جاڭا حابارلار

شي جينپيڭ ماۋريتيۋس رەسپۋبليكاسىندا ايالدادى ءارى دوستىق ساپاردا بولدى

    كەلۋ قاينارى: شينجياڭ گازەتى    2018-07-31 18:17:15  

  شينحۋا اگەنتتىگىنىڭ 7 - ايدىڭ 27 - كۇنى پورت - لۋيدان بەرگەن حابارى (تىلشىلەر يان ميڭ، ۋىن حاۋ). 7 - ايدىڭ 27 - كۇنى مەملەكەت ءتوراعاسى شي جينپيڭ ماۋريتيۋس رەسپۋبليكاسىنا جەتىپ، دوستىق ساپاردا بولدى.
  جەرگىلىكتى ۋاقىت كەشكى ساعات 9دان 15 مينۋت وتكەن مولشەردە شي جينپيڭ وتىرعان ۇشاق رامگۋلام حالىقارالىق اۋەجايىنا كەلىپ قوندى. ماۋريتيۋس زۇڭليى جاگنات اۋەجايعا بارىپ قارسى الدى. شي جينپيڭ مەن حانىمى پىڭ لييۋان ۇشاق باسپالداعىنان تۇسكەندە، جاگنات پەن حانىمى كوبيتا الدىنان شىقتى. كوبيتا پىڭ لييۋانعا گۇل ۇسىندى.
  جاگنات اۋەجايدا شي جينپيڭگە ارناپ سالتاناتتى قارسى الۋ سالتىن وتكىزدى.
  ەكى ەل باسشىلارى قۇرمەت قاراۋىلى مىنبەسىنە شىقتى. اسكەري وركەستىر جۇڭگو مەن ماۋريتيۋستىڭ مەملەكەت ءانىن ورىندادى. جاگناتتىڭ سەرىك بولۋىندا، شي جينپيڭ قۇرمەت قاراۋىلىن كوزدەن كەشىردى. سول جەردە جۇڭگونىڭ «جۇڭگو دەپ سوعادى جۇرەگىم» ءانى ورىندالدى. قۇرمەت قاراۋىلىن كوزدەن كەشىرگەن سوڭ، ەكى ەل باسشىلارى قوناق كۇتۋ زالىنا باردى. شي جينپيڭ مەن پىڭ لييۋان ماۋريتيۋس جاقتان قارسى الا شىققاندارمەن قول الىستى. جاگنات پەن حانىمى جۇڭگودان سەرىك بولىپ بارعاندارمەن قول الىستى.
  ەكى ەل باسشىلارى ىقىلاسپەن اڭگىمەلەستى. شي جينپيڭ بىلاي دەدى: مەن كەلە سالىسىممەن ماۋريتيۋس ۇكىمەتىنىڭ جانە حالقىنىڭ جۇڭگو حالقىنا دەگەن تەرەڭ دوستىق سۇيىسپەنشىلىگىن سەزىندىم. جۇڭگو مەن ماۋريتيۋس قاتىناسى تاتۋ. مەن زۇڭلي مىرزامەن جۇڭگو - ماۋريتيۋس قاتىناسى، سونداي - اق ورتاق كوڭىل بولەتىن حالىقارالىق جانە وڭىرلىك ماسەلەلەر جونىندە كوزقاراس اۋىستىرۋدى ءۇمىت ەتەمىن. جاگنات بىلاي دەدى: ءتوراعا شي جينپيڭنىڭ ماۋريتيۋستا ايالداعانىن ءارى دوستىق ساپاردا بولعانىن قىزۋ قۇتتىقتايمىن، ءتوراعا شي جينپيڭنىڭ ساپارلاي كەلگەندىگىن قارسى العانىمدى ەرەكشە داڭق سەزىنەمىن، ەرتەڭ ءتوراعا شي جينپيڭمەن كەزدەسۋ وتكىزۋدى ەرەكشە كۇتىپ وتىرمىن.
  شي جينپيڭ وڭتۇستىك افريكاداعى مەملەكەتتىك ساپارىن اياقتاتقان سوڭ ءارى يوحاننەسبۋرگتە بريكس ەلدەرى باسشىلارىنىڭ 10 - رەتكى كەزدەسۋىنە قاتىناسقاننان كەيىن ماۋريتيۋسقا باردى. يوحاننەسبۋرگتەن اتتانعاندا، وڭتۇستىك افريكا ۇكىمەتىنىڭ جوعارى دارەجەلى ءمانساپتىلارى اۋەجايعا بارىپ، شي جينپيڭ مەن پىڭ لييۋاندى اتتاندىرىپ سالدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستارى سول ۇشاقتا بىرگە باردى.
  ماۋريتيۋستىڭ ءبىرىنشى ورىنباسار زۇڭليى كوللەنداۆەللوو، ۋاقىتشا باس سوتشىسى بالانشي، پارلامەنت ءتوراعاسى حانۋمانجي، سىرتقى ىستەر مينيسترى لۇچمەەنارايدوو قاتارلىلار اۋەجايدا بىرگە قارسى الدى.
  جۇڭگونىڭ ماۋريتيۋستاعى باس ەلشىسى سۇن گۇڭي دە اۋەجايعا بارىپ قارسى الدى.


بەرىپ كەت ورامالىڭدى

دوستار

الىستاعى اق ەركە