جاڭا حابارلار

«جاعراپيالىق بەلگى ارقىلى كەدەيلەردى دالمە-ءدال سۇيەمەلدەۋ» اتىنداعى باتىس بولەك ۇگىت-لەكسيا ۇيرمەسى شينجياڭدا ارالاپ ۇگىت-لەكسيا جاسايتىن بولدى

    كەلۋ قاينارى: شينجياڭ حالىق راديو ىستانسياسى    2018-09-07 11:39:16  

ستانسيامىزدىڭ ءتىلشىسى لەي ميڭ، پراكتيكانت ءتىلشى گۋان شياۋشياۋدىڭ حابارى: 9-ايدىڭ 6-كۇنى مەملەكەتتىك ءبىلىم مەنشىك ۇقىعى مەكەمەسى ساۋدا ماركاسى مەكەمەسىنىڭ «جاعراپيالىق بەلگى ارقىلى كەدەيلەردى دالمە-ءدال سۇيەمەلدەۋ» اتىنداعى باتىس بولەك ۇگىت-لەكسيا ۇيىرمەسىنىڭ ەكىنشى بەكەت ۇگىت-لەكسيا قيمىلى ءۇرىمجى قالاسىندا باستالدى.
فۋجيان، جياڭسۋ، شاندۇڭ، جياڭشي، جىجياڭ سياقتى ولكەلەردىڭ جەرگىلىكتى ۇكىمەت ۋاكىلدەرى، جەرگىلىكتى ونەركاسىپ-ساۋدانى اكىمشىلىك جاقتان باسقارۋ، بازار باقىلاۋ-باسقارۋ تاراۋلارىنىڭ ۋاكىلدەرى، جاعراپيالىق بەلگىنى تىزىمدەۋشى مامانداردىڭ ۋاكىلدەرى ۇگىت-لەكسيا قيمىلى كەزىندە، جاعراپيالىق بەلگى ساۋدا ماركاسىنىڭ قولدانىلۋى، قورعالۋى، جالپىلاستىرىلۋى سياقتى جاقتارداعى تاجىريبەلەردى جەكە-جەكە تانىستىردى. كورلا المۇرت قوعامىنىڭ باستىعى شىڭ جىنميڭ: «بۇگىنگى قيمىلدىڭ باستالۋى تۇتاس شينجياڭنىڭ ايگىلى، ساپالى، ەرەكشە ماركالارىن، وتە-موتە، جاعراپيالىق ساۋدا ماركاسىن قورعاۋدا بەلسەندى رول اتقاردى، سونىمەن بىرگە كوپشىلىك جالپىلىق ايگىلى ماركانى قورعاۋ تانىمىن ورناتتى»،-دەدى.

بيىل 7-ايدىڭ سوڭىنا دەيىن، ەلىمىزدە تىزىمگە تىركەلگەن جاعراپيالىق بەلگى ساۋدا ماركاسىنىڭ جالپى سانى 4 مىڭ 453 كە جەتتى، مۇنداعى جاعراپيالىق بەلگى كاسىبىنىڭ تەڭ جارىمى جەرگىلىكتى ورىننىڭ تىرەكتى كاسىبىنە اينالىپ، جاعراپيالىق بەلگى ساۋدا ماركاسىمەن كەدەيلەردى دالمە-ءدال سۇيەمەلدەۋ قىزمەتى كورنەكتى ونىمدىلىككە قول جەتكىزدى. اۆتونوميالى رايوندىق ونەركاسىپ-ساۋدانى اكىمشىلىك جاقتان باسقارۋ مەكەمەسىنىڭ ورىنباسار باستىعى جاي شاۋيۇڭ: ءبىز قاشقار، قىزىلسۋ وبلىسى، اقسۋ، بايىنعولين وبلىسى، التاي، قۇمىل سياقتى جەرلەرگە بارىپ، ارالاپ ۇگىت جۇرگىزەمىز ءارى اتىز باسىنا بارىپ، سۇيەمەلدەپ جانە جەتەكشىلىك ەتىپ، «جاعراپيالىق بەلگى ساۋدا ماركاسى» قىزمەتىنىڭ شينجياڭنىڭ كەدەيلىكتەن قۇتىلدىرۋدان قامال الۋدا، كەدەيلەردى دالمە-ءدال سۇيەمەلدەۋدە ماڭىزدى رول اتقارۋىنا مۇمكىندىك جاساپ، وڭتۇستىك شينجياڭنىڭ، وتە-موتە، ەرەكشە كەدەي رايونداردىڭ ايگىلى ماركانى دامىتۋىنا بەلگىلى دارەجەدە ۇلەس قوسامىز،-دەدى.


بەرىپ كەت ورامالىڭدى

دوستار

الىستاعى اق ەركە