جاڭا حابارلار

رايونىمىز كاسىپتىك وقۋ-اعارتۋ قۇرىلىسىن كۇشەيتىپ، كەدەيلەردى دالمە-ءدال سۇيەمەلدەپ حالىقتىڭ كىرىسىن ارتتىرۋىن جەبەدى

    كەلۋ قاينارى: شينجياڭ حالىق راديو ىستانسياسى    2018-09-04 18:07:22  

ستانسيامىزدىڭ تىلشىلەرى ديڭ شياۋدان، دۇڭ جىيۇڭ، ليۋ چياڭداردىڭ حابارى: باس شۋجي شي جينپيڭ: كاسىپتىك وقۋ-اعارتۋ ـــ حالىقتىق وقۋ-اعارتۋ جۇيەسى مەن ادام كۇشى بايلىعىن اشۋدىڭ ماڭىزدى قۇرامداس بولەگى، وعان،ءسوزجوق، باسا ءمان بەرىپ، دامۋ اياق الىسىن تەزدەتۋ كەرەك،-دەگەندى اتاپ كورسەتتى. سوڭعى جىلدارى، رايونىمىز كاسىپتەندىرۋ بەتالىسىنا تاباندى بولىپ، كاسىپتىك وقۋ-اعارتۋدى بارىنشا دامىتىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن بارىنشا تەرەڭدەتىپ، ورتالاۋ، ورتا مەكتەپتى تاۋىسىپ ءالى كاسىپتەنە الماعانداردى كاسىپتىك ونەرگە تاربيەلەۋ اياق الىسىن ىلگەرىلەتۋدى جاپپاي جالپىلاستىردى.
وقۋ باستاعان ەكى كۇننەن بەرى، شينجياڭ جەڭىل ونەركاسىپ كاسىپتىك تەحنيكالىق شۋەيۋانى توقىما تەحنيكاسى بولىمشە مەكتەبىنىڭ 2016-جىلدىق وقۋشىلارى ىركەس-تىركەس 13 توقىما كيىم-كەشەك كاسىپورىنىمەن قىزمەتكە شىعۋدان بۇرىن پراكتيكا ىستەۋ، كاسىپتەنۋ ىستەرىنە قاتىستى جۇمىستاردى ۇشتاستىردى. وسىنىڭ الدىندا، ءۇيى كورلا قالاسىندا تۇراتىن وقۋشى سۇن حاييان ءۇرىمجى، شىحىزى، كورلا سياقتى 3 جەردەگى توقىما كاسىپورنىنىڭ قىزمەتكە قابىلداۋ تىلەكناماسىن تاپسىرىپ الدى، ءبىر بەكىمگە كەلە الماعاندىقتان، ول مۇعالىمىنا بارىپ ونىڭ جەتەكشىلىك ەتۋ پىكىرىن تىڭداپ، سوڭىندا كاسىپتەنۋ بەتالىسىن تۇراقتاندىردى. سۇن حاييان: «مەكتەپتىڭ تانىستىرۋىمەن، كورلا قالاسىنداعى فۋ-لي-دا توقىما شەكتى سەرىكتەستىگىمەن كاسىپتەنۋ كەلىسىمىنە قول قويدىم، قىزمەتكە شىعۋدان بۇرىنعى پراكتيكا مەزگىلىندە 2 مىڭ يۋانداي ەڭبەكاقى الامىن، الداعى ەكى دە ءۇش جىلدا، باقىلاۋشىدان تەحنيكالىق باسقارۋشىعا اينالۋدى ءۇمىت ەتەمىن، وسى كاسىپتى ويداعىداي ىستەي الاتىنىما كامىل سەنەمىن»،-دەدى.
شينجياڭ جەڭىل ونەركاسىپ كاسىپتىك تەحنيكالىق شۋەيۋانى توقىما تەحنيكاسى بولىمشە مەكتەبىنىڭ «1+2» وقىتۋ تۇزىمىندەگى وقۋشىلارى مەكتەپتە ەكى جىل ۇيرەنىپ، امالياتتان وتكىزگەننەن كەيىن، ءۇشىنشى جىلدان باستاپ قاتىستى كاسىپورىندارعا بارىپ قىزمەتكە شىعۋدان بۇرىنعى پراكتيكاعا قاتىناسادى، ءارى كاسىپورىنمەن كاسىپتەنۋ كەلىسىمىنە قول قويادى. قازىر، مەكتەپتىڭ توقىما تەحنيكاسى كاسىبىنەن وقۋ تاۋىسقان 124 وقۋشى ادام ىستەتىن ورىندارمەن كاسىپتەنۋ كەلىسىمىنە قول قويدى.
اۆتونوميالى رايون توقىما كاسىبىن جەدەل دامىتىپ، ءبىر ميلليون ادامدى كاسىپتەندىرۋدى العا قويعاننان بەرى، شينجياڭ جەڭىل ونەركاسىپ كاسىپتىك تەحنيكالىق شۋەيۋانى 12 كاسىپورىنمەن توقىما، كيىم-كەشەك تاربيەلەۋ بازاسىن قۇرىپ، مەكتەپ پەن كاسىپورىن سەلبەستىك جاساپ، وقۋشىلاردى بىرلىكتە تاربيەلەدى. سونىمەن بىرگە، مەكتەپ تاعى 6 مىڭ 200 شارشى مەترلىك «توقىما الەۋمەتتىك تاربيەلەۋ بازاسى» جانە «كيىم-كەشەك ناقتىلى جاتتىعۋ سەحىن» قۇردى، كاسىپورىن ءوندىرىس تەحنولوگياسىنىڭ تارتىبىنە ساي، ءبىر مىڭ 40 ماقتا تاراۋ، ءتۇرلى ءجىپ ءيىرۋ ماشيناسىن ازىرلەپ، وقۋشىلاردىڭ ۇيرەنۋ كەزىندە، قاتىستى ءوندىرىس ونەرىن يگەرۋىنە كومەكتەستى. شينجياڭ جەڭىل ونەركاسىپ كاسىپتىك تەحنيكالىق شۋەيۋانى توقىما بولىمشە مەكتەبىنىڭ باستىعى لي گۇيرۇڭ بىلاي دەدى: اۆتونوميالى رايوننىڭ توقىما دارىندىلارىن تاربيەلەۋ بازاسى رەتىندە، جابدىق، وقىتۋشى جاعىنداعى ابزالدىلىعىمىزدى ساۋلەلەندىرىپ، ءوندىرىس پەن وقىتۋدىڭ ۇشتاسۋىن كۇشەيتىپ، مەكتەپ پەن كاسىپورىننىڭ سەلبەستىك جاساۋ جولىن كەڭەيتىپ، وڭتۇستىك شينجياڭداعى تىرەكتى وقىتۋشىلاردى ۇزبەي تاربيەلەپ، وڭتۇستىك شينجياڭداعى كاسىپتەنگەندەردى ونەرىن ۇشتاۋعا باستاپ، اۆتونوميالى رايونىمىزدىڭ توقىما، كيىم-كەشەك كاسىبىن دامىتىپ، ءبىر ميلليون ادامدى كاسىپتەندىرۋ اياق الىسىن ىلگەرىلەتۋىنە دارىندى دايىنداپ بەرەمىز.
باس شۋجي شي جينپيڭ بىلاي دەپ اتاپ كورسەتتى: اۋىل-قىستاق رايوندارىنداعى، از ۇلت رايوندارىنداعى، كەدەي رايوندارداعى كاسىپتىك تاربيەنى قولداۋ تەبىنىن ارتتىرىپ،ءاربىر ادامنىڭ ارتىقشىلىعىن ساۋلەلەندىرۋىنە وراي جاراتۋعا قۇلشىنۋ كەرەك. بيىل الدىڭعى جارىم جىلدا، رايونىمىز «وڭتۇستىك شينجياڭداعى ءۇش ايماق، ءبىر وبلىستىڭ ەرەكشە كەدەي رايوندارىندا كاسىپتەندىرۋ ارقىلى كەدەيلەردى سۇيەمەلدەۋ، تاربيەلەۋ ارقىلى جەبەۋ جوسپارىن» پارمەندى اتقارىپ، كەدەي وتباسىنداعى ەڭبەككۇشتەردى جان-جاقتىلى تاربيەلەپ، كەدەي وتباسىنداعى جالپى 60 مىڭ 400 ەڭبەككۇشتى تاربيەلەپ، تۇتاس جىلدىق نىسانا مىندەتتىڭ %97.4 تىن ورىنداپ، وڭتۇستىك شينجياڭنىڭ كەدەيلىكتەن قۇتىلدىرۋدان قامال الۋىن دەمەدى.
لوپ اۋدانى اڭگيا اۋىلى توڭكايارىق قىستاعىنىڭ ۇقساتپالى قۇرىلىس جۇرگىزۋ ورنىندا، 20 كەدەي قىستاق تۇرعىنى شينجياڭ اۋىل شارۋاشىلىق كاسىپتىك تەحنيكالىق شۋەيۋانىنداعى وقىتۋشىلاردىڭ جەتەكشىلىگىندە كىرپىش قالاۋ، سىلاق سياقتى قۇرىلىس تەحنيكالارىن ۇيرەندى. قازىر، شينجياڭ اۋىل شارۋاشىلىق كاسىپتىك تەحنيكالىق شۋەيۋانى لوپ اۋدانىنداعى كاسىپتەنەيىن دەيتىن ويى جوق، بەلگىلى ونەر دە يگەرمەگەن كەدەي وتباسىنىڭ 300 مۇشەسىن 3 كەزەككە ءبولىپ «امبەباپ ساپا كۋرسىن» اشىپ، ولاردىڭ كاسىپتەنۋ قابىلەتىن جوعارىلاتۋىنا كومەكتەستى. توڭكايارىق قىستاعىنىڭ تۇرعىنى تۇرسىنتوقتى ءيسلام: «بۇرىن تەحنيكادان حابارسىز ەدىم، ەگىس جۇمىسىمەن عانا شۇعىلدانعام، كىرىسىم دە تومەن بولاتىن، قازىر وسىنداي جاقسى ۇيرەنۋ ورايىنا يە بولىپ وتىرمىن، تەحنيكانى جاقسى ۇيرەنىپ، ەرتەرەك قىزمەت ىستەۋگە ۇمتىلىپ، كىرىسىمدى ارتتىرىپ تۇرمىسىمدى جاقسارتامىن»،-دەدى.
2017-جىلى 12-ايدىڭ 13-كۇنى، لوپ اۋدانى مەن شينجياڭ اۋىل شارۋاشىلىق كاسىپتىك تەحنيكالىق شۋەيۋانى «اۋىل-قىستاقتاردى كوركەيتۋ ستراتەگياسى» سەلبەستىك كەلىسىمىن جاساستى. كەلىسىم بويىنشا، شينجياڭ اۋىل شارۋاشىلىق كاسىپتىك تەحنيكالىق شۋەيۋانى اۋىل-قىستاقتارداعى ارتىق ەڭبەككۇشتەرگە باسقا سالادا كاسىپتەنۋ ونەرىن ۇيرەتۋ، اۋىل شارۋاشىلىق ونىمدەرىن ەرەكشە قۇنىتتاپ مانەرلەۋ جانە قوراپتاۋ،جوبالاۋ سياقتى جاقتاردان جان-جاقتىلى، كوپ ساتىلى كومەك بەردى جانە قولدادى. سونىمەن بىرگە، لوپ اۋداندىق كاسىپتىك تەحنيكالىق مەكتەبىن جان-جاقتىلى اماناتتامالى سۇيەمەلدەپ، تاربيەلەۋ ارقىلى كاسىپورىنداردى ەنگىزىپ مەكتەپتەرگە بارۋ جانە مەكتەپ مەن كاسىپورىن سەلبەسۋ سياقتى تاسىلدەردى قولدانىپ، مەكتەپ جانە وقۋشىلاردىڭ دامۋىنا كومەكتەستى. لوپ اۋدانىنىڭ ورىنباسار اكىمى، شينجياڭ اۋىل شارۋاشىلىق كاسىپتىك تەحنيكالىق شۋەيۋانى ۇستەپ وقۋ شۋەيۋانى پارتيا باس ياچەيكاسىنىڭ شۋجيى چى يۇڭ بىلاي دەدى: «اۋداندىق پارتكوم، ۇكىمەت جانە شينجياڭ اۋىل شارۋاشىلىق كاسىپتىك شۋەيۋانى تەحنيكالىق تاربيەنى، كاسىپ دەڭگەيىن جوعارىلاتۋدى، كاسىپتى دامىتۋدى، تەحنيكالىق دارىندىلاردى جەتىلدىرۋدى كۇش سالا ىلگەرلەتەدى. كاسىپورىنداردى مەكتەپتەرگە ەنگىزۋ جانە مەكتەپ مەن كاسىپورىننىڭ سەلبەستىك ۇلگىسى ــ مەكتەپ اشقان كاسىپتەر مەن ديحانداردىڭ ساپالى جەمىس اعاشى ونىمدەرىن ۇشتاستىرۋ سانالادى».


بەرىپ كەت ورامالىڭدى

دوستار

الىستاعى اق ەركە