جاڭا حابارلار

رايونىمىزدا ءبيداي ءوندىرىسىنىڭ ساپاسى ۇزدىكسىز جوعارىلادى

    كەلۋ قاينارى: شينجياڭ گازەتى    2018-09-03 18:53:13  

 ءتىلشىمىز ليۋ ي 9 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق ەگىن شارۋاشىلىعى مەڭگەرمەسىنەن ۇعىسۋىمىزشا، بۇكىل رايونىمىزدىڭ بيىلعى ءبيداي ءوندىرىسى اياقتالايىن دەگەن، بۇكىل رايونىمىزدا (جەرگىلىكتى ورىن، تومەندە دە وسىلاي) ءبيدايدىڭ جالپى ءونىمى 5 ميلليون 637 مىڭ تونناعا جەتەتىندىگى مەجەلەنىپ وتىر ەكەن، ءبيداي وندىرىسىندە جەر اۋدانىنىڭ ازايۋى، بىرلىك ءونىمنىڭ ارتۋى، ساپاسىنىڭ جوعارىلاۋى سىندى جاڭا ەرەكشەلىكتەر جارىققا شىققان.
  «بيىل بۇكىل رايونىمىزدا ءبيدايدىڭ ورتاشا بىرلىك ءونىمى شامامەن 10 كيلوگرام ارتتى، بۇل از ارتۋ ەمەس». اۆتونوميالى رايوندىق ەگىن شارۋاشىلىعى مەڭگەرمەسى ەگىمشىلىك جانە ەگىس دارىلەرىن باسقارۋ باسقارماسىنىڭ ورىنباسار باستىعى تاڭ ي - ۋ بىلاي دەپ تانىستىردى: بيىل بۇكىل رايونىمىز ىشەر استىقتىڭ بۇكىلدەي حاۋىپسىزدىگىنە شىنايى كەپىلدىك ەتۋ نەگىزىندە، شينجياڭنىڭ بايلىق باسىمدىعىن تياناق ەتىپ، «ورنىقتىلىق، جاسىل، كوپ نەگىزدىلىك» سىندى رەفورما وي جەلىسىنە تاباندى بولىپ، ءبيدايدىڭ قامداۋ جاعىنداعى قۇرىلىمدىق رەفورماسىن ىشكەرىلەي ورىستەتىپ، وتە جاقسى ونىمدىلىككە قول جەتكىزدى، بۇكىل رايونىمىزدا ءبيداي ءوندىرىسىنىڭ ساپاسى تىڭنان جوعارىلادى.
  بۇكىل رايونىمىزدىڭ ءبيداي ءوندىرىسىنىڭ جاعدايىنان قاراعاندا، ءبيداي ءوندىرىسىنىڭ ساپاسىنىڭ جوعارىلاۋى ءبيدايدىڭ ساپاسىنىڭ جوعارىلاۋىندا جانە ءبيداي شارۋاشىلىعىنىڭ ساپاسىنىڭ ءوسىپ، دارەجەسىنىڭ جوعارىلاۋىندا بەينەلەنەدى.
  تاڭ ي - ۋ بىلاي دەپ تانىستىردى. بيىل جىل باسىندا بۇكىل رايونىمىزدىڭ ءبيدايدىڭ قامبادا ءبىرشاما كوپ ساقتالۋىنىڭ ءىس جۇزىندىك جاعدايىنا ۇشتاستىرا وتىرىپ، رايونىمىز ءبيدايدىڭ كورسەتكىشتىك ەگۋ جوسپارىن ۇيلەسىمدى ازايتىپ، ءبيداي ءوندىرىسىن باسىمدىققا يە نەگىزگى ءبيداي وندىرىلەتىن وڭىرلەرگە قاراي شوعىرلانۋعا بەلسەنە جەتەكتەپ، وزگەشە جارىق، جىلۋ جانە وڭىرلىك باسىمدىققا سۇيەنە وتىرىپ، شارت - جاعدايى بار وڭىرلەردە ورگانيكالىق ءبيداي ءوندىرىسىنىڭ رەفورما سىناق تۇيىندەرىن اشىپ، ءبيداي ءوندىرىسىنىڭ دەڭگەيىن ءوسىردى. سونىمەن قاتار بۇكىل رايونىمىز جاسىل دامۋ ۇستانىمىن جەتەكشى ەتىپ، جاسىل ساقتانۋ - تىزگىندەۋ، سۋ مەن تىڭايتقىشتى ءبىر تۇلعالاندىرۋ سىندى جاڭاشا ءوندىرىس تەحنيكاسىن بەلسەنە جالپىلاستىرىپ، حيميالىق تىڭايتقىشتىڭ، ەگىس ءدارىسىنىڭ ىستەتىلۋ مولشەرىن ازايتىپ، ءبيدايدىڭ جاسىلدىق ساپاسىن جوعارىلاتتى.
  جاسىل ءوندىرىس ءتاسىلىنىڭ جەتەكتەۋىندە، بيىل شونجى اۋدانىندا ءبىر بولىك جەردەگى ءبيداي تاجىريبە اتىزىندا مۋ باسىندىق ناقتى ءونىم تۇڭعىش رەت 700 كيلوگرامدىق وتكەلدەن ءوتىپ، 724 كيلوگرامدىق بىرلىك ءونىم ارقىلى بۇكىل رايونىمىزدا دۇمبە ءبيدايدىڭ بىرلىك ءونىمى رەكوردتىن جاڭالادى.
  رايونىمىز جاڭاشا ءوندىرىس تەحنيكاسى ارقىلى ءبيدايدىڭ ءونىم مولشەرى مەن ساپاسىنىڭ تىڭ ساتىعا كوتەرىلۋىن جەبەۋمەن قاتار، سەرپىندى اناعۇرلىم ارتتىرىپ، ءبيداي شارۋاشىلىعىنىڭ ساپاسىنىڭ ءوسىپ، تيپىنىڭ جاڭالانۋىن ىلگەرىلەتتى.
  قازىر بۇكىل رايونىمىزدىڭ ءبيداي ءوندىرىسى جالپىلىق قامداۋدىڭ قاجەتتەن اسۋى، ساپالى بيدايمەن قامداۋدىڭ ازداۋ بولۋى سىندى قۇرىلىمدىق ولقىلىق كەزەڭىندە تۇر. وسىعان وراي، بۇكىل رايونىمىز قامداۋ جاعىنداعى قۇرىلىمدىق رەفورماعا سۇيەنە وتىرىپ، ءبيدايدىڭ قامداۋ قۇرىلىمىن ساپالىلاندىرىپ، ءبيداي شارۋاشىلىعىنىڭ جالپىلىق ونىمدىلىگىن جانە بازارداعى باسەكەلىك قۋاتىن جوعارىلاتتى، ءبيداي شارۋاشىلىعىنىڭ باياندى، اقاۋسىز دامۋىن ىلگەرىلەتتى.
  «ءبيدايدىڭ قامداۋ جۇيەسىنىڭ ساپاسى مەن ونىمدىلىگى − رەفورمانىڭ نەگىزگى باعىتى». تاڭ ي - ۋ بىلاي دەدى: بيىل بۇكىل رايونىمىز جاسىل دامۋ مەن بازار سۇرانىسىنان باستاپ كىرىسىپ، ءبيداي ءوندىرىسى مەن شارۋاشىلىعىنىڭ دامۋ تاسىلىنە بەلسەنە بۇرىلىس جاساپ، اناعۇرلىم پارمەندى قامتاماسىز ەتەتىن، اناعۇرلىم كوپ ورىندارعا پايدالانىلاتىن، اناعۇرلىم جاپپاي ۇيلەسىمدى، قۇرىلىمى اناعۇرلىم لايىقتى ءبيدايدىڭ قامداۋ جۇيەسىن بىرتىندەپ قالىپتاستىرادى.
  تانىستىرۋعا قاراعاندا، بيىل بۇكىل رايونىمىزدا 7 ايماق، وبلىس، 7 اۋدان، قالا 36 مىڭ مۋلىق ءبيدايدىڭ قامداۋ جاعىنداعى قۇرىلىمدىق رەفورماسى سىناق ءتۇيىنىن اشىپ، استىق وندىرەتىن وڭىرلەردىڭ وزگەشە بايلىق باسىمدىعىنا سۇيەنە وتىرىپ، سەلەنگە باي ءبيدايدىڭ، ءسىرى ءبيدايدىڭ سىناق ءتۇيىن ءوندىرىسىن بەلسەنە ورىستەتكەن. ءبيدايدى جىنتىكتەي وڭدەۋدى بازار قاجەتىنە ءتىپتى جاقسى سايكەستىرۋ ءۇشىن، بۇكىل رايونىمىز ارناۋلى ۇن ايگىلى ماركاسىن جاساۋدىڭ سىناق ءتۇيىن قىزمەتىن دە تەڭ قادامدا ورىستەتىپ، شينجياڭ ەرەكشەلىگىنە يە «نان ۇنى»، «لاڭمان ۇنى»، «ءتۇشپارا ۇنى» سياقتى ارناۋلى ۇن ماركالارىن شىعارىپ، بۇكىل رايونىمىزدىڭ اناعۇرلىم كوپ ورىندارعا پايدالانىلاتىن، قۇرىلىمى اناعۇرلىم ۇيلەسىمدى ءبيدايدىڭ قامداۋ جۇيەسىن تەز قالىپتاستىرۋىنا پارمەندى تىرەك ازىرلەدى.


بەرىپ كەت ورامالىڭدى

دوستار

الىستاعى اق ەركە