جاڭا حابارلار

شينجياڭ حالىقارالىق ۇلكەن بازاردىڭ جاياۋلار كوشەسى ءار كۇنى باۋراعان ساياحاتشى سانى 100 مىڭ ادام رەتتەن استى

    كەلۋ قاينارى: شينجياڭ حالىق راديو ىستانسياسى    2018-08-21 16:13:08  

ستانسيامىزدىڭ ءتىلشىسى جين لەي مەن لو يۋانميڭنىڭ حابارى: تاياۋدا اشىلعان شينجياڭ حالىقارالىق ۇلكەن بازاردىڭ جاياۋلار كوشەسى جەر-جەردەگى ساياحاتشىلاردىڭ شينجياڭنىڭ ۇلتتىق سالت-ساناسىن سەزىنەتىن جاڭا تانىسقىسىنا اينالىپ، ءار كۇنى باۋراعان ساياحاتشى سانى 100 مىڭ ادام رەتتەن استى.
وزگەشە قۇرىلىس ۇلگىسى، ادەمى قولونەر تەحنولوگيا بۇيىمدارى، شينجياڭنىڭ جەرگىلىكتى ءدامدى تاعامدارى، ويناقى ۇلتتىق ءان-ءبيى توعىسقان شينجياڭ حالىقارالىق ۇلكەن بازاردىڭ جاياۋلار كوشەسىندە، ەلىمىزدىڭ ءىشى-سىرتىنان كەلگەن ساياحاتشىلار ءيىن تىرەسەدى، ولار وسى جەردە شينجياڭ ەرەكشەلىگىندەگى ساۋعا بۇيىمدارىن ساتىپ الىپ، ءدامدى تاعامداردى جەپ، ءان-ءبي نومىرلەرىن تاماشالاپ، ۇلتتىق سالت-سانانى سەزىندى. بەيجيڭدىق ساياحاتشى لي حانىم شينجياڭدا ءبىر اپتا ساياحاتتا بولدى، ول سوڭعى بەكەتكە وسى جەردى ادەيى تاڭدادى، ول بىلاي دەدى: «جاقسى ەكەن، قارعالداق، مويىنسالى سياقتى شينجياڭنىڭ ەرەكشە ونىمدەرىن ساتىپ الدىم، شينجياڭنىڭ ەرەكشەلىگىنە يە ەكەن».
جاڭادان وزگەرتىلگەن حالىقارالىق ۇلكەن بازاردىڭ جاياۋلار كوشەسى مادەنيەت جاسامپازدىعى جانە بەيزاتتىق مۇرا نىسانى كوشەسى ەسەپتەلەدى، ول حالىقارالىق اۋقىمدىق كوشە جانە ءدامدى تاعامدار كوشەسى دەپ ءبولىنىپ، بۇل جەرگە 3 مىڭ 300 دەن ارتىق بوكاي ورنالاستىرىلدى. قايتادان اعارتىلعان عيماراتتىڭ ەكى جاعى، كوشەلەرگە توسەلگەن گرانت تاستار شينجياڭ حالىقارالىق ۇلكەن بازاردىڭ ۇلگىسىمەن بىتە قايناسىپ، تازا دا كوركەم، وزگەشە كورىنىستى قالىپتاستىردى. مادەنيەت جاسامپازدىعى، بەيزاتتىق مادەني مۇرا كوشەسىندە، كەستە بۇيىمدارى، ۇلتتىق مۋزىكا اسپاپتارى، ءيستى قۇدىس مايى سياقتى شينجياڭنىڭ ەرەكشە ونىمدەرى كوزدىڭ جاۋىن الادى، دوپپا ساۋداسىن ىستەيتىن گۇزالنۇر تىلشىگە، تاياۋدان بەرى ساۋداسى كۇسەت بولعانىن ايتا كەلىپ بىلاي دەدى: «جاياۋلار كوشەسى جاقسى بولدى، سىرت جەردىڭ ادامدارى دا كوپ، كۇنىنە ەڭ از بولعاندا مىڭ يۋان كىرىس كىرگىزەمىن، كوپ بولعاندا ەكى مىڭ يۋان، ءتىپتى ودان دا جوعارى بولادى».
كۇننىڭ باتىسىمەن، كوشە شامدارى جايناپ، حالىقارالىق ۇلكەن بازاردىڭ جاياۋلار كوشەسىندەگى ءدامدى تاعامدار ءوڭىرى دۋمانعا شومادى، ساياحاتشىلار وسى ارادان كاۋاپ، پالاۋ، تاۋىق ەتى قۋىرداعى، شاۋەشەك ماروجىنيىنىڭ جانە شينجياڭ جەمىس-جيدەگىنىڭ ءدامىن تاتتى. شاندۇڭدىق ساياحاتشى جاڭ مىرزا: «ءدامدى تاعامداردان اۋىز تيدىك، قاقتالعان قوي ەتى، ۇيرەك جۇمىرتقاسى، تاعى سامسا ءبارى-ءبارى دە وتە ءدامدى ەكەن، وتە كەرەمەت،-دەدى».
وسىندا ماروجىني مەن جاس جەمىس-جيدەك ساتاتىن ۋ جينشيڭ وتە قاربالاس بولدى. ول: «ساياحاتشى وتە كوپ، ساۋدامىز كوسەت، ساياحاتتىڭ قاۋىرت مەزگىلىندە شاۋەشەك ماروجىنيىن ساياحاتشىلار جارىم ساعات قاتارعا تۇرىپ ارەڭ جەي الادى، ءار كۇنى دايىندالاتىن 100 كيلوگرامعا جۋىق ماروجىني نەگىزىنەن تۇگەل ساتىلىپ كەتەدى»،-دەدى.
شينجياڭ حالىقارالىق ۇلكەن بازارداعى جاياۋلار كوشەسىنىڭ اشىلۋىنا وراي، ءۇرىمجى قالاسىنداعى ىرداۋچياۋ اۋماعى تۇتاسىمەن كولەمدى ساياحات كورىنىس وڭىرىنە اينالىپ، ساياحات ىستەرىندە ءتيپتى جاڭالاپ دارەجەسىن جوعارىلاتتى، ءار كۇنگى ساياحاتشى مولشەرى بۇرىنعى 20 ـــ 30 مىڭنان 100 مىڭ ادام رەتكە جەتىپ، اپتا سوڭىندا 150 مىڭ ادام رەتتەن استى. اۆتونوميالى رايوندىق ساياحات باسقارماسى قوعامىنىڭ باستىعى ۋ فىڭ بىلاي دەدى: «مۇندا، نەگىزىنەن وڭتۇستىك، سولتۇستىك شينجياڭنىڭ كەيبىر وزگەشە ءدامدى تاعامدارى، وزگەشە مادەنيەت جاسامپازدىعى ونىمدەرى، ەرەكشە شينجياڭ ساۋعالارى تولىق ايگىلەندى، بۇل شينجياڭنىڭ مادەنيەت ساياحاتى تانىسقىسىنىڭ ءبىرى بولدى».


بەرىپ كەت ورامالىڭدى

دوستار

الىستاعى اق ەركە