جاڭا حابارلار

شينجياڭ قامقورلىق جاسالاتىندارعا بەرىلەتىن قۇتقارۋ كومەكتەسۋ قوسىمشا قاراجاتىن تاعى جوعارىلاتتى

    كەلۋ قاينارى: شينجياڭ حالىق راديو ىستانسياسى    2018-08-24 10:20:39  

ستانسيامىزدىڭ حابارى: جاقىندا، اۆتونوميالى رايوندىق قازىنا مەڭگەرمەسى اۆتونوميالى رايوندىق حالىق ىستەر مەڭگەرمەسىمەن بىرلەسىپ اتقارۋ جوباسىن بەلگىلەپ، رايونىمىزداعى قامقورلىق جاسالاتىن وبيەكتىلەرگە بەرىلەتىن قامقورلىق قاراجاتى مەن تۇرمىستىق قوسىمشا قاراجاتىنىڭ ولشەمىن جوعارىلاتتى.
ۇعىسۋعا قاراعاندا، 8-ايدىڭ 1-كۇنىنەن باستاپ، مۇگەدەك اسكەريلەر، كەمتار حالىق ساقشىسى، مەملەكەت ورگاندارىنداعى كەمتار قىزمەتكەرلەر، كەمتار حالىق جاساعى، كەمتار حالىق جۇمىسكەرلەرى، مۇگەدەكتىك قامقورلىق قاراجفتىنىڭ ولشەمى، قۇربانداردىڭ بالا شاعاسىنا، جالپىنىڭ مۇددەسى جولىندا قۇربان بولعان اسكەريلەردىڭ بالا شاعاسىنا، ناۋقاستان قايتىس بولعان اسكەريلەردىڭ بالا-شاعاسىنا بەلگىلى مەرزىم بويىنشا بەرىلەتىن قامقورلىق قاراجاتتىڭ ولشەمى، سونداي-اق قوسىننان شەگىنگەن اۋىلداعى قىزىل ارميا ساقا جاۋىنگەرلەرىنە، اۋىلداعى باتىس باعىت ارمياسىنىڭ قىزىل ارميا ساقا جاۋىنگەرلەرىنە، قىزىل ارميا قوسىنىنان اداسىپ قالعاندارعا بەرىلەتىن تۇرمىستىق قوسىمشا قاراجاتىنىڭ ولشەمى، قازىرگى اتقارىلىپ وتىرعان مولشەر نەگىزىندە %10 جوعارلاتىلادى، قوسىننان شەگىنگەن اۋىلداعى ساقا اسكەريلەرگە بەرىلەتىن تۇرمىستىق قوسىمشا قاراجاتىنىڭ ولشەمى قازىرگى اتقارىلىپ وتىرعان ولشەم نەگىزىندە ءاربىر ادامدىكى جىلىنا ءبىر مىڭ 200 يۋان قوسىلادى، قۇربانداردىڭ جاسى ۇلعايعان پەرزەنتتەرىنە بەرىلەتىن تۇرمىستىق قوسىمشا قاراجاتىنىڭ ولشەمى قازىرگى اتقارىلىپ وتىرعان ولشەم نەگىزىندە ءاربىر ادامدىكى ايىنا 390 يۋاننان 400 يۋانعا دەيىن جوعارلاتىلادى، جوعارداعى قوسىلعان قاراجاتتاردى ورتالىق قازىنا ۇستىنە الادى.
ناۋقاس سەبەبىنەن قوسىننان شەگىنىپ اۋىلعا قايتقاندارعا بەرىلەتىن تۇرمىستىق قوسىمشا قاراجاتىنىڭ ولشەمى قازىرگى اتقارىلىپ وتىرعان ولشەم بويىنشا ءار ادامعا ايىنا بەرىلەتىن 500 يۋاننان 550 يۋانعا جوعارىلادى، سوعىسقا، سىناققا قاتىناسقان قوسىننان شەگىنگەندەرگە بەرىلەتىن تۇرمىستىق قوسىمشا قاراجاتىنىڭ ولشەمى ءاربىر ادامعا ايىنا بەرىلەتىن 550 يۋاننان 600 يۋانعا، اۋىل-قىستاقتاعى ساقا مىندەتتى اسكەرلەردىڭ ءبىر جىل مىندەتتى اسكەر بولعان جىلى بويىنشا اي سايىن قوسىلاتىن جاردەماقى ولشەمى 5 يۋاننان 35 يۋانعا جوعارلاتىلادى.
 اۆتونوميالى رايوندىق قازىنا مەڭگەرمەسىنىڭ جاۋاپتىسى تانىستىرىپ، بىلاي دەدى: بۇرىن، جايشىلىقتا 10-ايدىڭ 1-كۇنىنەن باستاپ، ءىشىنارا قوسىننان شەگىنگەندەر، باسقادا قامقورلىق جاساۋ وبيەكتىسى سياقتىلاردىڭ قامقورلىق قوسىمشا قاراجاتىنىڭ ولشەمى جوعارلاتىلاتىن، بيىل مەرزىمنەن بۇرىن 8-ايدىڭ 1-كۇنى قوسىمشا قاراجات ولشەمىن جوعارىلاتتى، مۇندا نەگىزىنەن اسكەريلەردىڭ وتباسىنداعىلار مەن قوسىننان شەگىنگەندەردىڭ «1-تامىز» ارميا مەرەكەسىنە دەگەن ەرەكشە سۇيىسپەنشىلىگىن ەسكەرە وتىرىپ،، پارتيا مەن ۇكىمەتتىڭ قوسىننان شەگىنگەندەر مەن باسقادا قامقورلىق جاساۋ وبيەكتىلەرىنە دەگەن كوڭىل ءبولۋىن،قامقورلىعىن ايگىلەيدى. وسى رەت جوعارىلاتىلعان 16 ميلليون يۋان قوسىمشا قاراجات وسى ايدىڭ سوڭىنان بۇرىن تاراتىلىپ بولادى.


بەرىپ كەت ورامالىڭدى

دوستار

الىستاعى اق ەركە