جاڭا حابارلار

«حۋبەي - بۇراتالا» ساياحات ارناۋلى پويەزى ۇدايى قاتىناۋدى ىسكە اسىردى

    كەلۋ قاينارى: شينجياڭ گازەتى    2018-07-31 11:26:47  

 شينحۋا اگەنتتىگىنىڭ 7 - ايدىڭ 27 - كۇنى ۋحاننان بەرگەن حابارى (تىلشىلەر ۋاڭ شيان، ۋ شين). بيىل حۋبەيدىڭ شينجياڭعا باعىتتامالى كومەكتەسۋ بويىنشا تۇڭعىش كەزەكتى ساياحات ارناۋلى پويەزى − ۋچاڭ تەمىر جولى «حۋبەي - بۇراتالا» ساياحات پويەزى 7 - ايدىڭ 26 - كۇنى تۇستەن كەيىن ۋچاڭ ۆوكزالىنان شىعىپ، شينجياڭنىڭ بۇراتالا موڭعۇل اۆتونوميالى وبلىسىنا جول الدى، 714 ساياحاتشى ارناۋلى پويەزبەن «جىبەك جولى ساياحاتىن» باستادى.
  تانىستىرۋعا قاراعاندا، شينجياڭعا كومەكتەسۋ بويىنشا «حۋبەي - بۇراتالا» ساياحات ارناۋلى پويەزى ءار جىلى شينجياڭنىڭ ساياحاتى قاۋىرت 7 -، 8 -، 9 - ايلارىندا ءبىر رەتتەن قاتىنايدى ەكەن. بۇل «حۋبەي - بۇراتالا» ساياحات ارناۋلى پويەزىنىڭ 2017 - جىلى 8 - ايدا تۇڭعىش رەت قاتىناعاننان كەيىن ۇدايى قاتىناۋدى رەسمي ىسكە اسىرعانىنان دەرەك بەرەدى.
  15 كۇندىك ساپاردا ساياحاتشىلار جول بويى موگاۋكۋ، يۋەياچۋان، ميڭشاشان ، تۇرپان، تيانشان تيانچى، قاناس، الاتاۋ ساعاسى شەكارا وتكەلى، سايرام كولى، قويتاس سياقتى كوركەم كورىنىستەردى ساياحاتتايدى.
  ۋچاڭ تەمىر جولى ساياحاتقا قىزمەت كورسەتۋ سەرىكتەستىگىنىڭ قاتىستى جاۋاپتىسى بىلاي دەدى: تەمىر جول تاراۋى ساياحات ارناۋلى پويەزىنىڭ قاتىناس، قونالقى، كوڭىل اشۋ ءبىر تۇلعالانعان جىلجىمالى ساياحات باسىمدىعىن ساۋلەلەندىرە وتىرىپ، «حۋبەي - بۇراتالا» ساياحات ارناۋلى پويەزىن «تۇندە ءجۇرۋ، كۇندىز ساياحاتتاۋ، جۇرە ءجۇرىپ توقتاۋ» ەرەكشەلىگىنە يە ەتىپ، «ءبىر لەنيامەن كوپ جەردى ساياحاتتاۋ، ءبىر بەلەتپەن جەتۋ» ساياحات ۇلگىسىن اتقارىپ، بۇكىل بارىس بويىنشا ساياحاتتاتۋشى، ۇيىرمەگە ىلەسكەن شيپاگەر سياقتى ەرىپ جۇرەتىن كاسىپتىك سەنىمدى قىزمەت كورسەتۋلەرمەن قامدادى.
  حۋبەي ولكەسى 1999 - جىلدان باستاپ بۇراتالاعا باعىتتامالى كومەكتەسۋدى باستاعان، «حۋبەي - بۇراتالا» ساياحات ارناۋلى پويەزى − حۋبەي ولكەسىنىڭ شينجياڭعا باعىتتامالى كومەكتەسۋدەگى ءتۇيىندى نىسانى، سونداي - اق حۋبەيدەن بۇراتالاعا قاتىنايتىن بىردەن - ءبىر ساياحات ارناۋلى پويەزى. سوڭعى جىلدارى حۋبەي «ءبىر ميلليون ادامدى ساياحاتتاتىپ شينجياڭعا كومەكتەسۋ ينجەنەرياسىن» ىلگەرىلەتىپ، حۋبەيدەن 300 مىڭ ادام - رەتتەن استام ساياحاتشىنى شينجياڭعا بارۋعا ۇيىمداستىرىپ، بۇراتالانىڭ ساياحات دارىندىلارىنان 500دەن استام ادامدى (رەت) تاربيەلەدى.


بەرىپ كەت ورامالىڭدى

دوستار

الىستاعى اق ەركە