جاڭا حابارلار

بيىل العاشقى جارتى جىلدا، رايونىمىزدىڭ ساياحاتشىلاردى قابىلداۋ مولشەرى 51 ميلليون 980 مىڭ ادام رەتكە جەتىپ، وسى مەزگىلدەگىندەن %31 ارتتى

    كەلۋ قاينارى: شينجياڭ حالىق راديو ىستانسياسى    2018-08-24 10:34:11  

ستانسيامىزدىڭ ءتىلشىسى چىن جۇيلي جازعان اقپاراتتىق ارناۋلى ماقالا: ءدال قازىر ساياحاتتىڭ قاۋىرت كەزى، رايونىمىزدىڭ جەر-جەرىندەگى كورىنىس رايوندارىنىڭ ساياحاتشى قابىلداۋ مولشەرى قاۋىرت مولايىپ، تولاسسىز اعىلعان جولاۋشى مولشەرى شينجياڭنىڭ ساياحات بازارىن جانداندىردى.
تاياۋدا، كوكتوعاي اۋدانىنداعى كوكتوعاي دۇنيە جۇزىلىك گەولوگيالىق باقشاسى وزگەشە دەنە تاربيە ساياحاتى بولعان تۇزدە تۇنەۋ قيمىلىن وتكىزدى. مىڭنان استام شاتىر كوك اسپان، اقشا بۇلت، اق قايىڭمەن سايكەسىم تاۋىپ وزگەشە تۇسكە بولەندى. كەش بولعاندا، الاۋ كەشى تارتىمدى ويىندارى قويىلدى، ساياحاتشىلار الاۋدى اينالىپ بيگە باسىپ وزگەشە شاتتىققا شومدى. حىبەيلىك ساياحاتشى جي شياۋشيڭ : تۇزگى تۇنەۋ جارىسى بالالاردى ۇلى تابيعاتقا جاناستىرادى، بالامىز تەبىرەنگەنىنەن كوڭىل كۇيىن باسا الماي تاڭ سارىدە ارەڭ ۇيىقتادى،-دەدى.
قازىر، رايونىمىزدىڭ جەر-جەرى « ساياحاتپەن ۇشتاستىرۋ» ۇلگىسىن كۇش سالا قالىپتاستىرىپ، ساياحات بايلىعىن بىرىكتىرىپ، ءبىر توپ ەكولوگيالىق كورىنىس ساياحاتى، دەنە تاربيە، سپورت ساياحاتى، گۋمانيتارلىق تاريح ساياحاتى، ۇلتتىق سالت-سانا ساياحاتى سياقتى وزگەشە ەرەكشەلىككە يە ساياحات ءونىم ماركاسىن تانىستىرىپ، شالعايدان كەلگەن ساياحاتشىلاردىڭ ساپاردان تابىستى قايتۋىنا مۇمكىندىك جاسادى.
تاياۋ مەزگىلدەن بەرى، قاشقار بايىرعى قالاسى كۇنىنە 5 مىڭنىڭ ۇستىندە ساياحاتشى قابىلدادى، بۇل قاشقارداعى كوپتەگەن تۇرعىنداردى ساياحات كاسىبىنە بەلسەنە اتسالىسۋعا باۋرادى، كەيبىر تۇرعىندار وزدەرى وتىرعان ءۇيدى وزگەشە قونالقىعا وزگەرتتى. كەيبىر تۇرعىندار قول ونەر بۇيىمدارىن ساياحاتشى ءوزى جاساۋ دۇكەنىن اشتى. گۋاڭدۇڭدىق ساياحاتشى سۇڭ يىڭ وتباسى كونە قالاداعى تۇرعىندار ۇيىنە ءبىر ءتۇن قونىپ، كۇرەك شاي ءىشىپ، قاتتى قابىقتى جەمىستەر جەپ، قونالعىنىڭ يەسىمەن بىرلىكتە ءان ايتىپ، ءبي بيلەپ شاتتىققا شومدى. سۇڭ يىڭ: ءۇي-ىشىمىزبەن كەلدىك، جەرگىلىكتى ورىنداعى وتباسىلارىنىڭ تۇرمىسىمەن ىشكەرلەي تانىسقىمىز، بالالارعا وسى جەردىڭ مادەنيەتىن سەزىندىرگىمىز كەلەدى،-دەدى.
تاكلاماكاننىڭ ۇشى-قيىرسىز قۇمدى القابىنان كەڭ كوسىلگەن ءشول دالاسىنان تارتىپ، بايىنبۇلاقتىڭ، قاراجوننىڭ جاسىل جازيرالى ساحاراسىنا دەيىن؛ اسقاق مۇزتاۋ شىڭىنان كوكپەن كوپ بولىپ مۇلگىپ جاتقان تيانشان بوعدا كولىنە دەيىنگى كوركەم شينجياڭنىڭ ەرەكشە باي ساياحات فاكتورى ساياحاتشىلاردى وزگەشە ساياحاتتان ءلاززاتتاندىردى. شينجياڭنىڭ جەر-جەرى جەرگىلىكتى جاعدايعا بىرلەستىرىپ كوپتەگەن ساياحات ونىمدەرىن اشتى، التاي ايماعىنداعى «ساياحات پەن استرونوميا» ۇشتاسقان جۇلدىز سامسىعان اسپاندى تاماشالاۋ ساياحاتى، موڭعۇلكۇرە اۋدانىنداعى «كەمپىر قوساق ساياحاتى»، شاپشال سىبە اۆتونوميالى اۋدانىنىڭ «اشەكەيلى ەگىس اتىزى» ساياحاتى، سايرام كولىندەگى تومەن كەڭىستىكتە ۇشۋ ساياحاتى سياقتىلار ساياحاتشىلاردىڭ ويلاعانىنان شىقتى.
سايرام كولى جاعاسىندا بەيجيڭدىك ساياحاتشى مىڭ شوفەي ءۇش بۇرىش قاناتتى ۇشۋ جابدىعىمەن جەر باۋىرلاي ۇشۋدىڭ قىزىعىنا شومدى، ول 900 مەترلىك كەڭىستىكتەن سايرام كولىنىڭ تۇتاس كورىنىسىن تاماشالادى، ول بىلاي دەدى: كەڭىستىككە ۇشپاعان بولسام قازىرگىدەي كوڭىل-كۇيدە بولماس ەدىم، كەڭىستىكتەن كوز سالعاندا عانا سايرام كولىنىڭ سونداي كوركەمدىگىن سەزىنەدى ەكەنسىڭ، شىنىندا جاقۇتقا ۇقسايدى ەكەن، الىستاعى تاۋ مەن اقشا بۇلتتار وتە ءتىلسىم كورىندى، وتە كورىكتى.
ءۇش بۇرىش قاناتتى ۇشۋ جابدىعىمەن جانە قالقىما پاروشوتپەن ۇشۋدان سىرت، ساياحاتشىلاردىڭ تىك ۇشارعا وتىرىپ سايرام كولىن تاماشالاۋىنا دا بولادى. شي-اندىق ساياحاتشى چياۋ لۋ بىلاي دەدى: كەڭىستىكتەن سايرام كولىنە كوز جىبەرسەڭىز، رەڭى بىرتىندەپ كوككە، اققا وزگەرەدى، سوڭىندا اسپان كوككە قۇبىلادى، سايرام كولى وتە كەڭ، تەبىرەنبەي تۇرا المايسىز، شينجياڭ وتە كوركەم ەكەن، ءبىر رەت كەلگەننەن كەيىن تاعى دا كەلگىڭىز كەلەدى ەكەن.
ساناققا قاراعاندا، رايونىمىزدىڭ ساياحاتشىلاردى قابىلداۋ رەت سانىنىڭ ارتۋ قارقىنى ءۇرتىس ەكى جىل %30 تەن اسقان. بيىلدىڭ الدىڭعى جارىم جىلىندا، رايونىمىزدىڭ ساياحاتشىلاردى قابىلداۋ مولشەرى 51 ميلليون 980 مىڭ ادام رەتكە جەتىپ، وسى مەزگىلدەگىندەن %31 تەي ارتقان، ساياحات جاعىنداعى جالپى تۇتىنۋ 77 ميلليارد 800 ميلليون يۋاننان اسىپ، شينجياڭعا كەلگەن ساياحاتشىلار تاريحتاعى ەڭ جوعارى دەڭگەيگە جەتكەن. اۆتونوميالى رايوندىق ساياحاتتى دامىتۋ كوميەتى پارتگرۋپپاسىنىڭ شۋجيى حۋ حانمين: «ساياحاتتىڭ ارقاسىندا كوپتەگەن كاسىپ جانداندى، ول بەينە كلت سياقتى ساياحاتقا مول مازمۇن قوسىپ، اناعۇرلىم كوپ كاسىپ جاعدايىن ازىرلەدى»،-دەدى.


بەرىپ كەت ورامالىڭدى

دوستار

الىستاعى اق ەركە