جاڭا حابارلار

شي جينپيڭ «ءبىر بەلدەۋ، ءبىر جول» قۇرىلىسى قىزمەتىن ىلگەرىلەتۋدىڭ 5 جىلدىعى جونىندەگى اڭگىمە ماجىلىستە كەڭەسۋگە، اقىلداسۋعا، بىرگە قۇرىپ، بىرگە كەنەلۋگە، سەلبەسىپ تەڭ يگىلىكتەنۋگە، اۋىس - كۇيىس جاساپ، ءوزارا ونەگە الۋعا تاباندى بولىپ، «ءبىر بەلدەۋ، ءبىر جول» قۇرۋدىڭ تەرەڭدەي، ناقتىلانا ءتۇسۋىن ىلگەرىلەتىپ، حالىقتى باقىتقا كەنەلتۋدى باسا دارىپتەدى

    كەلۋ قاينارى: شينجياڭ گازەتى    2018-08-29 21:13:09  

حان جىڭ اڭگىمە ءماجىلىستى باسقاردى

8 - ايدىڭ 27 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدەگى حالىق سارايىندا «ءبىر بەلدەۋ، ءبىر جول» قۇرىلىسى قىزمەتىن ىلگەرىلەتۋدىڭ 5 جىلدىعى جونىندەگى اڭگىمە ماجىلىسكە قاتىناستى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

 شينحۋا اگەنتتىگىنىڭ 8 - ايدىڭ 27 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 8 - ايدىڭ 27 - كۇنى بەيجيڭدەگى حالىق سارايىندا «ءبىر بەلدەۋ، ءبىر جول» قۇرىلىسى قىزمەتىن ىلگەرىلەتۋدىڭ 5 جىلدىعى جونىندەگى اڭگىمە ماجىلىسكە قاتىناستى ءارى ماڭىزدى ءسوز سويلەپ، بىلاي دەپ باسا دارىپتەدى: «ءبىر بەلدەۋ، ءبىر جولدى» بىرگە قۇرۋ عالامدىق جونگە سالۋ جۇيەسىنىڭ وزگەرىسىنە سايكەسۋدىڭ ىشكى تالابى، ول ءبىر جاعادان باس، ءبىر جەڭنەن قول شىعارۋ، ۇقىق پەن جاۋاپكەرلىكتى بىرگە ارقالاۋ سىندى تاعدىرلاس ورتاق تۇلعا تانىمىن ايگىلەپ، عالامدىق جونگە سالۋ جۇيەسىنىڭ وزگەرىسىن كەمەلدەندىرۋگە جاڭا وي جەلىسىن، جاڭا جوبا ازىرلەدى. ءبىز كەڭەسۋگە، اقىلداسۋعا، بىرگە قۇرىپ، بىرگە كەنەلۋگە، سەلبەسىپ تەڭ يگىلىكتەنۋگە، اۋىس - كۇيىس جاساپ، ءوزارا ونەگە الۋعا تاباندى بولىپ، جىبەك جولى بويىنداعى ەلدەرمەن سەلبەستىكتىڭ ەڭ ۇلكەن ورتاق بولگىشىن قاراستىرىپ، ءار ەلدىڭ ساياسي جاقتاعى ءوزارا سەنىمدى كۇشەيتۋىن، ەكونوميكالىق جاقتاعى ءوزارا توعىسۋىن، گۋمانيتارلىق جاقتا ءوزارا قارىم - قاتىناسىن ىلگەرىلەتىپ، اتقارۋدى نىق قاداممەن ىلگەرىلەتىپ، جەتىستىكتەردى ءبىر - بىرلەپ جارىققا شىعارىپ، «ءبىر بەلدەۋ، ءبىر جولدى» بىرگە قۇرۋدىڭ تەرەڭدەي، ناقتىلانا ءتۇسۋىن ىلگەرىلەتىپ، جىبەك جولى بويىنداعى ەلدەر حالىقتارىن باقىتقا كەنەلتىپ، ادامزاتتىڭ تاعدىرلاس ورتاق تۇلعاسىن قۇرۋدى جەبەۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، «ءبىر بەلدەۋ، ءبىر جول» قۇرىلىسى قىزمەتىن ىلگەرىلەتۋگە باسشىلىق ەتۋ گرۋپپاسىنىڭ باستىعى حان جىڭ اڭگىمە ءماجىلىستى باسقاردى.
  اڭگىمە ماجىلىستە مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ - رەفورما كوميتەتىنىڭ مەڭگەرۋشىسى حى ليفىڭ، مەملەكەتتىك كەڭەستىڭ مۇشەسى، سىرتقى ىستەر مينيسترى ۋاڭ ي، شاڭحاي قالاسىنىڭ باستىعى يىڭ يۇڭ، جىجياڭ ولكەلىك پارتكومنىڭ شۋجيى چى جۇن، چۇڭچيڭ قالاسىنىڭ باستىعى تاڭ لياڭجى، سىچۋان ولكەسىنىڭ باستىعى يىن لي، ساۋداگەر شاقىرۋ مەكەمەسى توبى شەكتى سەرىكتەستىگىنىڭ باسالقاسى لي جيانحۇڭ، جىجياڭ جيلي جارناسى مەڭگەرىلگەن توپ شەكتى سەرىكتەستىگىنىڭ باسالقاسى لي شۋفۋ، جۇڭگو ماكرولىق شارۋاشىلىقتى زەرتتەۋ اكادەمياسىنىڭ اعا زەرتتەۋشىسى شى يۇيلۇڭ ىلگەرىندى - كەيىندى سوزگە شىقتى. ولار ءىس جۇزىندىك جاعدايمەن ۇشتاستىرا وتىرىپ، «ءبىر بەلدەۋ، ءبىر جول» قۇرىلىسى قىزمەتىن ىلگەرىلەتۋ جونىندە جاعدايلاردى تانىستىردى، پىكىرلەرى مەن ۇسىنىستارىن ورتاعا قويدى.
  كوپشىلىكتىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى. ول مىنانى باسا دارىپتەدى: 2013 - جىلى كۇزدە ءبىز «ءبىر بەلدەۋ، ءبىر جول» باستاماسىن العا قويعاننان بەرى، كۇشتى ءۇن قوسقان مەملەكەتتەردىڭ قاتارى بارعان سايىن كوبەيە ءتۇستى، «ءبىر بەلدەۋ، ءبىر جولدى» بىرگە قۇرۋ ەلىمىزدىڭ عالامدىق اشىق سەلبەستىككە ات سالىسۋىنىڭ، عالامدىق ەكونوميكانى جونگە سالۋ جۇيەسىن كەمەلدەندىرۋدىڭ، عالامنىڭ بىرگە دامۋىن، گۇلدەنۋىن جەبەۋدىڭ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جۇڭگو جوباسىنا اينالىپ وتىر. 5 جىلدان بەرى، «ءبىر بەلدەۋ، ءبىر جولدى» بىرگە قۇرۋ ەلىمىزدىڭ ساۋدانىڭ، قارجى قوسۋدىڭ ەركىن، قولايلى بولۋ دەڭگەيىن بارىنشا جوعارىلاتىپ، ەلىمىزدىڭ ەسىك اشۋ ءورىسىنىڭ تەڭىز جاعالاۋىنان، وزەن - داريا بويىنان ىشكى قۇرلىققا، شەكارا بويلارىنا قاراي كەڭەيۋىن ىلگەرىلەتىپ، ەسىك اشۋدىڭ قۇرلىق پەن تەڭىز، ءىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ءوزارا سەلبەسەتىن جاڭا جۇلگەسى قالىپتاستى؛ ءبىزدىڭ «ءبىر بەلدەۋ، ءبىر جولداعى» قاتىستى ەلدەرمەن زات ساۋدامىزدىڭ جالپى سوماسى 5 تريلليون دوللاردان، شەتەلدەرگە تىكەلەي قوسىلعان قارجى 60 ميلليارد دوللاردان اسىپ، سول جەرلەرگە 200 مىڭنان استام جۇمىستانۋ ورنىن دايىنداپ بەردى، ەلىمىزدىڭ شەتەلدەرگە قارجى قوسۋى عالامدىق سىرتقا تىكە قوسىلعان قارجىنىڭ ارتۋىن ىلگەرىلەتەتىن ماڭىزدى قوزعالتقىشقا اينالدى.
  شي جينپيڭ مىنانى اتاپ كورسەتتى: بۇگىنگى دۇنيە ءجۇزى قاۋىرت دامۋ، قاۋىرت وزگەرىس، قاۋىرت رەتتەۋ مەزگىلىندە تۇر، بىزدە ستراتەگيالىق كورەگەندىك، عالامدىق كوز ايا بولۋى، حاۋىپ - قاتەر، تاۋقىمەت تانىمى دا، تاريحي وراي تانىمى دا بولۋى كەرەك ءارى عاسىر بويى كەلە بەرمەيتىن وسى ۇلكەن وزگەرىستە باعداردى يگەرۋگە قۇلشىنۋعا ءتيىسپىز. «ءبىر بەلدەۋ، ءبىر جولدى» بىرگە قۇرۋدى اماليات تۇعىرى ەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ەلىمىزدىڭ رەفورما جاساۋى مەن ەسىك اشۋىن جانە ۇزاق بولاشاقتىق دامۋىن ارقاۋ ەتە وتىرىپ العا قويىلدى، بۇل جۇڭحۋا ۇلتىنىڭ ەجەلدەن بەرى ۇستانىپ كەلە جاتقان دۇنيەنىڭ ۇلى بىرلىگى ۇستانىمىمەن ۇندەسىپ، جۇڭگولىقتاردىڭ الىستى جاقىن تارتا بىلسەڭ، دۇيىم ەل جاراسىمدى بولادى دەگەن دۇنيە تانىمىنا دا ۇيلەسىپ، حالىقارالىق ءمورالدىڭ بيىك تۇعىرىنا كوتەرىلدى. «ءبىر بەلدەۋ، ءبىر جولدى» بىرگە قۇرۋ ەكونوميكالىق سەلبەستىك قانا ەمەس، سونىمەن قاتار الەمدىك دامۋ ۇلگىسىن كەمەلدەندىرۋ مەن الەمدىك جونگە سالۋدىڭ، ەكونوميكانىڭ جاھاندانۋىنىڭ اقاۋسىز دامۋىن ىلگەرىلەتۋدىڭ ماڭىزدى جولى.
  شي جينپيڭ مىنانى باسا دارىپتەدى: قالىڭ وركەندەپ كەلە جاتقان ەلدەردىڭ ونەركاسىپتەنۋدى، قالا - قالاشىقتانۋدى جەدەلدەتۋىنە وراي، ەكونوميكالىق دارالىعى مەن ۇلتتىڭ گۇلدەنۋىن جۇزەگە اسىرۋى ءورىس الىپ كەلەدى. «ءبىر بەلدەۋ، ءبىر جولدى» بىرگە قۇرۋدىڭ جاپپاي قولداۋعا يە بولۋى ءار ەلدىڭ، اسىرەسە، قالىڭ وركەندەپ كەلە جاتقان ەلدەردىڭ بەيبىتشىلىكتى جەبەۋ، دامۋعا ۇمتىلۋ تىلەگىن بەينەلەدى. «ءبىر بەلدەۋ، ءبىر جولدى» بىرگە قۇرۋ − وڭىرلىك ساياسي وداق نەمەسە اسكەري وداق قۇرۋ ەمەس، قايتا ەكونوميكالىق سەلبەستىك باستاماسى؛ ەسىكتى بەكىتىپ الىپ تار ءورىستى توپشىلدىق ىستەۋ نەمەسە «جۇڭگو كلۋبىن» قۇرۋ ەمەس، قايتا اشىق ۇستاۋ، دارقان قۇشاعىنا الۋ بارىسى؛ ۇتۋ - ۇتىلۋ ويىنىن ويناۋ ەمەس، يدەولوگيا بويىنشا شەك - شەكارانى ءبولۋ دە ەمەس، ءار ەلدىڭ ءوز قالاۋى بولسا بولعانى، ءبىز قارسى الامىز.
  شي جينپيڭ مىنانى اتاپ كورسەتتى: تاعاندى بەكەمدەپ، تۇعىردى سومداعان، دىڭگەك تۇرعىزىپ، ارقالىق سالعان 5 جىل ارقىلى «ءبىر بەلدەۋ، ءبىر جولدى» بىرگە قۇرۋ تامىر تارتۋ، باياندى دامۋ كەزەڭىنە قادام تاستادى. ءبىز تىڭنان - تىڭعا ورلەپ، اقاۋسىز، ءتيىمدى دامۋ اۋقىمىن ساقتاۋ نەگىزىندە، «ءبىر بەلدەۋ، ءبىر جولدى» بىرگە قۇرۋدىڭ جوعارى ساپالىلىققا قاراي دامۋىن ىلگەرىلەتۋىمىز كەرەك، بۇل كەلەسى كەزەڭدە «ءبىر بەلدەۋ، ءبىر جولدى» بىرگە قۇرۋ قىزمەتىن ىلگەرىلەتۋدىڭ نەگىزگى تالابى. بايىپتىلىقپەن ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، كۇشتى شوعىرلاندىرىپ، بايلىقتى بىرىكتىرىپ، نەگىزدىك قۇرىلعىلار سياقتى كەلەلى نىساندار قۇرىلىسى مەن ءوندىرىس قۋاتى سەلبەستىگىن ءتۇيىن ەتىپ، كەلەلى نىساندار، فينانستىق قولداۋ، قارجى قوسۋ ورتاسى، حاۋىپ - قاتەردى باسقارۋ - مەڭگەرۋ، حاۋىپسىزدىكتى قامتاماسىز ەتۋ سياقتى ءتۇيىندى ماسەلەلەردى ويداعىداي شەشىپ، كوزگە كورىنەرلىك اناعۇرلىم كوپ جەتىستىكتەردى قالىپتاستىرىپ، بىرتە - بىرتە كوبەيتىپ، وسى قىزمەتتىڭ ۇزدىكسىز تەرەڭدەپ، ناقتىلانا ءتۇسۋىن ىلگەرىلەتۋ كەرەك.
  شي جينپيڭ مىنانى اتاپ كورسەتتى: وتكەن بىرنەشە جىلدا «ءبىر بەلدەۋ، ءبىر جولدى» بىرگە قۇرۋدىڭ جالپى تۇلعالىق ورنالاستىرىلۋى تامامدالدى، «ۇلكەن نوبايى» جاسالدى، الداعى جەردە نازاردى تۇيىنگە شوعىرلاندىرىپ، بار زەيىندى سالا وتىرىپ، ايرىقشا ايشىقتالعان «نازىك كارتينانى» بىرگە ويداعىداي تۇلعالاۋ كەرەك. نىسان قۇرىلىسىنا كۇش سالىپ، قىزمەت مەحانيزمىن ورناتىپ، سايكەسپەلى قولداۋدى كەمەلدەندىرىپ، نىسانداردىڭ بەلسەندى ىلگەرىلەۋشىلىكتەرگە قول جەتكىزۋىن كۇش سالا ىلگەرىلەتىپ، قىسىلعاندا قول ۇشىن بەرەتىن، قارسى جاقتىڭ قامىن ءوز قامىم دەپ قارايتىن، جەرگىلىكتى بۇقاراعا تيىمدىلىك جاسايتىن حالىق تۇرمىسى ينجەنەرياسىن اتقارۋعا نازار اۋدارۋ كەرەك. بازاردى كەڭەيتۋگە كۇش سالىپ، ساۋدانى جەبەيتىن ءتىپتى دە كوپ تۇعىر دايىنداپ، ناقتى قۋاتى بار كاسىپورىنداردى جىبەك جولى بويىنداعى ەلدەرگە بارىپ، قارجى قوسۋ سەلبەستىگىن ورىستەتۋگە جەتەكتەپ، شەكارا اتتاعان ەلەكتروندى ساۋدا ىستەرى سياقتى ساۋدانىڭ جاڭا كاسىپ تۇرلەرىن، جاڭا ۇلگىسىن دامىتىپ، ساۋدا تەپە - تەڭدىگىنە باسا ءمان بەرۋ كەرەك. فينانستىق قامتاماسىزداندىرۋ جاعىنا كۇش سالىپ، فينانستىڭ «ءبىر بەلدەۋ، ءبىر جولدى» بىرگە قۇرۋعا قولداۋ كورسەتەتىن ساياساتتىق جۇيەسىن جەدەل قالىپتاستىرىپ، حالىق اقشاسىنىڭ حالىقارالانۋىن ءتارتىپتى ىلگەرىلەتىپ، قوعامدىق قارجىنىڭ جىبەك جولى بويىنداعى ەلدەردىڭ نەگىزدىك قۇرىلعى، بايلىقتى اشۋ سياقتى نىساندارىنا بىرگە قوسىلۋىنا جەتەكشىلىك ەتىپ، سىرتقا شىعاتىن كاسىپورىندارعا سىرتقى پەرەۋات قارجىسى جاعىنان قولداۋ كورسەتۋ كەرەك. وقۋ - اعارتۋ، عىلىم - تەحنيكا، مادەنيەت، دەنە تاربيە، ساياحات، دەنساۋلىق ساقتاۋ، ارحەولوگيا سياقتى سالالارداعى اۋىس - كۇيىستىڭ قارىشتاپ دامۋىن ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدى ارقاۋ ەتە وتىرىپ، حالىق تۇرمىسىنا كومەك كورسەتۋدى ناتيجەلى ورىستەتۋ كەرەك. كاسىپورىنداردىڭ قارجى قوسۋ، تيجارات جۇرگىزۋ ارەكەتىن ارناعا ءتۇسىرىپ، زاڭ، بەلگىلەمە بويىنشا تيجارات جۇرگىزىپ، ورتانى قورعاۋعا كوڭىل ءبولىپ، قوعامدىق جاۋاپكەرشىلىكتى اتقارىپ، «ءبىر بەلدەۋ، ءبىر جولدى» بىرگە قۇرۋدىڭ وبراز ەلشىسىنە اينالۋ كەرەك. شەكارا سىرتىنداعى حاۋىپ - قاتەردەن ساقتانۋعا ەرەكشە ءمان بەرىپ، حاۋىپسىزدىك جاعىنداعى قاتەرلەردەن ساقتانۋ جۇيەسىن كەمەلدەندىرىپ، شەكارا سىرتىنداعى حاۋىپسىزدىك قامتاماسىزداندىرۋىن جانە حاۋىپ - قاتەرگە توتەپ بەرۋ قابىلەتىن جاپپاي جوعارىلاتۋ كەرەك.
  شي جينپيڭ مىنالاردى باسا دارىپتەدى: پارتيانىڭ «ءبىر بەلدەۋ، ءبىر جولدى» بىرگە قۇرۋ قىزمەتىنە باسشىلىعىن كۇشەيتۋ كەرەك. جەر - جەر، تاراۋلار «ءتورت تانىمدى» كۇشەيتىپ، «ءتورت سەنىمدى» بەكەمدەپ، پارتيا مەن مەملەكەتتىڭ جالپى جاعدايى تۇرعىسىنان «ءبىر بەلدەۋ، ءبىر جولدى» بىرگە قۇرۋدى ىلگەرىلەتۋ قىزمەتىن ىرىقتىلىقپەن جوسپارلاۋ كەرەك. «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسى پارتيا ورتالىق كوميتەتىنىڭ ءبىر تۇتاس ورنالاستىرۋىنا ساي، باستاماشىلدىقپەن جالپىلىق يگەرۋ رولىن ساۋلەلەندىرىپ، جەر - جەردى، تاراۋلاردى سايكەستىرىپ، قىزمەت ءتۇيىنىن ايقىنداپ، قىزمەت جوباسىن كەمەلدەندىرىپ، مىندەتتەردى ساتى بويىنشا ءبولىپ، قۋزاۋ - تەكسەرۋدى كۇشەيتىپ، قاتىستى ورنالاستىرۋلار مەن شارالاردىڭ ءبىر - بىرلەپ ناقتى تياناقتانۋىن ىلگەرىلەتۋ كەرەك. جەر - جەر «ءبىر بەلدەۋ، ءبىر جولدى» بىرگە قۇرۋدىڭ بەيجيڭ - تيانجين - حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى مەملەكەتتىك ستراتەگيالارمەن ۇشتاسۋىن كۇشەيتىپ، باتىس بولىكتەگى وڭىرلەردىڭ، شىعىس سولتۇستىك وڭىرلەردىڭ اناعۇرلىم كەڭ كولەمدە، اناعۇرلىم جوعارى دەڭگەيدە سىرتقا ەسىك اشۋىن جەبەپ، ىشكى قۇرلىق شەكارا بويىنداعى وڭىرلەردىڭ ەسىك اشۋدىڭ الدىڭعى شەبىنە اينالۋىنا دەم بەرىپ، قۇرلىق پەن تەڭىز، ءىش پەن سىرت بىرگە ارەكەتتەنەتىن، شىعىس پەن باتىس قوس باعىتتا ءوزارا كومەكتەسەتىن ەسىك اشۋ جاعدايىنىڭ قالىپتاسۋىنا باستاماشىلدىق ەتۋ كەرەك.
  حان جىڭ ءماجىلىستى باسقارعاندا بىلاي دەدى: باس شۋجي شي جينپيڭنىڭ بيىك دەڭگەيدە تۇرىپ، جالپى جاعدايدى مەڭگەرگەن، يدەياسى تەرەڭ، مازمۇنى باي ماڭىزدى ءسوزى «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنە ءتۇبىرلى ولشەم ازىرلەدى. ءبىز ىشكەرىلەي ۇيرەنىپ، ءتۇسىنىپ، مۇقيات دايەكتىلەندىرىپ، تياناقتاندىرىپ، قىزمەتكە ۋاقىت كۇتىپ تۇرمايدى، ۋاقىتتى ۇتپاي بولمايدى دەگەن رۋحپەن كىرىسىپ، «ءبىر بەلدەۋ، ءبىر جولدى» بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتۋىمىز كەرەك. جالپى جاعداي تانىمىن ورناتىپ، ستراتەگيالىق وي جەلىسىن كۇشەيتىپ، ويداعىداي جوبا جاساپ، ءتۇيىندى نىسانداردى ۋاقىتتى ۇستاپ مىقتى يگەرىپ، حاۋىپ - قاتەردەن ساقتانۋدى كۇشەيتىپ، ۇگىتكە، قوعامدىق پىكىرگە باسا ءمان بەرىپ، «ءبىر بەلدەۋ، ءبىر جولدى» بىرگە قۇرۋدىڭ «نازىك كارتيناسىن» قۇلشىنا ويداعىداي تۇلعالاۋىمىز كەرەك. «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسى پارتيا ورتالىق كوميتەتىنىڭ، مەملەكەتتىك كەڭەستىڭ باسشىلىعىندا سايكەستىرۋدى، جەتەكشىلىك ەتۋدى كۇشەيتىپ، جوعارىدان تومەنگە دەيىن بىرلەسىپ ارەكەتتەنۋ، تۇتاستاي ىلگەرىلەتۋ، قۋزاۋ، تياناقتاندىرۋ سىندى قىزمەت مەحانيزمىن كۇشەيتۋ كەرەك. جەر - جەر، تاراۋلار، مەكەمە - ورىندار مىندەتىن، جاۋاپكەرشىلىگىن وتەپ، ىرىقتىلىقپەن ءىس تىندىرىپ، قىزمەتتەردى تىڭعىلىقتى، جوعارى ونىمدىلىكپەن ىلگەرىلەتۋ كەرەك.
  ديڭ شۋەشياڭ، ليۋ حى، ياڭ جيەچى، حۋ چۇنحۋا، شياۋ جيە اڭگىمە ماجىلىسكە قاتىناستى.
  «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسىنا مۇشە ورىندارداعى نەگىزگى جاۋاپتى جولداستار، ورتالىق ءتارتىپ تەكسەرۋ كوميتەتىندەگى، مەملەكەتتىك باقىلاۋ - تەكسەرۋ كوميتەتىندەگى، ەڭ جوعارى حالىق سوتى مەكەمەسىندەگى جاۋاپتى جولداستار، ءارقايسى ولكەلەردىڭ، اۆتونوميالى رايونداردىڭ، قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپالارىنىڭ باستىقتارى، قاتىستى كاسىپورىنداردىڭ جاۋاپتىلارى جانە مامان - وقىمىستىلاردىڭ ۋاكىلدەرى، ت. ب اڭگىمە ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە