرگە دەيىن رايونىمىزدان 6 جازۋشى لۋشۇن ادەبيەت سيلىعىن العان، بۇلار ولەڭ - جىر، شالقىما، سىن، ادەبي حابار سىندى ادەبيەتتىڭ 4 سالاسىن قامتيدى.

بەرىپ كەت ورامالىڭدى

دوستار

الىستاعى اق ەركە