جاڭا حابارلار

ورتالىق قازىنا شينجياڭعا 2018-جىلعى قيىنشىلىعى بار بۇقاراعا بەرىلەتىن قۇتقارۋ كومەكتەسۋ قوسىمشا قاراجاتىنان تاعى 247 ميلليون يۋان بوساتتى

    كەلۋ قاينارى: شينجياڭ حالىق راديو ىستانسياسى    2018-08-24 10:28:03  

ستانسيامىزدىڭ حابارى: تاياۋدا، ورتالىق قازىنا شينجياڭعا 2018-جىلعى قيىنشىلىعى بار بۇقاراعا بەرىلەتىن قۇتقارۋ كومەكتەسۋ قوسىمشا قاراجاتىنان تاعى 247 ميلليون يۋان بوساتتى، بۇل وسى ايدىڭ سوڭىنان بۇرىن تۇگەل جەر-جەردەگى ايماق، وبىلىستارعا تاراتىلادى.
بىلتىرعى سايكەس مەزگىلمەن سالىستىرعاندا،ورتالىقتىڭ رايونىمىزعا بولگەن كومەك قارجىسى 820 ميلليون يۋان كوبەيىپ،سايكەس مەزگىلدەگىدەن %15ارتقان. وسى جولعى قارجى قالا-اۋىلدارداعى ەڭ تومەنگى تۇرمىسى قامتاماسىزداندىرىلاتىندارعا، ەرەكشە قيىنشىلىعى بارلاعا كومەكتەسۋ، قارايلاسۋ، ۋاقىتتىق كومەكتەسۋ، سەرگەلدەڭدەرگە قول ۇشىن بەرۋ، جەتىم بالالاردىڭ نەگىزدىك تۇرمىسىن قامتاماسىزداندىرۋ سىندى 5 جاقتاعى شىعىسقا ءبىر تۇتاس پايدالانىلادى.
ۇعىسۋعا قاراعاندا، بۇل بيىل اۆتونوميالى رايونىمىزدىڭ قيىنشىلىعى بار بۇقاراعا كومەك قارجىنى 3-رەت توپتاۋى ەكەن.جىل باسىندا ورتالىق قازىنادان قيىنشىلىعى بار بۇقاراعا 3ميلليارت 840ميلليون يۋان كومەك قارجى بولىنگەن،4-ايدا اۆتونوميالى رايوننىڭ ءوز دارەجەسىندەگى قازىنادان 890 ميلليون يۋان بولىنگەن،قازىنا مينىستىرلىگىنىڭ بۇل جولى تاعىدا بولگەن قارجىسىن قوسقاندا اۆتونوميالى رايونىمىز بيىل قيىنشىلىعى بار بۇقاراعا جالپى 7 ميلليارد 200 ميلليون يۋان كومەك قارجى دايىنداعان. اۆتونوميالى رايوندىق قازىنا مەڭگەرمەسى اۆتونوميالى رايوندىق حالىق ىستەرى مەڭگەرمەسىمەن سەلبەسىپ، جەر-جەردەگى قيىنشىلىعى بار بۇقارانىڭ سانىن، تابىسىن باعالاۋ ناتيجەسى سياقتى فاكتورلارعا نەگىزدەلىپ، كومەك قارجىنى بوساتادى، وسى ايدىڭ سوڭىنان ىلگەرى قارجىنى تۇگەل تاراتىپ، قيىنشىلىعى بار بۇقارنىڭ نەگىزگى تۇرمىسىن شىن مانىندە قامتاماسىزداندىرادى ەكەن.
اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى،اۆتونوميالى رايوندىق قازىنا مەڭگەرمەسى قيىنشىلىعى بار بۇقاراعا بەرىلەتىن كومەك قارجىنى پايدالانۋدى باسقارۋدى كۇشەيتىپ، ەسەبى اۋدارىلعان ىركىندى قارجىنى جۇمساۋ تەبىنى ارتتىرىپ،مەجە ەسەپتى اتقارۋ اياق الىسىن جەدەلدەتىپ،قارجىنىڭ پايدالانۋ ونىمدىلىگىن جوعارلارتادى،-دەدى.


بەرىپ كەت ورامالىڭدى

دوستار

الىستاعى اق ەركە