جاڭا حابارلار

رايونىمىز ەنەرگيانى ۇنەمدەپ، قورشاعان ورتانى قورعايتىن كاسىپتەردى بەلسەنە جەتىلدىرىپ جانە زورايتىپ، ونەركاسىپ كاسىپورىندارىنا جاسىل قوزعاۋشى كۇش قوستى

    كەلۋ قاينارى: شينجياڭ حالىق راديو ىستانسياسى    2018-08-26 09:59:17  

ستانسيامىزدىڭ ءتىلشىسى لي لۇڭنىڭ حابارى: باس شۋجي شي جينپيڭ: «جاسىل دامۋ ـــ جوعارى ساپالى وسىزاماندانعان ەكونوميكالىق جۇيەنى قۇرۋدىڭ قاجەتتى تالابى، لاستانۋ ماسەلەسىن شەشۋدىڭ ءتۇبىرلى شاراسى»،-دەپ اتاپ كورسەتتى. رايونىمىز «ەكولوگيانى ماڭداي الدى ورىنعا قويۋ، جاسىل دامۋ» جولىنا تاباندى بولۋ، ەنەرگيانى ۇنەمدەپ، قورشاعان ورتانى قورعايتىن كاسىپتەردى بەلسەنە جەتىلدىرىپ جانە كەمەلدەندىرىپ، ءداستۇرلى كاسىپتەردى جاسىل كاسىپكە وزگەرتۋدى جەبەپ، ونەركاسىپ كاسىپورىندارىنا «جاسىل قوزعاۋشى كۇش» قوستى.
باۋشان بولات-تەمىر توبى شينجياڭ 1-تامىز بولات-تەمىر شەكتى جارنا سەرىكتەستىگىنىڭ ءبىرىنشى دومنا پەشىندە دۇنيە ءجۇزى بويىنشا ەڭ ۇلكەن وۋ يە-زى قورتۋ پەشىندە ءار كۇنى 3 مىڭ 800 توننا سۇيىق بولات وندىرىلەدى. وۋ-يە-زى قورتۋ پەشى تەمىر قورىتۋدىڭ ءداستۇرلى جوعارى تەمپەراتۋرالى پەشىنىڭ تەحنولوگيا جۇمىس ءتارتىبىن وزگەرتىپ، ادەتتەگى قوزعاۋشى كۇش ورنىنا پايدالانىلاتىن كومىردى جانار زات ەتىپ، كوكىس كومىردى ەندىگارى جانارزات قاينارى رەتىندە پايدالانبايتىن، سايكەستى كوكىس ورتەۋ زاۆودىن، كەسەكتەۋ زاۆودىن قۇرۋدى قاجەت ەتپەيتىن بولىپ، ەنەرگيانىڭ سارىپ بولۋى مەن وزىندىك قۇندى تومەندەتتى. مۇنان تىس، سەرىكتەستىك وتكەن جىلدان باستاپ قاتتى كۇيدەگى جاراقسىز زات، قالاداعى قوقىر-قوقسىقتاردى جانار زات ورنىنا پايدالانۋدى ۇزدىكسىز سىناقتان وتكىزىپ، كومىر بايلىعىن ۇنەمدەپ، وزىندىك قۇندى تومەندەتۋدەن سىرت، تاعى اينالمالى دامىدى.ءبىرىنشى دومنا پەشتىڭ باستىعى زوۋ چيڭفىڭ: «وتكەن جىلى اۆتوكولىكتى بولشەكتەۋ بارىسىندا دوڭگەلەگىن بولەك الىپ، 700 توننا دوڭگەلەككە سىناق جاساپ، مۇنى جانار زات ورنىنا پايدالانۋعا بولاتىنىن بىلدىك. مۇنان تىس لاس سۋدى ءبىر جايلى ەتۋ زاۆودىنداعى لاي-باتپاقتان 80 تونناسىن الىپ تەحنولوگيالىق سىناق جاسادىق، اماليات مۇنىڭ دا پەشكە سالىپ ورتەۋگە بولاتىنىن دالەلدەدى.پرينسىپتىك جاقتان بۇل پەشتىڭ جوعارى تەمپەراتۋراسى 1100سەلتسي گرادۋسقا جەتكەندە ديوكسين پايدا بولمايدى.بيىلدان باستاپ قاتتى كۇيدەگى جاراقسىز زاتتاردى ورتەپ جوعالتۋ جانە قالاداعى قوقىر-قوقسىقتاردى ءبىر جايلى ەتۋدى نەگىز ەتە وتىرىپ جۇمىس باستايمىز، مۇندا مەجەمەن ءبىر توننا بولات قورىتۋ بارىسىندا 100 كيلوگرام جاراقسىز زات تازارتىلادى، ءبىر ميلليون 500 مىڭ تونناعا بولات قورىتۋ جوسپارى بويىنشا ەسەپتەگەندە ءبىرىنشى كەزەڭدە 15 مىڭ تونناداي جاراقسىز زات ءبىر جايلى ەتىلەدى ەكەن»،-دەدى.
1-تامىز بولات-تەمىر شەكتى جارنا سەرىكتەستىگىنىڭ وۋ-يە-زى قورىتۋ پەشى قازىر دۇنيە جۇزىندە ەڭ ءىرى وۋ-يە-زى بولات-تەمىر قورىتۋ پەشى سانالادى.ونىڭ جاسالۋى 1-تامىز بولات-تەمىر شەكتى جارنا سەرىكتەستىگىنىڭ اينالمالى ەكونوميكانى دامىتۋ، جاسىل بولات-تەمىر كاسىپورنىن قۇرۋىنىڭ ناقتى شاراسى، ول ءارى شينجياڭنىڭ جوعارى تەمپەراتۋرالى پەشكە جاتپايتىن پەشتە بولات قورىتۋ ءداۋىرىنىڭ باستاعاندىعىن ايگىلەيدى.
شينجياڭ شىن-تى ەنەرگيا شەكتى جارنا سەرىكتەستىگى قورشاعان ورتا قۇرىلىس ماتەريالدارى سالاسىنداعى زەرتتەپ اشۋ، ءوندىرۋ تەبىنىن ارتتىرىپ، كوپ كريستالدى كرەمني كاسىپ لەنياسىن ۇزارتتى. سەرىكتەستىكتىڭ ورىنباسار اعا ينجەنەرى فان شيەچىڭ بىلاي دەدى: «سوڭعى جىلداردان بەرى، شين-تى ەنەرگياسى باستىسى ەرەكشە ۇساق ۇنتاق، وزىق فارفور، جاسىل قۇرىلىس ماتەريالدارى سياقتى جاقتاردان كاسىپ تىزبەگىن ۇزارتتى. ەرەكشە ۇساق ۇنتاق ونەركاسىپتە عانا ەمەس، ءتۇرلى حالىقتىق سالادا دا پايدالانىلادى. جاسىل قۇرىلىس ماتەريالدارى جاعىندا ءبىز باستىسى كەۋەكتى كەسەك دەپ اتالاتىن ءونىمدى وندىرەمىز، ەلەكتر ستانسياسى، قوسالقى زاۆودتاردان شىعارىلعان وسى كومىر ۇنتاعى، پەشتەن شىققان كۇل-قوقىستاردى بايلىق قاينارى رەتىندە پايدالاندىق».
اينالمالى ەكونوميكانى دامىتۋ، جاراقسىز زاتتاردى اسىلعا اينالدىرۋمەن بىرگە، رايونىمىزدىڭ ونەركاسىپ كاسىپورىندارى ەنەرگيانى ۇنەمدەپ شىعىندى ازايتۋدىڭ جاڭا تەحنيكاسى جاعىندا بەلسەنە ىزدەنىس جاسادى.شينجياڭ جۇڭحى شەكتى جارنا سەرىكتەستىگىنىڭ ەڭ جاڭا تەحنولوگيامەن وندىرگەن تۇنىقتىق دارەجەسى جوعارى اليۋمينىنىڭ ەلەكتردى سارىپ ەتۋ مولشەرى بۇرىنعىنىڭ وننان بىرىندەي عانا بولدى.سەرىكتەستىكتىڭ ورتا حاۋىپسىزدىگى باس باقىلاۋشىسى لي ءجۇن: «بۇرىن ءبىر توننا اليۋميننىڭ ەلەكتر سارىپ ەتۋ مولشەرى 13 مىڭ 500 كيلوۆات ساعات بولسا، قازىر ونىمەن بىردەي ءونىم ساپاسىنىڭ دارەجەسىنە جەتۋ العى شارتىندا، ءبىز تەك مىڭ 500 كيلوۆات ساعات عانا ەلەكتر سارىپ ەتەمىز، ەنەرگيانى بارىنشا ۇنەمدەدىك»،-دەدى.
«13-بەسجىلدىق» پىلان كەزىندە، رايونىمىز حيميا-ونەركاسىپ، ءتۇستى مەتال، ەرەكشە جەڭىل ونەركاسىپ، جابدىق جاساۋ، قۇرىلىس ماتەريالدارى، توقىما، جاڭا ەنەرگيا سياقتى سالالاردى ءتۇيىندى سالا ەتىپ بەلگىلەپ، جاسىل جاساۋ تەحنيكاسىن جالپىلاستىرىپ، قولدانىپ، جاسىل جاساۋ جۇيەسىن قۇردى.پىلان بويىنشا، 2020-جىلعا بارعاندا، اۆتونوميالى رايون بەس جاسىل باقشا رايونىن، 50 جاسىل ۇلگى زاۆودىن قۇرىپ، الۋان ءتۇرلى جاسىل ونىمدەردى اشىپ، 5 جاسىل قامداۋ تىزبەگىن قالىپتاستىرىپ، ءبىر توپ ەرەكشەلىگى بار، كاسىپتىك، جاسىل، جاساۋ قىزمەتىن وتەۋ قۇرىلىمىن جەتىلدىرىپ، جاسىل جاساۋدى بازارلاندىرىپ ىلگەرلەتۋ مەحانيزمىن قالىپتاستىرادى. اۆتونوميالى رايوندىق ەنەرگيانى ۇنەمدەۋدى باقىلاۋ-تەكسەرۋ باس اترەتىنىڭ باستىعى ۋ بيڭ بىلاي دەدى: «اۆتونوميالى رايونىمىز تەحنيكالىق جاڭالىق اشۋ جانە جۇيەنى ساپالاندىرۋ ارقىلى جاسىل جوبالاۋ، جاسىل تەحنيكا جانە تەحنولوگيا، جاسىل ءوندىرىس، جاسىل باسقارۋ، جاسىل قامداۋ تىزبەگى، جاسىل اينالمالى پايدالانۋ سياقتى تانىمداردى ءونىمىنىڭ تۇتاس اينالىمىنا ءسىڭىرىپ، تۇتاس كاسىپ تىزبەگىنىڭ ورتاعا ىقپالىنىڭ از، بايلىق ەنەرگياسىنىڭ پايدالانۋ ونىمدىلىگىنىڭ ەڭ جوعارى بولۋىن ىسكە اسىرىپ، ەكونوميكالىق ونىمدىلىك، ەكولوگيالىق ونىمدىلىك جانە قوعامدىق ونىمدىلىكتى سايكەستى ساپالاندىرادى».


بەرىپ كەت ورامالىڭدى

دوستار

الىستاعى اق ەركە