جاڭا حابارلار

شينجياڭ ارنادان «ارنا + توراپقا» اينالدى

    كەلۋ قاينارى: شينجياڭ گازەتى    2018-09-01 18:36:44  

ءۇرىمجى جيناۋ-جونەلتۋ ورتالىعى جۇڭگو-ەۆروپا كەزەكشى پويەزىنەن 1500 كەزەك جونەلتتى

 ءتىلشىمىز لۋ فىڭباۋ 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 30 - كۇنى ءبىر حالىقارالىق جۇك پويەزى جۇڭگو - ەۆروپا كەزەكشى پويەزىنىڭ ءۇرىمجى جيناۋ - جونەلتۋ ورتالىعىنان جولعا شىقتى، 4 كۇننەن كەيىن وزبەكستاننىڭ تاشكەنتىنە جەتەدى، بۇل جيناۋ - جونەلتۋ ورتالىعى 2016 - جىلى قۇرىلىپ، جۇمىس باستاعاننان بەرى جونەلتىلگەن 1500 - كەزەكشى پويەزى ەدى.
  ۇعىسۋعا قاراعاندا، ەلىمىز قازىرگە دەيىن 10 مىڭنان استام جۇڭگو - ەۆروپا كەزەكشى پويەزىن جونەلتكەن، ءۇرىمجى جيناۋ - جونەلتۋ ورتالىعى جونەلتكەن پويەز سانى بۇكىل ەلىمىزدىڭ جونەلتكەن جۇڭگو - ەۆروپا كەزەكشى پويەز جالپى سانىنىڭ التىدان بىرىنە جۋىعىن يەلەيدى.
  «سەرىكتەستىگىمىزدىڭ ەۆروپا، ازيا بازارىنا جونەلتەتىن زاتتارى جىلدان - جىلعا كوبەيدى، قازىر ايىنا ەڭ كوپ بولعاندا 100گە تارتا كونتەينەر جونەلتەمىز»، - دەيدى شينجياڭ حۋاتيە شينچياۋ حالىقارالىق زات اينالىم سەرىكتەستىگىنىڭ باس ديرەكتورى ۋ گۇيحۋا.

  شينجياڭ شينتيە حالىقارالىق زات اينالىم شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى نان جۇن بىلاي دەپ تانىستىردى: ءۇرىمجى جيناۋ - جونەلتۋ ورتالىعى جۇمىس باستاعاننان بەرى، جۇڭگو - ەۆروپا كەزەكشى پويەزدەرىنىڭ اينالىم لەنياسى بارعان سايىن كوبەيىپ، العاشىنداعى 4 لەنيادان 19 لەنياعا كەڭەيىپ، ەۆروپاداعى، ازياداعى 17 مەملەكەتتى، 24 قالانى قامتىپ، كوپ ورىننان جولعا شىعاتىن، كوپ جەردە قاتىنايتىن، كوپ ورىنعا جەتەتىن جۇڭگو - ەۆروپا كەزەكشى پويەزى تاسىمالىنىڭ جاڭا جاعدايىن قالىپتاستىردى.
  وتكەلدەن ءوتۋ ۋاقىتى بۇرىنعى 12 ساعاتتان 6 ساعاتقا جەتپەيتىن ۋاقىتقا قىسقاردى: كونتەينەر كەزەكشى پويەزىن اۋىستىرىپ تيەۋ ۋاقىتىن 6 ساعاتتان اسىرماي، تۇتاس كەزەكشى پويەزدىڭ اۋىستىرىپ تيەۋ ۋاقىتىن 30 ساعات ىشىندە مەڭگەردى؛ قورعاس وتكەلى ارقىلى شەكارادان شىعاتىن جاڭا ارنا اشىپ، ءۇرىمجىنىڭ شەتەل بازارىمەن ارالىعىن اناعۇرلىم جاقىنداتتى. نان جۇن بىلاي دەدى: كوپتەگەن شارالار ارقىلى، جۇڭگو - ەۆروپا كەزەكشى پويەزىنىڭ اينالىم ونىمدىلىگى جوعارىلاپ، وزىندىك قۇنىن بىرتىندەپ تومەندەپ، قىرۋار جۇك قاينارىن وسىندا جينالۋعا باۋرادى. جيناۋ - جونەلتۋ ورتالىعى 2016 - جىلى 135 كەزەكشى پويەز، 2017 - جىلى 710 كەزەكشى پويەز جونەلتتى، 2018 - جىلدىڭ باسىنان قازىرگە دەيىن 655 كەزەكشى پويەز جونەلتىپ، بىلتىرعى سايكەس مەزگىلدەگىمەن سالىستىرعاندا %68.3ارتىپ، 2017 - جىلى تۇتاس جىلدا جونەلتىلگەن كەزەكشى پويەز جالپى سانىنىڭ %92.3ىنە جەتتى. شينجياڭ ارنادان «ارنا + توراپقا» اينالدى ءارى «ارنا + توراپ + ساۋدالاۋ ورتالىعى» باعىتىنا قادام تاستاپ، شينجياڭ ەكونوميكاسىنىڭ ساپالى دامۋىن ىلگەرىلەتەدى.
  جۇڭگو تەمىر جول ءۇرىمجى مەكەمەسى توبى شەكتى سەرىكتەستىگىنىڭ سىرتپەن سەلبەسۋ باسقارماسىنىڭ جاۋاپتىسى بىلاي دەدى: الدا شينجياڭ تەمىر جول تاراۋلارى حالىقارالىق زات اينالىمى كاسىبىن دامىتۋدىڭ جاڭا جولى جونىندە بەلسەنە ىزدەنىس جاساپ، تاسىمالدى ۇيىمداستىرۋ قابىلەتى مەن قاريدارلارعا قىزمەت كورسەتۋ قابىلەتىن ۇزدىكسىز جوعارىلاتىپ، جۇڭگو - ەۆروپا كەزەكشى پويەزىنىڭ حالىقارالىق زات اينالىم ماركاسىنىڭ ىقپال كۇشىن باياندى ءوسىرىپ، 3 جىل ۋاقىتتا جۇڭگو - ەۆروپا كەزەكشى پويەزىنىڭ ەل ىشىندە جونەلتىلۋ سانى ءبىرىنشى بولۋدى، قاتىنايتىن لەنياسى ەڭ كوپ بولۋدى، «ءبىر بەلدەۋ، ءبىر جولدىڭ» بويىنداعى ەلدەردى بارىنشا كەڭ شارپۋدى جۇزەگە اسىرۋعا كۇش سالىپ، ورتا ازياعا، ەۆروپاعا باعىتتالعان وڭىرلىك حالىقارالىق زات اينالىم قاتىناس تورابىنا اينالىپ، «ءبىر بەلدەۋ، ءبىر جول» قۇرىلىسىنا اناعۇرلىم تەبىندى قوزعاۋشى كۇش ۇستەيدى.


بەرىپ كەت ورامالىڭدى

دوستار

الىستاعى اق ەركە