جاڭا حابارلار

شي جينپيڭ مەن پىڭ لييۋان جۇڭگو - افريكا سەلبەستىك تالقى مىنبەرىنىڭ باسشىلار باس قوسۋىنا قاتىناسقان شەت جاقتىڭ باسشىلارىن جانە ولاردىڭ حانىمدارىن قارسى الدى

    كەلۋ قاينارى: شينجياڭ گازەتى    2018-09-05 13:11:27  

9 - ايدىڭ 3 - كۇنى مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى حالىق سارايىندا قوناعاسى وتكىزىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنا قاتىناسقان شەت جاقتىڭ باسشىلارى مەن حانىمدارىن قارسى الدى. شي جينپيڭ كەشكى قوناعاسىدا ارناۋ ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 شينحۋا اگەنتتىگىنىڭ 9 - ايدىڭ 3 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ مەن حانىمى پىڭ لييۋان 9 - ايدىڭ 3 - كۇنى حالىق سارايىندا قوناعاسى بەرىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنا قاتىناسقان شەتەل باسشىلارىن جانە ولاردىڭ حانىمدارىن قارسى الدى. لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى قاتىناستى.
  وسى كۇنى كەشتە حالىق سارايىندا شام - شىراقتار جايناپ، كوڭىلدى دە بەرەكەلى بولدى. شي جينپيڭ مەن پىڭ لييۋان سيلى قوناقتارمەن ىقىلاستى تۇردە قول الىسىپ، ءوزارا امانداستى. قاعىلەز دە سۇيكىمدى 56 ورەن قولدارىنا جۇڭگو - افريكا سەلبەستىك تالقى مىنبەرىنە مۇشە تاراپتاردىڭ مەملەكەت تۋىن، جينالىس تۋىن ۇستاپ، جۇڭگو مەن شەت جاقتىڭ باسشىلارىن جانە ولاردىڭ حانىمدارىن قىزۋ قارسى الدى، قول ۇستاسىپ، باسشىلاردى جانە ولاردىڭ حانىمدارىن توپتىق سۋرەتكە تۇسۋگە ءبىر - بىردەن باستادى. شي جينپيڭ مەن پىڭ لييۋان ءار ەلدىڭ باسشىلارىمەن جانە ولاردىڭ حانىمدارىمەن كولەمدى سۋجوۋ كەستەسى قابىرعا كەسكىنى − «ۇلى قورعاننىڭ» الدىندا ەستەلىك سۋرەتكە ءتۇستى. وسىدان كەيىن، قابىرعا كەسكىن اشىلىپ، جۇڭگو مەن شەت جاقتىڭ باسشىلارى جانە ولاردىڭ حانىمدارى اق ءمارمار باسپالداقتىڭ الدىندا ايالداپ، بالالار حورى «جۇپارگۇلدى» تىڭدادى. قوناعاسى زالىنا كەتىپ بارا جاتقاندا، سالتاناتتى كيىنگەن جاستار مەن ورەندەر ءان ايتىپ، ءبي بيلەپ، الىستان كەلگەن سيلى قوناقتاردى قارسى الدى.
  اسەم بەزەندىرىلگەن قوناعاسى زالى سيلى قوناقتارعا لىق تولدى. ويناقى قۇتتىقتاۋ كۇيى ۇنىندە، شي جينپيڭ مەن پىڭ لييۋان سيلى قوناقتارمەن بىرگە قوناعاسى زالىنا كىردى.
  شي جينپيڭ ءسوز سويلەپ، جۇڭگو ۇكىمەتى مەن جۇڭگو حالقى اتىنان باسشىلاردىڭ كەلگەنىن قىزۋ قارسى الدى. شي جينپيڭ مىنانى اتاپ كورسەتتى: 12 جىلدىڭ الدىندا، جۇڭگو - افريكا باسشىلارى بەيجيڭدە باس قوسىپ، دوستىقتى تىلگە تيەك ەتىپ، سەلبەستىكتى بىرگە اقىلداستى. 12 جىلدان كەيىن، ءبىز وسى ارادا تاعى ءبىر نيەتپەن ۇلى ءىس تىندىرىپ، اۋەلگى ماقساتتى ۇمىتپاي، بولاشاققا جول اشتىق. 12 جىلدان بەرى، جۇڭگو - افريكا قارىم - قاتىناسى ءۇرتىس اقاۋسىز تەز قارقىنمەن دامىپ، ءتۇرلى ساتىداعى اۋىس - كۇيىس اناعۇرلىم نىعايىپ، ءتۇرلى سالاداعى سەلبەستىك اناعۇرلىم دۋمانداي ءتۇستى، جۇڭگو - افريكا دوستىعى ۇلى شاڭىراعىنىڭ كۇش - قۋاتى اناعۇرلىم زورايىپ، جۇڭگو - افريكا حالقىنىڭ تاعدىرى اناعۇرلىم تىعىز قابىستى. جۇڭگونىڭ «افريكا ەلەمەنتى» مەن افريكانىڭ «جۇڭگو ەلەمەنتى» ءبىرىن - ءبىرى نۇرلاندىرىپ، جۇڭگو مەن افريكا حالقىنىڭ بارىس - كەلىسى سان الۋان، تاماشا بولدى.
  شي جينپيڭ مىنانى باسا دارىپتەدى: ءبىز اناعۇرلىم بەرىك سەنىممەن جانە بەكىممەن، اناعۇرلىم قويۋ جۇڭگو - افريكا تاعدىرلاس ورتاق تۇلعاسىنىڭ جوباسىن بىرگە جاساپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ كەڭ تاراۋىن بىرگە ورىندايمىز؛ جۇڭگو - افريكا سەلبەستىگىنىڭ «سەگىز ءىرى ارەكەتىن» جاپپاي اتقارۋ ءۇشىن جوبا جاساپ، «ءبىر بەلدەۋ، ءبىر جول» ۇلى اياق الىسىن بىرگە اقىلداسۋدى، بىرگە قۇرۋدى، بىرگە يگىلىكتەنۋدى قول ۇستاسا ىلگەرىلەتەمىز؛ وركەندەپ كەلە جاتقان ەلدەردىڭ ىنتىماعىن، سەلبەستىگىن كۇشەيتۋگە بىرگە اقىل - پاراسات جانە كۇش قوسىپ، دۇنيە ءجۇزىنىڭ بەيبىتشىلىگى مەن دامۋىن جەبەيتىن پارمەندى تىرەكتى سەلبەسىپ ورناتامىز. جۇڭگو افريكا ەلدەرىمەن بىرگە، ۋادەنى ارەكەت ارقىلى ورىنداپ، تاريحتى ناقتى ءىس تىندىرۋ ارقىلى جازىپ، جۇڭگو - افريكا حالقىنىڭ تۇرمىسىن اناعۇرلىم باقىتتى دا تاماشا ەتىپ، جۇڭگو - افريكا دوستىعىنىڭ بولاشاعىن اناعۇرلىم شۇعىلا شاشتىرۋعا پەيىل.

9 - ايدىڭ 3 - كۇنى مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى حالىق سارايىندا قوناعاسى وتكىزىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنا قاتىناسقان شەت جاقتىڭ باسشىلارى مەن حانىمدارىن قارسى الدى. كەشكى قوناعاسىنىڭ الدىندا، شي جينپيڭ مەن پىڭ لييۋان شەت جاقتىڭ باسشىلارىمەن جانە ولاردىڭ حانىمدارىمەن بىرگە ءىرى كولەمدى سۋجوۋ كەستەلى قابىرعا سۋرەت − «ۇلى قورعاننىڭ» الدىندا ەستەلىك سۋرەتكە ءتۇستى.
سۋرەتتى شينحۋا اگەنتتىگىنىڭ ءتىلشىسى جاڭ لين تۇسىرگەن

 تالقى مىنبەرىنىڭ ورتاق ءتوراعاسى، وڭتۇستىك افريكانىڭ زۇڭتۇڭى رامافوسا افريكا ەلدەرى اتىنان ءسوز سويلەدى. ول بىلاي دەدى: جۇڭگو - افريكا سەلبەستىك تالقى مىنبەرى وڭتۇستىك پەن وڭتۇستىك سەلبەستىگى مەن كوپ جاقتى سەلبەستىكتىڭ ماڭىزدى مىنبەرى. «دەربەس قيمىلداۋ تەز، كوپپەن بىرگە قيمىلداۋدىڭ بولاشاعى بار»، افريكا ەلدەرىنىڭ «2063 - جىلعى كۇن ءتارتىبى» ۇلى جوباسىن ىسكە اسىرۋدا، جۇڭگو سەنىم ارتۋعا جارايتىن سەلبەستىك سەرىك. تالقى مىنبەرىنىڭ بەيجيڭدەگى باسشىلار باس قوسۋى، ءسوزسىز، افريكا مەن جۇڭگو قارىم - قاتىناسىن جاڭا دەڭگەيگە كوتەرەدى. تالقى مىنبەرىنە قاتىناسقان ءار ەل باسشىلارى تىزە قوسا وتىرىپ، بۇرىنعىعا مۇراگەرلىك ەتىپ، بولاشاققا جول تارتىپ، باسشىلار باس قوسۋىنىڭ تابىستى بولۋىنا كەپىلدىك ەتىپ، جاڭا داۋىردەگى افريكا - جۇڭگو دوستىعى، سەلبەستىگى ءۇشىن بەرىك نەگىز قالاۋ كەرەك.
  قوناعاسى كوڭىلدى دە دۋماندى بولدى. شي جينپيڭ ءار ەلدىڭ باسشىلارىمەن ىقىلاستى اڭگىمەلەسىپ، جۇڭگو - افريكا ەلدەرىنىڭ بىرگە دامۋىن، گۇلدەنۋىن، العا ىلگەرىلەۋىن، حالىقتىڭ باقىتتى دا الاڭسىز بولۋىن ءۇمىت ەتتى، جۇڭگو - افريكا سەلبەستىك تالقى مىنبەرىنىڭ تىڭ ساپارعا قادام تاستاۋىن، تىڭ پاراق اشۋىن، بەيجيڭدەگى باسشىلار باس قوسۋىنىڭ بۇكىلدەي تابىستى بولۋىن تىلەدى.
  قوناعاسىدان كەيىن، شي جينپيڭ مەن پىڭ لييۋان سيلى قوناقتارمەن بىرگە كونسەرت كوردى.
  ساعات 20دان 20 مينۋت وتكەندە، كونسەرت «كوككە سامعاعان كەمپىر قوساق» بيىمەن شىمىلدىعىن اشتى. بيشىلەر جىبەك تاسپالاردىڭ كومەگىمەن اۋەدە قالىقتاي بيلەپ، دۇنحۋاڭ كوركەمونەرىنىڭ كوز تارتار ارايىن كوزگە ەلەستەتتى. بارابان ءبيى «بارابان مەن كەرنەيدىڭ ءۇن قاتىسۋى» جۇڭگونىڭ بارابان مۋزيكاسىنىڭ، افريكا برۋندي ۇلكەن بارابانىنىڭ جانە نيگەريا بارابان مۋزيكاسىنىڭ جاۋھارىن توعىستىرىپ، ەكى ءتۇرلى وركەنيەتتىڭ جاراسىمدى قاتار ءومىر ءسۇرۋى ۇستانىمىن جەتكىزىپ، جۇڭگو - افريكا سەلبەستىگىنە دەم بەرىپ، قايرات ۇستەدى. حۋاين بايىرعى اۋەنى «جىبەك جولىنىڭ جاڭعىرىعى» ەسكى مەن قازىرگىنىڭ اسەم ۇشتاسۋىن ايگىلەدى. جۇڭگو - افريكا ۋشۋ كۋرسانتتارى مەن جۇڭگو سىبىزعىسى، گۋجىڭ ارتيستەرى بىرگە ورىنداعان «ۋدۇڭ ليڭيۇن» قوزعالىس پەن تىنىشتىقتى، سوزىلۋ مەن جازىلۋدى ۇشتاستىرىپ، جۇڭحۋا مادەنيەتىنىڭ كۇش پەن ءبيازىلىق قاتار ورىلگەن وزگەشە كوركەمدىگىن كوز الدىعا اكەلدى. دۋماندى دا ويناقى ءان - ءبي «پاداپادا» وڭتۇستىك افريكا حالقىنا ابدەن تانىس ءان اۋەنى مەن ءبيدى جاندى تۇردە ۇشتاستىرىپ، افريكا دالاسىنىڭ شاتتىققا شومعان بەينەسىن سومدادى. جۇڭگو - افريكا كوركەمونەرشىلەرى ساحنادا بىرگە شىعىپ ورىنداعان كلاسسيكالىق بالەت تەاترى «دون كيحوتتان» ءۇزىندى كلاسسيكالىق «ۇلكەن ەكى كىسىلىك ءبي» بالەت تەحنيكاسىن مارەسىنە جەتكىزدى. ارقاۋ مۋزيكا «تاعدىرلاس ورتاق تۇلعا» «سەلبەسە تەڭ يگىلىكتەنىپ، اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قول ۇستاسا قۇرۋدى» اسقاقتاتا شىرقاپ، جۇڭگو - افريكا حالىقتارىنىڭ «دوستىق − بىردەن - ءبىر ورتاق جول، ءبىر نيەتپەن كوركەم بولاشاققا قاتار قانات قاعامىز» دەگەن جۇرەكجاردى تىلەگىن بەينەلەدى. جۇڭگو مەن افريكا ەلدەرىنەن كەلگەن ءان - ءبي ارتيستەرى مەرەكەلىك كيىم كيىپ، ساحناعا بىرگە شىعىپ ديناميكا مەن ىرعاققا تولى ءان - ءبي «جاڭا داۋىردە بيلەيمىزدى» ورىنداپ، ءار ەلدەن كەلگەن قوناقتارمەن بىرگە ءان شىرقادى، ورەندەر كوز بايلاۋشىلىق تاسىلمەن جۇڭگو مەن افريكا ەلدەرىنىڭ مەملەكەت تۋىن اشىققا شىعارىپ، جۇڭگو - افريكا ىنتىماعى مەن سەلبەستىگىنە ىزگى تىلەك تىلەپ، 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ تولىق تابىستى بولۋىن تىلەپ، كونسەرتتىڭ مەرەيىن كوتەرىپ تاستادى.
  ديڭ شۋەشياڭ، ياڭ جيەچى، حۋاڭ كۇنميڭ، ساي چي، ۋاڭ ي، جاۋ كىجى، حى ليفىڭ قاتارلىلار وسى ايتىلعان قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە