جاڭا حابارلار

شينجياڭنىڭ اۋىل شارۋاشىلىق عىلىم-تەحنيكاسى شەتەلدەرگە بەتالدى

    كەلۋ قاينارى: شينجياڭ حالىق راديو ىستانسياسى    2018-08-26 09:48:35  

ستانسيامىزدىڭ جيناق حابارى: «ءبىر بەلدەۋ، ءبىر جول» دارىپتەمەسىنىڭ جەبەۋىندە، رايونىمىز شەتەلدەرگە باعىتتالعان عىلىم-تەحنيكا وقۋ-اعارتۋ، مادەنيەت، دەنساۋلىق ساقتاۋ سياقتى سالالارداعى بارىس-كەلىس پەن سەلبەستىكتى بەلسەنە ىلگەرىلەتتى. قازىر، شينجياڭداعى اۋىل شارۋاشىلىعىن عىلىمي زەرتتەۋ ورىندارى مەن قاتىستى كاسىپورىندار وزىق اۋىل شارۋاشىلىق تەحنيكاسىن شەتەلدەرگە شىعارىپ جالپىلاستىرىپ، «ءبىر بەلدەۋ، ءبىر جولدىڭ» بويىنداعى ەلدەردىڭ اۋىل شارۋاشىلىق سالاسىمەن سەلبەستىك قارىم-قاتىناسىن ۇزبەي كۇشەيتتى.
تاياۋدا، وزبەكستاننىڭ سىر ءداريا وبلىسىنداعى »پىڭشىڭ« ونەركاسىپ باقشاسىندا، ءونىم مولشەرىن عىلمي جولمەن ولشەپ ەسەپتەۋ ارقىلى جۇڭگو اۋىل شارۋاشىلىق عىلىم اكادەمياسى باتىس بولەك اۋىل شارۋاشىلىعىن عىلىمي زەرتتەۋ ورتالىعىنا قاراستى تاجىريبە فونكىتى ەككەن 750 مۋ ماقتانىڭ مۋ باسىندىق ءونىمى 400 كيلوگرامنان اسىپ، جەرگىلىكتى ورىننىڭ ءونىم مولشەرىنەن 3 ەسەدەن كوبىرەك ارتىپ، وزبەكستان ماقتاسىنىڭ بىرلىك ءونىم مولشەرىندە رەكۋرد جاڭالادى. سول سەبەپتى، -8ايدىڭ -15كۇنى، وزبەكستاننىڭ ماقتا جونىندەگى مەملەكەتتىك جۇمىس باسى ءماجىلىسى سول باقشا رايونىندا اشىلىپ، ماجىلىسكە قاتىناسقاندار جۇڭگونىڭ ماقتا ەگۋ تەحنيكاسىن ءوز كوزىمەن كوردى. تاجىريبە فونكىتىنىڭ باستىعى، جۇڭگو اۋىل شارۋاشىلىق عىملىم اكادەمياسىنىڭ اعا اگرونومى گۋ جيە تىلىگە ماقتانىش سەزىممەن بىلاي دەدى :جۇڭگونىڭ ەڭ وزىق بولعان سۋلياۋ جارعاق استىنان تامشىلاتىپ سۋارۋ تەحنيكاسىن جەتكىزدىك. اۋىل شارۋاشىلىق ماشينالارىن سىناپ كورۋ قۇراسترۋدان تارتىپ، جەرگىلىكتى ورىنداعى بۇقاراعا ماقتا ەگۋ، باپتاپ باسقارۋ ، سۋارۋ ، تىڭايتقىش بەرۋگە دەيىنگى وتكەلەكتەردى ءبىر-بىرلەپ ۇيرەتتىك، كەلەر جىلى كولەمىن ون مىڭ گەكتارعا جەتكىزبەكشىمىز.
بىلتىر 9-ايدا، جۇڭگو اۋىل شارۋاشىلىق عىلىم اكادەمياسى باتىس بولەك اۋىل شارۋاشىلىعىن عىلىمي زەرتتەۋ ورتالىعى سانجى مەملەكەتتىك اۋىل شارۋاشىلىق عىلىم-تەحنيكا باقشا رايونىنا ىرگە تەۋىپ، ورتا ازياعا باعىتتاعان حالىقارالىق اۋىل شارۋاشىلىق تەحنيكاسى جاعىنداعى سەلبەستىك قيمىلىن ورىستەتتى.بيىل 3-ايدا، ورتا ازيا تاجىريبە فونكىتى الدىمەن وزبەكستاندا ساپالى ماقتا كاسىبى بەلدەۋىنىڭ سورتتى تۇقىمى مەن تۇلعالاندىرۋ تەحنيكاسىن زەرتتەپ اشۋ تەحنيكاسىن جالپىلاستىرۋ قيمىلىن ورىستەتتى. گۋ جيە وزبەكستانعا بارا سالىسىمەن سول اراداعى ماقتاشىلاردىڭ قىزۋ ىنتاسى وعان تەرەڭ اسەر قالدىردى.ول تىلشىگە بىلاي دەدى :كوپ ساندى بۇقارا مەنىڭ تەحنيكا ۇيرەتۋىمدى تالاپ ەتتى، ولار :گۋ ۇستاز ، بۇگىن قوي سويىپ قويدىق، كەلىپ ەت جەپ قوناق بولىپ قايتىڭىز،-دەسەدى.ءبىز وزىق تەحنيكا جەتكىزگەن سوڭ ، ديحاندار بايىدى، مەملەكەتتىڭ ەكونوميكاسى دامىدى، ولار جۇڭگوعا ايرىقشا العىسىن ءبىلدىرىپ وتىر.
سونىمەن قوسا، رايونىمىزداعى اۋىل شارۋاشىلىق عىلىم-تەحيكاسىنا قاتىستى كەيبىر كاسىپورىندار حالىقارالىق ءىلىمي اۋىس-كۇيىس جاساۋ، ۇلگى بازاسىن قۇرۋ، تەحنيكالىق جاقتان تاربيەلەۋ سياقتى فورمالارمەن وسى زامانعى اۋىل شارۋاشىلىق تەحنيكاسىن «ءبىر بەلدەۋ، ءبىر جولدىڭ» بويىنداعى ەلدەرگە جالپىلاستىردى، ءتىپتى ونى افريكا ەلدەرىنە دەيىن جەتكىزدى.كەزەكتە ، شينجياڭ تيانيە توبى پاكيستان، قازاقستان، تاجىكستان، ەريترەيا سياقتى 10 نەشە مەملەكەت جانە رايونمەن سەلبەستىك كەلىسىمىن جاساسىپ، ەريترەيانىڭ تامشىلاتىپ سۋارۋ-سۋ ۇنەمدەۋ ۇلگى نىسانىن، تاجىكستاننىڭ مىڭ مۋلىق سۋ ۇنەمدەيتىن اۋىل شارۋاشىلىق نىسانىن سالىپ، شريلانكا، كوستاريكا، ەگيپەت سەكىلدى دامۋ جولىنداعى 27 مەملەكەتكە 270 نەشە اۋىل شارۋاشىلىق تەحنيكاسىن جالپىلاستىراتىن مامان تاربيەلەپ بەردى. شينجياڭ تيانيە سۋ ۇنەمدەپ سۋارۋ شەكتى جارنا سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس مەڭگەرۋشىسى ياڭ ۋانسىن: «ءبىر بەلدەۋ، ءبىر جول» دارىپتەمەسى جۇڭگونىڭ تەحنيكاسىن شەتەلدەرگە شىعارۋىنا وراي اپەردى، اۋىل شارۋاشىلىق عىلىم-تەحيكاسىن ەنگىزۋدەن اۋىل شارۋاشىلىق تەحنيكاسىن شەتەلدەرگە شىعارۋعا قاراي ويىستىق؛ وسىنداي جەلىلەس تەحنيكانى شىعارۋىڭ ءوزى ءبىزدىڭ اۋىل شارۋاشىلىعىنا قوسقان وراسان زور ۇلەسىمىز بولماق،-دەدى.
قازىر، ەلىمىزدىڭ ماقتا، ءبيداي، قىزاناق سياقتى اۋىل شارۋاشىلىق ەگىنشىلىگىنىڭ جاڭا تەحنيكاسى مەن تۇلعالى جابدىعى «ءبىر بەلدەۋ، ءبىر جولدىڭ» بويىنداعى ەلدەرگە جالپىلاستىرىلىپ ،جەرگىلىكتى ورىننىڭ اۋىل شارۋاشىلىعىن وسى زامانداندىرۋ دەڭگەيىن جوعارىلاتۋمەن بىرگە، اۋىل شارۋاشىلىق ونىمدەرىنىڭ حالىقارالىق ساۋداسىن جەبەپ، «ءبىر بەلدەۋ، ءبىر جولدىڭ» بويىنداعى ەلدەرمەن اراداعى ەكونوميكا-ساۋدا قارىم-قاتىناسىن جاقسارتتى.
بىرنەشە كۇننەن بەرى، الاتاۋ ساعاسى «ءاي جۇي چين جياڭ» استىق جانە زات اينالىمى كاسىپ باقشا رايونىندا قازاقستاننان ەنگىزىلگەن 20 مىڭ توننا ءبيداي ەرەكشە دارەجەلى ۇن ەتىپ مانەرلەندى. سەرىكتەستىڭ باس مەڭگەرۋشىسى حۋ شۇيميڭ تىلشىگە بىلاي دەدى: ءبىز باستىسى جەرگىلىكتى ورىننىڭ اۋەلگى ءبيداي سورتىن جەتىلدىرۋدى نەگىز ەتىپ، سول جەردىڭ ءبيدايىنىڭ ساپاسى مەن ءونىم مولشەرىن جوعارىلاتۋعا كۇش سالۋدى ويلاستىرىپ وتىرمىز. وسى ارقىلى قازاقستاندى شيكىزات ساتىپ الاتىن بازاعا اينالدىرىپ، الاتاۋ ساعاسىن زات اينالىمى جانە مانەرلەۋ جاعىنداعى ارالىق وتكەرمە ورىن جانە بازا ەتىپ قۇرامىز، ال سوندا شي-ان زات اينالىمىنداعى ونىمدەردى ساتۋ بازاسىنا اينالادى.


بەرىپ كەت ورامالىڭدى

دوستار

الىستاعى اق ەركە