جاڭا حابارلار

رايونىمىز ايگىلى ساياحات ماركاسىن بەلسەنە جاراتىپ، ساياحات كاسىبىنىڭ وزەكتى باسەكەلىك قۋاتىن اناعۇرلىم جوعارىلاتتى

    كەلۋ قاينارى: شينجياڭ حالىق راديو ىستانسياسى    2018-09-10 16:26:18  

ستانسيامىزدىڭ ءتىلشىسى جين لەي، ەرىكتى ءتىلشى جيڭ ۋىن، ۋاڭ جينشياداردىڭ حابارى: رايونىمىزدىڭ جەر-جەرى جاراتىلستىق ەكولوگيا جانە ەرەكشە مادەنيەتتى ارقاۋ ەتىپ، ساياحات ايگىلى ماركاسىن بەلسەنە جاراتىپ، ساياحات كاسىبىنىڭ وزەكتى باسەكەلىك قۋاتىن اناعۇرلىم جوعارىلاتتى.
جاپ-جاسىل جايلاۋ، كوك زەڭگىر اسپان، تۇپ-تۇنىق اۋا، شابىسىنا شاڭ ىلەسپەيتىن تۇلپارلار..... 9-ايداعى نارات جايلاۋىنىڭ تاماشا ەكولوگيالىق ورتاسى شينجياڭنىڭ ءىشى-سىرتىنان كەلگەن قىرۋار ساياحاتشىنى باۋرادى. حۋبەيلىق ساياحاتشى گان مىرزا: «بۇل جەردىڭ ەكى جاعى بيىك تاۋ، ورتاسى جاسىل جايلاۋ، ءتورت تۇلىگى مىڭعىرعان جايىلىم ەكەن، كورىپ قاتتى تاڭ قالدىم، كورىنىسى كوز سۇرىندىرەدى. بۇل جەردىڭ ادامدارى دا ىقىلاستى، ساياحاتتاپ كەلۋگە تاتيتىن تاماشا جەر ەكەن»،-دەدى.
8 ايدان بەرى، نارات كورىنىس رايونى ساياحاتتىڭ قاۋرىت مەزگىلىن قارسى الىپ، ساياحاتشىلاردى قابىلداۋ مولشەرى ورتا ەسەپپەن كۇنىنە 15 مىڭ ادامعا تايادى. مەملەكەتتىك 5A دارەجەلى كورىنىس رايونى بولعان نارات كورىنىس رايونى ءار جىلى قىرۋار قارجى شىعارىپ، ونى ەكولوگيالىق ورتانى قورعاۋعا پايدالاندى. ىلە وبىلىستىق ساياحات مەكەمەسى پارتگرۋپپاسىنىڭ شۋجيى دۇڭ يۇڭچاڭ تىلشىگە، ءمولدىر سۋ، جاسىل تاۋدىڭ ىلە ساياحاتىنىڭ التىن ءارىپتى تانىسقىسى بولعانىن ايتا كەلىپ بىلاي دەدى: «ىلەنىڭ ساياحات بايلىعى وزگەشە، ورنالاسۋى بويىنشا ايتساق، ەش ارلەۋدىڭ دە قاجەتى جوق، ەرەكشە تابيعي، جەرگىلىكتى ورىننىڭ ەرەكشەلىگىن ايگىلەي الادى. ءبىز ءسوز جوق ەكولوگيالىق ورتانى قورعاۋ ــــ ساياحات كاسىبىن دامىتۋداعى ەڭ ءىرى ساياسي ناتيجە دەگەن تانىمدى ءسوز جوق ورناتىپ، وسى بويىنشا دامىتامىز».
كوز سۇرىندىرەرلىك تابيعات كورىنىسىنەن سىرت، رايونىمىزدىڭ مادەنيەت نەگىزى دە مىعىم، ۇلتتىق سالت-ساناسى قويۋ، مول مادەنيەت ساياحات بايلىعى بار. بايىرعى جىبەك جولى بويىنداعى، وتە-موتە وڭتۇستىك شينجياڭ رايونىنداعى جەر-جەر مادەنيەت ساياحات بايلىعىن ۇزدىكسىز اشىپ جانە بىرىكتىرىپ، وزگەشە ەرەكشەلىككە يە ساياحات كاسىبى جۇيەسىن قۇردى. اۋات اۋدانىندا، مەملەكەتتىك 4A دارەجەلى كورىنىس رايونى ــ دولان تايپاسى كورىنىس رايونى وزگەشە دولان مادەنيەتى بايلىعىنان پايدالانىپ، جەر-جەردەن كەلگەن ساياحاتشىلارى دولان ءان-ءبيىن، اتەش تالاستىرۋ، قوشقار ءسۇزىستىرۋ ويىنىن كورىپ، ءتۇرلى ءدامدى تاعامداردان اۋىز تيىۋگە باۋرادى. دولان تايپاسى كورىنىس رايونىنىڭ باس جوراسى ۋاڭ شياۋپيڭ بىلاي دەدى: « ءبىز جان-جاقتان قارجى توپتاپ، قارجىلاندىرۋ تەبىنىن ارتتىرىپ، ءىشنارا جاڭا نىسانداردى ىسكە قوسىپ، دولان مادەنيەتى مەن دەنە-تاربيەنى، ساياحاتتى توعىستىرىپ، اناعۇرلىم كوپ ساياحاتشى قاتىناساتىن، ءوزارا اۋىس-كۇيىس جاسايتىن نىسانداردى كوبەيتتىك».
جەكە كولىگىمەن ساياحاتتاۋدىڭ ۇزدىكسىز دامۋىنا ساي، جەر-جەردىڭ جەكەلىك اۆتوكولىككە قىزمەت وتەۋ قۇرىلعىلارى مەن قىزمەت وتەۋ جۇيەسى ۇزدىكسىز كەمەلدەنىپ، جەكە كولىگىمەن ساياحاتتاۋشىلارعا ارنالعان ونىمدەردە كۇن سايىن مولايدى. 7-ايدىڭ باسىندا، مايتاۋ-كۇشار تاسجولىنىڭ بويىنداعى 5 ايماق، وبىلىس، قالا مايتاۋ-كۇشار تاسجولى ساياحاتىنىڭ تيجارات-ساتۋ وداعىن بىرلەسىپ قۇرىپ، جول بويىنداعى ساياحات قۇرىلعىلارىن كەمەلدەندىرىپ، سىرتقا ءبىرتۇتاس تانىستىرۋ، تيجارات ەتۋ-ساتۋ ارقىلى، مايتاۋ-كۇشار تاسجولىندا جەكە كولىگىمەن ساياحاتتاۋ ايگىلى ماركاسىنىڭ داڭقىن اسىردى. اقسۋ ايماقتىق ساياحات مەكەمەسىنىڭ باستىعى ءداي شىڭجۇن بىلاي دەدى: «ءبىز مايتاۋ-كۇشار تاسجولىنىڭ ساياحات التىن لەنياسىنا ۇشتاستىرىپ، قاربالاس تەكسەرۋ-زەرتتەۋ جۇرگىزىپ، جەكە كولىگىمەن ساياحاتتاۋعا، ۇيشە كولىك ساياحاتىنا قاتىستى ءتيىمدى ساياساتتاردى بەلگىلەدىك. تاعى لەنيا بويىنداعى ساياحات ءونىم تۇرلەرىن جوبالاپ، ۇيشە كولىك بازاسى قۇرىلىسىن جۇرگىزىپ، بىرلەسىپ ۇگىتتەپ، جالپىلاستىرىپ، ساياحاتشى بايلىعىن ءوزارا جەتكىزۋ سياقتى جاقتاردا بىرلەسىپ جانە سايكەسىپ، ساياحاتتى دامىتۋدىڭ تىڭ داستانىن بىرگە جازامىز».
سونىمەن بىرگە، جەر-جەر، تاراۋلار بەلسەنە جۇمىس ىستەپ، ساياحات كاسىبىن دامۋىتۋدىڭ نەگىزىن بەكەمدەدى. 4-ايدان بەرى، شينجياڭ تەمىرجول تاراۋى ىركەس-تىركەس سولتۇستىك شينجياڭدى اينالىپ ساياحاتتاۋ، وڭتۇستىك شينجياڭدى تاماشالاۋ، دۇنحۋاڭدا كەزدەسۋ سياقتى ساياحات ارناۋلى پويەزىن ءبىر مىڭ 100 رەت قاتىناتىپ، 450 مىڭ ادام رەتتەن ارتىق ساياحاتشى تاسىمالدادى. سونىمەن بىرگە، رايونىمىزعا كەلگەن ارناۋلى ساياحات پويەزى دا 100 گە جەتتى. رايونىمىزعا كەلگەن 100-رەتكى ساياحات پويەزىنىڭ باستىعى يان في بىلاي دەدى: « تەك ءبىزدىڭ جۇڭگو تەمىرجولى ءتاي-يۋان مەكەمەسىنىڭ ءوزى 60 عا جۋىق ساياحات پويەزىن قاتىناتتى، وسى ساياحات پويەزى تۇگەل شينجياڭعا كەلدى، جايشىلىقتا ون كۇن اينالاسىندا ءبىر رەت ساياحات پويەزى قاتىنايدى، ساياحاتتىڭ قاۋىرت مەزگىلىندە ەكى ــ ءۇش كۇندە ءبىر رەت قاتىنايدى، ءار جولعى ساياحات پويەزى نەگىزىنەن ساياحاتشىعا لىق تولادى».
جاقىندا اشىلعان اۆتونوميالى رايوندىق ساياحاتتى دامىتۋ جينالىسى ايگىلى ماركا جاراتىپ، تابيعي ەكولوگيا مەن ەرەكشە مادەنيەتتى ارقاۋ ەتىپ، «ءىرى» جانە «كوركەم» بولۋ سىندى ەكى ءتۇيىندى كورنەكتىلەندىرىپ، كۇش-قۋاتتى شوعىرلاندىرىپ، «شينجياڭ جاقسى جەر» وزگەشە ماركاسىن جاراتىپ، شينجياڭ ساياحاتىنىڭ ايقىن بەلگىسىن قالىپتاستىرىپ، ساياحاتتىڭ تۇتاس تۇلعالىق وبرازىن ارتتىرۋ كەرەكتىگىن العا قويدى. اۆتونوميالى رايوندىق ساياحاتتى دامىتۋ كوميتەتى جوبالاۋ باسقارماسىنىڭ باستىعى جاڭ چۇنميڭ، قازىر رايونىمىزدىڭ العاشقى ادىمدا قالىپتاستىرعان 5A دارەجەلى كورىنىس رايونىن جەتەكشى ەتكەن ساياحاتتاعى نىسانالى ورنىن قۇرۋ جۇيەسىنىڭ، ءونىم ماركاسى ونىمدىلىگىنىڭ بارعان سايىن كورنەكتىلەنگەنىن ايتا كەلىپ، بىلاي دەدى: «قاناس بولعاندىقتان، التايدا مىڭ شاقىرىمدىق كورىنىس داليزى قالىپتاستى، تيانشان ۇلكەن شاتقالى بولعاندىقتان، نانشان كورىنس رايونىن ساياحاتتاۋ جاعدايى جارىققا شىقتى. الدا 5A دارەجەلى كورىنس رايونىن قۇرىپ، وزەكتى كورىنس رايونى ارقىلى ماڭىنداعى كورىنس رايونداردى جەتەكتەپ، وزىندىك ەرەكشەلىككە يە ساياحاتتاعى نىسانالى ورىنداردى قالىپتاستىرامىز».


بەرىپ كەت ورامالىڭدى

دوستار

الىستاعى اق ەركە