جاڭا حابارلار

جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى دوڭگەلەك ۇستەل ءماجىلىسىن وتكىزدى شي جينپيڭنىڭ باسقارۋىندا بەيجيڭ جارناماسى جانە بەيجيڭ ارەكەت جوسپارى ماقۇلداندى

    كەلۋ قاينارى: شينجياڭ گازەتى    2018-09-06 19:06:21  

9 - ايدىڭ 4 - كۇنى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ دوڭگەلەك ۇستەل ءماجىلىسى بەيجيڭدەگى حالىق سارايىندا وتكىزىلدى. مەملەكەت ءتوراعاسى شي جينپيڭ 1 - كەزەڭدىك ءماجىلىستى باسقاردى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى (تىلشىلەر ۋاڭ جولۇن، ليۋ يۇيجيا). جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ دوڭگەلەك ۇستەل ءماجىلىسى 9 - ايدىڭ 4 - كۇنى حالىق سارايىندا وتكىزىلدى. مەملەكەت ءتوراعاسى شي جينپيڭ مەن تالقى مىنبەرىنە تەڭ ءتوراعا ەل وڭتۇستىك افريكانىڭ زۇڭتۇڭى راماپوسا جەكە - جەكە 1 - كەزەڭدىك جانە 2 - كەزەڭدىك ءماجىلىستى باسقاردى. ماجىلىستە «اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن سومداۋ جونىندەگى بەيجيڭ جارناماسى» مەن «جۇڭگو - افريكا سەلبەستىك تالقى مىنبەرى − بەيجيڭ ارەكەت جوسپارى (2019 − 2021 - جىل)» ماقۇلداندى.
  تۇستەن بۇرىن ساعات 10دا شي جينپيڭ تالقى مىنبەرىنە تەڭ ءتوراعا ەل وڭتۇستىك افريكانىڭ زۇڭتۇڭى راماپوسامەن جانە تالقى مىنبەرىنىڭ افريكاداعى 53 مۇشەسىنىڭ ۋاكىلدەر ۇيىرمەلەرىنىڭ باستىقتارىمەن بىرگە ءماجىلىس زالىنا كىردى. شي جينپيڭ ءماجىلىستىڭ باستالعاندىعىن جاريالادى.
  ماجىلىسكە قاتىناسقان تاراپتار جۇڭگو - افريكا قارىم - قاتىناسىن ىلگەرىلەتۋ، ءار سالاداعى سەلبەستىكتەردى تەرەڭدەتۋ، اناعۇرلىم تىعىز جۇڭگو - افريكا تاعدىرلاس ورتاق تۇلعاسىن قۇرۋ، «ءبىر بەلدەۋ، ءبىر جولدى» بىرگە قۇرۋ، سونداي - اق بىرگە نازار اۋدارىپ وتىرعان حالىقارالىق جانە وڭىرلىك ماسەلەلەر جونىندە كوزقاراستارىن ءبىلدىردى.
  شي جينپيڭ مىنالاردى باسا دارىپتەدى: 2 كۇننەن بەرى بەيجيڭدەگى باسشىلار باس قوسۋى «سەلبەسىپ تەڭ يگىلىكتەنىپ، اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قول ۇستاسا سومداۋ» تاقىرىبىن ارقاۋ ەتىپ، سەلبەستىك جونىندە ورتاق تانىم قالىپتاستىرىپ، دامۋ ستراتەگيالارىن ۇشتاستىرىپ، جۇڭگو مەن افريكانىڭ سەلبەسىپ تەڭ يگىلىكتەنەتىن، بىرگە داميتىن نەگىزگى اۋەنىن تاعى ءبىر مارتە اسقاقتاتتى.
  شي جينپيڭ مىنالاردى اتاپ كورسەتتى: تالقى مىنبەرىنىڭ بەيجيڭدەگى باسشىلار باس قوسۋى جۇڭگو - افريكا سەلبەستىك تالقى مىنبەرى قۇرىلعان 18 جىلدان بەرى، اسىرەسە، 2015 - جىلعى يوحاننەسبۋرگتەگى باسشىلار باس قوسۋىنان بەرگى جۇڭگو مەن افريكانىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ زور دامۋشىلىققا قول جەتكىزگەندىگىن ەسكە الىپ، جۇڭگو - افريكا «ونءىرى سەلبەستىك جوسپارىنىڭ» جاپپاي تياناقتانۋ جاعدايىن قاراپ، بۇعان ريزاشىلىق ءبىلدىردى. ءبىز جاۋاپكەرشىلىكتى تەڭ ارقالايتىن، سەلبەسىپ تەڭ يگىلىكتەنەتىن، باقىتقا بىرگە كەنەلەتىن، مادەنيەتتى بىرگە گۇلدەندىرەتىن، حاۋىپسىزدىكتى تەڭ قالىپتاستىراتىن، جاراسىمدى قاتار ءومىر سۇرەتىن جۇڭگو - افريكا تاعدىرلاس ورتاق تۇلعاسىن قول ۇستاسا سومداپ، جۇڭگو - افريكا قارىم - قاتىناسىنىڭ ساياسي نەگىزىن بەكەمدەپ، جۇڭگو مەن افريكا حالقىنىڭ سۇيىسپەنشىلىك دانەكەرىن جاقىنداتىپ، جۇڭگو - افريكا سەلبەستىگىنىڭ داۋىرلىك ءمانىن بايىتۋدى ءبىر اۋىزدان ۇيعاردىق.
  شي جينپيڭ مىنالاردى اتاپ كورسەتتى: ءبىز باسشىلار باس قوسۋىنىڭ ناتيجەلىك حۇجاتىن ءبىر اۋىزدان ماقۇلداپ، جۇڭگو - افريكا قارىم - قاتىناسىنا ايقىن باعدار كورسەتتىك. «اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن سومداۋ جونىندەگى بەيجيڭ جارناماسى» جۇڭگو مەن افريكانىڭ قازىرگى الەمدەگى ەلەۋلى ماسەلەلەر جونىندەگى ورتاق تانىمىن جان - جاقتى ايگىلەپ، جۇڭگو مەن افريكانىڭ ىنتىماعىن، دوستىعىن، ورايدان بىرگە يگىلىكتەنەتىن، سىن - سايىستى بىرگە قارسى الاتىن بەكىمىن كورسەتتى. «جۇڭگو - افريكا سەلبەستىك تالقى مىنبەرى − بەيجيڭ ارەكەت جوسپارى (2019 − 2021 - جىل)» الداعى 3 جىلداعى جانە بۇدان كەيىنگى ءبىر مەزگىلدەگى جۇڭگو مەن افريكانىڭ ءار سالاداعى ناقتى سەلبەستىگى جونىندە جوبا جاساپ، جۇڭگو مەن افريكانىڭ «سەگىز ءىرى ارەكەتتى» قول ۇستاسا اتقاراتىن، جۇڭگو - افريكا سەلبەستىگىنىڭ ساپاسىن كوتەرىپ، ونىمدىلىگىن جوعارىلاتاتىن مىزعىماس تىلەگىن كورسەتىپ، جۇڭگو مەن افريكانىڭ سەلبەسىپ تەڭ يگىلىكتەنۋ، بىرگە دامۋ جونىندەگى جاڭا جوباسىن كەسكىندەدى.

9 - ايدىڭ 4 - كۇنى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ دوڭگەلەك ۇستەل ءماجىلىسى بەيجيڭدەگى حالىق سارايىندا وتكىزىلدى. مەملەكەت ءتوراعاسى شي جينپيڭ مەن تالقى مىنبەرىنە تەڭ ءتوراعا ەل وڭتۇستىك افريكانىڭ زۇڭتۇڭى راماپوسا جەكە - جەكە 1 - كەزەڭدىك جانە 2 - كەزەڭدىك ءماجىلىستى باسقاردى.
سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

شي جينپيڭ مىنالاردى باسا دارىپتەدى: ءبىز بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، جۇڭگو - افريكا سەلبەستىك تالقى مىنبەرىن جۇڭگو - افريكا ىنتىماعىنىڭ، سەلبەستىگىنىڭ ماركاسى، حالىقارانىڭ افريكامەن سەلبەستىگىندەگى تۋ ەتىپ قۇرىپ شىعۋعا ءبىر اۋىزدان قوسىلدىق. ءبىز ساياساتتاردى سايكەستىرۋدى كۇشەيتىپ، تالقى مىنبەرى باسشىلار باس قوسۋىنىڭ تابىستارىن تياناقتاندىرۋدى ىلگەرىلەتەمىز، سونىمەن بىرگە جۇڭگو مەن افريكانىڭ «ءبىر بەلدەۋ، ءبىر جولدى» بىرگە قۇرۋىن، افريكا وداعىنىڭ «2063 - جىل كۇن ءتارتىبىن»، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن، افريكاداعى ءار ەلدىڭ دامۋ ستراتەگيالارىن تىعىز بىرلەستىرىپ، افريكانىڭ دامۋى، وركەندەۋى ءۇشىن اناعۇرلىم كوپ وراي جانە ءونىمدى تۇعىر ۇسىنىپ، جۇڭگو - افريكا سەلبەستىگى ءۇشىن سارقىلماس قوزعاۋشى كۇش جانە اناعۇرلىم كەڭ ءورىس ازىرلەيمىز.
  شي جينپيڭ مىنالاردى اتاپ كورسەتتى: باسشىلار باس قوسۋى حالىقارالىق جاعداي، بەيبىتشىلىك پەن حاۋىپسىزدىك، الەمدىك جونگە سالۋ سياقتى ەلەۋلى حالىقارالىق جانە وڭىرلىك ماسەلەلەر جونىندە ىشكەرىلەي كوزقاراس اۋىستىردى. ءبىز پىكىرلەسۋ مەن سەلبەسۋدى كۇشەيتىپ، اشىق الەم ەكونوميكاسى مەن كوپ جاقتى ساۋدا ءتۇزىلىسىن باتىل قورعاپ، قورعامپازدىققا، سىڭار جاقتىلىققا قارسى تۇرۋعا، ءبىر - ءبىرىمىزدىڭ وزەكتى مۇددەلەرىمىز بەن وركەندەپ كەلە جاتقان ەلدەردىڭ جالپىلىق مۇددەسىن جۇمىلا قورعاپ، ءوزارا قۇرمەت ەتەتىن، ءادىل دە ادىلەتتى، سەلبەسىپ، تەڭ يگىلىكتەنەتىن جاڭاشا حالىقارالىق قارىم - قاتىناس ورناتۋدى بەلسەنە ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋ ءۇشىن تىڭ، اناعۇرلىم ۇلكەن ۇلەس قوسۋعا بەل بايلادىق.
  شي جينپيڭ مىنالاردى باسا دارىپتەدى: جاڭا داۋىردەگى جۇڭگو - افريكا قارىم - قاتىناسى قۋاتتى قوزعالىس ەنەرگياسىن توپتاپ، كەڭ دە جارقىن كەلەشەكتى قارسى الۋدا. جۇڭگو افريكامەن بىرگە، تالقى مىنبەرىنىڭ بەيجيڭدەگى باسشىلار باس قوسۋىنىڭ شىعىس جەلىنىڭ دەمەۋىمەن جۇڭگو مەن افريكانىڭ ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن بار كۇشپەن ىلگەرىلەتۋدى قالايدى. ءبىز جۇڭگو مەن افريكانىڭ ءداستۇرلى دوستىعىن مىزعىماي جالعاستىرىپ، جۇڭگو مەن افريكانىڭ دوستىق بايتەرەگىنىڭ اناعۇرلىم تەرەڭ تامىر تارتىپ، ماۋەلەي وسۋىنە مۇمكىندىك جاساۋىمىز؛ جۇڭگو مەن افريكانىڭ ساياسيداعى ءوزارا سەنىمىن مىزعىماي تەرەڭدەتىپ، جۇڭگو - افريكا سەلبەستىك ستراتەگياسىنىڭ نەگىزىن ونان ارى بەكەمدەۋىمىز؛ جۇڭگو مەن افريكانىڭ بىرگە دامۋىن مىزعىماي ىلگەرىلەتىپ، سەلبەستىك تابىستارىنىڭ جۇڭگو مەن افريكا حالقىنا اناعۇرلىم كوپ تيىمدىلىك جاساۋىنا مۇمكىندىك جاساۋىمىز؛ جۇڭگو مەن افريكانىڭ ىنتىماعىن، سەلبەسۋىن مىزعىماي كۇشەيتىپ، الەمنىڭ بەيبىت دامۋ تولقىنىنىڭ اناعۇرلىم كۇشتى بولۋىنا مۇمكىندىك جاساۋىمىز كەرەك.
  شي جينپيڭ مىنالاردى اتاپ كورسەتتى: جۇڭگو - افريكا سەلبەستىگىنىڭ قارىشتاپ دامۋى افريكانىڭ دامۋ اياق الىسىن جەبەپ قانا قويماي، افريكا حالقىنىڭ، حالىقارالىق قوعامنىڭ افريكانىڭ دامۋ بولاشاعى تۋرالى سەنىمىن سەرپىلتىپ، حالىقارالىق سەلبەستىك سەرىكتەستەردى افريكاعا اناعۇرلىم ءمان بەرۋگە، افريكاعا باعىتتالعان قارجى قوسۋ مەن سەلبەستىكتى ارتتىرۋعا جەتەكتەدى. ءبىز وسى رەتكى باسشىلار باس قوسۋىن جاڭا باستاما ەتىپ، اۋەلگى ماقسات بويىنشا، ءبىر نيەتپەن ىنتىماقتاسىپ، جۇڭگو مەن افريكانىڭ بىرگە دامۋى، وركەندەۋى سىندى ۇلى ارماندى جۇزەگە اسىرۋ ءۇشىن قۇلشىنا كۇرەس جۇرگىزەيىك.
  افريكاداعى ءار ەلدىڭ باسشىلارى وسى رەتكى باسشىلار باس قوسۋىن جوعارى باعالاپ، ءبىر اۋىزدان بىلاي دەپ قارادى: باسشىلار باس قوسۋى جۇڭگو - افريكانىڭ ىنتىماعى مەن سەلبەستىگىن كۇشەيتكەن تاريحي سالتاناتتى جينالىس بولدى، الەمگە تاعى ءبىر رەت جۇڭگو مەن افريكانىڭ دوستىق سەلبەستىگىن كۇشەيتەتىن، وركەندەپ كەلە جاتقان ەلدەردىڭ ۇلى ىنتىماعىن جەبەيتىن كۇشتى سيگنال تاراتتى. اناعۇرلىم كوپ افريكا ەلدەرىنىڭ تالقى مىنبەرىنە قوسىلعانىنا ايرىقشا قۋانىشتامىز، افريكا مەن جۇڭگو دوستىعىنىڭ دوستار شەڭبەرى ۇزدىكسىز كەڭەيدى. بۇل رەتكى باسشىلار باس قوسۋى ناقتى، جوعارى ءونىمدى، تولاعاي تابىستى بولىپ، افريكا - جۇڭگو سەلبەستىگىنىڭ ىشكەرىلەي دامۋىن پارمەندى تۇردە ىلگەرىلەتىپ، افريكا - جۇڭگو سەلبەستىگىنىڭ جاڭا ءداۋىرىن اشتى. تالقى مىنبەرى اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قۇرۋدى جەتەكشى ەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن اناعۇرلىم كوپ كۇش شوعىرلاندىرىپ، الەمنىڭ بەيبىتشىلىگى، ورنىقتىلىعى جانە دامۋى، گۇلدەنۋى ءۇشىن اناعۇرلىم مول وڭ ەنەرگيا توپتادى.
  افريكا جاق جۇڭگو - افريكا سەلبەستىك تالقى مىنبەرىنىڭ يوحاننەسبۋرگتەگى باسشىلار باس قوسۋىندا بەلگىلەنگەن «ون ءىرى سەلبەستىك جوسپارىنىڭ» تياناقتانۋ جاعدايىنا ريزاشىلىق ءبىلدىرىپ، شي جينپيڭ بەيجيڭدەگى باسشىلار باس قوسۋىنىڭ اشىلۋ سالتىندا سويلەگەن سوزىندە جاريالاعان «سەگىز ءىرى ارەكەت» سياقتى افريكاعا باعىتتالعان ناقتى سەلبەستىك جاڭا دارىپتەمەلەرىن، جاڭا شارالارىن جوعارى باعالاپ، مىنالاردى ءبىلدىردى: قاتىستى شارالار مەن باستامالار افريكانىڭ ەكونوميكالىق، قوعامدىق دامۋىنىڭ باسىم سالالارىمەن بۇكىلدەي ۇيلەسەدى، افريكا - جۇڭگو قارىم - قاتىناسى دامۋىنىڭ جوعارى دەڭگەيدە جوبالانۋىن كۇشەيتىپ، افريكا مەن جۇڭگونىڭ سەلبەسىپ، تەڭ يگىلىكتەنۋىن، بىرگە دامۋىن اناعۇرلىم جوعارى دەڭگەيدە جۇزەگە اسىرىپ، وركەندەپ كەلە جاتقان ەلدەردىڭ جالپىلىق قۋاتىن الۋەتتەندىرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا دامۋىن ىلگەرىلەتەدى. افريكا جاق «ءبىر بەلدەۋ، ءبىر جول» باستاماسىنا قولداۋ كورسەتەدى جانە ونى القايدى، افريكا مەن جۇڭگونىڭ «ءبىر بەلدەۋ، ءبىر جولدى» بىرگە قۇرۋىنىڭ افريكانىڭ وڭىرلىك ءبىر تۇلعالانۋىن ىلگەرىلەتۋدى جەدەلدەتەتىندىگىنە، سونداي - اق افريكا وداعىنىڭ «2063 - جىل كۇن ءتارتىبى» مەن ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن جۇزەگە اسىرۋىنا ماڭىزدى دەم بەرەتىندىگىنە كامىل سەنەدى.
  افريكا جاق مىنالاردى ءبىلدىردى: جۇڭگو قاشاندا افريكانىڭ ۇنىنە زەيىن سالا قۇلاق اسىپ، افريكانى ءتۇسىنىپ جانە قولداپ كەلەدى. جۇڭگو افريكاعا كومەكتەسكەندە، ەشقاشان افريكا مەملەكەتتەرىنىڭ ىشكى ىسىنە ارالاسپايدى. جۇڭگو افريكامەن سەلبەستىكتە ءار دايىم ادىلەتتى الدىمەن ويلاستىرىپ، حالىقارالىق قارىم - قاتىناستا ۇزاقتان بەرى ورىن تەۋىپ كەلە جاتقان تەڭسىزدىك جاعدايىمەن ايقىن سالىستىرما قالىپتاستىردى. جۇڭگونىڭ حالىقارادا ادىلەتتى جاقتاپ، افريكا مەن وركەندەپ كەلە جاتقان ەلدەردىڭ ورىندى مۇددەسىن قورعاعاندىعىنا العىس ايتامىز. افريكا مەن جۇڭگونىڭ ءار سالاداعى سەلبەستىكتى كۇشەيتۋى قالىڭ وركەندەپ كەلە جاتقان ەلدەردىڭ حالىقارالىق ىستەردەگى رولى مەن ىقپالىن پارمەندى تۇردە جوعارىلاتادى.
  تاراپتار وسى رەتكى باسشىلار باس قوسۋىندا ماقۇلدانعان «اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قۇرۋ جونىندەگى بەيجيڭ جارناماسى» مەن «جۇڭگو - افريكا سەلبەستىك تالقى مىنبەرى − بەيجيڭ ارەكەت جوسپارىن (2019 − 2021 - جىل)» جوعارى باعالاپ، بەيجيڭ ارەكەت جوسپارىن تياناقتاندىرۋدى ىلگەرىلەتىپ، اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قۇرۋعا بارىنشا كۇش سالادى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار اتالعان قيمىلعا قاتىناستى.


بەرىپ كەت ورامالىڭدى

دوستار

الىستاعى اق ەركە