جاڭا حابارلار

ءۇرىمجى ۆاگزالىنىڭ الدىنداعى قاتىناس ءتاسىلىن رەتتەدى

    كەلۋ قاينارى: شينجياڭ حالىق راديو ىستانسياسى    2018-09-04 12:09:39  

ستانسيامىزدىڭ ءتىلشىسى ءلان تياننىڭ حابارى: 9-ايدىڭ 1-كۇنىنەن باستاپ، شينجياڭعا كىرىپ-شىعاتىن جولاۋشى پويەزدارى وڭتۇستىك پويەز ۆاگزالىنا توقتاماي، تۇگەل ءۇرىمجى ۆاگزالىنان اتتانىپ، وسى ۆاگزالعا كەلىپ توقتايتىن بولدى. جولاۋشىلاردىڭ ۆاگزالعا تەز ءارى ءتارتىپتى كىرىپ-شىعۋىنا كەپىلدىك ەتۋ ءۇشىن، 9-ايدىڭ 3-كۇنىنەن باستاپ ءۇرىمجى قالالىق قاتىناس ساقشى تاراۋلارى ءۇرىمجى ۆاگزالىنىڭ الدىڭعى تەكشەسىندەگى قاتىناس ءتاسىلىن رەتتەدى.
ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى ەكونوميكالىق، تەحنيكالىق اشۋ رايونى قاتىناس ساقشى ۇلكەن اترەتى گاڭچىڭ ورتا اترەتىنىڭ جەتەكشىسى لي ۋيدۇڭ تانىستىرا كەلىپ بىلاي دەدى: 9-ايدىڭ 1-كۇنىنەن باستاپ، ءۇرىمجى ۆاگزالىنىڭ ماڭىنداعى جولدان كۇنىنە 70 مىڭ اۆتوكولىك وتەدى، بۇل بۇرىنعىنىڭ ۇشتەن بىرىندەي كوپ، تاڭەرتەڭ ساعات 7 جارىمنان 8 گە دەيىن، تۇستەن كەيىن ساعات 15 تەن 20 عا دەيىن جۇرگىنشىلەر ەڭ كوپ بولادى، ولاردىڭ ۋاقىتىن لايىقتى ورنالاستىرىپ، جولعا شىعۋىنا كەپىلدىك ەتۋ كەرەك. جوعارى قارقىندى تەمىر جول تەكشەسىن ءبولىپ، جولاۋشىلار تۇسەتىن وڭىردەنءتۇسىپ قالاتىن جولاۋشىلارعا ەكى اۆتوكولىك جولىن قالدىردىق، جولاۋشىلاردى جەتكىزەتىن بارلىق اۆتوكولىككە جوعارى قارقىندى تەمىر جول تەكشەسىنىڭ شىعىسىنا رەتىمەن توقتاۋدى، ودان دەرەۋ كەتۋدى ەسكەرتەمىز. سونىمەن بىرگە، ءبىز تاڭەرتەڭ ساعات 6 دان كەشكى ساعات 12 گە دەيىن، جولدى ىركىلىسسىزدەندىرۋ جانە باسقارۋ قىزمەتىن كۇشەيتىپ، جولاۋشىلاردىڭ جانە اۆتوكولىكتەردىڭ ءتارتىپتى جۇرۋىنە كەپىلدىك ەتەمىز.
مۇنان سىرت، ءۇرىمجى ۆاگزالىنىڭ سولتۇستىك الاڭىنداعى جەر استى كولىك توقتاتۋ الاڭى دا كىرىپ-شىعۋ ەسىگىن كوبەيتىپ اشىپ، اۆتوكولىك توقتايتىن ورىندى كوبەيتىپ، قالا تۇرعىندارىنىڭ اۆتوكولىك توقتاتۋ اۋىرتپالىعىن جەڭىلدەتتى. ءۇرىمجى جوعارى قارقىندى تەمىر جول ءتيجارات سەرىكتەستىگى باس مەڭگەرۋشىسىنىڭ كومەكشىسى ۋ شياۋحۇڭ بىلاي دەدى: بۇرىن جەر استى اۆتوكولىك توقتاتۋ الاڭىندا 540 اۆتولىكتىڭ ورنى بار بولاتىن، قازىر 970 كولىكتىڭ ورنى دايىندالدى. ءبىرىنشى ءنومىرلى حاۋىپسىزدىك تەكسەرۋ تۇيىنىندە ءبىر كىرەر اۋىز كوبەيتىلدى، جوعارى قارقىندى تەمىر جول سولتۇسىتىك 5-كوشەسىندە ءبىر شىعار اۋىز كوبەيتىلدى، رۇڭشىڭ 4-كوشەسىندە ءبىر كىرەر اۋىز كوبەيتىلىپ، مۇمكىندىگىنشە ءبولىپ ورنالاستىراتىن بولدى.


بەرىپ كەت ورامالىڭدى

دوستار

الىستاعى اق ەركە