جاڭا حابارلار

رايونىمىز ەكولوگيالىق اينالمالى اۋىل شارۋاشىلىعىن دامىتۋ، سۇرىپتاپ ەگۋ تەحنيكاسىن جالپىلاستىرىپ، وسىزامانعى اۋىل شارۋاشىلىعىنىڭ جاسىل دامۋىن جەبەدى

    كەلۋ قاينارى: شينجياڭ حالىق راديو ىستانسياسى    2018-09-08 12:27:56  

ستانسيامىزدىڭ ءتىلشىسى لەي ميڭ، ەرىكتى ءتىلشى ۋاڭ جۋان، دۋ شينفا، مىڭ شياڭيۇيلەردىڭ حابارى: باس شۋجي شي جينپيڭ: «بازار قاجەتى بەتالىسىنان جازباي، اۋىل شارۋاشىلىعى ونىمدەرىنىڭ قامداۋ ساپاسىن جوعارىلاتۋعا كۇش سالىپ، باياندى دامۋعا باسا نازار اۋدارىپ، جاسىل،ساپالى، زالالسىز اۋىل شارۋاشىلىق ونىمدەرىمەن قامداۋ تەبىنىن كۇشەيتۋ كەرەك»،ـ دەپ اتاپ كورسەتتى. كەزەكتە رايونىمىز ەكولوگيالىق اينالمالى اۋىل شارۋاشىلىعىن دامىتۋ، سۇرىپتاپ ەگۋ، دەرت-دەربەز بەن زياندى جاندىكتىڭ الدىن الۋدىڭ جانە ونى مەڭگەرۋدىڭ جاسىل تەحنيكاسىن جالپىلاستىرىپ، وسىزامانعى اۋىل شارۋاشىلىعىنىڭ جاسىل دامۋىن جەبەدى.
قۇتىبي اۋدانى تاسباسپالداق اۋىلىنىڭ ەگىن-مال شارۋاشلىق ەكولوگيالىق اينالمالى اۋىل شارۋاشىلىعى كاسىپ باقشاسىنا بارساڭىز، 3 مىڭ مۋدان استام جوڭىشقانىڭ جايقالىپ ءوسىپ تۇرعانىن، جوڭىشقالىققا جاقىن ماڭدا، جۇزدەن استام سويىس سيىرىنىڭ ولشەمدەنگەن باعىمشىلىق بازاسىندا باعىلىپ جاتقانىن كورەسىز. بۇل قۇتىبي اۋدانىنداعى «جالىن» باعىمشىلىق كاسىبى شارۋالار سەلبەستىك كوپەراتيۆىنىڭ جەرگىلىكتى ۇكىمەتتىڭ باستاماشىلىعىندا اشقان «ەگمشىلىك،باعىمشىلىق +» ەكولوگيالىق اينالمالى اۋىل شارۋاشىلىعىنىڭ باعىمشىلىق ۇلگىسى سانالادى. كوپەراتيۆتىڭ جاۋاپتىسى ليۋ حۇيساي تىلشىگە ەسەپ جاساپ كورسەتىپ، بىلاي دەدى: اينالمالى اۋىل شارۋاشىلىعىن دامىتقاندا، جىلىنا 210 مىڭ يۋاننىڭ تىڭايتقىش اقىسى ۇنەمدەلەدى، كوپەراتيۆىمىزدىڭ ءبىر كيلوگرام سيىر ەتىنىڭ باعاسى بازار باعاسىنان 20 يۋان جوعارى تۇرادى، الداعى جەردە «ەگىمشىلىكتەن باعىمشىلىق،باعىمشىلىقتان اۋىل شارۋاشىلىق ونىمدەرىن قۇنىتتاپ مانەرلەۋ» سىندى اينالمالى شارۋاشىلىقتى جاپپاي جالپىلاستىرامىز. 2018-جىلى، ءبىز جىلىنا 50 مىڭ توننا جەم-ءشوپ مانەرلەيتىن جابدىق ساتىپ الدىق، بۇل جابدىق 10-ايدىڭ اياعىندا قۇراستىرىلىپ وندىرىسكە قوسىلادى، ونان سوڭ مالشىلاردىڭ ەككەن جوڭىشقاسىن كوپەراتيۆ ءبىرتۇتاس جيناپ ساتىپ الىپ، مانەرلەپ ساتىپ، وسى ماڭداعى مالشىلاردى كەدەيلىكتەن قۇتىلدىرىپ اۋقاتتاندىرامىز.
«ونىڭ ۇقساماعان 4 الىستان اڭعارۋ ءتۇيىنى بار، قولتەلەفونعا جالعاساڭىز، الىستان اڭعارۋ ءتۇيىنىن پايدالانۋعا بولادى، مىنا جەرى جارىق شىعارعىش....».
بايلىق ۇنەمدەۋگە باسا ءمان بەرۋ ـــ اۋىل شارۋاشىلىعىن جاسىل دامىتۋدىڭ نەگىزگى ەرەكشەلىگى. بۇراتالا قالاسى ۇتىبۇلاق قالاشىعىنىڭ اۋىل شارۋاشىلىق تەحنيكتەرى ماقتا اتىزىندا ديحاندارعا ەگىس اتىزىن تەكسەرۋ جابدىعىن پايدالانۋ ءادىسىن ۇيرەتىپ جاتتى. وسى اسپاپ ارقىلى ديحاندار ماقتا اتىزىنداعى توپىراقتىڭ سۋ قۇرامى مەن تىڭايتقىش جاعدايىن دەر كەزىندە بىلە الادى، ونان سوڭ ساندى مالىمەتتىڭ جانە ماقتانىڭ ءوسۋ جاعدايىنا قاراي قولتەلەفوندا باپتاپ-باسقارۋ جوباسى جاسالادى ەكەن، مۇنىڭ سۋ جانە تىڭايتقىش ۇنەمدەپ، توپىراقتىڭ قۇنارلىلىعىن قورعاۋعا سەپتىگى تيەدى ەكەن. ۇتىبۇلاق قالاشىعىنىڭ عىلىم-تەحنيكاداعى ۇلگىلى وتباسىنىڭ وتاعاسى لۋ جۇنجي بىلاي دەدى : تىڭايتقىش ۇنەمدەۋدىڭ وزىندىك قۇنىن تومەندەتۋدە مۋىنان 50 يۋانداي اقشا ۇنەمدەۋگە بولادى، مىسالى، قانداي ۋاقىتتا قانشالىق سۋ تامشىلاتۋ كەرەك، قانشالىق تىڭايتقىش بەرۋ كەرەك دەگەندەرگە دەيىن انىق كورگەننەن كەيىن، تىڭايقىشتى ماقتا تامىرىنىڭ ماڭىنا دەيىن دارىتىپ، ونىمدىلىگىن جوعارىلاتۋعا ءارى وزىندىك قۇندى تەجەپ، ونىمدىلىكتى ارتتىرۋعا بولادى ەكەن،-دەدى.
ەكولوگيانى قورعاۋعا جانە جەتىلدىرۋگە باسا ءمان بەرۋ ـــ اۋىل شارۋاشىلىعىن جاسىل دامىتۋدىڭ نەگىزگى تالابى. بۇل كۇندەرى، قۇمىل قالاسى ەۋىرعۇل رايونى داچۋانۋان اۋىلىنداعى اۋىل شارۋاشىلىق ماشينالارى كاسىبىمەن شۇعىلدانۋشى جاڭ شين-ي جاڭا عانا ساتىپ العان اتىزداعى سۋلياۋ قالدىعىن جيناپ الۋ ماشيناسىن سىناق ەتىپ جاتتى، بۇل ماشينامەن ءبىر جولدا اتىزداعى كەرەكسىز سۋلياۋ قالدىعىن جيناپ الۋعا جانە داقىل ساباعىن ۇنتاقتاپ اتىزدا قالتىرۋ سىندى ەكى ءتۇرلى جۇمىستى ورىنداۋعا بولادى. ول تىلشىگە بىلاي دەدى: جۇقا سۋلياۋدى جيناپ الاتىن وسى جاڭا ماشينانىڭ جۇمىس ونىمدىلىگى جاقسى ءارى تەز تەرەدى ەكەن، مۇنىمەن بىلعانىشتى ازايتىپ، اقشانى كوپ تابۋعا بولادى؛ ول بىزگە بۇرىنعى جاسىل اتىزىمىزدى قايتارىپ بەرەتىن بولدى،-دەدى.
قازىر قۇمىل قالاسى ماقتا، جۇگەرى، پاميدور، كوكونىس سەكىلدى داقىلداردى ەگۋدە تۇگەلدەي جۇقا سۋلياۋ جابۋ تەحنيكاسىن قولدانىپ وتىر. مۇنىڭ ىشىندە ماقتا اتىزىنا جابىلعان جۇقا سۋلياۋ مولشەرى %100 كە تايادى. 2018-جىلى، قۇمىل قالاسى ەگىس اتىزىنداعى سۋلياۋ قالدىعىن جيناپ الىپ، قايتا كادەگە جاراتۋ مولشەرىن 456 تونناعا جەتكىزىپ، 2020-جىلعا بارعاندا، ەگىس اتىزىنداعى سۋلياۋ قالدىعىن جيناپ الىپ، تولىق كادەگە جاراتۋدى جوسپارلاپ وتىر ەكەن.
ۇعىسۋعا قاراعاندا، جىل باسىنان بەرى، رايونىمىز ەكولوگيانى قورعاۋ قىزىل سىزعىنان اتتاماي، جاسىل دامۋ ارقىلى اۋىل شارۋاشىلىعى ءوندىرىسىنىڭ ساپاسىن جوعارىلاتىپ ونىمدىلىگىن ارتتىرىپ، اۋىل-قىستاقتى كوركەيتۋگە باستاماشىلىق ەتەدى ەكەن. اۆتونوميالى رايوندىق اۋىل شارۋاشىلىعى مەڭگەرمەسى اۋىل-قىستاقتىڭ قورشاعان ورتاسىن قورعاۋ جانە ەنەرگيا دامىتۋ باسقارماسىنىڭ تەكسەرىپ زەرتتەۋشىسى ماحمۇت ابدۇللا بىلاي دەدى:« بىرىنشىدەن، سۋ مەن تىڭايتقىشتى ءبىرتۇلعالاندىرۋ، جۇقا سۋلياۋ استىنان تامشىلاتىپ سۋارۋدى نەگىز ەتۋ سىندى سۋ ۇنەمدەۋ ارەكەتىن؛ ەكىنشىدەن، ورگانيكالى تىڭايتقىش، اۋلا تىڭايتقىشى، جاسىل تىڭايتقىش، داقىل ساباعىن اتىزدا قالتىرۋ، سونداي-اق دەرت-دەربەز، زياندى جاندىكتىڭ الدىن الۋ، ءبىرتۇتاس الدىن الىپ، ءبىرتۇتاس وڭاۋ سىندى حيميالىق تىڭايتقىش پەن ەگىس ءدارىسىن ازايتۋ ارەكەتىن؛ ۇشىنشىدەن، اتىزداعى سۋلياۋ قالدىعىن جيناپ الىپ پايدالانۋ، ءىرى تۇرپاتتى شالشىق گازى ينجەنەرياسى، داقىل ساباعىن تىڭايتقىش ورنىندا پايدالانۋ مەن ەنەرگيالاندىرۋدى نەگىز ەتكەن اۋىل شارۋاشىلىعىنداعى تاستاندى زاتتاردى كادەگە جاراتۋ ارەكەتىن ورىستەتىپ، جاسىل اۋىل شارۋاشىلىعىنىڭ ۇزدىكسىز دامۋى ءۇشىن ءتيىستى ۇلەسىمىزدى قوسۋعا كۇش سالۋىمىز كەرەك».


بەرىپ كەت ورامالىڭدى

دوستار

الىستاعى اق ەركە