جاڭا حابارلار

شينجياڭنىڭ ساپالى اۋىل شارۋاشىلىق قوسىمشا ونىمدەرى جۇڭگو ــــــــ ازيا-ەۆروپا كورمەسىنە سۇيەنىپ ساتۋدىڭ تىڭ جولىن اشتى

    كەلۋ قاينارى: شينجياڭ حالىق راديو ىستانسياسى    2018-09-04 17:31:59  

ستانسيامىزدىڭ جيناق حابارى: 6-كەزەكتى جۇڭگو ــــــــ ازيا-ەۆروپا كورمەسىندە رايونىمىزدىڭ جەر-جەرىنىڭ ساپالى اۋىل شارۋاشىلىق قوسىمشا ونىمدەرى شوعىرلى كورمەگە قويىلدى، اۋىل شارۋاشىلىق ونىمدەرى كاسىبىمەن شۇعىلداناتىن كاسىپورىندار وسى حالىقارالىق تەكشەدەن پايدالانىپ، شينجياڭنىڭ ايگىلى، ساپالى اۋىل شارۋاشىلىق قوسىمشا ونىمدەرىن ەل ءىشى-سىرتى بازارلارىنا شىعارىپ، اۋىل شارۋاشىلىعىن كاسىپ سالالاندىرىپ دامىتۋ قىزمەتىن ىلگەرىلەتىپ، ديحانداردى كىرىسىن ارتتىرىپ بايۋعا باستادى.
ەندى عانا اياقتاعان 6-كەزەكتى جۇڭگو ــــــــ ازيا-ەۆروپا كورمەسىندە، لوپنۇر اۋدانىنىڭ كورمەگە قويعان الاقات، قوي ەتى سياقتى 20 نەشە ءتۇرلى اۋىل شارۋاشىلىق قوسىمشا ءونىمى قىزۋ قارسى الىنسا، ال اۋدانداعى بۇقارانى بايۋعا باستاعان ماي توقاش لوپنۇر اۋدانىنىڭ وسى رەتكى كورمەگە قويعان نەگىزگى ونىمىنە اينالدى. شي-ان قالاسىنان كەلگەن ساۋداگەر لي-ي قولفونى ارقىلى اقى تاپسىرىپ جاتىپ ءوزىنىڭ قولفون ءنومىرىن قالتىرىپ كەتتى. ول تىلشىگە بىلاي دەدى: بۇل توقاش ءوزىمىزدىڭ جەۋىمىزگە دە، دوس-جاراندارىمىزعا اپارۋعا دا ۇيلەسەدى ەكەن، سوندىقتان، وسى جولى ماي توقاشتان كوپ ساتىپ الدىم.
قازىر لوپنۇر اۋدانىندا نان جابۋدى كاسىپ ەتەتىن وتباسىنان 86 سى بار، كولەمدەنگەن نان جابۋ سەلبەستىك كوپەراتيۆى قالىپتاسىپ، وسى كاسىپپەن شۇعىلداناتىندار 200 ادامنان استى. وسى كەزەكتى جۇڭگو ــــــــ ازيا-ەۆروپا كورمەسىنەن پايدالانىپ، لوپنۇر نانى ءتىپتى دە ۇزاق جەردەگى بازارلارعا جەتەتىن بولدى. لوپنۇر اۋدانى «حولييۋان» ازىق-تۇلىك شەكتى سەرىكتەستىگنىڭ جاۋاپتىسى ۋاڭ شوۋجۇن: «ءبىز ءبىر توننادان ارتىق نان دايىنداعانىمىزبەن، قامداۋ قاجەتتى قاناعاتتاندىرا الماي وتىر. كورمەدە كوپتەگەن ساۋداگەر نانىمىزدىڭ ءدامىن تاتىپ كورىپ، بىزبەن كەڭەسكەن سوڭ، كەيىن سىزدەردىڭ ۋاكىلدىك ساتۋشىلارىڭىز بولايىق دەپ حابارلاساتىن تەلەفون نومىرلەرىن بەرىپ كەتتى»،-دەدى.
رايونىمىزدىڭ ساپالى اۋىل شارۋاشىلىق قوسىمشا ونىمدەرىنىڭ مولشەرى زور، بۇكىل ەلدە اتاعى بار. وسى كەزەكتى جۇڭگو ــــــــ ازيا-ەۆروپا كورمەسىندە شينجياڭنىڭ اۋىل شارۋاشىلىق قوسىمشا ونىمدەرى جانە دە كوپتەگەن اۋدان-قالانىڭ كورمە ورنىنداعى نەگىزگى ونىمگە اينالىپ، ءتۇرى دە مول بولدى. ءتىلشى قۇنىتتاپ مانەرلەنگەن ونىمدەردىڭ كوبەيگەنىن، قورابىنىڭ ادەمى ەكەنىن، ولاردىڭ تۇتىنۋشىلاردىڭ تالعامىنا ۇيلەسەتىندىگىن بايقادى. ىلە «رۇنفۋدى» ەگىن-مال شارۋاشىلىعىن دامىتۋ شەكتى سەرىكتەستىگى كۇنەس اۋدانىنداعى مال شارۋاشىلىق ونىمدەرىن وندىرەتىن ۇلكەن سەرىكتەستىك، بۇل رەت ولار جۇڭگو ــــــــ ازيا-ەۆروپا كورمەسىنە بولەك كەسىپ دايىنداعان جاڭادان سويىلعان سيىر-قوي ەتى، تۇشپارا، كەپتىرلگەن سيىر ەتى سياقتى ونىمدەردى قويدى. سەرىكتەستىكتىڭ باس مەڭگەرۋشىسى رىن بيڭ تىلشىگە: «وسى كەزەكتى جۇڭگو ــــــــ ازيا-ەۆروپا كورمەسى ارقىلى شينجياڭ ونىمدەرىنىڭ شينجياڭنان شىعىپ ەل ءىشى بازارلارىنا جانە شەتەل بازارلارىنا جەتۋىن ءۇمىت ەتەتىنىن ايتتى».
وسى كەزەكتى ازيا-ەۆروپا كورمەسىنىڭ كەدەيلەردى سۇيەمەلدەۋ كورمە ورنىندا، شينجياڭ بويىنشا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتارعا تۇسكەن 108 قىزمەت اتىرەتى كورمەگە ءار ءتۇرلى اۋىل شارۋاشىلىق قوسىمشا ونىمدەرى مەن قول ونەر بۇيىمدارىن اكەلدى. ازيا-ەۆروپا كورمەسىندە، ۇيىمداستىرۋ كوميسسياسى تاعى ساتىپ الاتىن ساۋداگەرلەردىڭ باسىن قوسۋ ءماجىلىسىن اشىپ، ەلىمىزدەگى ەرەن بازارلار مەن ەلەكتروندى ساۋدا ورىندارىنىڭ ۋاكىلدەرىن ۇسىنىس ەتىپ، 200 ميلليون يۋاندىق ساۋدا توقتامىن جاساستى. باركول اۋدانى ساحارا جەمىس-جيدەك، كوكونىس كوپەراتيۆىنىڭ كورمەگە قويعان بوز ەرمەن، سارىمساق..... سياقتى 13 ءتۇرلى جاسىل زالالسىز ءونىمى قىزۋ قارسى الىندى. كوپەراتيۆتىڭ جاۋاپتىسى نيۋ چۇنشيا: «كوپەراتيۆىمىز جەرگىلىكتى ورىننان 23 ديقاندى ىستەتىپ وتىر، ولار جەرگىلىكتى دالا كوكونىسىن مانەرلەپ، كىسى باسىندىق جىلدىق كىرىسىن 20 مىڭ يۋانعا جەتكىزدى. مۇنىڭ ىشىندە بوز ەرمەن، سارىمساق ەرەكشى ءونىمىمىز سانالادى، تۇتىنۋشىلار قاتتى قىزىعىپ، سورەدەگى ونىمدەرىمىزدى تالاسا-تارماسا ساتىپ الدى»،-دەدى.
6-كەزەكتى جۇڭگو ــــــــ ازيا-ەۆروپا كورمەسى اۋىل شارۋاشىلىق قوسىمشا ونىمدەرىنىڭ ءوندىرىلۋى مەن ساتىلۋىنا اۋىس-كۇيىس جاسايتىن تەكشە ازىرلەۋمەن بىرگە، اۋىل شارۋاشىلىعىنداعى قۇنىتتاپ مانەرلەيتىن نىسانداردىڭ ىرگە تەبۋىنە نەگىز قالاپ، رايونىمىزدىڭ اۋىل شارۋاشىلىعىن كاسىپ سالالاندىرىپ دامىتاتىن كاسىپورندارىنا ونىمدەردى ساتۋدىڭ تىڭ جولىن اشىپ بەردى. شامعۇر مانەرلەيتىن كاسىپورىن ـــ شينجياڭ «شىنچۋان» بيولوگيا شەكتى سەرىكتەستىگىنىڭ باس جوراسى شياڭ ياڭ: «بۇل رەت 20 ميلليون يۋاندىق توقتامعا قول قويدىق، گۋاڭجوۋلىق، حۋجوۋلىق ساۋداگەرلەر دە ءبىزدىڭ ونىمىمىزگە قاتتى قىزىعىپ، كەلىسىم جاساساتىندىقتارىن ايتتى. ءبىز ولارمەن ىشكەرىلەي كەڭەسەمىز، دەمەك وسى رەتكى كورمەدەگى تابىسىمىز مول بولدى»،-دەدى.


بەرىپ كەت ورامالىڭدى

دوستار

الىستاعى اق ەركە