جاڭا حابارلار

وتانعا ورالعان حۋاچياۋلاردىڭ، حۋاچياۋلاردىڭ تۋىس -تۋعاندارىنىڭ مەملەكەتتىك 10 - قۇرىلتايى بەيجيڭدە اشىلدى

    كەلۋ قاينارى: شينجياڭ گازەتى    2018-08-31 19:09:35  

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ، ۋاڭ چيشان قۇرىلتايعا قاتىناسىپ قۇتتىقتادى جاۋ لىجي پارتيا ورتالىق كوميتەتى اتىنان ءسوز سويلەدى

وتانعا ورالعان حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ مەملەكەتتىك 10 - قۇرىلتايى 8 - ايدىڭ 29 - كۇنى بەيجيڭدەگى حالىق سارايىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءتوراعالار مىنبەسىندە قۇرىلتايعا قاتىناسقان ۋاكىلدەرگە قۇرمەت بىلدىرۋدە.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

 شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى.وتانعا ورالعان حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ مەملەكەتتىك 10 - قۇرىلتايى 8 - ايدىڭ 29 - كۇنى تۇستەن بۇرىن بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ، ۋاڭ چيشان قاتارلىلار قۇرىلتايعا قاتىناسىپ قۇتتىقتادى، جاۋ لىجي پارتيا ورتالىق كوميتەتى اتىنان ءسوز سويلەدى.
  حالىق سارايىنىڭ ۇلكەن زالىندا شامدار جايناپ، شات مەرەيگە شومدى. ءتوراعالار مىنبەسىنىڭ ۇستىڭگى جاعىنا «وتانعا ورالعان حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ مەملەكەتتىك 10 - قۇرىلتايى» دەگەن ءماجىلىس بەلگىسى ىلىنگەن، ارتىنداعى شىمىلدىقتىڭ ءدال ورتاسىنداعى بەس ۇلكەن قۇرلىقتاعى حۋاچياۋ باۋىرلاستاردىڭ وتانعا دەگەن ىنتا - سۇيىسپەنشىلىگىنىڭ سيمۆولى بولعان جۇڭگو وتانعا ورالعان حۋاچياۋلار بىرلەستىگىنىڭ بەلگىسى ايرىقشا كوز تارتادى، 10 قىزىل تۋ ەكى جاققا تىزىلە ءبولىپ قويىلعان. 2 - قاباتتاعى مىنبەنىڭ ماڭدايشاسىنا «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، وتانعا ورالعان بارلىق حۋاچياۋلاردى، حۋاچياۋلاردىڭ تۋىس - تۋعاندارىن جانە شەتەلدەردەگى حۋاچياۋ باۋىرلاستاردى ىنتىماقتاستىرىپ، ۇيىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ ءۇشىن قۇلشىنا كۇرەسەيىك!» دەگەن ۇلكەن كەرمە تۋ ىلىنگەن. ەلىمىزدىڭ جەر - جەرىنەن كەلگەن وتانعا ورالعان حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ 1300گە تارتا ۋاكىلى جانە 110 نەشە مەملەكەتتەن ەرەكشە ۇسىنىس ەتىلگەن شەتەلدىك حۋاچياۋ باۋىرلاستاردان 700گە جۋىق سيلى قوناق قۋانىشپەن ءبىر اراعا باس قوستى.
  تۇستەن بۇرىن ساعات 9دان 30 مينۋت وتكەندە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس زالىنا كىرگەندە، بۇكىل زالدان دۋ قول شاپالاق ءۇنى كوتەرىلدى.
  قۇرىلتاي جۇڭحۋا حالىق رەسپۋبليكاسىنىڭ ايبىندى مەملەكەت انىمەن باستالدى.
  جاۋ لىجي پارتيا ورتالىق كوميتەتى اتىنان «جاڭا داۋىرگە حۋاچياۋلاردىڭ كۇش - قۋاتىن ۇيىستىرىپ، ۇلتتىڭ گۇلدەنۋىنىڭ جاڭا تاراۋىن جازايىق» دەگەن تاقىرىپتا ءسوز سويلەدى. جاۋ لىجي الدىمەن قۇرىلتايدىڭ اشىلعاندىعىن قىزۋ قۇتتىقتاپ، وتانعا ورالعان بارلىق حۋاچياۋلارعا، حۋاچياۋلاردىڭ تۋىس - تۋعاندارىنا جانە شەتەلدەردەگى حۋاچياۋ باۋىرلاستارعا، وتانعا ورالعان حۋاچياۋلار بىرلەستىگى قىزمەتكەرلەرىنە ىقىلاستى سالەم جولدادى.
  جاۋ لىجي سوزىندە بىلاي دەدى: وتانعا ورالعان حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ مەملەكەتتىك 9 - قۇرىلتايى اشىلعاننان بەرى، ءار دارەجەلى وتانعا ورالعان حۋاچياۋلار بىرلەستىگى ۇيىمدارى «ءتورت تانىمدى» مىقتاپ ورناتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سانالىلىقپەن جەتەكشى ەتىپ، جىگەرلەنە العا باسىپ، شىنايى يگەرىپ، تىڭعىلىقتى ىستەپ، وتانعا ورالعان حۋاچياۋلار بىرلەستىگى رەفورماسىن ىشكەرىلەي ىلگەرىلەتىپ، قىزمەتتە تىڭ دامۋشىلىققا قول جەتكىزدى، وتانعا ورالعان حۋاچياۋلار بىرلەستىگى كادرلارىندا شىت جاڭا بەت - بەينە جارىققا شىقتى. وتانعا ورالعان بارلىق حۋاچياۋلار، حۋاچياۋلاردىڭ تۋىس - تۋعاندارى جانە شەتەلدەردەگى حۋاچياۋ باۋىرلاستار باستان - اياق وتانمەن تىنىستاس، تاعدىرلاس بولا وتىرىپ، ءوز ەرەكشەلىكتەرىن ساۋلەلەندىرىپ، بەلسەنە ۇلەس قوسىپ، وتاندى، مەكەندى سۇيەتىن قالتقىسىز سۇيىسپەنشىلىكتەرىن، تالىقپاي تالپىناتىن كۇرەسكەرلىك رۋحتارىن، اشىق، وزىنە سەنىم ارتاتىن حالىقارالىق وبرازدارىن ايگىلەدى.

وتانعا ورالعان حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ مەملەكەتتىك 10 - قۇرىلتايى 8 - ايدىڭ 29 - كۇنى بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الىپ، قۇرىلتايدىڭ اشىلعاندىعىن قۇتتىقتادى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

جاۋ لىجي بىلاي دەدى: باس شۋجي شي جينپيڭنىڭ حۋاچياۋلار قىزمەتى جونىندەگى ماڭىزدى بايىمداۋى جاڭا داۋىردەگى پارتيانىڭ حۋاچياۋلار ىستەرى قىزمەتىن جاقسى ىستەۋگە ءتۇبىرلى نەگىز ازىرلەپ بەردى. پارتيا 19 - قۇرىلتايىندا العا قويىلعان جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋدىڭ ۇلى جوباسىن ىسكە اسىرۋ − بۇكىل پارتيانىڭ، بۇكىل ەل حالقىنىڭ ورتاق نىساناسى، سونداي - اق ەلىمىزدىڭ ءىشى - سىرتىنداعى جۇڭحۋا ۇلاندارىنىڭ ورتاق بورىشى. وتانعا ورالعان بارلىق حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ جانە شەتەلدەردەگى حۋاچياۋ باۋىرلاستاردىڭ پارتيا مەن حالىقتىڭ تاپسىرماسىن ەستە بەرىك ساقتاپ، جۇڭگونىڭ ءۇنىن ويداعىداي جەتكىزىپ، وتاننىڭ دامۋىنا كۇش قوسىپ، جۇڭحۋا ۇلتىنىڭ ۇلى مۇراتىن قورعاپ، جۇڭحۋا مادەنيەتىن اسقاقتاتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ ۇلەس قوسۋلارىن ءۇمىت ەتەمىن.
  جۇڭحۋا مەملەكەتتىك ايەلدەر بىرلەستىگى پارتيا باسشىلىق گرۋپپاسىنىڭ شۋجيى حۋاڭ شياۋۋي جۇڭحۋا مەملەكەتتىك باس جۇمىسشى ۇيىمى، جۇڭگو كوممۋنيستىك جاستار وداعى ورتالىق كوميتەتى، جۇڭحۋا مەملەكەتتىك ايەلدەر بىرلەستىگى، جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى، جۇڭگو عىلىم - تەحنيكا قوعامى، جۇڭحۋا مەملەكەتتىك تايۋاندىق باۋىرلاستار دوستىق بايلانىس قوعامى اتىنان قۇرىلتايدا قۇتتىقتاۋ ءسوزىن سويلەدى. ول قۇتتىقتاۋ سوزىندە بىلاي دەپ اتاپ كورسەتتى: بۇقارالىق ۇيىمدار ساياسي جەتەكشىلىكتى كۇشەيتىپ، وزدەرى بايلانىس جاسايتىن بۇقارانى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا جەتەكتەپ، جۇڭگو ارمانىن ورىنداۋ جولىندا تالىقپاي كۇرەسىپ، جاڭا داۋىردەگى پارتيانىڭ بۇقارالىق ۇيىمدار قىزمەتىندە تىزە قوسا وتىرىپ جاڭا جاعداي جاراتۋ كەرەك.
  قۇرىلتايدا «جۇڭگو وتانعا ورالعان حۋاچياۋلار بىرلەستىگىنىڭ، مەملەكەتتىك كەڭەس حۋاچياۋلار ىستەرى كەڭسەسىنىڭ جۇڭگو حۋاچياۋلار سالاسىنداعى كورنەكتى تۇلعالار مەن وتانعا ورالعان حۋاچياۋلار، حۋاچياۋلاردىڭ تۋىس - تۋعاندارى اراسىنداعى مەملەكەتتىك وزات جەكەلەردى ماداقتاۋ - سيلاۋ جونىندەگى قارارى»، «ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، جۇڭگو وتانعا ورالعان حۋاچياۋلار بىرلەستىگىنىڭ وتانعا ورالعان حۋاچياۋلار بىرلەستىگى سالاسىنداعى مەملەكەتتىك وزات كوللەكتيۆتەر مەن وزات قىزمەتكەرلەردى ماداقتاۋ - سيلاۋ جونىندەگى قارارى»، «جۇڭگو وتانعا ورالعان حۋاچياۋلار بىرلەستىگىنىڭ وتانعا ورالعان حۋاچياۋلار بىرلەستىگى سالاسىنداعى مەملەكەتتىك وزات ۇيىمدار مەن وزات جەكەلەردى ماداقتاۋ - سيلاۋ جونىندەگى قارارى» وقىلدى ءارى سيلانعان ورىندار مەن جەكە ادامدارعا سيلىق تاراتىلدى.
  قۇرىلتاي ءتوراعالار القاسىنىڭ تۇراقتى ءتوراعاسى ۋان ليجۇن جۇڭگو وتانعا ورالعان حۋاچياۋلار بىرلەستىگى 9 - كەزەكتى كوميتەتى اتىنان قۇرىلتايدا «جاڭا يدەيانى دايەكتىلەندىرىپ، جاڭا داۋىردە ەڭبەك ءسىڭىرىپ، وتانعا ورالعان بارلىق حۋاچياۋلاردى، حۋاچياۋلاردىڭ تۋىس - تۋعاندارىن جانە شەتەلدەردەگى حۋاچياۋ باۋىرلاستاردى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ ءۇشىن كۇرەسۋگە ىنتىماقتاستىرايىق، ۇيىستىرايىق» دەگەن تاقىرىپتا قىزمەت بايانداماسىن جاسادى.
  ج ك پ ورتالىق كوميتەتى ساياسي بيۋروسىنىڭ ءىشىنارا مۇشەلەرى، ورتالىق كوميتەت شۋجيچۋىنىڭ ءىشىنارا شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى قاتىستى باسشى جولداستار قۇرىلتايعا قاتىناستى.
  ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى، دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى، حالىقتىق ۇيىمدارداعى، بەيجيڭ قالاسىنداعى جاۋاپتى جولداستار، وتانعا ورالعان حۋاچياۋلاردىڭ، حۋاچياۋلاردىڭ تۋىس - تۋعاندارىنىڭ مەملەكەتتىك 10 - قۇرىلتايىنىڭ ۋاكىلدەرى، شەتەلدەردەگى حۋاچياۋ باۋىرلاستاردان ەرەكشە ۇسىنىس ەتىلگەن سيلى قوناقتار بولىپ 3000عا تارتا ادام قۇرىلتايدىڭ اشىلۋ سالتىنا قاتىناستى.


بەرىپ كەت ورامالىڭدى

دوستار

الىستاعى اق ەركە