جاڭا حابارلار

ءۇرىمجىنىڭ قاتىناس ساقشى تاراۋلارى اۆتوكولىكتى، شوفەرلەردى باسقارۋ كاسىبى جاعىندا حالىققا قولايلى جاڭا شارانى تاعى شىعاردى

    كەلۋ قاينارى: شينجياڭ حالىق راديو ىستانسياسى    2018-09-05 12:05:08  

ستانسيامىزدىڭ ءتىلشىسى لان تياننىڭ حابارى: 9-ايدىڭ 1-كۇنىنەن باستاپ، ءۇرىمجىنىڭ قاتىناس ساقشى تاراۋلارى اۆتوكولىكتى، شوفەرلەردى باسقارۋ كاسىبى جاعىندا حالىققا قولايلى جاڭا شارانى تاعى شىعاردى. مۇندا اۆتوكولىكتەردى مەملەكەت بويىنشا «جاپپاي تەكسەرۋ»، بارلىق ءنومىرى تارتىلعان شوفەرلەرگە قاراتىلعان «3+4» ۇيرەنۋ ۇلگىسى سياقتى كاسىپتەردى اشۋ ارقىلى جۇمىس ءبىتىرۋ بارىسىن ءونىمدى قاراپايىمداستىردى.
ءۇرىمجى قالالىق قوعام حاۋىپسىزدىگى قاتىناس ساقشى تارماق اترەتى اۆتوكولىكتەردى باسقارۋ ورنىنىڭ حالىق ساقشىسى جاڭ دان تانىستىرا كەلىپ بىلاي دەدى: «بيىل 1-ايدان قازىرگە دەيىن، ۇرىمجىدە توراپ ارقىلى تەكسەرىلگەن موتورلى كولىكتىڭ سانى 300 مىڭنان اسىپ، كۇنىنە ورتا ەسەپپەن باسقا جەردىڭ 500 دەن ارتىق اۆتوكولىگى ۇرىمجىدە توراپ ارقىلى تەكسەرىلدى. وسى رەت شاعىن تۇرپاتتى اۆتوموبيل، جۇك اۆتوموبيلى جانە ورتا تۇرپاتتى جولاۋشى اۆتوموبيلى ولكە اتتاپ باسقا جەردە تەكسەرىلەتىن بولدى، بۇل بۇكىل ەل كولەمىندە جاپپاي تەكسەرۋ جۇمىسىن ءبىتىرۋ بارىسىن ءونىمدى قاراپايىمداستىردى. بۇرىن باسقا جەردىڭ اۆتوكولىكتەرىن تەكسەرۋ ءۇشىن اۆتوكولىكتىڭ تىزىمگە تىركەلگەن جەرىندەگى اۆتوكولىك باسقارۋ ورنىنىڭ باسقا جەردىڭ بىتىرۋىنە تاپسىرۋ حاتىن قاجەت ەتەتىن، تاعى جازباشا حاتتى جانە ازامات كۋالىگىنىڭ ءتۇپ نۇسقاسىن، اۆتوكولىك جۇرگىزۋ كۋالىگىن بىرگە پوچتادان جىبەرگەننەن كەيىن، اۆتوكولىكتى تەكسەرەتىن، بۇعان از دەگەندە 10 نەشە كۇن كەتەتىن. قازىر ءوتىنىش ەتۋشى موتورلى كولىكتى تىزىمدەگەن جەردەن باسقا جەردە اۆتوكولىگىن تىكە تەكسەرتىپ، تەكسەرۋدە تولىمدى بولعان بەلگىنى ءوتىنىش ەتەدى، ۋاكىلدىك رەتىندە تەكسەرتۋ ءراسمياتىن ءبىتىرۋدىڭ قاجەتى جوق».
بۇدان سىرت، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ اۆتوكولىك باسقارۋ ورنى تاعى ءبىر رەتكىءنومىر پەريوتىندا تارتىلعان ءنومىرى 12 نومىرگە تولعان شوفەرلەرگە «بارلىق ءنومىرى تارتىلۋ ۇيرەنۋىنە» قاتىناستىرىپ، ۇستىندە تاربيەلەۋ مەن توراپ ارقىلى تاربيەلەۋ ۇشتاستىرىلعان جاڭا ۇلگىنى شىعارىپ، قالا تۇرعىندارى كەسكىن اپپاراتى بار كومپيۋتەر ارقىلى كەز-كەلگەن ۋاقىتتا توراپقا شىعىپ ۇيرەنە الاتىن بولدى. جاڭ دان بىلاي دەدى: «بۇرىن موتورلى كولىك شوفەرلەرىنىڭ تارتىلعان ءنومىرى 12 نومىرگە تولعاننان كەيىن، ۇلانبايداعى شوفەرلەردى تاربيەلەۋ ورتالىعىنا بارىپ 7 كۇندىك ۇيرەنۋگە قاتىناساتىن، ال ينتەرنەتتەگى «3+4» ۇلگىسىندە، شوفەرلەر الدىمەن ۇلانباي تاربيەلەۋ ورتالىعىنا بارىپ، جەكە ينفورماتسياسىن تىزىمدەتىپ، توراپقا شىعۋ بۇيرىعىن الادى، ودان كەيىن ينتەرنەت ارقىلى 4 كۇن ۇيرەنەدى، الدىن الا ۋادەلەسىپ جۇرمەيدى، ۇلانبايعا بارىپ 3 كۇن ۇيرەنگەننەن كەيىن، ەمتيحان بەرۋ ۋاقىتىنا ۋادەلەسەدى».


بەرىپ كەت ورامالىڭدى

دوستار

الىستاعى اق ەركە