جاڭا حابارلار

شي جينپيڭ «بريكس+» باسشىلار كەڭەسىنە قاتىناستى

    كەلۋ قاينارى: شينجياڭ گازەتى    2018-07-29 20:32:39  

7 - ايدىڭ 27 - كۇنى «بريكس +» باسشىلار كەڭەسى وڭتۇستىك افريكانىڭ يوحاننەسبۋرگ قالاسىندا وتكىزىلدى. مەملەكەت ءتوراعاسى شي جينپيڭ كەڭەسكە قاتىناستى جانە ءسوز سويلەدى. بريكس ەلدەرى باسشىلارى كەڭەسكە ۇسىنىسپەن قاتىناسقان ەلدەردىڭ باسشىلارىمەن نەمەسە باسشىلاردىڭ ۋاكىلدەرىمەن، سونداي - اق افريكاداعى قاتىستى وڭىرلىك ۇيىمداردىڭ جاۋاپتىلارىمەن بىرگە سۋرەتكە ءتۇستى.  سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

 شينحۋا اگەنتتىگىنىڭ 7 - ايدىڭ 27 - كۇنى يوحاننەسبۋرگتەن بەرگەن حابارى (تىلشىلەر شاڭ ياڭ، لو جۇن). «بريكس+» باسشىلار كەڭەسى 7 - ايدىڭ 27 - كۇنى وڭتۇستىك افريكانىڭ يوحاننەسبۋرگ قالاسىندا وتكىزىلدى. كەڭەسكە قاتىناسقان باسشىلار حالىقارالىق دامۋ سەلبەستىگىن جانە وڭتۇستىك - وڭتۇستىك سەلبەستىگى جوسپارىن بىرگە اقىلداسىپ، كەڭ اۋقىمدى ورتاق تانىمعا كەلدى. مەملەكەت ءتوراعاسى شي جينپيڭ كەڭەسكە قاتىناستى ءارى ءسوز سويلەدى.
  شي جينپيڭ بىلاي دەپ اتاپ كورسەتتى: قازىرگى دۇنيە زور دامۋ، زور وزگەرىس، زور رەتتەلۋ كەزەڭىندە تۇر، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەر ورتاق وراي مەن سىن - سايىستارعا ءدوپ كەلىپ وتىر. بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ىنتىماقتى، سەلبەستىكتى كۇشەيتۋى بارعان سايىن ماڭىزدى بولا تۇسۋدە.
  ءبىرىنشى، «بريكس+» سەلبەستىگىن كەڭەيتىپ، ءوزارا ءتيىمدى سەرىكتەستىك قاتىناستى بىرگە تەرەڭدەتۋ. ءبىز ءبىر - ءبىرىمىزدى ءتۇسىنىپ، ءبىر - ءبىرىمىزدى قولداپ، ءوزارا كومەكتەسىپ، «بريكس+» سەلبەستىگىن تاماشا وراي ساناپ، اشىق، قامتىمدى، سەلبەسىپ تەڭ يگىلىككە كەنەلەتىن سەرىكتەستىك قاتىناس ورناتىپ، وڭتۇستىك - وڭتۇستىك سەلبەستىگىن تەرەڭدەتۋدىڭ تۇعىرىن قالىپتاستىرۋىمىز كەرەك.
  ەكىنشى، «بريكس+» سەلبەستىگىن كەڭەيتىپ، دامۋدىڭ جاڭا دەمەۋشى قۋاتتارىن بىرگە اشۋىمىز كەرەك. ءبىز ورايدى بىرگە يگەرىپ، وسى جولعى كەڭەستە ورناتىلعان بريكس ەلدەرىنىڭ جاڭا ونەركاسىپ توڭكەرىسى سەرىكتەستىك قاتىناسى ارقىلى دامۋعا بەتتەۋدىڭ بيىك بەلەسىن يەلەپ، ءوزارا تولىقتاۋ باسىمدىعى مەن سايكەسۋ اسەرىن تولىق ىسكە قوسىپ، جاڭالىق اشا دامۋدى، ىقپالداسا دامۋدى، قامتىمدى دامۋدى ىسكە اسىرۋىمىز كەرەك.
  ءۇشىنشى، «بريكس+» سەلبەستىگىن كەڭەيتىپ، ءتيىمدى سىرتقى ورتانى بىرگە قالىپتاستىرۋ. ءبىز كوپ جاقتى ساۋدا ءتۇزىلىسىن بىرگە قورعاپ، اشىق دۇنيە ەكونوميكاسىن قۇرىپ، الەمدىك ەكونوميكانى جونگە سالۋ رەفورماسىن ۇزدىكسىز ىلگەرىلەتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ۋاكىلدىك سيپاتىن جانە ءسوز بيلىگىن جوعارىلاتۋىمىز كەرەك.
  ءتورتىنشى، «بريكس+» سەلبەستىگىن كەڭەيتىپ، جاڭاشا حالىقارالىق قاتىناستى بىرگە قۇرۋ. ءبىز كوپ جاقتىلىقتى تاباندىلىقپەن قورعاپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتىپ، 2030 - جىلعا دەيىنگى باياندى دامۋدىڭ كەڭەستىك ءتارتىبىن بىرگە تياناقتاندىرىپ، وڭتۇستىك - سولتۇستىك سەلبەستىگىن نەگىزگى ارنا، وڭتۇستىك - وڭتۇستىك سەلبەستىگىن تولىقتاۋشى ەتكەن حالىقارالىق دامۋ سەلبەستىگى ارناسىنا تاباندى بولۋىمىز كەرەك.
  شي جينپيڭ مىنالاردى باسا دارىپتەدى: بريكس ەلدەرى باسشىلارى كەڭەسىنىڭ تاعى دا افريكادا وتكىزىلۋىنىڭ ماڭىزى زور. ءبىز وسى جولعى كەڭەستى تاماشا وراي ساناپ، بريكس ەلدەرىنىڭ افريكا ەلدەرىمەن سەرىكتەستىك قاتىناسىن جاپپاي تەرەڭدەتۋىمىز كەرەك. جۇڭگو افريكامەن جاقسى دوس، جاقسى سەرىك، جاقسى باۋىرلاس بولىپ كەلەدى. ەكى جاقتىڭ بىرگە قۇلشىنۋىنىڭ ناتيجەسىندە، جۇڭگو مەن افريكانىڭ جالپى بەتتىك ستراتەگيالىق سەلبەستىك سەرىكتەستىك قاتىناسى جەدەل دامىپ، جان - جاقتى، كوپ جىكتى، كەڭ سالالى سەلبەستىك ارناسى قالىپتاسىپ، 100 ميلليونداعان حالىققا يگىلىك جەتكىزدى. كەلەشەكتە حالىقارالىق جاعدايدا قانداي وزگەرىستەر بولۋىنا قاراماستان، جۇڭگو شىنايى تۋىسقاندىق نيەت ۇستانىمىنان جانە دۇرىس بورىش - مۇددە كوزقاراسىنان جازباي، افريكانىڭ دامۋى مەن گۇلدەنۋىن ۇزدىكسىز قولدايدى. بيىل 9 - ايدا جۇڭگو افريكامەن بىرگە جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىن بىرگە وتكىزەدى. مەن افريكادان كەلگەن باسشىلارمەن بەيجيڭدە كەزدەسىپ، جۇڭگو مەن افريكانىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن تەرەڭدەتۋگە تىڭ قوزعاۋشى كۇش قوسۋدى كۇتەمىن.
  شي جينپيڭ مىنانى باسا دارىپتەدى: جۇڭگوشا سوتسياليزم جاڭا داۋىرگە ءوتتى، سونىمەن بىرگە جۇڭگونىڭ دۇنيە جۇزىندەگى وركەندەپ كەلە جاتقان ەڭ ۇلكەن ەلدىك ورنى وزگەرگەن جوق. كەلەشەكتە جۇڭگو قالاي دامىسا دا، ماڭگى وركەندەپ كەلە جاتقان ەل سانالادى، قالىڭ وركەندەپ كەلە جاتقان ەلدەردىڭ دامۋىن باتىل قولدايدى، كوپشىلىكپەن بىرگە تىعىز سەرىكتەستىك قاتىناستى دامىتۋعا ۇزدىكسىز كۇش سالادى. ءبىز «بريكس+» سەلبەستىگىن تۇعىر ەتىپ، ءبىر نيەتپەن سەلبەسىپ، ۇدەرە العا تارتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ بىرگە دامۋدا اناعۇرلىم زور جەتىستىكتەرگە قول جەتكىزۋىن قول ۇستاسا ىلگەرىلەتۋىمىز كەرەك.
  كەڭەسكە قاتىناسقان باسقا باسشىلار بريكس ەلدەرى باسشىلارىنىڭ يوحاننەسبۋرگتەگى كەڭەسىنىڭ شيامىندەگى كەڭەس ءادىسىن جالعاستىرىپ، «بريكس+» باسشىلار كەڭەسىن وتكىزگەندىگىن القادى، مۇنىڭ بريكس سەلبەستىگىنىڭ قامتىمدىلىعىن ايگىلەپ، كەڭەستى مەحانيزمدەندىرۋدى قولداپ، كەڭ اۋقىمدى دامۋ سەرىكتەستىك قاتىناسىن ورناتىپ، وڭتۇستىك - وڭتۇستىك سەلبەستىگىن ىلگەرىلەتكەندىگىن القادى. تاراپتار بىلاي دەپ ەسەپتەدى: قازىرگى جاعدايدا، اسىرەسە، سىڭار جاقتىلىق پەن قورعانپازدىق باس كوتەرگەن سىن - سايىسى الدىندا، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ىنتىماقتاسا سەلبەسۋىن تەرەڭدەتىپ، بريكس ەلدەرىنىڭ افريكامەن سەلبەستىك سەرىكتەستىك قاتىناستى دامىتۋىن ىلگەرىلەتىپ، ءار سالاداعى ناقتى سەلبەستىكتىڭ دەڭگەيىن جوعارىلاتىپ، سىڭار جاقتىلىق پەن قورعانپازدىققا بىرگە قارسى تۇرىپ، قامتىمدى ارتۋ مەن باياندى دامۋدى ىسكە اسىرىپ، ءار ەل حالقىنىڭ ىرىس - باقىتىن مولايتۋ كەرەك.
  بريكس ەلدەرى باسشىلارىنان وڭتۇستىك افريكانىڭ زۇڭتۇڭى راماپوسا، برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي جانە كەڭەسكە ۇسىنىس ەتىلگەن ەلدەر − انگولا، ارگەنتينا، بوتسۆانا، كونگو دەموكراتيالىق رەسپۋبليكاسى، ەگيپەت، گابون، لەسوتو، ماداگاسكار، مالاۋي، موزامبيك، ناميبيا، رۋاندا، سەنەگال، سەيشەل، تانزانيا، توگو، تۇركيا، ۋگاندا، زامبيا، زيمبابۆە، يامايكالاردىڭ باسشىلارى نەمەسە باسشىلاردىڭ ۋاكىلدەرى، سونداي - اق افريكاداعى قاتىستى وڭىرلىك ۇيىمداردىڭ جاۋاپتىلارى كەڭەسكە قاتىناستى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىناستى.


بەرىپ كەت ورامالىڭدى

دوستار

الىستاعى اق ەركە