جاڭا حابارلار

«ءۇرىمجىنىڭ تەز ءبىر جايلى ەتىپ، تەز تولەم بەرۋ» ءۇنحات الەۋمەتتىك ءنومىرى رەسمي توراپتا پايدالانىلا باستادى

    كەلۋ قاينارى: شينجياڭ حالىق راديو ىستانسياسى    2018-09-07 11:22:24  

ستانسيامىزدىڭ ءتىلشىسى ءلان تيان مەن پراكتيكانت ءتىلشى رىن شينجيەنىڭ حابارى: «ءۇرىمجىنىڭ تەز ءبىر جايلى ەتىپ، تەز تولەم بەرۋ» ءۇنحات الەۋمەتتىك ءنومىرى 9-ايدىڭ 6-كۇنى رەسمي توراپتا پايدالانىلا باستادى. بۇدان كەيىن، ءۇرىمجى قالاسىنىڭ تۇرعىندارى الەۋمەتتىك نومىردە جەڭىل قاتىناس شىرعالاڭدارىنىڭ جاۋاپكەرلىگىن تۇراقتاندىرۋ سياقتى كاسىپتەردى ءبىر ورىندا بىتىرۋىنە بولاتىن بولدى.
ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى شىرعالاڭ ءبولىمىنىڭ حالىق ساقشىسى ۋاڭ يۇڭ تانىستىرا كەلىپ بىلاي دەدى: ەكى جاقتىڭ كۋالىكتەرى تولىق بولعان جەڭىل قاتىناس شىرعالاڭدارىندا اۆتوكولىك جۇرگىزۋشىنىڭ «ءۇرىمجىنىڭ تەز ءبىر جايلى ەتىپ، تەز تولەم بەرۋ» ءۇنحات الەۋمەتتىك ءنومىرىنىڭ سۋرەتكە الۋ شاعىن ءتارتىبى ارقىلى اۆتوكولىكتىڭ ءدال قارسى الدى مەن ارت جاعىن، ەكى اۆتوكولىكتىڭ سوعىلعان جەرىن كولدەنەڭىنەن كەسكىنگە الىپ، ەكى جاقتىڭ ينفورماتسياسىن جيناپ جولداعاننان كەيىن، ءۇنحات ارقىلى الىس ارالىقتا جاۋاپكەرلىگى تۇراقتاندىرىلادى. شىرعالاڭ تۋىلعاننان توتە قامسىزداندىرۋ تولەمى بەرىلگەنگە دەيىن ءبىر ورىندا قىزمەت وتەيدى. توراپقا شىققاننان كەيىن ءۇرىمجىنىڭ تەز ءبىر جايلى ەتىپ تەز تولەم بەرۋدى پايدالانۋشىلار بەتىنە كىرىپ، الدىمەن از دەگەندە 3 سۋرەت تارتىپ ىسپات الىپ، سۋرەتكە الىپ بولعاننان كەيىن اۆتوكولىكتى دەرەۋ جىلجىتادى، 21 ءتۇرلى شىرعالاڭ جاعدايى ءنومىر بويىنشا ءوز ورنىنا جايعاسسا بولعانى ۇقىق پەن جاۋاپكەرلىك اۆتوماتتى كورسەتىلىپ، تۇراقتاندىرۋدى باسسا كەلسىم حات شىعادى.
ۋاڭ يۇڭ تانىستىرا كەلىپ بىلاي دەدى: قازىر، «ءۇرىمجىنىڭ تەز ءبىر جايلى ەتىپ، تەز تولەم بەرۋ» ءۇنحات الەۋمەتتىك نومىرىندە شىرعالاڭنىڭ جاۋاپكەرلىگىن تۇراقتاندىرۋ، اۆتوكولىكتەردىڭ شىعىنىن تۇراقتاندىرۋ، قامسىزداندىرۋ تولەمى، الەۋمەتتىك مەجەلەۋ قۇرىلىمى، زاڭدىق كومەك بەرۋ، حالىقتىق جاراستىرۋ سياقتى 6 ءتۇرلى قىزمەت وتەۋ كاسىبى اشىلدى. توراپتا الىس ارالىقتان جاۋاپكەرلىگىن تۇراقتاندىرعاننان كەيىن ەلەكتروندى نۇسقالى شىرعالاڭ جاۋاپكەرلىك كەلسىم حاتىن الىپ، قالاداعى 6 قىزمەت وتەۋ ورتالىعى مەن تولەم بەرەتىن 26 ورىنعا بارىپ، اۆتوكولىكتىڭ شىعىنىن تۇراقتاندىرادى. بۇل بۇقاراعا قولايلى بولىپ قالماستان، حالىق ساقشىلارىنىڭ دەلو ءبىتىرۋ ونىمدىلىگىن جوعارىلاتادى.


بەرىپ كەت ورامالىڭدى

دوستار

الىستاعى اق ەركە