جاڭا حابارلار

وقۋ - اعارتۋ تۇزىلىسىنە رەفورما جاساۋدى، جاڭالىق اشۋدى بار كۇشپەن ىلگەرىلەتەيىك

    كەلۋ قاينارى: شينجياڭ گازەتى    2018-09-18 17:45:50  

− باس شۋجي شي جينپيڭنىڭ وقۋ - اعارتۋ جونىندەگى مەملەكەتتىك ماجىلىستە  سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى


رەفورما − وقۋ - اعارتۋ ىستەرىن دامىتۋدىڭ ءتۇبىرلى قوزعاۋشى كۇشى. وقۋ - اعارتۋ ءتۇزىلىسىنە رەفورما جاساۋدى، جاڭالىق اشۋدى بار كۇشپەن ىلگەرىلەتكەندە عانا، ەلىمىزدىڭ وقۋ - اعارتۋىن بارعان سايىن جاقسى ىستەۋگە، بارعان سايىن قۇدىرەتتەندىرۋگە بولادى.  

 وقۋ - اعارتۋ جونىندەگى مەملەكەتتىك ماجىلىستە، باس شۋجي شي جينپيڭ ماڭىزدى ءسوز سويلەپ، ەلىمىزدىڭ وقۋ - اعارتۋ ىستەرىنىڭ ۇزاق مەرزىمدى دامۋىنا كوز جىبەرىپ، وقۋ - اعارتۋ ءتۇزىلىسى رەفورماسىن تەرەڭدەتۋ جونىندە ءتۇيىندى ورنالاستىرۋ جاساپ، وقۋ - اعارتۋ ىستەرىنىڭ دامۋىنا ورالعى بولىپ وتىرعان تۇزىلىستىك، مەحانيزمدىك كەدەرگىلەردى باتىل جويۋعا ايقىن بەتالىس نۇسقادى جانە جول كورسەتتى، بۇل وقۋ - اعارتۋدىڭ وسىزاماندانۋىن جەدەل ىلگەرىلەتىپ، وقۋ - اعارتۋدا قۇدىرەتتى ەل قۇرىپ، حالىق رازى بولاتىن وقۋ - اعارتۋدى ويداعىداي جۇرگىزۋدە ماڭىزدى مانگە يە. 

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وقۋ - اعارتۋدى الدىمەن دامىتاتىن ستراتەگيالىق ورىنعا قويۋعا تاباندى بولىپ، وقۋ - اعارتۋ سالاسىنداعى كەشەندى رەفورمانى جاپپاي تەرەڭدەتتى، نىشاندىق، جەتەكشىلىك سيپاتقا يە ءبىر قىدىرۋ رەفورما شارالارى كورنەكتى تابىسقا قول جەتكىزدى. ءبىراق مىنانى دا كورە بىلگەن ءجون: وقۋ - اعارتۋ رەفورماسىنىڭ ءتۇيىنى كوپ، اۋقىمى كەڭ، جەلىسى ۇزىن، ىستەۋگە ءتيىستى ىستەر وتە كوپ، قازىر ەلىمىزدىڭ وقۋ - اعارتۋىندا ءالى دە كەيبىر ەلەۋلى ماسەلەلەر مەن ولقىلىقتار ورىن تەۋىپ وتىر. وسى ماسەلەلەردى شەشۋ ءۇشىن، ءسوز جوق، وقۋ - اعارتۋ تۇزىلىسىنە رەفورما جاساۋدى، جاڭالىق اشۋدى بار كۇشپەن ىلگەرىلەتىپ، وقۋ - اعارتۋ رەفورماسىنىڭ جۇيەلىلىگىنە، تۇلعالىعىنا، سايكەستىلىگىنە اناعۇرلىم ءمان بەرىپ، وقۋ - اعارتۋ رەفورماسىنىڭ دامۋىنداعى ماڭىزدى ماسەلەلەر مەن بۇقارا كوڭىل بولەتىن ءتۇيىندى ماسەلەلەردى دەر كەزىندە زەرتتەپ، شەشىپ، رەفورما ارقىلى ومىرشەڭدىككە دەم بەرىپ، قوزعاۋشى كۇشتى نىعايتۋ كەرەك.  

 وقۋ - اعارتۋ ءتۇزىلىسى رەفورماسىندا جاڭالىق اشۋدى بار كۇشپەن ىلگەرىلەتۋدە، ەلىمىز وقۋ - اعارتۋىنىڭ وسىزاماندانۋىنىڭ سوتسياليستىك بەتالىسىنا تاباندى بولىپ، وقۋ - اعارتۋدىڭ الەۋمەتتىك سيپاتى پرينسيبىنە تاباندى بولىپ، وقۋ - اعارتۋ ادىلدىگىن مەملەكەتتىڭ نەگىزگى وقۋ - اعارتۋ ساياساتى ەتۋ كەرەك. وقۋ - اعارتۋ ادىلدىگى − قوعامدىق ادىلدىكتىڭ ماڭىزدى نەگىزى، ءسوز جوق، وقۋ - اعارتۋدى حالىقتى وزەك ەتە وتىرىپ دامىتۋعا تاباندى بولىپ، ءار ادامنىڭ ءبىلىم الۋ ورايىنان يگىلىكتەنۋىنە، ءوزىن جەتىلدىرۋ، قوعامعا ۇلەس قوسۋ، حالىققا يگىلىك جاراتۋ قابىلەتىنە يە بولۋىنا قۇلشىنا مۇمكىندىك جاساۋ كەرەك. ءار ادامعا ءومىر بويى سەرىك بولاتىن وقۋ - اعارتۋدى جەدەل قۇرىپ، وقۋدى ءار ادامنىڭ تۇرمىس ادەتى مەن ءومىر سالتىنا اينالدىرىپ، بارلىق ادام ۇيرەنۋدى، بارلىق جەردە ۇيرەنە ءبىلۋدى، بار ۋاقىتتا ۇيرەنۋگە مۇمكىندىگى بولۋدى ىسكە اسىرۋ كەرەك؛ بار ادامعا بەت العان تەڭ تۇرعىلى وقۋ - اعارتۋدى جەدەل قۇرىپ، ءار ادامنىڭ جىنىسىنا، قالا - اۋىلدىعىنا، مەكەن - جەرىنە، باي - كەدەيلىگىنە، ۇلت ايىرماسىنا قاراماي تاماشا ءبىلىم الۋىنا قۇلشىنا مۇمكىندىك جاساۋ كەرەك؛ بارلىق ادامعا ۇيلەسەتىن وقۋ - اعارتۋدى جەدەل قۇرىپ، مىنەز - قۇلقى، اۋەس - ارتىقشىلىعى، ساپا - مۇمكىندىگى ءارءتۇرلى وقۋشىلاردىڭ بارلىعىنىڭ ءوزىنىڭ ءوسىپ - جەتىلۋىنە قاجەتتى ءبىلىم الۋىنا قۇلشىنا مۇمكىندىك جاساۋ كەرەك؛ اناعۇرلىم اشىق، يكەمدى وقۋ - اعارتۋدى جەدەل قۇرىپ، وقۋ - اعارتۋ تاڭداۋىنىڭ ءتىپتى الۋان ءتۇرلى، جەتىلۋ جولىنىڭ ءتىپتى كەڭ، وقۋ ءونىمىن كوتەرۋ ارناسىنىڭ، كاسىپ دارەجەسىن كوتەرۋ ارناسىنىڭ، قوعامدىق ورىندى كوتەرۋ ارناسىنىڭ اناعۇرلىم ىركىلىسسىز بولۋىنا قۇلشىنا مۇمكىندىك جاساۋ كەرەك.   وقۋ - اعارتۋ ءتۇزىلىسى رەفورماسىن بار كۇشپەن ىلگەرىلەتۋدە وقۋ - اعارتۋ ءتۇزىلىسى رەفورماسىن تەرەڭدەتۋدەگى ءتۇيىندى مىندەتتەردى باتىل دايەكتىلەندىرىپ جانە تياناقتاندىرىپ، وقۋ - اعارتۋ ىستەرىنىڭ دامۋىنا ورالعى بولىپ وتىرعان تۇزىلىستىك - مەحانيزمدىك كەدەرگىلەردى باتىل جويۋ كەرەك. باس شۋجي شي جينپيڭ ورتاعا قويعان ايقىن تالاپتار بويىنشا، ونەگە كورسەتىپ، ادام تاربيەلەۋدى تياناقتاندىرۋ مەحانيزمىن كەمەلدەندىرىپ، وقۋ - اعارتۋدى باعالاۋدىڭ عىلمي بولماعان باعدارىن تۇزەتىپ، نومىرگە، ۇلگەرىمگە، ديپلومعا، ديسسەرتاتسياعا، ات - اتاققا عانا قارايتىن كەسىرلى ىندەتتەردى باتىل الاستاپ، وقۋ - اعارتۋدى باعالاۋداعى ديريجەرلىك تاياقشا ماسەلەسىن تۇبىرىنەن شەشۋ كەرەك؛ مەكتەپ باسقارۋ ءتۇزىلىسى مەن وقۋ - اعارتۋدى باسقارۋ رەفورماسىن تەرەڭدەتىپ، وقۋ - اعارتۋ ىستەرى دامۋىنىڭ جاندى ومىرشەڭدىك كۇشىن تولىق جالىنداتىپ، رەفورمانى «جاقسى وقىتۋ»، «جاقسى وقۋ»، «جاقسى باسقارۋدى» نازارعا الا وتىرىپ ىلگەرىلەتىپ، وقۋ - اعارتۋدىڭ ساپاسىن جوعارىلاتۋ كەرەك؛ وقۋ - اعارتۋدىڭ ەكونوميكالىق، قوعامدىق دامۋعا قىزمەت كورسەتۋ قابىلەتىن جوعارىلاتىپ، جوعارى مەكتەپتەردىڭ وڭىرلىك ورنالاسۋىن، ءپان قۇرىلىمىن، كاسىپتەردىڭ جايعاسۋىن رەتتەپ جانە ساپالىلاندىرىپ، پاندەر مەن كاسىپتەردى يكەمدى رەتتەۋ مەحانيزمىن ورناتىپ جانە كەمەلدەندىرىپ، بىرەگەي داشۋەلەر مەن بىرەگەي پاندەر قۇرىلىسىن جەدەلدەتىپ، وندىرىستە، وقىتۋدا، زەرتتەۋدە سەلبەسە جاڭالىق اشۋدى ىلگەرىلەتىپ، جاڭالىق اشۋدى جەتەكشى ەتكەن دامۋ ستراتەگياسىنىڭ اتقارىلۋىنا بەلسەنە ات سالىسىپ، جاڭاشىل، جان - جاقتىلى، بىلىكتى دارىندىلار تاربيەلەۋگە باسا نازار اۋدارۋ كەرەك؛ وقۋ - اعارتۋدىڭ ەسىك اشۋىن كەڭەيتىپ، دۇنيە جۇزىندەگى ماڭداي الدى بايلىقتارمەن جوعارى دەڭگەيلى سەلبەسە ءبىلىم بەرۋدى قانات جايدىرىپ، ەلىمىز وقۋ - اعارتۋىنىڭ دۇنيە جۇزىندەگى ىقپال قۋاتىن جوعارىلاتۋ كەرەك.   «جاڭا مەن كونەنىڭ اۋىسۋى كۇندەردىڭ وتۋىمەن توقىراپ قالمايدى». باس شۋجي شي جينپيڭنىڭ وقۋ - اعارتۋ جونىندەگى مەملەكەتتىك ماجىلىستە سويلەگەن ماڭىزدى ءسوزىنىڭ رۋحىن مۇقيات ۇيرەنىپ جانە دايەكتىلەندىرىپ، وقۋ - اعارتۋ زاڭدىلىعىنا، دارىندىنىڭ جەتىلۋ زاڭدىلىعىنا قۇرمەت ەتىپ، وقۋ - اعارتۋ ءتۇزىلىسى رەفورماسىندا جاڭالىق اشۋدى بار كۇشپەن ىلگەرىلەتە بىلسەك، ءبىز، ءسوز جوق، ومىرشەڭدىككە تولى، ونىمدىلىككە باي، اناعۇرلىم اشىق، جوعارى ساپالى دامۋعا ءتيىمدى وقۋ - اعارتۋ ءتۇزىلىسى مەن مەحانيزمىن ورناتا الامىز، ءبىزدىڭ وقۋ - اعارتۋىمىز دا، ءسوز جوق، حالىقتى اناعۇرلىم رازى ەتە تۇسەدى.  (شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە