جاڭا حابارلار

ءۇرىمجى قالاسى ءتۇرلى شارانى قاتار قولدانىپ، اۋا ساپاسىن جاقسارتۋدى جەبەدى

    كەلۋ قاينارى: شينجياڭ حالىق راديو ىستانسياسى    2018-08-26 09:51:29  

ستانسيامىزدىڭ حابارى: بيىل، ءۇرىمجى قالاسى قورشاعان ورتانىڭ اۋا ساپاسىن كورنەكتى جاقسارتۋدى قاتاڭ تالاپ ەتىپ، «كوگىلدىر اسپان» ينجەنەريانىڭ ءتۇرلى قىزمەتىن كۇش سالا ىلگەرىلەتىپ، لاستانۋ مولشەرىن ازايتۋعا، لاستانۋدىڭ ارتۋىن تەجەۋگە، لاستانۋدىڭ جالپى مولشەرىن تومەندەتۋگە كۇش سالدى. 7-ايدىڭ 31-كۇنىنە دەيىن، تۇتاس قالانىڭ ولشەمگە جەتكەن كۇن سانى 141 كۇن بولىپ، وتكەن جىلدىڭ وسى تۇسىنداعىدان 10 كۇن كوبەيدى.
ءتىلشىنىڭ ءۇرىمجى قالالىق قورشاعان ورتانى قورعاۋ مەكەمەسىنەن ۇعىسۋىنا قاراعاندا، 2 جىلدان بەرى، ءۇرىمجى قالاسى 8 ميلليارد يۋاننان ارتىق قارجى قوسىپ، 5 ۇلكەن ءتۇر بويىنشا 20 نەشە ءتۇرلى لاستانۋدى وڭاۋ نىسانىن اتقارعان. مۇنان سىرت، تاعى سانجى حۇيزۋ اۆتونوميالى وبلىسى، شىحىزى قالاسى سياقتى ماڭىنداعى وبلىس، قالالارمەن بەلسەنە قارىم-قاتىناس جاساپ، قورشاعان ورتانى قورعاۋ ارناۋلى بىرىككەن زاڭ اتقارۋدى تەكسەرۋ قيمىلىن بىرلەسىپ ورىستەتۋ جانە سەلبەسىپ كەڭەسۋ سياقتى فورمالار ارقىلى قالا ماڭىنداعى ورتانىڭ لاستانۋ ماسەلەسىن ءونىمدى شەشكەن.
ءۇرىمجى قالالىق قورشاعان ورتانى قورعاۋ مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى لي شينشىڭ تانىستىرىپ بىلاي دەدى: «بيىل ورتالىق قالا «كوگىلدىر اسپان» قىزمەتىن كۇش سالا ىلگەرىلەتىپ، كومىردى مەڭگەرۋ، لاستانۋدى مەڭگەرۋ، شاڭ-توزاڭدى مەڭگەرۋ، اۆتوكولىكتى مەڭگەرۋ جانە ءوڭىردىڭ بىرلەسىپ ساقتانۋ، بىرلەسىپ مەڭگەرۋى سىندى «بەس جاقتاعى مەڭگەرۋدى» كۇشەيتىپ، جەلىلەس كەشەندى شارالاردى باتىل ويداعىداي تياناقتاندىرىپ، لاستاۋدىڭ جالپى مولشەرىن ازايتادى. قورشاعان ورتانى وڭاۋ تەبىنىن ارتتىرىپ، وڭىرگە (اۋدانعا ) ءبولىپ، اي سوڭىنداعى باعالاۋ مىندەتى بويىنشا، اتموسفەرانىڭ لاستانۋىن وڭاۋدىڭ ءتۇرلى قىزمەت شاراسىنىڭ تياناقتانۋىنا شىنايى كەپىلدىك ەتىپ، لاستاۋ مولشەرىن ۇزبەي ازايتىپ، لاستانۋدىڭ ارتۋ مولشەرىن قاتاڭ مەڭگەرىپ، تازا دا جاراسىمدى قونستانۋعا جايلى ورتا جاراتادى. اسىرەسە، كومىردى مەڭگەرۋ جاعىندا، تۇتاس قالاداعى الەۋمەتتىك ەلەكتر ستانسيالارىندا «جازدا ءوندىرىستى شەكتەۋ، قىستا جارىمىن ازايتۋ» ءتۇزىمىن اتقاردى، ال سەمەنت كاسىبىندە قىستاعى قاۋىرت مەزگىلدەن كەيىن وندىرۋگە كۇش سالادى. 2017-جىلى كومىر جاعاتىن393 پار قازاندى شاقتى، 2018-جىلى ءۇشىنشى اينالما جولداعى ىعىستىرۋ مولشەرى 65 توننادان تومەنگى ونەركاسىپتىك كومىر جاعاتىن پار قازانداردى تۇگەلدەي قاتاردان قالتىرادى.


بەرىپ كەت ورامالىڭدى

دوستار

الىستاعى اق ەركە