جاڭا حابارلار

جۇڭگو، شەتەل اقپارات قۇرالدارىنىڭ» جىبەك جولى ەكونوميكالىق بەلدەۋى « وزەكتى رايونىنا ساپارى اتىنداعى تىلشىلىك قيمىلى باستالدى

    كەلۋ قاينارى: شينجياڭ حالىق راديو ىستانسياسى    2018-08-26 09:54:58  

ستانسيامىزدىڭ ءتىلشىسى لان تياننىڭ حابارى: مەملەكەتتىك كەڭەستىڭ اقپارات كەڭسەسى ۇيىمداستىرعان جۇڭگو، شەتەل اقپارات قۇرالدارىنىڭ «جىبەك جولى ەكونوميكالىق بەلدەۋى» وزەكتى رايونىنا ساپارى اتىنداعى تىلشىلىك قيمىلى 8-ايدىڭ 25-كۇنى تۇستەن بۇرىن باستالدى. جۇڭگو، شۆەتسيا، بەلگيا، ينديا، جاپونيا، اۋعانىستان سياقتى 14 مەملەكەتتىڭ 30 نەشە اقپارات قۇرالىنىڭ رەداكتورلارى مەن تىلشىلەرى ءۇرىمجى قالاسىنا كەلىپ تىلشىلىك ىستەدى.
8-ايدىڭ 25-كۇنى تۇستەن بۇرىن ساعات 11 دە، جۇڭگو-ەۆروپا كەزەكشى پويەزىنىڭ ءۇرىمجى جيناۋ-جونەلتۋ ورتالىعىندا، 41 تيەۋىش قوراپ زاتتى تولتىرا تيەگەن جۇڭگو-ەۆروپا كەزەكشى پويەزى باياۋ جولعا شىقتى، ءار ەل اقپارات قۇرالدارىنىڭ تىلشىلەرى، رەداكتورلارى ارت-ارتىنان فوتو اپپارات، قول تەلەفوندارىمەن وسى ءساتتى ەستەلىككە قالدىردى. بەلگيا «جاڭعىرىق گازەتىنىڭ» ءتىلشىسى برۋنو كەرمان: «جۇڭگو-ەۆروپا كەزەكشى پويەزى نەگىزىنەن ءار كۇنى جولعا شىعادى، ونىڭ ۇستىنە بەلگيانى باسىپ وتەدى، قاتىناۋ جيىلىگى مەن قامىتۋ اۋماعى كىسىنى قايران قالدىرادى. بۇگىن مەن وسى جەردە جۇڭگو مەن ەۆرپانىڭ تۇتاسقاندىعىنا كۋا بولىپ، ەرەكشە اسەر الدىم»،-دەدى.
شينجياڭ جۇمساق بولشەك باقشاسىن ەكسكۋرتسيالاپ بولعاننان كەيىن، شۆەتسيادان كەلگەن «سولتۇستىك ەۆروپا جاسىل پوچتا گازەتىنىڭ» باس رەداكتورى چىن شۋەفەي: «شينجياڭ جىبەك جولى ەكونوميكالىق بەلدەۋىنىڭ وزەكتى رايونى رەتىندە، ءىرى ساندى مالىمەت، بۇلت ەسەپتاۋ جاعىندا ەرەكشە دامىدى. جاڭا كورگەن ەمدەۋ جاعىنداعى كومەك ءبىز سياقتى جاي ادامدار جونىنەن ناقتىلى پايداسى بار، بولاشاقتىق دامۋعا اسا تاماشا تەحنيكالىق دەمەۋ بولادى»،-دەدى.
شينجياڭ حالىقارالىق ۇلكەن بازارىندا وزگەشە ەرەكشەلىككە يە ۇلتتىق قولونەر مۋزىكا اسپاپتارى كوپشىلىكتىك نازارىن اۋداردى.يندونەزيا NET تەلەۆيزياسىنىڭ ءتىلشىسى جارۋ راحما دانار حادي ءتۇرلى مۋزىكا اسپاپتارىنىڭ اسەم اۋەنىن تەلە كامەراسىنا ءتۇسىردى. ول: «وسى رەتكى ساپاردا ەرەكشە قۋانىشقا بولەندىم، ۇلكەن بازاردا قىرۋار ادەمى قولونەر بۇيىمدارى، مۋزىكا اسپاپتارى بار ەكەن، بۇل ءۇرىمجىنى ونان ارى جان-جاقتىلى تۇسىنۋىمە مۇمكىندىك جاسادى»،-دەدى.
ۇعىسۋعا قاراعاندا، وسى رەتكى تىلشىلىك قيمىلى جەتى كۇنگە جالعاسادى، ءار ەل اقپارات قۇرالدارىنىڭ تىلشىلەرى ىلگەرىندى-كەيىندى ءۇرىمجى، سانجى، التاي سىندى ءۇش جەردە تىلشىلىك ىستەيدى ەكەن.


بەرىپ كەت ورامالىڭدى

دوستار

الىستاعى اق ەركە