جاڭا حابارلار

ايروپلان بەلەتىنىڭ باعاسىن ارزانداتىپ، جولاۋشىلاردى باۋراۋدا

    كەلۋ قاينارى: شينجياڭ حالىق راديو ىستانسياسى    2018-09-04 12:32:25  

ستانسيامىزدىڭ ءتىلشىسى جين لەي مەن پراكتيكانت ءتىلشى لو يۋانميڭنىڭ حابارى: 9-ايدان بەرى، جازعى تاسىمال اياقتاعانىمەن، جوعارى مەكتەپتەر مەن ورتا تەحنيكوم وقۋشىلارىنىڭ ىلگەرىندى-كەيىندى مەكتەپكە قايتۋى سياقتى فاكتورلاردىڭ ىقپالىندا، شينجياڭ تەمىرجولىنداعى شينجياڭنان شىعاتىن پويەزدەردىڭ توسەك ورىن بەلەتىن الۋ قيىن بولىپ وتىر. ءىرى اۆياتسيا سەرىكتەستىكتەرى دە كەزەكشى ايروپلانداردى كوبەيتىپ، ايروپلان بەلەتىنىڭ باعاسىن ارزانداتىپ، جولاۋشىلاردى باۋراۋدا.
جوعارى مەكتەپتەر مەن ورتا تەحنيكومداردىڭ وقۋ باستايتىن مەزگىلىنىڭ كەلۋىنە وراي، تەمىرجول تاراۋلارىندا جولاۋشى مولشەرى قاۋىرت مولايدى. تۇستەن كەيىن ساعات 4 تە، ءتىلشى ءۇرىمجى ۆاگزالىنىڭ كىرەر اۋىزىنان، جولاۋشىلاردىڭ قاتارعا ءتارتىپتى تۇرعانىن، ال، كىرەر اۋىزدىڭ ءبىر جاق شەتىنەن ءۇرىمجى ۆاگزالىنىڭ ىركىلىسسىز ارنا اشىپ، وقۋشىلاردىڭ ۆاگزالعا تەز كىرىپ، بەلەتىن تەكسەرتۋىنە قولايلىق جاساعانىن كوردى. ءۇرىمجى ۆاگزالى جولاۋشى تاسىمال سەحىنىڭ قىزمەتكەرى شيا سىياڭ تانىستىرا كەلىپ بىلاي دەدى: «تاياۋدان بەرى، ءۇرىمجى ۆاگزالى نەگىزىنەن كۇنىنە 50 مىڭنان ارتىق جولاۋشى جونەلتۋدە، 8-ايدىڭ ورتا شەنىنەن 9-ايدىڭ 5-كۇنىنە دەيىن، شينجياڭنان شىعاتىن پويەزدەردىڭ، مىسالى، جىڭجوۋ، بەيجيڭ، شاڭحاي، گۋاڭجوۋ، شي-ان باعىتىنداعى پويەزداردىڭ بەلەتى وتە تاپشى، توسەك جانە ورىندىق بەلەتىن الۋ وتە قيىن بولسا، وڭتۇستىك-سولتۇستىك شينجياڭعا قاتىنايتىن پويەزدەردىڭ بەلەتى اسىپ قالدى. شاڭحايعا باراتىن K4918، شي-انعا قاتىنايتىن K4630، قۇلجاعا باراتىن K6703، پىشانعا قاتىنايتىن D8842، كورلاعا باراتىن K6716 كەزەكشى پويەزدارىن كوبەيتىپ قاتىناتتىق، ءار اپتانىڭ سوڭىندا قۇمىلعا D8884 دەمالىس كۇنگى پويەزىن قاتىناتىپ، جولاۋشىلاردىڭ اسىپ قالعان بەلەتىن رەتتەپ، كوپشىلىكتىڭ بەلەت ساتىپ الا الماۋ جاعدايىن باسەڭدەتەمىز».
مەجەگە قاراعاندا، رايونىمىزدان سىرتقا قاتىنايتىن جولاۋشىلار پويەزىنىڭ بەلەتىن ساتىپ الۋدىڭ قيىن بولۋ جاعدايى وسى ايدىڭ ورتا شەنىنە دەيىن جالعاساتىن كورىنەدى، شيا سىياڭ پويەز بەلەتىن ساتىپ الا الماعان وقۋشىلارعا ەسكەرتىپ بىلاي دەدى: «كەيبىر وقۋشىلار بەيجيڭ، شاڭحاي سياقتى جولاۋشىلار كوپ باراتىن جەرلەردىڭ پويەز بەلەتىن ساتىپ الا الماۋى مۇمكىن، ويتكەنى، كوپ وقۋشى مەكتەپكە بارىپ اسكەري جاتتىعۋعا قاتىنسۋى جانە مەكتەپكە تىزىمدەلۋى كەرەك. كوپشىلىكتىڭ جولعا شىعۋىنا ىقپال جاساماۋ ءۇشىن، ورتا جولدا جولاۋشى پويەزىن اۋستىرۋ سياقتى فورمامەن، ۇيلەسىمدى لەنيانى جانە ورتا جولدا پويەز اۋىستىرۋ سىندى تاسىلدەردى تاڭداۋدى ۇسىنىس ەتەمىز».
رايونىمىزدان شىعاتىن جولاۋشى مولشەرىنىڭ قاۋىرت ارتۋىنا بايلانىستى، اۆياتسيا سەرىكتەستىكتەرى دە جاپا-تارماعاي ءبىرسىپىرا شارا قولدانىپ، جولاۋشى قاينارى بازارىن يەلەدى. شىعىس اۆياتسيا سەرىكتەستىگى مەن حاينان اۆياتسيا سەرىكتەستىگى ايروپلان بەلەتىنىڭ باعاسىن ارزانداتۋ ارقىلى داشۋەگە جاڭادان قابىلدانعان وقۋشىلاردىڭ ايروپلانعا وتىرۋ مولشەرىن ارتتىردى. وڭتۇستىك اۆياتسيا سەرىكتەستىگىنىڭ شينجياڭ بولىمشەسى بازار ساۋداسى ءبولىمىنىڭ اۆياتسيا لەنياسىن باسقارۋشىسى گوۋ رۇيشۋە، وسى مەزگىلدە، ءۇرىمجى اۋەجايىنان اتتانعان جولاۋشىلاردىڭ سانى ءار كۇنى 20 مىڭ ادامنان اسىپ، 7-ايداعى كۇندىك جولاۋشى مولشەرىنەن ءبىر مىڭ 500 ادامداي كوبەيگەنىن، قازىر، سەرىكتەستىكتىڭ بەيجيڭ، شاڭحاي، گۋاڭجوۋ، چىڭدۋ سياقتى شىعىستاعى قالالارمەن تۇتاساتىن اۆياتسيا لەنياسىندا قاتىنايتىن جولاۋشى ايروپلانىن كوبەيتىپ، تاسىمال قۋاتىن ارتتىرعانىن ايتا كەلىپ بىلاي دەدى: «7-ايدان باستاپ، ءار كۇنى ۇرىمجىدەن گۋاڭجوۋعا قاتىنايتىن 6 رەتكى كەزەكشى ايروپلاندى كوبەيتتىك، 8-ايدىڭ ورتا شەنىنەن قازىرگە دەيىن، شىعىس باعىتتا قاتىنايتىن كەزەكشى ايروپلانداردىڭ بەلەت باعاسىنىڭ ارزانداۋ مولشەرى نەداۋىر جوعارى بولدى، 9-ايدان باستاپ بەلەت باعاسى بىرتىندەپ 50 ـــ %60 اينالاسىندا ارزاندايدى».


بەرىپ كەت ورامالىڭدى

دوستار

الىستاعى اق ەركە