جاڭا حابارلار

6 - كەزەكتى جۇڭگو − ازيا - ەۆروپا كورمەسى جابىلدى

    كەلۋ قاينارى: شينجياڭ گازەتى    2018-09-03 18:49:31  

دۇنيە جۇزىندەگى 500 ەگەي ساناتىنداعى كاسىپورىندارمەن 51 ميلليارد 940 ميلليون يۋاندىق، جۇڭگوداعى 500 ەگەي ساناتىنداعى كاسىپورىندارمەن 117 ميلليارد 135 ميلليون يۋاندىق توقتام جاسالدى

 ءتىلشىمىز چىن چياڭۋي 9 - ايدىڭ 1 - كۇنى ۇرىمجىدەن حابارلايدى. 9 - ايدىڭ 1 - كۇنى 6 - كەزەكتى جۇڭگو − ازيا - ەۆروپا كورمەسى اقپار جاريالاۋ ءماجىلىسىن اشىپ، «ءبىر بەلدەۋ، ءبىر جول، بىرگە اقىلداسۋ، بىرگە قۇرۋ، بىرگە يگىلىكتەنۋ» نەگىزگى تاقىرىپ ەتىلگەن 6 - كەزەكتى جۇڭگو − ازيا - ەۆروپا كورمەسىنىڭ تابىسپەن جابىلعاندىعىن جاريالادى. كورمە مەزگىلىندە شينجياڭداعى 25 ءتۇيىندى كاسىپورىننىڭ «ءبىر بەلدەۋ، ءبىر جول» بويىنداعى ەلدەرمەن جاساسقان توقتام سوماسى 13 ميلليارد 384 ميلليون يۋانعا جەتتى.
  وسى كەزەكتى كورمە ءبىر رەت نەگىزگى تالقى مىنبەرى، 4 رەت جارىسپالى تالقى مىنبەرى، 22 رەت ساۋدانى جانە قارجى قوسۋدى جەبەۋ قيمىلىن وتكىزىپ، سۇبەلى تابىستارعا قول جەتكىزدى. شينجياڭداعى 25 ءتۇيىندى كاسىپورىن «ءبىر بەلدەۋ، ءبىر جول» بويىنداعى 13 مەملەكەتتەگى 29 كاسىپورىنمەن ساۋدا جالپى سوماسى 10 ميلليارد 488 ميلليون يۋان تۇراتىن 29 سىرتقى ساۋدا توقتامىنا، كەلىسىمىنە؛ توقتام سوماسى 2 ميلليارد 896 ميلليون يۋان تۇراتىن سىرتپەن بايلانىسقان 2 نىسانعا قول قويدى. سەلبەستىك سالاسى تەمىر رۋداسى، توقىما بۇيىمدارى سياقتى ءداستۇرلى سىرتقى ساۋدا نىساندارىن، سونداي - اق شەكارا اتتاعان ەلەكتروندىق ساۋدا، قامداۋ تىزبەگىنە فينانستىق قىزمەت كورسەتۋ سياقتىلارعا سايادى.
  جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن تەزدەتۋ جانە ءتۇيىندى نىساندارعا قول قويۋ سالتىندا، رايونىمىز ىشپەن، سىرتپەن بايلانىسقان 162 سەلبەستىك توقتامى نىسانىنا قول قويدى، جالپى توقتام سوماسى 270 ميلليارد 943 ميلليون يۋانعا جەتىپ، الدىڭعى كەزەكتەگىدەن %11.98 ارتتى، قول قويىلعان نىساندار ەنەرگيا ۇنەمدەيتىن قورشاعان ورتاعا زالالسىز جاڭا ماتەريالدار، جابدىق جاساۋ، مادەنيەت ساياحات، توقىماشىلىق كيىم - كەشەك، ساۋدا - زات اينالىمى سياقتى 11 ءتۇيىندى سالانى قامتيدى. دۇنيە جۇزىندەگى 500 ەگەي ساناتىنداعى كاسىپورىندارمەن 51 ميلليارد 940 ميلليون يۋاندىق، جۇڭگوداعى 500 ەگەي ساناتىنداعى كاسىپورىندارمەن 117 ميلليارد 135 ميلليون يۋاندىق توقتام جاساستى.
  6 - كەزەكتى جۇڭگو − ازيا - ەۆروپا كورمەسى 4 ۇلكەن كورمە اۋماعىندا 11 كورمە تاقىرىبىن ايشىقتى ورنالاستىرىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنا جانە شينجياڭنىڭ ابزال كاسىپ سالاسىنىڭ ورنالاسۋىنا قىزمەت ەتتى، كورمەنىڭ جالپى اۋماعى 70 مىڭ شارشى مەتر. 35 مەملەكەت پەن رايوننان كەلگەن سيلى قوناقتار، ساۋداگەرلەر تالقى مىنبەرىنە جانە ساۋدانى، قارجى قوسۋدى جەبەۋ قيمىلىنا قاتىناستى، ەلىمىزدىڭ ءىشى - سىرتىنان 704 كاسىپورىن كورمەگە، جينالىسقا قاتىناستى.


بەرىپ كەت ورامالىڭدى

دوستار

الىستاعى اق ەركە