جاڭا حابارلار

رايونىمىز قاتىناس نەگىزگى قۇرىلعى قۇرىلىسىن جەدەلدەتىپ، جىبەك جولى ەكونومكالىق بەلدەۋى وزەكتى رايونىنىڭ قاتىناس تورابى ورتالىعىن كۇش سالا قۇردى

    كەلۋ قاينارى: شينجياڭ حالىق راديو ىستانسياسى    2018-09-06 11:36:29  

ستانسيامىزدىڭ تىلشىلەرى جين لەي، ايبىن راحمان ۇلى جانە قۇمىل راديو ستانسياسىنىڭ ءتىلشىسى شى سايحىنىڭ حابارى: «ءبىر بەلدەۋ، ءبىر جول» دارىپتەمەسى العا قويىلعان 5 جىلدان بەرى، رايونىمىز ورايدى مىقتى يگەرىپ، قاتىناس نەگىزگى قۇرىلعى قۇرىلىسىن جەدەلدەتىپ، قۇرىلعىلاردىڭ تۇتاسۋىن ىلگەرىلەتىپ، جىبەك جولى ەكونومكالىق بەلدەۋ وزەكتى رايونىنىڭ قاتىناس تورابى ورتالىعىن كۇش سالا قۇردى.
قورعاس جين-ي حالىقارالىق ساۋدا شەكتى سەرىكتەستىگىنىڭ جاستاي ساقتاۋ قويماسىنا ءىرى جۇك اۆتوكولىكتەرى كىرىپ-شىعىپ، جۇمىسشىلار جاس كوكونىس پەن جەمىس-جيدەكتەردى تيەپ-ءتۇسىرىپ جاتتى. وسى كوكونستەر «قوس باتىس تاس جولى» ارقىلى ەرتەسىندە-اق قازاقستاننىڭ الماتى قالاسىنداعى تۇرعىنداردىڭ داستارقانىنا شىعادى. وتكەن جىلدىڭ اياعىندا، مەملەكەت تاس جولى 218-لەنياسىنىڭ قورعاس وتكەلى بولەگى تاس جول نىسانىنا اۆتوكولىكتىڭ قاتىناۋىنا ساي، ەۆروپانىڭ باتىس بولەگى مەن جۇڭگونىڭ باتىس بولەگىنىڭ بەلگىسى بولعان «قوس باتىس تاس جولىنىڭ» ەلىمىزدەگى بولەگىنە اۆتوكولىك قاتىنادى. قولايلى قاتىناس قورعاس جين-ي حالىقارالىق ساۋدا شەكتى سەرىكتەستىگىنە كوكونىستەردى ەكسپورت ەتۋ شارت-جاعدايىن ازىرلەپ بەردى. سەرىكتەستىكتىڭ باس مەڭگەرۋشىسىنىڭ ورىنباسارى يۇي حۋان بىلاي دەدى: «زاتتى تاسۋ ءارقانداي جەردەگىدەن دە قولايلى بولدى، اۋىل شارۋاشىلىق ونىمدەرى باسقا نارسەگە ۇقسامايدى، كىم ورايعا الدىمەن يە بولسا، سول اقشا تابا الادى، زاتىن اناعۇرلىم جوعارى باعامەن ساتا الادى، ال قوس باتىس تاس جولىمەن تاسۋدا ەڭ باستىسى ۋاقىت پەن وزىندىك قۇن ۇنەمدەلەدى، تاس جول قاتىناسى جاقسى، ءونىمنىڭ زياندالۋى دا اناعۇرلىم تومەن بولادى».
وتكەن 5 جىلدا، شينجياڭنىڭ «قۇرىلىق جىبەك جولى» قۇرىلىسى قارىشتاپ دامىدى، سولتۇستىك، ورتا، وڭتۇستىك باعىتتاعى ءۇش ءىرى قاتىناس جەلىسىنىڭ يقۋاتى ۇزدىكسىز جوعارىلاپ، 14 ايماق، وبىلىس، قالاعا تۇگەلدەي جوعارى قارقىندى تاسجول تۇتاسىپ، ماڭىنداعى ەلدەرگە تۇتاساتىن كوپتەگەن شەكارا وتكەل تاسجولدارىنىڭ دارەجەسى جوعارىلاپ، جاقسارتىلسا، ال مەملەكەت تاسجولى 7-لەنياسىنىڭ بەيجيڭ-شينجياڭ جوعارى قارقىندى تاسجولىنىڭ ميڭشۇيدەن قۇمىلعا دەيىنگى بولەگى جاپپاي جاسالىپ، اۆتوكولىك قاتىناپ، شينجياڭعا كىرىپ-شىعاتىن اۆتوكولىك كۇنى بويى قاتىنايتىن ءىرى قاتىناستىڭ ەكىنشى كۇرە جولى قالىپتاسىپ، شينجياڭنىڭ جاپپاي ەسىك اشقان جاڭا جۇلگەسىن قالىپتاستىرۋىنا شارت-جاعداي ازىرلەدى.
سونىمەن بىرگە، «اۋە جىبەك جولى» دا ۇزدىكسىز ۇزارىپ، جاڭادان، كەڭەيتىپ سالىنعان توتە لەنيالى اۋەجايلار ىلگەرىندى-كەيىندى وندىرىسكە قوسىلىپ، ىشكى ولكەدەگى ءىرى، ورتا قالالارمەن جانە ماڭىنداعى ەلدەرمەن تۇتاساتىن اۋە لەنيالارى اشىلدى. قازىر، رايونىمىزدا حالىقتىق تاسىمال اۋەجايىنان 21 ءى بار، ەلىمىزدە قاتىنايتىن 237 اۋە لەنياسى، حالىقاراعا قاتىنايتىن 24 اۋە لەنياسى اشىلدى. حالىقتىق اۆياتسيا شينجياڭ باسقارۋ مەكەمەسىنىڭ ورىنباسار باستىعى جۋ شياڭ بىلاي دەدى: « ءبىز تاعى ەلىمىزدەگى ساياحات جاعىنداعى جيناۋ-جونەلتۋ قالالارىنان شينجياڭعا قاتىنايتىن اناعۇرلىم كوپ اۋە لەنياسىن اشىپ، باتىس ەۆروپاعا قاتىنايتىن نەداۋىر ماڭىزدى حالىقارالىق اۋە لەنيالارىنا كەزەكشى ايروپىلان قاتىناتامىز، ورتا، باتىس ازيانىڭ ماڭىنان بولاشاقتا ءىشىنارا ساياحات لەنيالارىن اشىپ، حالىقارالىق اۋەجايلاردى، شەكارا وتكەل اۋەجايلارىن كوبەيتەمىز».
تەمىرجول قۇرىلىسىنىڭ قارقىنى ۇزدىكسىز تەزدەدى. گولمۇت-كورلا تەمىر جولى، التاي-كوكتوعاي ـــ شىعىس جۇڭعار تەمىرجولى، قارامايلى-شاۋەشەك تەمىرجولى، ءۇرىمجى ۆاگزالى سياقتى تەمىرجول نىسانى قاربالاس جۇرگىزىلدى. شينجياڭنىڭ شىعىسى ىشكى ولكەمەن بىرلەسكەن، باتىسى ورتا ازياعا تۇتاسقان تەمىرجول تاسىمالىنىڭ نەگىزگى قاڭقاسى قالىپتاسا باستادى. 8-ايدىڭ 29-كۇنى، جۇڭگو-ەۆروپا كەزەكشى پويەزىنىڭ ءۇرىمجى جيىناۋ ورتالىعىن كەڭەيتىپ سالۋ ينجەنەرياسى باستالدى، يەلەيتىن اۋماعى 900 مۋدان اساتىن، 700 ميلليون يۋانداي قارجى قوسىلاتىن نىساننىڭ قۇرىلىسى تۇگەلدەي اياقتاپ، پايدالانۋعا بەرىلگەننەن كەيىن، ول حالىقارالىق زات اينالىمىنىڭ دامۋىن جەبەپ، جىبەك جولى ەكونوميكالىق بەلدەۋى وزەكتى رايونىنىڭ قاتىناس تورابى ورتالىعى قۇرىلىسىن ىلگەرىلەتۋدە ماڭىزدى رول اتقارادى. جۇڭگو تەمىرجولى ءۇرىمجى مەكەمەسى توبى شەكتى سەرىكتەستىگى شەتەلمەن سەلبەسۋ باسقارماسىنىڭ حالىقارالىق بىرىككەن تاسىمال كاسىبىنە جاۋاپتى لو جيانجياڭ بىلاي دەدى: «تۇتاس ۆاگزالداردى جاقسارتۋ ارقىلى جيناۋ ورتالىعىنىڭ يقۋاتىن كۇشەيتىپ، زاتتى تىكە ەنگىزىپ جانە شىعارىپ، شىعىسپەن بىرلەسىپ، باتىسقا شىعارۋدى اناعۇرلىم ىركىلىسسىزدەندىرىپ، وزىندىك قۇندى تومەندەتىپ، ونىمدىلىكتى جوعارىلاتامىز، مۇنىڭ جۇڭگو-ەۆروپا كەزەكشى پويەزىنىڭ جيناۋ، شوعىرلى تاسىمالداۋى جونىنەن توتەنشە زور، كورنەكتى جەبەۋ ونىمدىلىگى بار».


بەرىپ كەت ورامالىڭدى

دوستار

الىستاعى اق ەركە