جاڭا حابارلار

شينجياڭداعى كاسىپورىندار «ءبىر بەلدەۋ، ءبىر جول» دارىپتەمەسى سىندى ورايدى مىقتى يگەرىپ، حالىقارالىق بازاردى جەدەل كەڭەيتتى

    كەلۋ قاينارى: شينجياڭ حالىق راديو ىستانسياسى    2018-09-10 16:19:44  

ستانسيامىزدىڭ ءتىلشىسى لي لۇڭنىڭ حابارى: «ءبىر بەلدەۋ، ءبىر جول» دارىپتەمەسى ورتاعا قويىلعان بەس جىلدان بەرى، شينجياڭ كاسىپورىندارى وسى ءبىر تاريحي ورايدى مىقتى يگەرىپ، حالىقارالىق بازاردى ۇزدىكسىز اشتى.
بىرنەشە كۇننەن بەرى، ەرەكشە ترانسفورماتور شينجياڭ ترانسفورماتور زاۆودىنىڭ باس قۇراستىرۋ سەحىندە، سەح مەڭگەرۋشىسى لۋ يانكاي تەحنيكتەردى باستاپ، جۋىردا تاجىكستانعا جونەلتىلەتىن ءبىر توپ ترانسفورماتوردى سوڭعى رەت سىناپ تەكسەرۋ قىزمەتىن ىستەدى. لۋ يانكاي: «شەتەلدىڭ نىسان تاپسىرىسى كەلەر جىلى 3-ايىنا دەيىن ءتىزىلدى. وسى نىسانداردىڭ بارلىعى ءتۇيىندى نىساندار، سوندىقتان، قازىر ءبىز وسى ونىمدەردىڭ ساپاسىنا كۇش سالا كەپىلدىك ەتىپ، سارا ونىمدەردى شەتەلگە شىعارامىز»،-دەدى.
ەرەكشە ترانسفورماتور شەكتى جارنا سەرىكتەستىگى رايونىمىزدا حالىقارالانعان ستراتەگيانى نەداۋىر ەرتە اتقارعان كاسىپورىن، وتكەن عاسىردىڭ 90-جىلدارىنىڭ سوڭىندا، سەرىكتەستىكتىڭ ترانسفورماتور ونىمدەرى ا ق ش، رەسەي سياقتى ەلدەرگە ەكسپورت ەتىلە باستادى. «ءبىر بەلدەۋ، ءبىر جول» دارىپتەمەسى ورتاعا قويىلعاننان كەيىن، ەرەكشە ترانسفورماتور سەرىتكەستىگى ورايدى مىقتى يگەرىپ، بازارىن ورتا ازيادان وڭتۇستىك ازياعا، ودان افريكا مەن وڭتۇستىك امەريكاعا دەيىن كەڭەيتتى. سونىمەن بىرگە، سەرىكتەستىكتىڭ كاسىبى دە ترانسفورماتوردىڭ جۇيەلى نىساندارىنان ەلەكتر جەتكىزۋ، كەرنەۋ اۋىستىرۋ ينجەنەرياسىن كوتەرمەگە الۋعا، ودان وت ەلەكتر، وپتيكالىق ۆولت نىساندارىنا دەيىن دامىدى. حالىقارالىق بازاردى اشۋ بارىسىندا، ەرەكشە ترانسفورماتور سەرىكتەستىگى جۇڭگو جابدىعى، جۇڭگونىڭ قىزمەت وتەۋى سياقتى تۇتاس تۇلعالىق ەكسپورتتى باستاپ، قاتىستى كاسىپتەردىڭ دامۋىن جەبەدى.
سەرىكتەستىكتىڭ باس القاسى جاڭ شين: «ەلىمىزدىڭ جوعارى كەرنەۋلى ايىرىپ-قوسقىش، يزولياتورلىق ماتەريال، ەلەكتر بولات، ەرەكشە بولات، ءار ءتۇرلى كرەمني جاپىراقشاسى، چيپ جانە ۇساق بولشەكتەردى تۇتاستاي ەكسپورت ەتۋدى جەتەكتەدىك. سونىمەن بىرگە، ءتۇرلى دارىندى جانە ەڭبەككۇشتەردەن بەس مىڭداي ادام «ءبىر بەلدەۋ، ءبىر جول» بويىنداعى ەلدەردە كاىسپتىك جۇمىستاردى ورىستەتىپ وتىر. بۇرىن ءبىر ا ق ش دوللارىندىق ءونىم ەكسپورت ەتسەك، قازىر قىزمەت وتەۋ كاسىبىنىڭ تۇتاس تۇلعالىق ەكسپورت ەتىلۋ مولشەرىن بەس ەسەدەن ارتتىردىق، ءبىزدىڭ تەحنيكا، جوبا، ينجەنەريانى باقىلاۋ-باسقارۋ، قىزمەت وتەۋ كاسىبى ارقىلى كىرىس كىرگىزۋ مولشەرىمىز گەومەتريالىق قاتار بويىنشا ارتۋدا»،-دەدى.
«ءبىر بەلدەۋ، ءبىر جول» دارىپتەسى ورتاعا قويىلعاننان كەيىن، شينجياڭ مەملەكەت ەنەرگيا قاينارىنىڭ قۇرىلىقتاعى كەڭ ارنا قۇرىلىسىن جەدەل ىلگەرلەتتى، شينجياڭ بويىنشا تۇڭعىش « سىرتقا شىعىپ» شەتەلدەگى مۇناي-گاز بايلىعىن اشقان حالىقتىق كاسىپورىن رەتىندە-شينجياڭ گۋاڭحۇي ساۋدا-ونەركاسىپ قارجىلاندىرۋ (توبى) شەكتى جاۋاپكەرلىك سەرىكتەستىگى جۋىردا شەتەلدەگى مۇناي-گاز اشۋ سالاسىندا تىڭ ىلگەرلەۋشىلىككە قول جەتكىزدى، سەرىكتەستىكتىڭ پارتيا قۇرىلىسى، مادەنيەت، ۇگىت ءبولىمىنىڭ ورىنباسار باستىعى سۇن تاۋ تانىستىرا كەلىپ بىلاي دەدى:« وتكەن ايدا، ءبىز قازاقستاندا قارجى قوسىپ اشقان زايسان مۇناي-گاز رايونى نىسانى قازاقستاننىڭ بارلاۋدى ءۇش جىل ۇزارتۋ بەكىتۋىنە يە بولدى، ءبىز سوڭعى قىزمەتتەردى شۇعىل ىلگەرلەتەمىز. قازىرگە دەيىن، زايسان مۇناي-گاز رايونى نىسانى بويىنشا جالپى 2 ميلليارد 234 ميلليون تەكشەمەتر ءتابيعي گاز ءوندىرىلدى جانە جەتكىزىلدى. «ءبىر بەلدەۋ، ءبىر جول» قۇرىلىسىنىڭ تىڭ كەزەڭگە وتۋىنە بايلانىستى، گۋاڭحۇي ەنەرگيا سەرىكتەستىگى دامۋ ورايىن مىقتى يگەرىپ، حالىقارالىق ەنەرگيا سەلبەستىگىنە قاتىناسىپ، جەتىلۋ قۋاتى ەڭ كۇشتى حالىقارالىق ەنەرگيا سيپاتىنداعى سەرىكتەستىككە اينالۋعا قۇلشىنادى».
«ءبىر بەلدەۋ، ءبىر جول» ناۋقانىنا بايلانىستى، شيجياڭ جينفىڭ عىلىم-تەحنيكا شەكتى جارنا سەرىكتەستىگىنىڭ حالىقارالىق بازاردى اشۋ تەبىنى بۇرىنعىدان دا ارتىپ، كولەمى اناعۇرلىم كەڭەيدى. سەرىكتەستىكتىڭ باس القاسى ۋ گاڭ:« بيىل ءبىز پاكيستاندا كەيبىر تىڭ نىساندار جونىندە كەڭەس وتكىزۋدەمىز، تايلاند، اۆستراليا، ارگەنتيناداعى نىسانداردى جالعاستى ىلگەرلەتەمىز، قۇرىلىس جۇمىسى قازىر باستالىپ كەتتى، چيليدەگى نىسان قۇرىلىسى دا باستالۋ الدىندا تۇر، برزيلدەگى ءبىر قىزمەت وتەۋ نىسانى دا باستالىپ كەتتى، سونىمەن بىرگە وڭتۇستىك افريكاداعى ءبىر نىسان قۇرىلىسى ءتورتىنشى توقساندا باستالماقشى. قازىر ءبىز «ءبىر بەلدەۋ، ءبىر جولدى» نەداۋىر تەز ىلگەرلەتۋدەمىز، جۇڭگونىڭ قازىر ەكسپورت ەتىپ وتىرعان جەل ەلەكتر جابدىقتارىمەن قىزمەت وتەۋىنىڭ %60 تەن استامىن جينفىڭ عىلىم-تەحنيكاسى يەلەيدى»،-دەدى.
«ءبىر بەلدەۋ، ءبىر جول» دارىپتەمەسىنىڭ ۇزدىكسىز تەرەڭدەۋىنە بايلانىستى، رايونىمىز كاسىپورىندارى «سىرتقا شىعۋ» اياق الىسىن تەزدەتىپ، ماركا قۇرىلىسىن كۇشەيتىپ، تەحنيكا دەڭگەيىن جوعارىلاتىپ، «ءبىر بەلدەۋ، بىر جول» لەنياسى بويىنداعى مەملەكەتتەر بازارىنا ىشكەرلەي ەنىپ، بارىس-كەلىس پەن سەلبەستىكتى بۇرىنعىدان دا تەرەڭدەتتى. قازىرگە دەيىن، ەرەكشە ترانسفورماتور سەرىكتەستىگى بۇكىل دۇنيە جۇزىندە 104 جۇمىس ورنىن ورنالاستىردى، ونىڭ ونىمدەرى 70 نەشە مەملەكەت پەن رايونعا كىردى؛ باۋگاڭ بولات-تەمىر توبى شينجياڭ 1-تامىز بولات-تەمىر شەكتى سەرىكتەستىگىنىڭ سۋىقتاي قالىپتاعان بولات ورامى جۇڭگو-ەۆروپا كەزەكشى پويەزىمەن ورتا ازيا جانە رەسەي بازارىنا جونەلتىلدى؛ شينجياڭ جۇڭتاي توبى سەرىكتەستىگى وندىرگەن PVC، كۇيدىرگىش ءسىلتى رەسەي سياقتى 80 نەشە مەملەكەت پەن رايونعا ەكسپورت ەتىلدى، سونداي-اق تاجىكستاندا اۋىل شارۋاشىلىعى مەن توقىما بويىمدارى نىساندارىنا قارجى قوسىپ، «قوس باعىتتاعى حالىقارالانعان» دامۋ جۇلگەسىن قالىپتاستىردى.


بەرىپ كەت ورامالىڭدى

دوستار

الىستاعى اق ەركە