جاڭا حابارلار

«ينتەرنەت +» ەرەكشە اۋىل شارۋاشىلىق ونىمدەرىنىڭ ساتىلۋىنىڭ قيىن بولۋىن شەشتى

    كەلۋ قاينارى: شينجياڭ گازەتى    2018-08-14 21:05:46  

8 - ايدىڭ 6 - كۇنى تۇرپان قالاسىنداعى شينجياڭنىڭ ەرەكشە اۋىل شارۋاشىلىق ونىمدەرىنە (تۇرپان) ەلەكتروندى ساۋدادان قىزمەت كورسەتۋ باقشا رايونىنداعى ساۋدا - ساتتىق زالىندا جەمىس شارۋالارى شينجياڭنىڭ اۋىل شارۋاشىلىق ونىمدەرىنىڭ ساتىلۋ جاعدايىن كورۋدە.  

 سۋرەتتى ءتىلشىمىز جىن شىشين تۇسىرگەن

ءتىلشىمىز شى شين 8 - ايدىڭ 12 - كۇنى ۇرىمجىدەن حابارلايدى. «ينتەرنەت +» دى سۇيەنىش ەتكەن شينجياڭ جەمىس شارۋاشىلىعى توبى شەكتى سەرىكتەستىگى (تومەندە قىسقاشا جەمىس شارۋاشىلىعى توبى دەلىنەدى) اۆتونوميالى رايوننىڭ اۋىل شارۋاشىلىق ونىمدەرى اينالىم ءتۇزىلىسى رەفورماسى مەن اۋىل شارۋاشىلىق ونىمدەرىنىڭ اينالىم جۇيەسى قۇرىلىسىن تەرەڭدەتۋ ءۇشىن، ەرەكشە اۋىل شارۋاشىلىق ونىمدەرىنىڭ ساتىلۋىنىڭ قيىن بولۋ ماسەلەسىن شەشۋگە مۇمكىندىك جاسادى.   جەمىس - جيدەكتى ۋاكىل ەتكەن شينجياڭنىڭ ەرەكشە اۋىل شارۋاشىلىق ونىمدەرى ەلىمىزدەگى باسىمدىقتارى كورنەكتى بولعانىمەن بازارداعى تانىمالدىق دەڭگەيى تومەن بولۋ، اينالىم جۇيەسى دامىماۋ، باسىمدىقتارىن اشۋ جەتەرسىز بولۋ، شارۋاشىلىق سۋبيەكتەرىنىڭ كوزقاراسىنىڭ توقىراۋى سياقتى كوپتەگەن ماسەلەلەرگە ءدوپ كەلىپ وتىر. 

 اۋىل - قىستاقتى كوركەيتۋ ستراتەگياسىن بارىنشا دامىتۋ مەن كەدەيلىكتەن قۇتىلدىرۋدان قامال الۋ استارىندا، جەمىس شارۋاشىلىعى توبى قارجى شىعارىپ، ەلەكتروندى ساۋدا ىستەرىنە قىزمەت كورسەتۋ باقشا رايونىن قۇرىپ، ۇلكەن ساندى مالىمەت تۇعىرى مەن تەحنيكا ابزالدىلىعىنا تايانىپ، ينتەرنەت ارقىلى شاعىن شارۋالار وتباسىن وسى زامانعى اۋىل شارۋاشىلىعىمەن ۇتىمدى ۇشتاستىرىپ، ەرەكشە اۋىل شارۋاشىلىق ونىمدەرىن قىستاقتان شىعارۋعا، ساپالى شىعارۋعا، جاقسى باعادا شىعارۋعا شىنايى كەپىلدىك ەتتى.  جۋىق جىلداردان بەرى، جەمىس شارۋاشىلىعى توبى ەلەكتروندى ساۋدا ارقىلى شينجياڭنىڭ ۇرىقسىز ءجۇزىمىن تۇڭعىش رەت شينجياڭنان شىعارىپ، جەلىدە 5 ساعاتتىڭ ىشىندە 32 توننا ساتتى؛ شينجياڭنىڭ ماقتاسى مەن ماقتا ۇرىعىن تۇڭعىش رەت ەلەكتروندى ساۋدا ارقىلى ساتىپ، ءبىرىڭعاي ونىمنەن 110 مىڭىن ساتتى، ساۋدا سوماسى 10 ميلليون يۋاننان اسىپ، اليبابا توبىندا ساتۋشىلاردىڭ تيپتىك مىسالىنا اينالدى؛ شاپشال سىبە اۆتونوميالى اۋدانى ەلەكتروندى ساۋدا ارقىلى 100 مىڭ داعار كۇرىش ساتتى، سول جىلى شارۋالاردىڭ كىرىسى 28 ميلليون يۋان ارتتى... جەلىگە شينجياڭنىڭ ەرەكشە اۋىل شارۋاشىلىق ونىمدەرىنەن 4000 نەشە ءتۇرى شىعارىلدى، 2017 - جىلى جەلىدە جاسالعان ساۋدا سوماسى 950 ميلليون يۋانعا جەتتى. 

 «ەلەكتروندى ساۋدا ىستەرىنە قىزمەت كورسەتۋ باقشا رايونى جەلىدەگى، جەلىدەن سىرتقى، شينجياڭ كولەمىندەگى، شينجياڭنان سىرت جەرلەردەگى بازارلارمەن ءتۇيىلىستىرۋ ماسەلەسىن شەشىپ، شارۋالار مەن بازاردىڭ ءوندىرۋ مەن ساتۋدى ۇشتاستىرۋىن كۇشەيتتى، سونداي - اق قىرۋار ساندى مالىمەتتەرگە تالداۋ جاساۋ نەگىزىندە اۋىل شارۋاشىلىق ونىمدەرىن ەگۋگە جەتەكشىلىك ەتۋ مەن اينالىمعا جەتەكشىلىك ەتۋگە قاتىستى ينفورماتسيالاردى الىپ، ونى شارۋالاردىڭ ەڭ تاماشا شەشىم جاساۋعا، پايدالانۋىنا جانە بازار تاڭداۋىنا ۇسىندى»، - دەدى اۆتونوميالى رايوندىق پارتكوم اۋىل - قىستاق قىزمەتى كەڭسەسىنىڭ ورىنباسار مەڭگەرۋشىسى شۇي تاۋ.  بيىل شينجياڭ اۋىل شارۋاشىلىق ونىمدەرىن ينتەرنەت ارقىلى تانىستىرۋدى تۇڭعىش رەت «2018 - جىلعى شينجياڭنىڭ اۋىل شارۋاشىلىق ونىمدەرى بازار ءورىسىن اشۋ قىزمەت جوباسىنا» ەنگىزىپ، ەلەكتروندى ساۋدا كاسىپورىندارى مەن شاعىن كولەمدى اۋىل شارۋاشىلىعىمەن اينالىساتىن وتباسىلارىنىڭ، ەگىمشىلىك بازاسىنىڭ شارۋالار سەلبەستىك كووپەراتيۆتەرىمەن ءتۇيىلىسۋىن كۇشەيتىپ، اۋىل - قىستاق سۋىق تىزبەكتى زات تاسىمالى سياقتى قۇرىلعى - قۇرىلىستاردى كۇشەيتىپ، ايگىلى ماركا تانىمىن ءوسىرىپ، اۋىل شارۋاشىلىق ونىمدەرىن «ساتۋ قيىن بولۋ» ماسەلەسىن شەشۋدى جەبەدى. 

 «شينجياڭنىڭ ەرەكشە اۋىل شارۋاشىلىق ونىمدەرىن قىستاقتان شىعارۋدا، ءسوز جوق، <ينتەرنەت+>عا تىعىز ۇشتاستىرىپ، ەلەكتروندى ساۋدا تۇعىرىنان پايدالانۋ كەرەك، ول ءوندىرىس پەن بازار سۇرانىسىن دالمە - ءدال ساي كەلتىرۋدى ءونىمدى تۇردە جەبەپ، اينالىم ارناسىن قايتا سومدايدى، سونىمەن بىرگە كەڭىستىك شەكاراسىن بۇزا الادى»، - دەيدى شينجياڭ جەمىس شارۋاشىلىعى داتاڭ سىلۋ ەلەكتروندى ساۋدا ىستەرى شەكتى سەرىكتەستىگىنىڭ اتقارۋشى باسالقاسى ياڭ يۇڭشياڭ. 

 قازىر جەمىس شارۋاشىلىعى توبى اليبابا توبىمەن جانە جيڭدۇڭ توبىمەن سەلبەسىپ 2 - كەزەكتى ينتەرنەتتە تانىستىرۋ قيمىلىن وتكىزۋدى جوبالاۋدا، سونىمەن قاتار شينجياڭنىڭ ەرەكشە اۋىل شارۋاشىلىق ونىمدەرى (تۇرپان) ەلەكتروندى ساۋدا باقشا رايونىنىڭ تابىستى ۇلگىسىنەن پايدالانىپ، شينجياڭ كولەمىندەگى ەرەكشە اۋىل شارۋاشىلىق ونىمدەرىن ءوندىرۋدى نەگىز ەتكەن رايونداردا قارجى قوسۋ جۇمىسىن ورنالاستىرىپ، شينجياڭنىڭ سىرتىندا ساتۋ ءورىسىن بەلسەنە كەڭەيتىپ، اۋىل شارۋاشىلىق ونىمدەرىن شينجياڭ كولەمىندە ساتىپ الۋ سايتى مەن شينجياڭنان سىرت جەرلەردە ساتۋ سايتىن 3 جىلدىڭ ىشىندە قۇرىپ شىعۋعا كۇش سالدى.


بەرىپ كەت ورامالىڭدى

دوستار

الىستاعى اق ەركە