جاڭا حابارلار

«ءبىر بەلدەۋ، ءبىر جول» دارىپتەمەسىنىڭ ورايىندا، شينجياڭنىڭ ساۋدا زات اينالىم جۇيەسى قۇرىلىسى جەدەل ىلگەرلەدى

    كەلۋ قاينارى: شينجياڭ حالىق راديو ىستانسياسى    2018-09-07 11:54:59  

ستانسيامىزدىڭ ءتىلشىسى حى بين مەن ايبىن راحمان ۇلىنىڭ حابارى: «ءبىر بەلدەۋ، ءبىر جول» دارىپتەمەسىنىڭ ورايىندا، رايونىمىز وڭىرلىك ابزالدىلىعىنان تولىق پايدالانىپ، ساۋدا ارناسى مەن ءتاسىلىن مولايتىپ جانە كەمەلدەندىرىپ، جىبەك جولى ەكونوميكالىق بەلدەۋىنىڭ وزەكتى رايون ساۋدا زات اينالىم ورتالىعى قۇرىلىسىن جەدەل ىلگەرلەتتى.
ساۋدا سالاسىندا ۇزاق جىل قۇلشىنعان شينجياڭ جۇڭگو-ەۆروپا بىرلەسكەن زات اينالىمى شەكتى سەرىكتەستىگىنىڭ مەڭگەرۋشىسى گو چياڭ قاتىناستىڭ ىركىلسسىزدىگىنىڭ ماڭىزدىلىعىن ىشكەرلەي ءتۇسىندى. الدىڭعى جىلدارى، باتىسقا شەكارادان شىعاتىن تەمىر جول ىركىلىسسىز بولماعاندىقتان، پويەزدىڭ تاسىمال قۋاتى ءالسىز بولدى، الاتاۋ ساعاسى شەكارا وتكەلىندە ءبىر كەزەكشى پويەزگە زات ابدەن تولعاننان كەيىن عانا جولعا شىعىپ وتىردى، وسى بارىستا كۇتۋ مەرزىمى بەلگىسىز ەدى. الايدا بۇگىنگى كۇندە جۇڭگو-ەۆروپا كەزەكشى پويەزى قاتىناپ، گو چياڭ ەندىگارى بۇعان باس قاتىرمايتىن بولدى. ول تىلشىگە، قازىر اناعۇرلىم كوپ شەتەلدىك ساۋداگەردىڭ شينجياڭدا زات ساتىپ الۋدى باستى تالعام ەتكەنىن ايتا كەلىپ: «ولار نەلىكتەن بۇل ارانى تاڭدايدى؟ سەبەبى بىرىنشىدەن، ونىمدەرىمىزدىڭ ساپاسى سالستىرمالى جاقسى، ەكىنشىدەن، جۇڭگو-ەۆروپا كەزەكشى پويەزى ارقىلى تاسىمال ۋاقىتى بارىنشا قىسقاردى»،-دەدى.
كەزەكشى پويەزدىڭ جولعا شىعۋ مەرزىمى تۇراقسىز بولۋدان، قازىرگى ۇدايىلانعان تاسىمالعا، زات مولشەرى شەكتى بولۋدان قازىرگى اپتاسىنا ەڭ كوپ بولعاندا، جۇزدەگەن تيەۋىش قوراپتى جونەلتۋگە دەيىن شينجياڭنىڭ باتىسقا باراتىن كەزەكشى پويەزى قاتىناعاننان بەرى، ماڭىزدىلىعى كۇننەن كۇنگە كورنەكتىلەندى. قازىر شينجياڭنان باتىسقا باراتىن كەزەكشى پويەزدىڭ قاتىناۋ لەنياسى 19 عا جەتىپ، ءار كۇنى تۇراقتى ءۇش كەزەكشى پويەز قاتىناپ، رەسەي، يران، گەرمانيا سياقتى 17 مەملەكەتتىڭ 24 قالاسىنا بارادى. وتكەن اپتانىڭ سوڭىندا، ءۇرىمجى حالىقارالىق قۇرىلىقتىق كەمەجاي رايونى «جۇڭگو-ەۆروپا» كەزەكشى پويەزىنىڭ جيناۋ ورتالىعىن ارناۋلى تانىستىرۋ ءماجىلىسىن قايتالاي وتكىزدى، بۇل بيىل 8-ايدىڭ باسىندا، «چاڭجياڭ اتىراۋى»، «جۋجياڭ اتىراۋى» سياقتى رايونداردا تانىستىرعاننان بەرگى ەكىنشى رەتكى ارناۋلى تانىستىرۋ ءماجىلىسى بولدى. قازىر ەلىمىزدىڭ ءىشى-سىرتىنان 12 كاسىپورىن سەلبەستىك كەلىسىمىن جاساستى. شينجياڭ حالىقارالىق قۇرىلىقتىق كەمەجاي (توبى) شەكتى جاۋاپكەرلىك سەرىكتەستىگىنىڭ ورىنباسار باس مەڭگەرۋشىسى جوۋ كاي بىلاي دەدى: «كەلىسىم مازمۇنىندا، مىسالى كەزەكشى پويەز سەلبەستىگى قامتىلدى. ءبىز ۇرىمجىدە جيناپ، گەرمانياعا جەتكىزەمىز، ونان سوڭ گەرمانيادا جەرگىلىكتى زات اينالىمى كاسىپورىندارى زاتتى وتكىزىپ الادى، سونىمەن بىرگە «چاڭجياڭ اتىراۋىمەن» جانە «جۋجياڭ اتىراۋىمەن» تانىلعان زات اينالىمى كاسىپورىندارىمەن زاتتى جيناۋ كەلىسىمىن جاساسىپ، ولار ءۇرىمجى حالىقارالىق قۇرىلىقتىق كەمەجاي رايونىنىڭ زاتتى جيناۋ قىزمەتىن ىستەيدى».
بەس جىلدان بەرى، شينجياڭ «ءبىر بەلدەۋ، ءبىر جول» دارىپتەمەسىن وراي ەتىپ، ءوزارا بىرلەسۋ، تۇتاسۋدى شىعار ءتۇيىن ەتىپ، ءارقايسى رايوننىڭ زات اينالىم تاسىمالىندا سايكەسىپ سەلبەسۋ مەحانيزمىن جەدەل قۇرۋدى ىلگەرلەتىپ، وڭىرلىك كەدەننەن ءوتۋدى ءبىر تۇلعالاندىرۋدى ىلگەرلەتىپ، حالىقارالىق كەدەننەن ءوتۋ، اۋىستىرىپ تيەۋ، ءتۇرلى ۇلگىدە بىرلەسىپ تاسىمالداۋ سياقتى جاقتاردا تىعىز ۇشتاسۋدى جەبەپ، جوعارى ونىمدىلىكتەگى قولايلى حالىقارالىق تاسىمال ۇلكەن ارناسىن اشىپ، ساۋدا زات اينالىم ورتالىعى قۇرىلىسىنىڭ جەدەل ارناعا ءتۇسۋىن ءونىمدى ىلگەرلەتتى. قورعاس كەدەنىنىڭ ساناعىنا قاراعاندا، 2018-جىلى 1-ايدان 6-ايعا دەيىن، قورعاستان يمپورت-ەكسپورت ەتىلگەن زات تاسىمال مولشەرى 17 ميلليون 44 مىڭ 400 تونناعا جەتىپ، يمپورت-ەكسپورت ساۋدا سوماسى 55 ميلليارد 110 ميلليون يۋان بولىپ، 2017-جىلدىڭ وسى مەزگىلىمەن سالىستىرعاندا، جەكە-جەكە %18.62 جانە %9.01 ارتتى؛ باقتى شەكارا وتكەلى شينجياڭنىڭ ورتا ازيا جانە رەسەي بازارىنا بەتتەگەن وزگەشە ەرەكشەلىككە يە اۋىل شارۋشىلىق ونىمدەرىن يمپورت ەتۋ بازاسىنا، قۇرىلىقتىق ارناعا جانە جيناۋ-تاراتۋ ورتالىعىنا اينالدى؛ پاكيستاننىڭ تەڭىز ونىمدەرى حۇنجيراپ شەكارا وتكەلىنەن شينجياڭعا ەندى؛ جۇڭگو-پاكيستان ەكونوميكالىق ءدالىزى گۋادار كەمەجايى مەن قاشقاردى تۇتاستىرىپ، قاشقار حالىقارالىق ىشكى قۇرىلىقتىق كەمەجايىنىڭ گۋادار كەمەجاي كاسىبىمەن ءوزارا قارىم-قاتىناس جاساۋىنا، كەمەجايمەن ءوزارا قارىم-قاتىناس جاساۋىنا مۇمكىندىك جاساپ، بىرلىكتە ارەكەت جاساپ دامۋ، سەلبەسىپ بىرلىكتە يگىلىككە بولەنۋ جاعدايىن قالىپتاستىردى.
ساۋدا زات اينالىم ورتالىعى قۇرىلىسىن ونان ارى جەدەل ىلگەرلەتۋ ءۇشىن، رايونىمىز «شينجياڭ ساۋدا ىستەرى دامۋىنىڭ 13-بەسجىلدىق پىلانى»، «جىبەك جولى ەكونوميكالىق بەلدەۋىنىڭ وزەكتى رايون ساۋدا زات اينالىم ورتالىعىن قۇرۋدىڭ 2016-جىلدان 2030-جىلعا دەيىنگى جوباسى»، «شينجياڭنىڭ ساۋدا زات اينالىمىن دامىتۋدىڭ 2015-جىلدان 2020-جىلعا دەيىنگى جوباسى» سياقتى كوپتەگەن جوبالاردى ىركەس-تىركەس جاساپ اتقارىپ، ساۋدا زات اينالىم ورتالىعى قۇرىلىسىنىڭ نىساناسى، ورتا ورنالاسۋى، جۇيە قۇرىلىسى، ءتۇيىندى ينجەنەرياسى، قامتاماسىزداندىرۋ شاراسى سياقتىلاردى ونان ارى ايقىندادى. وسى ورايدان پايدالانىپ، اناعۇرلىم كوپ شينجياڭ كاسىپورىندارى ورتا ازيا، ەۆروپا ەلدەرىمەن ساۋدا سەلبەستىگىن ۇزدىكسىز كەڭەيتتى. قازىر شينجياڭ حۋاليڭ توبى 3 جىل ۋاقىت جۇمساپ، سالعان گرۋزيا تبيليسي تەڭىزى بازارى اينالىمعا قوسىلدى، شينجياڭ حۋاليڭ توبى پارتكومىنىڭ شۋجيى گو شياڭياڭ: «ءبىز قازىر قارجى قوسۋ تەبىنىن ارتتىرىپ، توڭىرەكتەگى مانەرلەۋ زاۆوتىن، ەركىن ساۋدا رايونىن، قويما رايونىن شۇعىل سالۋدامىز، وسى نىسان قۇرىلىستارى تولىق بىتكەننەن كەيىن، ءبىر تۇتاس كاسىپ تىزبەگى قالىپتاسىپ، ەلىمىزدەگى بازارمەن ءوزارا ارەكەتتەسە الادى، وسى بازار ارقىلى ەلىمىزدەگى ەڭ جاقسى كەيبىر تاۋارلاردى گرۋزياعا جەتكىزىپ، ەۆروپا وداعى بازارىنا ەنگىزە الامىز»،-دەدى.


بەرىپ كەت ورامالىڭدى

دوستار

الىستاعى اق ەركە