جاڭا حابارلار

اۆتونوميالى رايوندىق 9 - كەزەكتى از ۇلتتاردىڭ ءداستۇرلى دەنە تاربيە - سپورت جينالىسى باستالدى

    كەلۋ قاينارى: شينجياڭ گازەتى    2018-09-17 19:24:35  

لي پىڭشين باستالعاندىعىن جاريالادى

9 - ايدىڭ 15 - كۇنى ايگىلى ءانشى ليۋ يۋانيۋان باستالۋ سالتىندا «تيانشان پەرزەنتتەرىنىڭ جۇرەگى پارتيا دەپ سوعادى» ءانىن ورىنداۋدا.
اۆتونوميالى رايوندىق 9 - كەزەكتى از ۇلتتاردىڭ ءداستۇرلى دەنە تاربيە - سپورت جينالىسى 9 - ايدىڭ 15 - كۇنى قۇلجا قالاسىندا باستالدى.
سۋرەتتى ءتىلشىمىز زوۋ ي تۇسىرگەن

 تىلشىلەرىمىز لي ياڭ، دۇڭ لياڭ، جاڭ تيڭ 9 - ايدىڭ 15 - كۇنى قۇلجادان حابارلايدى. دەنە تاربيە سالتاناتتى جينالىسىندا باس قوسىلىپ، ىنتىماق جىرى جازىلدى. اۆتونوميالى رايوندىق 9 - كەزەكتى از ۇلتتاردىڭ ءداستۇرلى دەنە تاربيە - سپورت جينالىسى 9 - ايدىڭ 15 - كۇنى تۇستەن بۇرىن قۇلجا قالاسىندا باستالدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين باستالۋ سالتىنا قاتىناستى.
  ساعات 10 نان 20 مينۋت وتكەندە، اۆتونوميالى رايوندىق 9 - كەزەكتى از ۇلتتاردىڭ ءداستۇرلى دەنە تاربيە - سپورت جينالىسىنىڭ باستالۋ سالتى رەسمي باستالدى. ىلە قازاق اۆتونوميالى وبلىسىنىڭ بايگە الاڭى دۋماندى بەينەگە شومدى، ءارقايسى ايماق، وبلىس، قالالاردان جانە شينجياڭ ءوندىرىس - قۇرىلىس بيڭتۋانىنان كەلگەن جالپى 16 دەنە تاربيە ۋاكىلدەر ۇيىرمەسىنىڭ سپورت ساڭلاقتارى تاسقىنداعان رۋحپەن الاڭعا كىردى.
  ساعات 11 مولشەرىندە لي پىڭشين سپورت جينالىسىنىڭ باستالعاندىعىن جاريالادى.
  سوڭىنا الا تارتىمدى ادەبيەت - كوركەمونەر كونسەرتى باستالدى. كونسەرت «پارتياعا العىس ايتۋدى، پارتيانىڭ سوزىنە قۇلاق اسۋدى، پارتياعا ىلەسۋدى» نەگىزگى تاقىرىپ ەتىپ، «انار پىستى»، «ساحارا جىرى»، «ءار ۇلت پەرزەنتتەرىنىڭ جۇرەگى پارتيا دەپ سوعادى» سىندى 3 تاراۋعا ءبولىنىپ، شينجياڭداعى ءار ۇلت پەرزەنتتەرىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە اناردىڭ دانىندەي تىعىز ۇيىسىپ، كورىكتى شينجياڭ قۇرۋ، وتان ارمانىن بىرگە ورىنداۋ اسىل ارمانىن، اسقاق جىگەرىن ايگىلەدى. تۇتاس كونسەرت ءداستۇر مەن وسى زامان فاكتورىن ۇتىمدى توعىستىرىپ، جۇڭحۋا مادەنيەتىنىڭ دارقان رۋحىن تولىق ايگىلەدى. ونىڭ ارالىعىندا تاعى اتكەنشەك، كوكپار، قىزقۋار، ات ۇستىندە ساداق تارتۋ، پالۋان، سونداي - اق فۋتبول، باسكەتبول سياقتى رايونىمىزداعى ءار ۇلت بۇقاراسى ۇناتاتىن ءارى كەڭ كولەمدە قاتىناساتىن دەنە تاربيە - سپورت تۇرلەرى ءار قىرىنان كورسەتىلىپ، ادامداردىڭ سەزىمدەرىن تاسىتىپ، كوڭىلدەرىن كولدەي تولقىتتى.
  وسى كەزەكتى سپورت جارىسىندا ات ويىنى، ساداق تارتۋ سياقتى 16 ۇلكەن ءتۇر، 130 شاعىن ءتۇر جانە ءماررا دوپ، داۋاز سياقتى 8 ويىن كورسەتۋ تۇرلەرى ورنالاستىرىلدى، جالپى 2023 سپورتشى، باپكەر، تورەشى جارىسقا قاتىناستى. تۇتاس رايونىمىزدا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرۋ، تياناقتاندىرۋداي ماڭىزدى مەزگىلدە، رايونىمىزدىڭ وسى كەزەكتى سپورت جينالىسىن وتكىزۋى ءارى دەنە تاربيە ىستەرىنىڭ دامۋ ناتيجەسىن ايگىلەپ، جالپى حالىقتىق دەنە شىنىقتىرۋ قيمىلىن جالپىلاستىردى ءارى شينجياڭنىڭ قوعام ورنىقتىلىعىنىڭ، ەكونوميكالىق دامۋىنىڭ، ۇلتتار ىنتىماعىنىڭ، حالقىنىڭ شات - شادىمان ءومىر كەشۋىنىڭ تاماشا جاعدايىن ايگىلەدى، ول جۇڭحۋا ۇلتىنىڭ ورتاق تۇلعا تانىمىن اناعۇرلىم بەكەمدەپ، ءار ۇلت كادر - بۇقاراسىن زەيىن - زەردەسى مەن كۇش - قۋاتىن اناعۇرلىم ۇيىستىرۋعا جەتەكتەپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ۇلى امالياتىنا بەلسەنە ات سالىسۋىمىزعا پايدالى.
  اۆتونوميالى رايوننىڭ ورىنباسار ءتوراعاسى جاروللا يسامدين باستالۋ ءسوزىن سويلەدى. اۆتونوميالى رايوننىڭ جانە شينجياڭ اسكەري رايونىنىڭ باسشىلارىنان دۇڭ شينگۋاڭ، ءمۇتالىپ وبۇل، ءمۇتالىپ مامەتتوحتى، عايرات ءومار باستالۋ سالتىنا قاتىناستى.


بەرىپ كەت ورامالىڭدى

دوستار

الىستاعى اق ەركە