جاڭا حابارلار

شي جينپيڭ جۇڭگو - افريكا سەلبەستىك تالقى مىنبەرىنە بۇرىنعى تەڭ ءتوراعا ەلدىڭ جانە جاڭا تەڭ ءتوراعا ەلدىڭ مەملەكەت باسشىلارىمەن بىرگە تىلشىلەرمەن كەزدەستى

    كەلۋ قاينارى: شينجياڭ گازەتى    2018-09-06 19:01:01  

9 - ايدىڭ 4 - كۇنى 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى جابىلعاننان كەيىن، مەملەكەت ءتوراعاسى شي جينپيڭ تالقى مىنبەرىنە بۇرىنعى تەڭ ءتوراعا ەل وڭتۇستىك افريكانىڭ زۇڭتۇڭى راماپوسامەن، جاڭا تەڭ ءتوراعا ەل سەنەگالدىڭ زۇڭتۇڭى سالمەن بىرگە بەيجيڭدەگى حالىق سارايىندا تىلشىلەرمەن كەزدەستى.
سۋرەتتى شينحۋا اگەنتتىگىنىڭ ءتىلشىسى ليۋ ۋيبيڭ تۇسىرگەن

شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى (تىلشىلەر جىڭ ميڭدا، سۇن ي). 9 - ايدىڭ 4 - كۇنى 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى جابىلعاننان كەيىن، مەملەكەت ءتوراعاسى شي جينپيڭ تالقى مىنبەرىنە بۇرىنعى تەڭ ءتوراعا ەل وڭتۇستىك افريكانىڭ زۇڭتۇڭى راماپوسامەن، جاڭا تەڭ ءتوراعا ەل سەنەگالدىڭ زۇڭتۇڭى سالمەن بىرگە حالىق سارايىندا تىلشىلەرمەن كەزدەستى.
  شي جينپيڭ سوزىندە بىلاي دەپ اتاپ كورسەتتى: جۇڭگو - افريكا سەلبەستىك تالقى مىنبەرىنە مۇشە ەلدەردىڭ باسشىلارى بەيجيڭدە باس قوسىپ، «سەلبەسىپ تەڭ يگىلىكتەنىپ، اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قول ۇستاسا سومداۋ» نەگىزگى تاقىرىبىن ارقاۋ ەتىپ، جۇڭگو - افريكا قارىم - قاتىناسىنىڭ بولاشاق دامۋىن جوسپارلادى، جۇڭگو مەن افريكا سەلبەستىگىنىڭ ۇلى جوباسىن جاسادى. جينالىس «اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن سومداۋ جونىندەگى بەيجيڭ جارناماسىن» جاريالاپ، «جۇڭگو - افريكا سەلبەستىك تالقى مىنبەرىنىڭ − بەيجيڭ ارەكەت جوسپارىن» ماقۇلداپ، دۇنيە جۇزىنە جۇڭگو مەن افريكانىڭ قول ۇستاسا العا ىلگەرىلەۋىنىڭ كۇشتى سيگنالىن جەتكىزدى.
  شي جينپيڭ مىنانى اتاپ كورسەتتى: جۇڭگو مەن افريكا ەلدەرىنىڭ باسشىلارى جاۋاپكەرشىلىكتى تەڭ ارقالايتىن، سەلبەسە تەڭ يگىلىكتەنەتىن، باقىتقا بىرگە كەنەلەتىن، مادەنيەتتى بىرگە گۇلدەندىرەتىن، حاۋىپسىزدىكتى بىرگە قالىپتاستىراتىن، جاراسىمدى قاتار ءومىر سۇرەتىن جۇڭگو - افريكا تاعدىرلاس ورتاق تۇلعاسىن قول ۇستاسا سومداۋدى ءبىر اۋىزدان قۇپتادى. جۇڭگو مەن افريكا ستراتەگيالىق ءتۇيىلىسۋدى جانە ساياساتتاردى سايكەستىرۋدى كۇشەيتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن ىلگەرىلەتىپ، شارۋاشىلىقتى جەبەۋ، قۇرىلعىلاردى تۇتاستىرۋ، ساۋدانى قولايلىلاستىرۋ، جاسىل دامۋ، قابىلەت قۇرىلىسى، سالاماتتىق جانە دەنساۋلىق ساقتاۋ، گۋمانيتارلىق اۋىس - كۇيىس، بەيبىتشىلىك پەن حاۋىپسىزدىك سىندى «سەگىز ءىرى ارەكەتتى» ءتۇيىندى تۇردە ويداعىداي اتقارۋ كەرەك. جۇڭگو ءارقاشان شىنايى، ادال بولۋ ۇستانىمى مەن دۇرىس ادىلەت - مۇددە كوزقاراسىن ۇستانىپ، افريكامەن بىرگە، جۇڭگو - افريكا جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ تەرەڭدەي بەرۋىن، ناقتى بولۋىن، ورنىقتى قاداممەن الىسقا جول تارتۋىن ىلگەرىلەتەدى.
  شي جينپيڭ مىنانى باسا دارىپتەدى: جۇڭگو - افريكا سەلبەستىگى ەجەلدەن سەلبەسىپ تەڭ يگىلىكتەنۋگە، اشىق، سيىسىمدى بولۋعا تاباندى بولىپ كەلەدى. حالىقارالىق سەلبەستىك سەرىكتەرىنىڭ بىرىككەن كۇش قالىپتاستىرىپ، افريكانىڭ بەيبىتشىلىگى مەن دامۋىنا بىرگە ۇلەس قوسۋىن ءۇمىت ەتەمىن. افريكامەن سەلبەستىك جاساسۋدا حالىقارالىق قوعامداعى تاراپتار افريكانىڭ يەلىك ۇقىعىنا قۇرمەت ەتۋ، افريكانىڭ پىكىرىن تىڭداۋ، افريكانىڭ دارىپتەمەسىنە ءمان بەرۋ، افريكاعا بەرگەن ۋادەسىن ورىنداۋ كەرەك.
  شي جينپيڭ مىنانى اتاپ كورسەتتى: جۇڭگو - افريكا باسشىلارى كەلەلى ماسەلەلەردىڭ بارىندە ماڭىزدى ورتاق تانىمعا كەلىپ، ورتاق ءۇن قاتتى. بەيجيڭدەگى باسشىلار باس قوسۋى تابىستى بولدى، جۇڭگو - افريكا قارىم - قاتىناسىنىڭ جاڭا تاريحي پاراعىن اشتى، وڭتۇستىك - وڭتۇستىك سەلبەستىگىنىڭ جاڭا داۋىرلىك ەسكەرتكىشىن ورناتتى. جۇڭگو - افريكا سەلبەستىك تالقى مىنبەرى حالىقارالىق قوعامنىڭ افريكامەن سەلبەستىك جاساسۋىنىڭ جانە وڭتۇستىك - وڭتۇستىك سەلبەستىگىنىڭ تۋىنا اينالدى. بەيجيڭدەگى باسشىلار باس قوسۋىنىڭ ءساتتى وتكىزىلۋى جۇڭگو مەن افريكانىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ جاڭا تاريحي باستاماعا شىعۋىن ىلگەرىلەتىپ، جاڭا تاريحي ساپاردى باستادى. جۇڭگو - افريكا سەلبەستىك تالقى مىنبەرىن بىرگە ناقتىلاندىرىپ، كۇشەيتىپ، بەيجيڭدەگى باسشىلار باس قوسۋىنىڭ جەتىستىكتەرىن جالپى بەتتىك جوعارى ونىمدىلىكپەن تياناقتاندىرىپ، ناقتى جەتىستىكتەر ارقىلى جۇڭگو - افريكا حالقىنا باقىت جەتكىزەمىز.
  شي جينپيڭ تالقى مىنبەرىنە قاتىناسقان افريكا جاق باسشىلارىنىڭ باسشىلار باس قوسۋىنىڭ ءساتتى وتكىزىلۋىنە قوسقان ۇلەسىنە العىس ايتتى، جۇڭگو مەن افريكاداعى ءار سالانىڭ بەلسەنە ات سالىسقاندىعىنا العىس ايتتى، جۇڭگو مەن افريكاداعى 2 ميلليارد 600 ميلليوننان استام حالىقتىڭ بەلسەنە قولداۋىندا جۇڭگو مەن افريكانىڭ اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قول ۇستاسا سومداۋداي ۇلى ءىسىنىڭ، ءسوزسىز، تابىستى بولاتىندىعىنا، جۇڭگو - افريكا قارىم - قاتىناسىنىڭ ەرتەڭى ءتىپتى دە كوركەم بولاتىندىعىنا سەنەتىندىگىن ءبىلدىردى.
  راماپوسا مەن سال سوزدەرىندە بىلاي دەدى: جۇڭگو - افريكا سەلبەستىك تالقى مىنبەرى قۇرىلعان 18 جىلدان بەرى، افريكا - جۇڭگو ەكى جاقتىڭ، اسىرەسە، افريكا ەلدەرىنىڭ دامۋ اياق الىسىن جەدەلدەتۋىنىڭ تاماشا مىنبەرىنە اينالدى. ءبىز جۇڭگونىڭ افريكانىڭ دامۋىن جەبەۋگە قوسقان ۇلەسىنە شىنايى العىس ايتامىز، ءتوراعا شي جينپيڭنىڭ، جۇڭگو ۇكىمەتىنىڭ جانە جۇڭگو حالقىنىڭ وسى رەتكى بەيجيڭ باسشىلار باس قوسۋىن ءساتتى وتكىزگەندىگىنە العىس ايتامىز، بەيجيڭ قالاسى حالقىنىڭ ىقىلاستى دوستىعىنا جانە زور كۇشپەن قولداۋ كورسەتكەندىگىنە العىس ايتامىز. بەيجيڭنىڭ دامۋ جەتىستىكتەرى مەن رەتتى دە تازا قالا كوركى بىزگە تەرەڭ اسەر قالدىردى. وسى رەتكى باسشىلار باس قوسۋى سۇبەلى تابىستارعا قول جەتكىزىپ، افريكا مەن جۇڭگونىڭ اعا - ءىنى ىسپەتتى تەرەڭ دوستىعىن تولىق ايگىلەپ، افريكا - جۇڭگو قارىم - قاتىناسى دامۋىنىڭ جاڭا جوباسىن جاسادى. افريكا جاق جۇڭگومەن بىرگە قۇلشىنىپ، افريكا - جۇڭگو جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتىپ، «ءبىر بەلدەۋ، ءبىر جولدى» بىرگە قۇرىپ، افريكا - جۇڭگو سەلبەستىگىنىڭ جاڭا شارالارىن ويداعىداي تياناقتاندىرىپ، اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن سومداپ، افريكا - جۇڭگو حالقىنا ءتىپتى دە جاقسى باقىت جەتكىزەدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە