جاڭا حابارلار

مەرەكە كەزىندە بۇكىل شينجياڭداعى كورىنىس وڭىرلەرىندە كوپتەگەن ءتيىمدى قيمىلدار وتكىزىلەدى

    كەلۋ قاينارى: شينجياڭ گازەتى    2018-08-25 17:17:14  

  ءتىلشىمىز ياۋ گاڭ 8 - ايدىڭ 21 - كۇنى ۇرىمجىدەن حابارلايدى. قۇربان ايت كەزىندە، بۇكىل شينجياڭنىڭ جەر - جەرىندەگى كورىنىس وڭىرلەرىندە ويداعىداي قىزمەت كورسەتىلۋىمەن بىرگە، كوپتەگەن ءتيىمدى قيمىلدار جانە تاقىرىپتىق ساياحات قيمىلدارى وتكىزىلەدى.
  8 - ايدىڭ 22 - كۇنىنەن 26 - كۇنىنە دەيىن، بايىنبۇلاق كورىنىس ءوڭىرى مىنالاردى جولعا قويدى: «ۇلتتار ىنتىماعىنىڭ بەرەكەلى شاڭىراعى» قيمىلى بويىنشا جۇپ قۇراپ تۋىس بولۋشىلاردان، 2018 - جىلى جاڭادان جوعارى مەكتەپكە قابىلدانعان وقۋشىلاردان، باس قۇراعاندىقتارىن ەسكە الۋ كۇنىن جانە تۋعان كۇنىن تويلايتىن ساياحاتشىلاردان، حىجيڭ اۋدانىنداعى جەرگىلىكتى تۇرعىنداردان كورىنىستىك اۋماقتىڭ ەسىك بەلەتى الىنبايدى؛ بويى 1.4 مەتردەن تومەن بالالار، جاسى 70تەن اسقان قارتتار، تۋعان كۇنىن تويلايتىن ساياحاتشىلار ازاماتتىق كۋالىگىن كورسەتىپ، «شىعىسقا ورالۋ. اسەر» اتتى كونسەرتتى تەگىن تاماشالايدى؛ جەكە اۆتوكولىكتەرىمەن ساياحاتتاپ جۇرگەن ءبىر وتباسىنىڭ ادامدارى «شىعىسقا ورالۋ. اسەر» اتتى كونسەرتتىڭ ەسىك بەلەتىن ساتىپ الاتىن بولسا، بالالارى كونسەرتتى تەگىن كورەدى، 5 ادام بەلەت ساتىپ الاتىن بولسا، بىرەۋىنىڭ بەلەتى تەگىن بولادى، 100 يۋاندىق قوناق ءۇي قۇندى قاعازى سيعا بەرىلەدى؛ حىجيڭ اۋدانىنان 2018 - جىلى جاڭادان جوعارى مەكتەپكە قابىلدانعان وقۋشىلار ازاماتتىق كۋالىگىن، جوعارى مەكتەپتىڭ شاقىرتۋىن الىپ كەلسە، رايون ارالىق اۆتوكولىك بەلەتىن جانە «شىعىسقا ورالۋ. اسەر» اتتى كونسەرتتىڭ بەلەتىن جارىم باعادا الادى.
  8 - ايدىڭ 22 - كۇنىنەن 9 - ايدىڭ 5 - كۇنىنە دەيىن، تۇرپان كورىنىس ءوڭىرى كوپ ءتۇرلى ەسىك بەلەت تيىمدىلىك قيمىلىن جولعا قويادى، ءجۇزىم مەرەكەسى كەزىندە ساياحاتشىلار ۇيىمداستىرۋ القاسى تاراتقان سيلى قوناق كۋالىگى سياقتىلار ارقىلى، كورىنىستىك اۋماقتاردى تەگىن تاماشالايدى؛ جۇردەك پويەزدىڭ بەلەتىن كورسەتىپ باراتىن ورىنداردىڭ ەسىك بەلەتتەرىنەن بىرەۋىن ساتىپ الاتىن بولسا، تاعى ءبىر بەلەت سيعا بەرىلەدى؛ قۇربان ايتتا، ءجۇزىم مەرەكەسى كەزىندە تۋعان كۇنىن تويلايتىن ساياحاتشىلار ازاماتتىق كۋالىگى ارقىلى باراتىن ورىنداردىڭ بەلەتتەرىنەن بىرەۋىن ساتىپ الاتىن بولسا، تاعى 2 بەلەت سيعا بەرىلەدى؛ قۇربان ايت، ءجۇزىم مەرەكەسى كەزىندە، ءار كۇنى ساعات 12 مولشەرىندە، بويلۇق ساياحاتشىلار ورتالىعى تاماشا كونسەرت قويادى، باراتىن ورىنداردىڭ ەسىك بەلەتتەرىن ساتىپ العان ساياحاتشىلار سول مايداندا سيلىقتى بەلەت سۋىرۋعا قاتىناسا الادى.
  مۇنان سىرت، شيحۋ فوشان مەملەكەتتىك ورمان باقشاسى بيىل جوعارى مەكتەپكە ەمتيحان تاپسىرعان وقۋشىلاردان ەسىك بەلەت المايدى، 5 ادام بىرگە بەلەت ساتىپ السا ءبىر بەلەت سيعا بەرىلەدى. دۋ اۋلەتى ساياحات باقشاسى بۇكىل حالىق ساياحات باقىتىن بولىسەتىن «حالىققا تيىمدىلىك جاساۋ كۇنى» قيمىلىن وتكىزەدى، 8 - ايدىڭ 20 - كۇنىنەن باستاپ، سانجى قالاسىنىڭ تۇرعىندارى ازاماتتىق كۋالىگىن الىپ بارسا، باقشاعا تەگىن كىرە الادى. نارات كورىنىس ءوڭىرى «ءتيىمدى باعادا ناراتتا ساياحاتتاۋ» تارتۋىن ۇسىندى، ساياحاتشى 205 يۋانمەن (ەسىك بەلەت + شاقپى جايلاۋى + سارى شوقى) ناراتتا ەركىن سەرۋەندەي الادى. جانبۇلاق كورىنىستىك اۋماعى «سارى ءبيداي اتىزىندا بالالىق شاقتى ەسكە الۋ قيمىلىن» وتكىزەدى. قۇمتاق قۇم كورىنىس وڭىرىندە قۇمنان اسىل زات ىزدەۋ، الاۋ كەشى، شىققان كۇندى تاماشالاۋ سياقتى قيمىلدار وتكىزىلەدى.
  مەرەكە كەزىندە، ءۇرىمجى قالاسىنىڭ ىرگەسىندەگى باقشا، كورىنىس وڭىرلەردە ءتۇرلى قيمىلدار وتكىزەدى: شينجياڭ ەجەلگى ەكولوگيا باقشاسى 14 جاستان تومەنگى بالالارعا تەگىن اشىلادى؛ حۇڭشان باقشاسى «حۇڭشانداعى ەستەلىك» اتتى سۋرەت كورمەسىن اشادى؛ يانۋو سۋ الەمى باقشاسى ەكىلىك كودتى جايمالاپ الەۋمەتتىك تەكشەگە تىركەلگەندەرگە ەسىك بەلەتتى تەگىن بەرەدى.


بەرىپ كەت ورامالىڭدى

دوستار

الىستاعى اق ەركە