جاڭا حابارلار

ۇرىمجىدەگى ۇلكەن كينوحانالار كورەرمەندەردى قاتتى باۋرادى

    كەلۋ قاينارى: شينجياڭ حالىق راديو ىستانسياسى    2018-08-26 09:40:57  

ستانسيامىزدىڭ ءتىلشىسى لان تيان، پراكتيكانت رىن شينجيەنىڭ حابارى: بىرنەشە كۇننەن بەرى، ۇرىمجىدەگى ۇلكەن كينوحانالاردا كوپتەگەن كينو فيلىمدەر شوعىرلى قويىلىپ، كورەرمەندەردى قاتتى باۋرادى.
تۇستەن بۇرىن ساعات 11 دە، ءۇرىمجى قالاسى سايباق رايونىنداعى 103 كينو باقشاسىندا ادامدار يىن تىرەسىپ، ەرەكشە دۋمانعا بولەندى. كۇلدىرگى «شي حۇڭ قالاسىنداعى باس باي» فيلىمى جانە «پەرىشتە قوناق ءۇيى-3» اتتى مۋلت فيلىم باسىم كوپ اتا-انا مەن بالانىڭ ەڭ ۇناتاتىن فيلىمى بولدى، جاستاردىڭ كوبى جاڭادان قويىلعان ەرەكشە كورىنىستىك ايگىلى فيلىم «قۇمىرىسقا ادام-2» نى نەمەسە «اعا شاكىرت » اتتى ارەكەتتىك كۇلدىرگى فيلىمدى تاڭدادى. لي تيانتيان اتتى كورەرمەن ءۇش كۇن بۇرىن توراپتان « قۇمىرىسقا ادام-2» اتتى كينو فيلىمىنىڭ بەلەتىنە تاپسىرىس بەرىپ قويىپتى. ول :« بۇگىن ›قۇمىرىسقا ادام-2 ‹نى كوردىم، ەرەكشە كورىنىستەرى تاماشا جاسالىپتى، دەمالىستا دوستارىممەن باس قوسىپ كينوحاناعا كەلىپ تارتىمدى كينولاردان ءلاززاتتانۋدىڭ ءوزى عانيبات»،-دەدى.
جاڭ شين اتتى كورەرمەن دەمالىس ورايىنان پايدالانىپ ۇيىندەگىلەردى ەرتىپ كوڭىل اشتى. ول: «›جىرتقىش اكۋلا‹ فيلىمى وتە قورقىنىشتى ەكەن، قارتايعان اپام مۇنداي عىلىم-تەحنيكانى كورمەگەن، سوندىقتان اپامدى ەرتىپ كەلىپ «شيحۇڭ قالاسىنداعى باس باي» اتتى فيلىمدى كوردىك»،-دەدى.
103 كينوباقشاسىنىڭ مەڭگەرۋشىسى لو يۇيشياڭ تىلشىگە: كورەرمەندەردىڭ ءتۇرلى قاجەتىن قاناعاتتاندىرۋ ءۇشىن، كينوحانانىڭ تاماشا جاسالعان ۇقسامايتىن كينو فيلىمدەردى دايىنداعانىن، ءۇش كۇندىك دەمالىستا كورەرمەننىڭ سانى بارعان سايىن مولايعاندىعىن، كورەرمەندەردىڭ ەڭ جاقسىسى توراپ نەمەسە تەلەفون ارقىلى الدىن الا تاپسىرىس بەرگەنى ءجون ەكەنىن، ايتپەگەندە ءوزى ۇناتاتىن الاڭ مەن ورىنعا يە بولۋىنىڭ قيىنعا سوعاتىنىن ايتا كەلىپ بىلاي دەدى: «ءۇش كۇندىك دەمالىستا، «ءبىر رەتكى تاماشا ويىن» جانە «جىرتقىش اكۋلا» فيلىمدەرى قويىلدى، وسى فيلىمدەر 8-ايدىڭ باسىندا قويىلعاننان قازىرگە دەيىن كورەرمەندەرءالى دە ۇزبەي كورىپ كەلەدى. مۇندا وتباسىمەن بىرگە كەلىپ كورەتىن كينو فيلىمى «پەرىشتە قوناق ءۇيى-3» بار. ال جاستار ۇناتىپ كورەتىن «قۇمىرىسقا ادام-2»، «اعا شاكىرت» فيلىمدەرى وسى اپتادا باستى تانىستىرىلعان كينو فيلىمدەرى سانالىپ، بەلەتى الدىن الا ساتىلىپ، كورەرمەننىڭ مولشەرى %90 كە جەتتى».


بەرىپ كەت ورامالىڭدى

دوستار

الىستاعى اق ەركە