جاڭا حابارلار

رايونىمىزدىڭ تەحنيكالىق جۇمىسشىلار وقۋ-اعارتۋى ءۇرتىس جەدەل دامدى

    كەلۋ قاينارى: شينجياڭ حالىق راديو ىستانسياسى    2018-09-11 11:05:32  

ستانسيامىزدىڭ حابارى: ءتىلشىنىڭ اۆتونوميالى رايوندىق تەحنيكالىق جۇمىسشىلار وقۋ-اعارتۋ وداعىنىڭ 2018-جىلعى جىلدىق ماجىلىسىنەن ۇعىسۋىنا قاراعاندا: سوڭعى جىلداردان بەرى، رايونىمىزدىڭ تەحنيكالىق جۇمىسشىلار وقۋ-اعارتۋى ءۇرتىس جەدەل دامىپ، 2017-جىلدىڭ سوڭىنا دەيىن، تۇتاس رايونىمىزداعى تەحنيكالىق مەكتەپتەردىڭ جالپى سانى 98 گە جەتىپ، وقىتۋشى قىزمەتكەرلەردىڭ سانى 10 مىڭنان، مەكتەپتەگى وقۋشىلاردىڭ سانى 80 مىڭنان اسىپ، « 12-بەسجىلدىق» پىلان كەزىندەگىدەن ەكى ەسەدەن ارتىق كوبەيگەن. تەحنيكالىق مەكتەپتەردىڭ وقىتۋ دەڭگەيى دە ءۇرتىس جوعارىلاپ، وقىتۋ كولەمى ۇزدىكسىز كەڭەيگەن.
تەحنيكالىق جۇمىسشىلار وقۋ-اعارتۋى حالىقتىق وقۋ-اعارتۋ جۇيەسى مەن ادام كۇشى بايلىعىن اشۋدىڭ ماڭىزدى قۇرامداس بولەگى. سوڭعى جىلداردان بەرى، رايونىمىز وسىزامان تەحنيكالىق تاربيەسىن جەدەل دامىتتى. ءبىر جاعىنان وقىتۋشىلاردى جەتىلدىرۋ قاراجاتىنا قوسىلاتىن قارجىنى كوبەيتىپ، تىرەكتى وقىتۋشىلاردى تاربيەلەپ، وقىتۋشىلاردىڭ «قوس كۋالىك» ءتۇزىمىن، ياعني وقىتۋشىلىق تولىمدىلىعى كۋالىگى، كاسىپتىك ونەر تولىمدىلىعى كۋالىگى ءتۇزىمى سياقتى شارالاردى جاپپاي اتقارىپ، «نازاريا مەن امالياتتى ءبىر تۇلعالاندىرعان» وقىتۋشىلار قوسىنىن جەتىلدىرىپ، وقۋ-اعارتۋ، وقىتۋ ساپاسىن جوعارىلاتتى؛ ەندى ءبىر جاعىنان، اۆتونوميالى رايوننىڭ ءتۇيىندى كاسىپتەردى دامىتۋ جوباسىن ارقاۋ ەتىپ، كاسىپتىك ساباقتار قۇرىلىسىن كۇشەيتىپ، تۇتاس رايونىمىزداعى تەحنيكالىق مەكتەپتەردە قازىر 100 دەن استام كاسىپتى اشتى، بۇل اۋىل شارۋاشىلىعى، ونەركاسىپ جاساۋ كاسىبى، ساياحات قىزمەت وتەۋ كاسىبى، توقىما، كيىم-كەشەك سياقتى سالالاردى قامتىپ، اسا مول جوعارى ساپالى ونەر دارىندىلارىن جەتىلدىردى. ونەر جاعىنان تاربيەلەپ كەدەيلىكتەن قۇتىلدىرۋدى دەمەۋ رايونىمىزداعى تەحنيكالىق جۇمىسشىلار وقۋ-اعارتۋىنىڭ ساۋلەلەندىرگەن ماڭىزدى رولدارىنىڭ ءبىرى، سوڭعى جىلداردان بەرى، رايونىمىز كەدەي جان سانى نەداۋىر شوعىرلانعان وڭتۇستىك شينجياڭنىڭ ءۇش ايماق، ءبىر وبلىسىندا ىلگەرىندى-كەيىندى ءتورت تەحنيكتەر شۋەيۋانى مەن ءبىر جوعارى دارەجەلى تەحنيكالىق جۇمىسشىلار مەكتەبىن قۇردى، ءارى كومەكتەسىپ سۇيەمەلدەۋ ۇلگىسىن جاڭالاپ، اۆتونوميالى رايونداعى ءتۇيىندى تەحنيكالىق مەكتەپتەردى وڭتۇستىك شينجياڭداعى 27 تەحنيكالىق مەكتەپتە بولىمشە مەكتەپ قۇرۋعا ۇيىمداستىردى. باسقارۋشىلار مەن كاسىپتىك وقىتۋشىلاردى جىبەرىپ، جەرگىلىكتى ەرەكشە ءتۇيىندى كاسىپتەردى جاراتۋ سياقتى شارالار ارقىلى، وڭتۇستىك شينجياڭداعى تەحنيكالىق مەكتەپتەردەگى وقۋشىلاردىڭ سانىن بارىنشا ارتتىرىپ، قوعامدىق تاربيەلەۋ قۋاتىنءونىمدى ارتتىرىپ، وڭتۇستىك شينجياڭداعى اناعۇرلىم كوپ كەدەي وتباسىلارىنداعى ەڭبەككۇشتەردىڭ ونەر ۇيرەنۋ، ورنىقتى كاسىپتەنۋ ارقىلى كەدەيلىكتەن قۇتىلۋىنا كومەكتەستى. 2017-جىلى بۇكىل رايونىمىزداعى تەحنيكالىق مەكتەپتەردە اشىلعان قوعامدىق تاربيەلەۋگە قاتىناسقان ادام سانى 200 مىڭ ادام رەتكە تاياپ، تەحنيكالىق مەكتەپتەردەن بىتىرگەن وقۋشىلاردىڭ كاسىپتەنۋ مولشەرى %97 تى ساقتادى.


بەرىپ كەت ورامالىڭدى

دوستار

الىستاعى اق ەركە