جاڭا حابارلار

جاڭا داۋىردە ارميامىزدىڭ پارتيا باسشىلىعى جانە پارتيا قۇرىلىسى قىزمەتىن جاپپاي كۇشەيتىپ، ارميانى قۇدىرەتتەندىرۋ ىستەرىنىڭ جاڭا جاعدايىن اشۋعا پارمەندى ساياسي كەپىلدىك ازىرلەۋ كەرەك

    كەلۋ قاينارى: شينجياڭ گازەتى    2018-08-21 22:19:12  

شي جينپيڭ ورتالىق اسكەري ىستەر كوميتەتىنىڭ پارتيا قۇرىلىسى ماجىلىسىندە مىنانى باسا دارىپتەدى

ورتالىق اسكەري ىستەر كوميتەتىنىڭ پارتيا قۇرىلىسى ءماجىلىسى 8 - ايدىڭ 17 - كۇنىنەن 19 - كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

 شينحۋا اگەنتتىگىنىڭ 8 - ايدىڭ 19 - كۇنى بەيجيڭنەن بەرگەن حابارى (ءتىلشى مەي شىشيۇڭ). ورتالىق اسكەري ىستەر كوميتەتىنىڭ پارتيا قۇرىلىسى ءماجىلىسى 8 - ايدىڭ 17 - كۇنىنەن 199 - كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول مىنالاردى باسا دارىپتەدى: جاڭا داۋىردە ارميامىزدىڭ پارتيا باسشىلىعى جانە پارتيا قۇرىلىسى قىزمەتىن جاپپاي كۇشەيتۋ − پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدىڭ قاجەتتى تالابى، مەملەكەتتى قۇدىرەتتەندىرۋدى، ارميانى قۇدىرەتتەندىرۋدى ىلگەرىلەتۋدىڭ قاجەتتى تالابى. بۇكىل ارميا جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، جاڭا داۋىردەگى پارتيانىڭ ۇيىمدىق لۋشيانىن تياناقتاندىرىپ، پارتيانىڭ ارمياعا ابسۋليوتتى باسشىلىعىنا تاباندى بولىپ، پارتيانى جاپپاي قاتاڭ جونگە سالۋعا تاباندى بولىپ، نازاردى سوعىسقا دايىندالۋعا، شايقاس جاساۋعا شوعىرلاندىرۋعا تاباندى بولىپ، ارميامىزدىڭ پارتيا باسشىلىعى جانە پارتيا قۇرىلىسىن كۇشەيتۋ قىزمەت ساپاسىن جاپپاي جوعارىلاتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋعا، جاڭا داۋىردەگى ارميانىڭ بورىشىن، مىندەتىن ويداعىداي ورىنداۋىنا پارمەندى ساياسي كەپىلدىك ازىرلەۋ كەرەك.
  8 - ايدىڭ 17 - كۇنى تۇستەن بۇرىن ساعات 9دان 30 مينۋت وتكەندە شي جينپيڭ جيڭشي قوناق ۇيىنە كەلىپ، شاتىرلاعان شاپالاق ۇنىندە ماجىلىسكە قاتىناسقان ۋاكىلدەرمەن ىقىلاسپەن كەزدەستى، كوپشىلىكپەن سۋرەتكە ءتۇسىپ ەستەلىك قالدىردى.
  شي جينپيڭ ماجىلىستە ماڭىزدى ءسوز سويلەدى. ول مىنالاردى اتاپ كورسەتتى: پارتيا 18 - قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى ارميانى ساياسي جاقتان قۇرۋعا جانە يگەرۋگە تاباندى بولىپ، اسىرەسە، گۋتياندا بۇكىل ارميانىڭ ساياسي قىزمەت ءماجىلىسىن اشىپ، پارتيانى جاپپاي قاتاڭ جونگە سالۋدى، ارميانى جاپپاي قاتاڭ جونگە سالۋدى مىقتى يگەرىپ، پارتيانىڭ ارمياعا ابسۋليوتتى باسشىلىعىنا تاباندى بولىپ، ستيل دۇرىستاۋ رۋحى ارقىلى ساياسي رەتتەۋ - جاتتىقتىرۋدى ىلگەرىلەتۋگە تاباندى بولىپ، وي - سانانى، جان - جۇيەنى نازاريامەن قارۋلاندىرۋعا تاباندى بولىپ، پارتيا ۇيىمىن قۋاتتى ەتۋگە تاباندى بولىپ، ارميانىڭ جاقسى كادر ولشەمىن دايەكتىلەندىرۋگە تاباندى بولىپ، ستيلدى دۇرىستاپ، ءتارتىپتى قاتايتۋعا، ءىرىپ - شىرۋگە قارسى تۇرىپ، سۇرقيالىقتى جازالاۋعا تاباندى بولىپ، بۇكىل ارميانى تەگىن تەكتەپ، قاينارىن تابۋعا، كىناراتتى جويىپ، جاڭالىققا كوشۋگە باستاپ، پارتيانى باسقارۋدىڭ، پارتيانى جونگە سالۋدىڭ كەڭشىلدىكتەن، بوساڭدىقتان، جۇمساقتىقتان قاتاڭدىققا، بەرىكتىككە، قاتتىلىققا قاراي بەت تۇزەۋىن ىلگەرىلەتتى. ارميامىزدىڭ پارتيا باسشىلىعىندا جانە پارتيا قۇرىلىسىندا جالپى بەتتىك تەرەڭ وزگەرىس تۋىلۋى ارميانى قۇدىرەتتەندىرۋ ىستەرىندە تاريحي ناتيجەگە قول جەتكىزۋگە، تاريحي وزگەرىس تۋدىرۋعا پارمەندى ساياسي كەپىلدىك ازىرلەدى. تاجىريبەلەردى مۇقيات قورىتىندىلاپ، قول جەتكىزگەن ناتيجەلەردى ويداعىداي بەكەمدەپ، ويداعىداي دامىتۋ كەرەك.
  شي جينپيڭ مىنالاردى باسا دارىپتەدى: پارتيانىڭ باسشىلىعى جانە پارتيا قۇرىلىسى − ارميا قۇرىلىسىن دامىتۋدىڭ تەتىگى، ارميانى قۇدىرەتتەندىرۋ ىستەرىنىڭ كوركەيۋى مەن قۇرۋىنا، ءساتتى - ءساتسىز بولۋىنا قاتىستى، پارتيا مەن مەملەكەتتىڭ باياندى تىنىشتىعىنا قاتىستى. پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعىپ، پارتيا مەن حالىق جۇكتەگەن جاڭا داۋىردەگى بورىش پەن مىندەتتى تابىستى ورىنداۋ ءۇشىن، ءسوز جوق، تاباندىلىقپەن، ۇزاق ۋاقىت كۇش سالىپ، ارميامىزدىڭ پارتيا باسشىلىعىندا جانە پارتيا قۇرىلىسىندا ورىن تەپكەن قايشىلىقتار مەن ماسەلەلەردى جانە ولقىلىقتاردى، السىزدىكتەردى كۇش سالا شەشىپ، ارميامىزدىڭ پارتيا باسشىلىعى جانە پارتيا قۇرىلىسى قىزمەتىن اناعۇرلىم بەرىك، اناعۇرلىم ناقتى يگەرۋ، ارميامىزداعى ءار دارەجەلى پارتيا ۇيىمدارىن اناعۇرلىم بەرىك، پارمەندى ەتىپ قۇرۋ كەرەك.
  شي جينپيڭ مىنالاردى اتاپ كورسەتتى: پارتيانىڭ ارمياعا ابسۋليوتتى باسشىلىعىنا تاباندى بولۋ − ارميامىزدىڭ پارتيا باسشىلىعى مەن پارتيا قۇرىلىسى قىزمەتىن كۇشەيتۋدەگى ماڭداي الدى مىندەتى. پارتيانىڭ ساياسي قۇرىلىسىن كۇشەيتىپ، بۇكىل ارميانى پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاۋعا، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ قولباسشىلىعىنا باتىل قۇلاق اسۋعا جەتەكتەۋ كەرەك. جاڭا ءداۋىر جۇڭگوشا سوتسياليزم يدەياسىمەن جانە جاڭا داۋىردەگى ارميانى قۇدىرەتتەندىرۋ يدەياسىمەن كوماندير - جاۋىنگەرلەردى قارۋلاندىرۋعا تاباندى بولىپ، اسكەري قوسىننىڭ پارتياعا ابسۋليوتتى ادال بولۋداي يدەيالىق نەگىزىن بەرىك قالاۋ كەرەك. پارتكومنىڭ ءبىر تۇتاس كوللەكتيۆ باسشىلىعىنداعى باستىقتار جۇمىس ءبولىسىپ جاۋاپتى بولۋ ءتۇزىمىن تياناقتاندىرىپ، بارلىق قىزمەتتىڭ پارتكومنىڭ ءبىر تۇتاس باسشىلىعىندا بولۋىنا، بارلىق ماڭىزدى ماسەلەلەردى تۇگەلدەي پارتكومنىڭ اقىلداسىپ ۇيعارۋىنا كەپىلدىك ەتۋ كەرەك. پارتيانىڭ ارمياعا باسشىلىق ەتۋ ءتۇزىمى جۇيەسىن اقاۋسىزداندىرىپ، ارميامىزدىڭ پارتيا قىزمەتى مەن ساياسي قىزمەتىن جاپپاي ارناعا ءتۇسىرۋ كەرەك.

ورتالىق اسكەري ىستەر كوميتەتىنىڭ پارتيا قۇرىلىسى ءماجىلىسى 8 - ايدىڭ 17 - كۇنىنەن 19 - كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتە: شي جينپيڭ ماجىلىسكە قاتىناسقان ۋاكىلدەرمەن ىستىق ىقىلاسپەن كەزدەستى.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

 شي جينپيڭ مىنالاردى باسا دارىپتەدى: پارتيانىڭ كۇش - قۋاتى ۇيىمنان كەلەدى، ۇيىم كۇشەيسە، ارميا كۇشەيەدى. ۇيىمدىق لۋشياننىڭ ساياسي لۋشيانعا قىزمەت ەتۋىنە تاباندى بولىپ، نازاردى سوعىسقا دايىندالۋعا، سوعىس جۇرگىزۋدەي نەگىزگى جاۋاپكەرشىلىككە، نەگىزگى ىسكە شوعىرلاندىرىپ، ارميامىزدىڭ پارتيا ۇيىمى جۇيەسى قۇرىلىسىن نىعايتىپ، ءار دارەجەلى پارتيا ۇيىمدارىنىڭ باسشىلىق قۋاتىن، ۇيىمداستىرۋ قۋاتىن، اتقارۋ قۋاتىن كۇشەيتىپ، پارتيانىڭ ساياسي باسىمدىعى مەن ۇيىمدىق باسىمدىعىن جەڭىسكە جەتۋ باسىمدىعىنا اينالدىرۋ كەرەك. رەفورمادان كەيىنگى جاڭا تۇزىلىسكە، جاڭا فۋنكتسياعا ۇيلەسىپ، اسكەري ىستەر كوميتەتى جالپى جاقتان باسقاراتىن، سوعىس رايوندارى نەگىزگى سوعىس جۇرگىزەتىن، ارميا تۇرلەرى نەگىزگى قۇرىلىس جۇرگىزەتىن جالپى پرينسيپكە تاباندى بولىپ، ءار دارەجەلى، ءار ءتۇرلى پارتيا ۇيىمدارىنىڭ فۋنكتسيالىق ورنىن دالمە - ءدال تاۋىپ، ۇيىمنىڭ ورنالاسۋىن جاقسارتىپ، ءتۇزىمدى، مەحانيزمدى اقاۋسىزداندىرىپ، باسشىلىق ەتۋ ءتاسىلىن جاڭالاپ، ۇيىمنىڭ يقۋاتىن تولىق ساۋلەلەندىرۋ كەرەك.
  شي جينپيڭ مىنالاردى باسا دارىپتەدى: كورپۋس دارەجەدەن جوعارى پارتكومداردىڭ ارميامىزدىڭ پارتيا ۇيىمى جۇيەسىندەگى ورنى ماڭىزدى، جاۋاپكەرشىلىگى اۋىر. تۋى ايقىن تۇردە ساياسيدى دارىپتەپ، ساياسي تۇرعىدان جازباي، ساياسي بەتالىستى ءدال يگەرىپ، ساياسي سەنىمدى بەكەمدەپ، ساياسي قابىلەتتى جوعارىلاتىپ، ساياسيدا شىڭدالۋعا كەپىلدىك ەتۋ كەرەك. جوعارى جىك پارتكومدارى سوعىسقا دايىندالىپ، سوعىس جۇرگىزۋدى يگەرىپ، ستراتەگيالىق جوسپار جاساۋ قابىلەتىن، شىنايى سوعىس جۇرگىزۋ، ناقتى سوعىسقا دايىندالۋ قابىلەتىن، رەفورما جاساۋ، جاڭالىق اشۋ قابىلەتىن، عىلمي باسقارۋ قابىلەتىن، تياناقتاندىرۋدى مىقتى يگەرۋ قابىلەتىن جوعارىلاتۋ كەرەك.
  شي جينپيڭ مىنالاردى باسا دارىپتەدى: ارميانى قۇدىرەتتەندىرۋدىڭ جولى ادامدى ۇيلەسىمدى ىستەتۋدە. كادرلاردى باۋلۋدى، دارىندىلاردى باۋلۋدى اناعۇرلىم كورنەكتى ورىنعا قويىپ، ادال، پاك، جاۋاپكەرلىكتى ارقالايتىن جوعارى ساپالى كادرلار قوسىنىن كۇش سالا سومداپ، ارميانى قۇدىرەتتەندىرىپ، جەڭىسكە جەتۋدى مۇرات تۇتقان ءار جاقتىڭ تاڭداۋلى دارىندىلارىن كۇش سالا توپتاۋ كەرەك. ءمورالى مەن دارىنى ساي بولۋعا، ءمورالدى الدىمەن ەسكەرۋگە، جارامدىلاردى عانا قىزمەتكە تاعايىنداۋعا تاباندى بولىپ، ساياسي ولشەم مەن سوعىس جۇرگىزۋ قابىلەتىن كورنەكتىلەندىرىپ، ادام تاڭداۋداعى، ادام ىستەتۋدەگى كورنەكتى ماسەلەلەردى ىشكەرىلەي شەشىپ، ارميانى قۇدىرەتتەندىرۋ ىستەرىنە قاجەتتى ادامداردى ىستەتۋ، ۇيلەسىمدى ادامداردى ۇيلەسىمدى قىزمەت ورنىنا قويۋ كەرەك. پارتيا ورتالىق كوميتەتىنىڭ ستراتەگيالىق ورنالاستىرۋلارىن دايەكتىلەندىرىپ، ۇزدىك جاس كادرلاردى باۋلۋ جوسپارىن ويداعىداي جاساپ جانە تياناقتاندىرىپ، سەنىم ارتقانداردى ءتۇيىندى باۋلىپ، ولاردى سوعىسقا دايىندالۋدىڭ، سوعىس جۇرگىزۋدىڭ ءبىرىنشى شەبىنە، اۋىر، ماڭىزدى قىزمەت ورىندارىنا قويۋ جانە شۇعىل، قيىن، قاتەرلى، كەلەلى مىندەتتەر بارىسىندا شىڭداۋ، جاتتىقتىرۋ كەرەك.
  شي جينپيڭ مىنالاردى اتاپ كورسەتتى: دارىندىلار بايلىعى ارميانى قۇدىرەتتەندىرۋدەگى، ارميانى كوركەيتۋدەگى باعالى ستراتەگيالىق بايلىق. «ءۇشتى ءبىر تۇلعالاندىرۋ» سىندى جاڭاشا اسكەري ىستەر دارىندىلارىن تاربيەلەۋ جۇيەسىن جەدەل ورناتىپ، بىرلەسىپ سوعىس جۇرگىزۋگە قولباسشىلىق ەتەتىن دارىندىلاردى، جاڭاشا سوعىستىق كۇش دارىندىلارىن، جوعارى دەڭگەيلى عىلىم - تەحنيكادا جاڭالىق اشاتىن دارىندىلاردى، جوعارى ورەلى ستراتەگيالىق باسقارۋشى دارىندىلاردى تاربيەلەۋ تەبىنىن ارتتىرۋ كەرەك. قاتىستى سايكەستى ساياساتتاردى كەمەلدەندىرىپ، اكىمشىلىك قىزمەتكەرلەر قوسىنى قۇرىلىسىن كۇشەيتۋ كەرەك. قاتاڭ باسقارۋ مەن تەرەڭ سۇيىسپەنشىلىكتى ۇشتاستىرۋعا، ىنتالاندىرۋ مەن تەجەۋگە تەڭ ءمان بەرۋگە تاباندى بولىپ، ناقتى ىستەۋگە، جاڭالىق اشۋعا دەم بەرىپ، ناقتى ماسەلەلەردى شەشۋگە كومەكتەسىپ، كوپشىلىكتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋ كەرەك.
  شي جينپيڭ مىنالاردى باسا دارىپتەدى: «ماڭگى جولدامىز» دەگەن تاباندىلىق پەن توزىمدىلىك ارقىلى قاتاڭدىقتى الدىڭعى ورىنعا قويۋعا، جاپپاي قاتاڭ بولۋعا، قاتاڭدىقتى سوڭىنا دەيىن جۇرگىزۋگە تاباندى بولىپ، ارميامىزدىڭ پارتيا ستيلى، پاكتىك قۇرىلىسىن، ءىرىپ - شىرۋگە قارسى تۇرۋ كۇرەسىن ىشكەرىلەي ىلگەرىلەتۋ كەرەك. راقات قۇمارلىقتى، استا - توك ىسىراپشىلدىقتى سوڭىنا دەيىن قۋزاستىرۋ، اياۋسىز سوققىلاۋ، فورماشىلدىقتى، تورەشىلدىكتى باتىل الاستاۋ كەرەك. ارميانى جونگە سالۋ تاسىلىندە جەدەل بۇرىلىس جاساپ، زاڭدا بەلگىلەنگەن قىزمەت مىندەتى ۇقىق شەگىندە مىندەت اتقارىپ، ۇقىق جۇرگىزىپ، جارلىق - ەرەجەگە جانە ەرەجە - تۇزىمگە ساي قىزمەت ورىستەتۋ كەرەك. ءتارتىپ تاربيەسىن ىشكەرىلەي ورىستەتىپ، ءتارتىپ اتقارۋدى قاتايتىپ، تەمىردەي ءتارتىپ ارقىلى پارتيانى جاپپاي قاتاڭ جونگە سالۋدى، ارميانى جاپپاي قاتاڭ جونگە سالۋدى ىلگەرىلەتۋ كەرەك.
  شي جينپيڭ مىنالاردى اتاپ كورسەتتى: ءىرىپ - شىرۋگە قارسى تۇرۋ، ءسوز جوق، تاباندىلىقپەن يگەرىلەدى، اۋقىمنىڭ وزگەرىسىنە قاراي وزگەرمەيدى. شەكتەۋلى ءوڭىر بولماۋعا، تەگىس قامتۋعا، استە راقىم ەتپەۋگە تاباندى بولىپ، شىرىكتەسكەندەردى قاتاڭ تيۋعا، ولارعا قاتتى قىسىم تۇسىرۋگە، توقتاۋسىز ۇرەي تۋدىرۋعا تاباندى بولىپ، پارا الۋشىلار مەن پارا بەرۋشىلەردى بىرگە تەكسەرۋگە تاباندى بولىپ، ۇقىق اينالىمىن تەجەۋ مەن باقىلاۋ - تەكسەرۋ جۇيەسىن اقاۋسىزداندىرىپ، كەمەلدەندىرىپ، ءتۇزىم قاپاسىن بەرىكتەپ، بيلىكتىڭ جولدان اۋىتقۋىنا، جولدان تايۋىنا بوستىق قالدىرماۋ كەرەك. ۇستىنەن وڭاۋ مەن تۇبىرىنەن وڭاۋعا تاباندى بولىپ، پارتيانىڭ ىشكى ساياسي مادەنيەت قۇرىلىسىن كۇشەيتىپ، نەگىزدى بەكەمدەپ، جىگەردى ۇشتاۋعا كۇش سالۋعا ءمان بەرىپ، كوپشىلىكتى نيەتىن دۇرىستاپ، ءوزىن جەتىلدىرۋگە، ءوزىن تارتىپكە شاقىرىپ، ءۇي جۇمىسىن باسقارۋعا، پاك ءمانساپتى بولۋعا جەتەكتەپ، بۇرىس ستيل، تەرىس پيعىلدىڭ شىرىتۋىنە سانالى تۇردە قارسى تۇرۋ كەرەك.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا ماجىلىسكە قاتىناستى ءارى شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ، ارميامىزدىڭ پارتيا باسشىلىعى مەن پارتيا قۇرىلىسىن كۇشەيتۋ قىزمەتى جونىندە تالاپتار قويدى.
  ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين ماجىلىسكە قاتىناستى. ءارقايسى سوعىس رايوندارى، ءارقايسى ارميا جانە اسكەر تۇرلەرى، اسكەري ىستەر كوميتەتى ورگانىنداعى ءارقايسى تاراۋلار، اسكەري ىستەر عىلىم اكادەمياسى، مەملەكەت قورعانىسى داشۋەسى، مەملەكەت قورعانىسى عىلىم - تەحنيكا داشۋەسى جانە قارۋلى - ساقشى اسكەري بولىمدەرى پارتكومدارىنىڭ شۋجيلەرى، ورىنباسار شۋجيلەرى، سونداي - اق قاتىستى باسشى جولداستار ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە