جاڭا حابارلار

جۇڭگو - ەۆروپا كەزەكشى پويەزدەرى: شينجياڭنىڭ حالىقارالىق زات اينالىمىنداعى شوعىرلاندىرۋ، جونەلتۋ وڭىرىنە اينالۋىن جەبەدى

    كەلۋ قاينارى: شينجياڭ گازەتى    2018-08-20 19:15:09  

ءتىلشىمىز لۋ فىڭباۋ

8 - ايدىڭ 13 - كۇنى بولات ماتەريالدارىن تيەگەن حالىقارالىق جۇك تاسىمال پويەزى ءۇرىمجى شوعىرلاندىرۋ، جونەلتۋ ورتالىعىنان جولعا شىعىپ، ماسكەۋگە قاراي جول الدى. بۇل شوعىرلاندىرۋ ورتالىعىنىڭ 2016 - جىلى 5 - ايدا سالىنىپ ءبىتىپ، جۇمىس باستاعاننان بەرى جونەلتكەن 1460 - كەزەكشى پويەزى.
 سۋرەتتى ءتىلشىمىز زوۋ ي تۇسىرگەن

  8 - ايدىڭ 13 - كۇنى حالىقارالىق جۇك تاسىمالىنىڭ ءبىر كەزەكشى پويەزى بولات ماتەريالدارىن تولتىرا تيەپ جۇڭگو - ەۆروپا كەزەكشى پويەزدەرىنىڭ ءۇرىمجى شوعىرلاندىرۋ، جونەلتۋ ورتالىعىنان جولعا شىقتى، 8 كۇننەن كەيىن ماسكەۋگە جەتەدى.
  «ءبىر بەلدەۋ، ءبىر جول» باستاماسىنىڭ العا قويىلۋى شينجياڭنىڭ جۇڭگو - ەۆروپا كەزەكشى پويەزدەرىن ۇيىمداستىرۋىنا، جۇرگىزۋىنە مىڭدا ءبىر كەزدەسەتىن وراي ازىرلەدى. قايشالىسىپ جاتقان جۇڭگو - ەۆروپا كەزەكشى پويەزدەرى جۇڭگونىڭ «ءبىر بەلدەۋ، ءبىر جول» جەلىسى بويىنداعى ەلدەرمەن ساۋدا سەلبەستىگىن، ءوزارا تيىمدىلىك جەتكىزىپ، ورتاق يگىلىكتەنۋىن تەزدەتىپ قانا قالماستان، شينجياڭنىڭ حالىقارالىق زات اينالىمىنداعى شوعىرلاندىرۋ، جونەلتۋ وڭىرىنە اينالۋىن دا جەبەدى.
  تاسىمال قۋاتى ارتىپ، زاتتار كەلىسىمەن لەزدە جونەلتىلەتىن بولدى
  قازىر شينجياڭ جييۇنشياڭ حالىقارالىق جۇك تاسىمال ۋاكىلدىك شەكتى سەرىكتەستىگىنىڭ باس ديرەكتورى بۋ چيڭ زاتىن جۇڭگو - ەۆروپا كەزەكشى پويەزدەرىنىڭ ءۇرىمجى شوعىرلاندىرۋ، جونەلتۋ ورتالىعىنا اكەلۋگە ادەتتەنىپ الدى، زاتتاردىڭ كەزەكشى پويەزگە تيەلىپ، باتىسقا بەتتەگەنىن كورگەن سايىن ول قاتتى قۋانادى.
  سىرتقى ساۋدا سالاسىندا تالاي جىل ارپالىسقان بۋ چيڭ قاتىناستىڭ ىركىلىسسىزدىگىنىڭ ماڭىزدىلىعىن ابدەن بىلەدى، الايدا وسىدان بۇرىنعى بىرنەشە جىلدا باتىس شەكارادان شىعاتىن تەمىر جول ىركىلىسسىز ەمەس، پويەزدىڭ تاسىمال قۋاتى كەمشىل بولعاندىقتان، زاتتاردى الاتاۋ كەدەنىندە ءبىر كەزەكشى پويەزگە تولتىرىپ بارىپ شىعارۋ كەرەك بولاتىن، ال پويەزدىڭ قاشان تولاتىنى ەشكىمگە بەلگىسىز. «ءبىر جولى مەن تۇپ - تۋرا ءبىر اپتا كۇتتىم»، - دەيدى بۋ چيڭ.
  2013 - جىلى باس شۋجي شي جينپيڭ «ءبىر بەلدەۋ، ءبىر جول» باستاماسىن ورتاعا قويدى، شينجياڭ «ءبىر بەلدەۋ، ءبىر جول» ورايىن مىقتاپ يگەرىپ، جۇڭگو - ەۆروپا كەزەكشى پويەزىن بار كۇشپەن دامىتىپ، حالىقارالىق زات اينالىم ارناسىن اشتى، مىڭ جىلدىق ەجەلگى جىبەك جولى شىت جاڭا ومىرشەڭدىككە تولىپ، ءبىر - بىرلەگەن «بولات - تەمىر كەرۋەندەرى» شينجياڭنان جولعا شىقتى. 2016 - جىلى جۇڭگو - ەۆروپا كەزەكشى پويەزدەرىنىڭ ءۇرىمجى شوعىرلاندىرۋ، جونەلتۋ ورتالىعى سالىنىپ جۇمىس باستادى، قازىرگە دەيىن شوعىرلاندىرۋ، جونەلتۋ ورتالىعىنان 1500گە جۋىق كەزەكشى پويەز جونەلتىلدى.
  «قازىر تاسىمال قۋاتى قامتاماسىز ەتىلدى، بۇرىنعى ۇزاق ۋاقىت كۇتەتىن جاعداي ەندىگارى تۋىلمايتىن بولدى»، - دەدى بۋ چيڭ.
  تاسىمال ارالىعى قىسقارىپ، قارجىنىڭ قايتا قۇيىلۋ ۋاقىتى تەزدەدى
  «جۇڭگو - ەۆروپا كەزەكشى پويەزدەرىنىڭ تاسىمال قۋاتى زور دارەجەدە جوعارىلاپ، ءجۇرىس ۋاقىتى دا اناعۇرلىم قىسقاردى، قازىر ۇرىمجىدەن جونەلتىلگەن زاتتىڭ الماتىعا جەتەتىن ۋاقىتى بۇرىنعىدان 10 − 15 كۇن قىسقارىپ، كاسىپورىننىڭ قارجى قايتا قۇيىلۋ ۋاقىتى تەزدەدى»، - دەدى بۋ چيڭ.
  كەزەكشى پويەزدەردىڭ اينالىم ونىمدىلىگىن ارتتىرۋ ءۇشىن، اۆتونوميالى رايوننىڭ قاتىستى تاراۋلارى تۇرگە قاراي شارا قولدانىپ، بىرىككەن كۇش قالىپتاستىرىپ، بازار مەحانيزمىنىڭ رولىن ساۋلەلەندىرىپ، جۇڭگو - ەۆروپا كەزەكشى پويەزدەرىن ورگانيكالى بىرىكتىرىپ، زاتتىڭ جەتكىزىلۋ ونىمدىلىگىن ارتتىرىپ، ارتىق جول باسپاي، زاتتى نىسانالى جەرگە جەتكىزۋدىڭ ەڭ تاماشا جوباسىن، ەڭ قىسقا جولىن اشتى.
  ءۇرىمجى كەدەنى باقىلاۋ - باسقارۋ، كەدەننەن وتكىزۋ باسقارماسىنىڭ باستىعى سۇي شينپيڭ بىلاي دەپ تانىستىردى: ءۇرىمجى كەدەنى حالىقارالىق زات تاسىمال كەزەكشى پويەزدەرىنە قاراتا «جاسىل ارنا»، «365 كۇن 24 ساعات بويى الدىن الا كەلىسىپ كەدەننەن وتكىزۋ»، «ۋاقىت شەكتەپ قىزمەت كورسەتۋ» سياقتى فورمالاردى جولعا قويىپ، حالىقارالىق كەزەكشى پويەزدەردىڭ وتكەلگە جەتكەننەن كەيىن ەڭ الدىمەن راسميات بىتىرۋىنە كەپىلدىك ەتتى. سونىمەن بىرگە، جۇڭگو - ەۆروپا كەزەكشى پويەز جەلىسى بويىنداعى مەملەكەتتەرمەن باقىلاۋ - باسقارۋدا، كەدەننەن وتكىزۋدە سەلبەستىك ورناتۋعا ىزدەنىس جاساپ، جۇڭگو - ەۆروپا كەزەكشى پويەزدەرىنىڭ تۇتاس بارىستا تيەۋ قاعازى ساندى مالىمەتىن ءبىر رەت مالىمدەۋ، باقىلاۋ - باسقارۋ ناتيجەسىن ءوزارا مويىنداۋ جونىندە ىزدەنىس جاسادى. قازىر حالىقارالىق زات تاسىمال كەزەكشى پويەزدەرى كەدەن اۋىستىرۋ مالىمەت قاعازىن تەكسەرىپ - بەكىتۋ، بەكىتۋ تاڭباسىن باسۋ، قويا بەرۋ راسمياتتارىن جارتى ساعات ىشىندە، كەدەننەن ءوتۋدىڭ بارلىق راسمياتىن 4 ساعات ىشىندە بىتىرەدى. 
  2017 - جىلى 2 - ايدا شوعىرلاندىرۋ، جونەلتۋ ورتالىعى قورعاس كەدەنىنەن شەكارادان شىعۋدىڭ جاڭا ارناسىن ءساتتى اشىپ، ۇرىمجىدەن گرۋزيا، يران، تۇركيا سياقتى باتىس ازيا جانە ەۆروپا ەلدەرىنە باراتىن تاسىمال ارالىعىن قىسقارتىپ، كەزەكشى پويەزدەردىڭ شەكارادان شىعۋ، تاسىمالداۋ ۋاقىتىن اناعۇرلىم قىسقارتتى.
  شينجياڭ شينتيە حالىقارالىق زات اينالىمى شەكتى سەرىكتەستىگىنىڭ باس ديرەكتورى ليۋ چاڭلين بىلاي دەدى: شوعىرلاندىرۋ، جونەلتۋ ورتالىعى قازىر كۇنىنە 3 كەزەكشى پويەزدىڭ داعدىلى جولعا شىعۋىن ىسكە اسىردى، زات جەتىسىمەن دەرەۋ جولعا شىعادى؛ جۇڭگو - ەۆروپا كەزەكشى پويەزىنىڭ تاسىمال ۋاقىتى بۇرىنعى 25 كۇننەن 15 كۇنگە قىسقاردى، جۇڭگو - ازيا كەزەكشى پويەزى بۇرىنعى 66 ساعاتتان شامامەن 44 ساعاتقا قىسقاردى. جىلدام دا قولايلى جۇڭگو - ەۆروپا كەزەكشى پويەزىنىڭ ارقاسىندا، كاسىپورىنداردىڭ زات قاينارى اناعۇرلىم مولايدى.
  شينجياڭ حالىقارالىق زات تاسىمالىنىڭ شوعىرلاندىرۋ، جونەلتۋ ورنىنا اينالدى
  جۇڭگو - ەۆروپا كەزەكشى پويەزىنىڭ جۇرگىزۋشىسى شيە حىڭنىڭ پويەز جۇرگىزگەنىنە 5 جىلدان استى، كەزەكشى پويەزگە تيەلەتىن جۇكتەرگە ەداۋىر قانىق ول بىلاي دەدى: «العاشقى كەزدە كۇندەلىكتى تۇتىنۋ بۇيىمدارى كوبىرەك بولاتىن، كەيىن كەلە ماشينا جابدىقتارى، ەلەكتروندىق بولشەكتەر، ت.ب كوبەيدى».
  سوڭعى جىلدارى جۇڭگو - ەۆروپا كەزەكشى پويەزىمەن تاسىلاتىن زاتتاردىڭ تۇرلەرى كۇندەلىكتى تۇتىنۋ بۇيىمدارى مەن كيىم - كەشەكتەن ماشينا جابدىقتارى، سۋمەن جىلتۋ قۇرىلىس ماتەريالدارى، ەلەكتروندىق بولشەك سياقتى 200دەن استام تۇرگە كەڭەيدى.
  قازىر شينجياڭ ىلگەرىندى - كەيىن باتىس باعىتتاعى 19 حالىقارالىق تاسىمال جەلىسىن اشتى، تاسىمال جەلىسى ەۆروپا مەن ازياداعى 17 مەملەكەت 24 قالانى قامتىدى. 2017 - جىلى شينجياڭ ارقىلى شەكارادان شىعاتىن جۇڭگو - ەۆروپا كەزەكشى پويەزى بۇكىل ەلدەگى جۇڭگو - ەۆروپا كەزەكشى پويەز جالپى مولشەرىنىڭ %70ىن ۇستادى.
  ۇزدىكسىز تۇرلەنگەن كەزەكتى پويەز اينالىم جەلىسى شوعىرلاندىرۋ، جونەلتۋ ورتالىعىنىڭ جيناقتاۋ - شوعىرلاندىرۋ اسەرىن كۇننەن - كۇنگە كورنەكتىلەندىردى، شىعىستان اكەلىنىپ، باتىسقا شىعارىلاتىن زاتتاردىڭ بارلىعى شينجياڭدا جينالدى، شينجياڭ باتىس باعىتتاعى زات اينالىم ارناسىنان حالىقارالىق زات اينالىمىنداعى شوعىرلاندىرۋ، جونەلتۋ وڭىرىنە اينالدى.
  شيە حىڭ: وتكەن بىرنەشە جىلدا، مەن شەتەلدىڭ شوكلات، قىزىل شاراپ سياقتى تاۋارلارىن ساتىپ الماق بولسام، ۇرىمجىدەگى ارنايى بەلگىلەنگەن ەرەن بازارعا بارۋىم نەمەسە دوستارىم ارقىلى الاتاۋ ساعاسى وتكەلىنەن الدىرۋىم كەرەك ەدى. قازىر مەن تۇرعىندار رايونىنداعى ەرەن بازاردان - اق وسى سياقتى شەتەل تاۋارلارىن ساتىپ الا الامىن، - دەدى.
  شوعىرلاندىرۋ، جونەلتۋ ورتالىعى «ەنگىزۋگە» ۇزدىكسىز كۇش سالدى. «بيىل ءبىز ازيا - ەۆروپا بازارىنان اعاش ماتەريالدارى، اۆتوكولىك بولشەكتەرى، قىزىل شاراپ سياقتى زاتتاردى ەل ءىشى بازارىنا اكەلۋگە بارىنشا كۇش سالىپ، كەزەكشى پويەزدەردىڭ قايتقانداعى جۇك كوتەرىمدىلىگىن ارتتىرامىز»، - دەدى ليۋ چاڭلين.
  «ءبىر بەلدەۋ، ءبىر جول» قۇرىلىسىنىڭ ۇزدىكسىز ىشكەرىلەۋىنە بايلانىستى، ءتىپتى دە كوپ زاتتىڭ ازيا - ەۆروپاعا جانە ەل ءىشى بازارىنا كىرەتىندىگىن بولجاۋعا بولادى، جۇڭگو - ەۆروپا كەزەكشى پويەزى سىندى بولاتتان سوققان وسى ۇزىن ايداعار بولاشاققا عانا ەمەس، گۇلدەنۋگە دە جەتكىزەدى.


بەرىپ كەت ورامالىڭدى

دوستار

الىستاعى اق ەركە