جاڭا حابارلار

رايونىمىزدىڭ جەر ـ جەرى «1-تامىز» ارميا قۇرىلۋ مەرەكەسىىن قۇتتىقتادى

    كەلۋ قاينارى: شينجياڭ حالىق راديو ىستانسياسى    2018-08-01 11:28:32  

«1-تامىز» ارميا قۇرىلۋ مەرەكەسى بايلانىسىمەن، رايونىمىزدىڭ جەر-جەرى، تاراۋلارى ءتۇرلى فورمادا قيمىلدار وتكىزىپ، وفيتسەرلەر مەن اسكەرلەرگە مەرەكەلىك سالەم جولداپ جانە ولارعا وسكەلەڭ قۇرمەت ءبىلدىرىپ، ارميا مەن حالىقتىڭ ەنەتە سۇيىسپەنشىلىگىن تىلگە تيەك ەتتى.
ءۇرىمجى قالالىق قوعام حاۋىپسىزدىگى ورتتەن ساقتانۋ تارماق اترەتىنىڭ اۋلاسىندا، ءۇرىمجى اۋدانى گانگۋ اۋىلى گاۋچاۋ قىستاعى مالشىلار مەن پارتيا مۇشەلەرى ۋاكىلدەرىنەن 20 نەشە ادامدى سۋ مىلتىق، ورتتەن ساقتانۋ كيىمى سياقتى ورتتەن ساقتانۋ جابدىقتارىن ەكسكورتسيالاۋعا ۇيىمداستىردى، قىستاق تۇرعىنى مەرۋەرت عالبيەت قىزى بىلاي دەدى: «ءورت وشىرۋشىلەردىڭ كيەتىن ورتتەن ساقتانۋ كيىمدىن تۇڭعىش رەت كورىپ وتىرمىن، ورتتەن ساقتانۋ كيىمى وتە قالىڭ ەكەن، ولارعا وڭاي ەمەس، وتە جاپالى، شارشاپ-شالدىققانىنا قاراماستان، ءبىزدى قورعاعانى ءۇشىن ولارعا ەرەكشە العىس ايتامىن». مالشىلار مەن پارتيا مۇشەلەرى ۋاكىلدەرىنىڭ اكەلگەن حال سۇراۋ بۇيىمدارىن العان ءۇرىمجى قالالىق قوعام حاۋىپسىزدىگى ورتتەن ساقتانۋ تارماق اترەتى ساياسي باسقارماسى ۇيىمداستىرۋ، تاربيەلەۋ ءبولىمىنىڭ باستىعى جۋاڭ رۇي ەرەكشە اسەرلەنىپ بىلاي دەدى: «بۇدان كەيىنگى قىزمەتتە، ءبىز جۇمىس ورنىمىزدا تابان تىرەپ، قاراستىلىعىمىزداعى رايونداعى بۇقارانىڭ باس اماندىعى مەن مال-مۇلكىنىڭ حاۋىپسىزدىگىنە كەپىلدىك ەتەمىز، ءار ايدا قىستاققا بارىپ، اۋىلداستارمەن اۋىس-كۇيىس جاساپ، سۇيىسپەنشىلىكتى تەرەڭدەتىپ، ولاردىڭ ورتتەن ساقتانۋ ءبىلىمىن، ورتتەن ساقتانۋ ساۋاتىن جوعارىلاتامىز».
7-ايدىڭ 30-كۇنى، اقسۋ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى دەربەس كاسىپ تاڭداپ ارميادان كاسىپ اۋىستىرعان كادرلار مەن مەكەمە ورگانىنداعى پارتيالى كادرلاردان 106 كادردى «تاڭداۋلى داستۇرگە مۇراگەرلىك ەتىپ، ارميا كەلبەتىن ساقتاپ، تىلەك پەن كۇشتى ۇيىستىرا العا باسۋدى» باستى تاقىرىپ ەتكەن دالالىق جاتتىعۋ قيمىلىن ورىستەتۋگە ۇيىمداستىردى. قاراعاندا قاراپايىم دا وڭاي مەڭگەرىلەتىن جاتتىعۋ تۇرلەرى كوپشىلىكتىڭ ۇيىرمەدە سەلبەسۋ تانىمى مەن دەنە قۋاتى ساپاسىن سىنادى. ارميادان كاسىپ اۋىستىرعان كادر ليۋ ۋي بىلاي دەدى:«كوپشىلىكتىڭ مۇنداي پايدالى قيمىلدى بىرگە ورىستەتۋى كىسىلىك قاسيەتىمىزدى شىنىقتىرىپ، ارامىزداعى دوستىق پەن سۇيىسپەنشىلىكتى نىعايتتى. ارميادان بوساعانىمىزعا 2 دە 5 جىل، ءتىپتى ودان دا ۇزاق ۋاقىت بولدى، الايدا قوسىننان شەگىنسەك تە تابيعي قاسيەتىمىزدى وزگەرتپەي، جاستىق جالىنىمىزدى ماڭگى ساقتاپ، اقسۋ قالاسىنىڭ قۇرىلىسى ءۇشىن ءبىر كىسىلىك ۇلەسىمىزدى قوسامىز».
7-ايدىڭ 29-كۇنى تۇستەن بۇرىن، مارالباسى اۋدانى مەرەكەنىڭ الدىنداعى امانداسا بارۋ، حال سۇراۋ قيمىلىن ورىستەتىپ، وفيتسەرلەر مەن اسكەرلەرگە مەرەكەلىك سالەم جانە تىلەك جولدادى. مارالباسى اۋدانى بەلگىلى پۋنكيتىنىڭ جاۋاپتىسى جاڭ شاۋبو بىلاي دەدى: «پۋنكيتىمىزدەگى وفيتسەرلەر مەن اسكەرلەر ،ءسوز جوق، جاپالى جاتتىعۋ جۇرگىزىپ، جاۋاپكەرلىكتى مۇقيات اتقارىپ، شۇعىل، قيىن، قاتەرلى، اۋىر مىندەتتەردى ارقالاۋعا باتىل بولىپ، تيسەلى قىزمەتىن ويداعىداي ىستەپ، وتاننىڭ حاۋىپسىزدىگىن قورعاپ، شينجياڭنىڭ بەيبىتشىلىگى مەن ورنىقتىلىعىن قورعاۋعا ءتيىستى ۇلەس قوسامىز». اۆتونوميالى رايوندىق قازىنا مەڭگەرمەسىنىڭ لوپ اۋدانى دول اۋىلى حالۋاپ قىستاعىندا تۇراتىن ءبىرىنشى شۋجيى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعسىتىرۋ» قىزمەت اترەتىنىڭ باستىعى ارداق ياسىن قىستاقتا تۇرعاننان بەرى، كاسىپ ەنگىزىپ قىستاق تۇرعىندارىن جۇمىستانۋعا جەتەكتەپ، بارلىق ءادىس-امالدى قولدانىپ، كەدەي وتباسىلارىن كىرىستى ارتتىرىپ، اۋقاتتانۋعا باستاپ، قىستاق تۇرعىندارىنىڭ القاۋىنا بولەندى. 2017-جىلدىڭ باسىندا، حالۋاپ قىستاعىنىڭ ءبىرىنشى شۋجيى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعسىتىرۋ» قىزمەت اترەتىنىڭ باستىعى ارداق ياسىن وتباسىلارىن ارالاپ قىستاق جاعدايى، حالىق تىلەگىن ۇعىسۋ بارىسىندا، قىستاقتا كەپتەر باعۋ تاريحىنىڭ جانە ونىڭ نەگىزىنىڭ بار ەكەنىن بايقايدى، ال سول كەزدە كەپتەردىڭ بازارداعى قاجەتسىنۋ مولشەرى دە زور بولاتىن، سونىمەن ول قىستاق تۇرعىندار كوميتەتى مەن قىستاق پارتيا ياچەيكاسى جانە تيانشيا تۇقىمدىق كەپتەر سەرىكتەستىگىمەن بىرلەسىپ، وتكەن جىلى 5-ايدا، «حالىقتى دەمەيتىن كەپتەر كاسىبى باعىمشىلىق سەلبەستىك كوپەراتيۆىن» تىزىمگە الدىرىپ قۇرادى، سونىمەن بىرگە قازىنا، عىلىم-تەحنيكا جاعىندا كەدەيلەردى دالمە-ءدال سۇيەمەلدەۋ نىسان قارجىسىنان ءبىر ميلليون يۋانعا قول جەتكىزىپ، 69 وتباسىنىڭ ءار قايسىسىنىڭ 3 مىڭ يۋاندىق جارنا قوسىپ، سەلبەستىك كوپەراتيۆىنە مۇشە بولۋىنا مۇمكىندىك جاساپ، «سەلبەستىك كوپەراتيۆى، سەرىكتەستىك، باعىمشىلىق ءىرى وتباسى جانە كەدەي وتباسى بىرىككەن» ۇلگىنى قالىپتاستىرىپ، قىستاق كوللەكتيۆىن ورنىقتى دا قوماقتى كىرىسكە يە ەتۋدەن سىرت، قسىتاقتاعى ءار ءبىر وتباسىنىڭ جىل سوڭىندا، 2 مىڭ يۋاننان پايدا الۋىنا مۇمكىندىك جاسادى. ارداق ياسىن: «جۇمىرتقالايتىن كەپتەرلەر كۇنىنە 100 دەن 120 عا دەيىن جۇمىرتقا تابادى، ءبىر كيلوگرام جۇمىرتقانىڭ تولايىم ساتۋ باعاسى 5 يۋان، وزىندىك قۇن ءبىر ـــ ەكى يۋان، پايداسى 3 يۋان 80 فىن، ال ءبىر سويس كەپتەرىنىڭ اي سايىنعى وزىندىك قۇنى 8 يۋان، بازارداعى باعاسى 20 يۋان، بۇدان دا ون نەشە يۋان پايدا تۇسەدى. ساتىلىم ىستەرىنە سەرىكتەستىك جاۋاپتى، كەپتەر باعۋشىلارعا باسقالاي قىسىم تۇسپەيدى، كەپتەردى جاقسى باقسا عانا بولعانى»،-دەدى. قىستاق تۇرعىنى ءسايدى ماحمۇت سىرايلدىن ارحيپ تۇرعىزىلىپ، كارتىشكا تاراتىلعان كەدەي وتباسى، حالىقتى دەمەيتىن كەپتەر كاسىبى باعىمشىلىق سەلبەستىك كوپەراتيۆىنە مۇشە بولعاننان كەيىن، تىڭنان كاسىپ باستاپ، كەپتەر قوراسىنداعى جەم مەن سۋ بەرۋگە ارنالعان جەڭىل رەلىستى اۆتوماتتى جۇيەنى، شىنجىرلى تازالاۋ جۇيەسىن مۇقيات ۇيرەنىپ مەڭگەردى. بۇگىنگى كۇندە ول كەپتەر باعىمشىلىعىمەن شۇعىلدانىپ، كەدەيلىكتەن قۇتىلىپ، اۋقاتتاندى. ول: «سەلبەستىك كوپەراتيۆىنە مۇشە بولعاننان كەيىن، قىزمەت اترەتى مامانداردى قىستاققا كەلىپ كەپتەر باعۋ تەحنيكاسىن ۇيرەتۋگە ۇسىنىس ەتتى، ءبىز عىلىمي جولمەن كەپتەر باعۋدىڭ ماڭىزدىلىعىن تۇسىندىك. قازىر سەلبەستىك كوپەراتيۆىندە قىزمەت ىستەيمىن، اي سايىن 3 مىڭ يۋان ەڭبەكاقى الامىن، جىل سوڭىندا تاعى پايدانى بولىسەمىز، تۇرمىسىم بارعان سايىن جاقسارۋدا»،-دەدى. حالۋاپ قىستاعىنداعى كەدەي، ارتىق ەڭبەككۇشتەردىڭ قابىلەتىنىڭ تومەن بولۋى، ايەلدەردىڭ قارتتار مەن بالالارعا قارايلاپ سىرتقا شىعىپ جۇمىس ىستەي الماۋى سياقتى جاعدايلاردى كوزدەپ، وتكەن جىلى 10-ايدا، ارداق ياسىن قىستاقتا تۇراتىن قىزمەت اترەتى مەن «قىستاق پارتيا ياچەيكاسى، قىستاق تۇرعىندار كوميتەتى» القاسىن باستاپ قىستاقتاعى بوس تۇرعان وڭىرگە قۇلاقشىن بولشەكتەرىن جاسايتىن قوسالقى زاۆود قۇرىپ، 60 نەشە قىستاق تۇرعىنىنىڭ ءۇيىنىڭ جانىندا ورنىقتى كاسىپتەنۋىنە كومەكتەسىپ، كىسى باسىندىق جىلدىق ارتقان كىرىستى 12 مىڭ يۋانعا جەتكىزدى. قىستاق تۇرعىنى اينۇر ءسايدى مامەت:« ۇيرەنۋ ارقىلى ىسىلعان جۇمسىكەرگە اينالىپ، كۇنىنە 3 مىڭنان استام قۇلاقشىق بولشەگىن جاسايمىن، بۇدان اي سايىن ءبىر مىڭ 300 يۋان كىرىس كىرەدى. بۇل ارانىڭ قىزمەت ورتاسى ەرەكشە جاقسى، اپەكە-سىڭىلىلەرىممەن قىزمەت ىستەگەنىمە قۋانامىن، مەن قۇلشىنا ىستەپ، كەدەيلىكتەن ەرتەرەك قۇتىلۋعا ۇمتىلامىن»،-دەدى. كاسىپ ارقىلى جۇمىستانۋعا جەتەكتەگەن حالۋاپ قىستاعىندا كاسىپتەنگەندەردىڭ سانى قازىر 400 دەن اسىپ، نەگىزىنەن تۇتاس قىستاقتى قامتىدى. سونىمەن بىرگە، حالۋاپ قىستاعى ۇلتتىق قىستاق نىسان قۇرىلىسىن دا باستادى، نىسان سالىنىپ بولعاننان كەيىن، مادەنيەتتى سەزىنەتىن اۋىل-قىستاق ساياحاتى، اۋىل شارۋاشىلىعىنداعى جەمىس-جيدەك تەرىپ ەكسكۋرتسيالاۋ، قالا ماڭىنداعى «شارۋالار شاتتىعى تاعامجايى» سياقتىلاردى ءبىر تۇلعالاندىرعان اۋىل-قىستاق ساياحات كاسىبىن قالىپتاستىرادى. ارداق ياسىن: «ءبىز كاسىپ ارقىلى كەدەيلىكتەن قۇتىلدىرۋ، كاسپتەنۋ ارقىلى كەدەيلىكتەن قۇتىلدىرۋ سىندى ەكى ءتۇرلى شارانى قاتار قولدانۋ ارقىلى ديحانداردى جۇمىلدىرىپ، يدەيالىق جاقتان كەدەيلىكتەن قۇتىلام، كەدەيلىكتەن قۇتىلا الام دەگەندى تۇسىندىردىك، كوپشىلىكتىڭ وسى كەزەكتى كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ سەنىمى كۇشتى»،-دەدى.


بەرىپ كەت ورامالىڭدى

دوستار

الىستاعى اق ەركە