جاڭا حابارلار

ۋاڭ گۇيجىن كەيىپكەر ەتىلگەن «التىنحان» اتتى فيلم تاياۋدا سانجى قالاسىندا تۇڭعىش رەت قويىلدى

    كەلۋ قاينارى: شينجياڭ حالىق راديو ىستانسياسى    2018-07-29 13:00:51  

ستانسيامىزدىڭ ءتىلشىسى جين لەي مەن سانجى راديو ستانسياسىنىڭ ءتىلشىسى جۋ ليجۇننىڭ حابارى: قۇتىبي اۋدانىنداعى «التىنحان» مەيىر باعىشتاۋ ەرىكتى قىزمەت وتەۋ اترەتىنىڭ باستىعى ۋاڭ گۇيجىن كەيىپكەر ەتىلگەن «التىنحان» اتتى فيلم تاياۋدا سانجى قالاسىندا تۇڭعىش رەت قويىلدى.
«التىنحان» جەرگىلىكتى ورىنداعى ۇيعۇر اۋىلداستاردىڭ ۋاڭ گۇيجىنعا قويعان اتى، «اسىل جۇرەك» دەگەن ماعنانى بەرەدى. ۋاڭ گۇيجىننىڭ 40 نەشە جىلدى ءبىر كۇندەي وتكىزىپ، ءار ۇلت اۋىلداستارعا ءۇن-ءتۇنسىز ۇلەس قوسىپ، 7 مىڭنان ارتىق ادامدى ەرىكتى قىزمەت وتەۋ قوسىنىنا قاتىناسۋعا باستاۋى فيلمدەگى ۋاڭ گۇيجىننىڭ رولىنا شىعۋشى، ايگىلى ارتيس يۋە حۇڭدى قاتتى اسەرلەندىردى، ول بىلاي دەدى: «ول ءبىر ءومىر قوعام ءۇشىن ىستەپ، ماڭىنداعىلارعا مەيىر، سۇيىسپەنشىلىك باعىشتادى، ءبىز بۇل فيلمدى وسىنداي العاباسار جەكەلەردى مەملەكەتكە تانىستىرىپ، اناعۇرلىم كوپ ادامعا كورسەتىپ، كوپشىلىكتىڭ ارمانىنا، العاشقى ماقساتىنا جەتۋىنە، بارىنشا قۇلشىنا قىزمەت ىستەپ، قوعام ءۇشىن ۇلەس قوسىپ، سوتسياليستىك قۇرىلىسقا ەسە قوسۋىنا مۇمكىندىك جاراتايىق دەگەن ۇمىتپەن الىپ وتىرمىز».
كورەرمەن ما گودۇڭ بىلاي دەدى:« بۇل فيلمدەگى بىرنەشە وقيعا قاتتى اسەرلى ەكەن، مەن كوز جاسىمدى توگىپ وتىرىپ، كورىپ بولدىم. وقيعادا، ءجۇرات ايىقپاس دەرتكە شالدىعىپ، ەكونوميكالىق جاعدايى ەرەكشە مۇشكىل جاعدايدا قالعاندا، ۋاڭ گۇيجىن اجەي ءۇي-مۇلىك كۋالىگىن كەپىلگە قويىپ، وعان كومەكتەسەدى، بۇل ۋاڭ گۇيجىن اجەيدىڭ شىنايى اڭگىمەسى، ءبىزدىڭ مۇقيات ۇيرەنۋىمىزگە ەرەكشە تاتيدى».
بيىل 78 جاستاعى ۋاڭ گۇيجىن دە فيلمنىڭ العاشقى قويىلۋ سالتىنا كەلدى، كورەرمەندەر تۇگەل ورنىنان تۇرىپ، شاپالاق سوعىپ، وعان قۇرمەت ءبىلدىردى. ۋاڭ گۇيجىن بىلاي دەدى: «مەن بۇرىن جالعىز ەدىم، قازىر مىڭداعان، 10 مىڭداعان ادامدى الەۋمەتتىك يگىلىك ىسىنە ات سالىسۋعا باستادىم، كوپشىلىكتىڭ ءبارى التىنحان، ولار قوعامدى اناعۇرلىم جاراسىمدىلىققا باستاۋدا».
قازىر، «التىنحان» رۋحىنىڭ شابىتتاندىرۋىندا، سانجى وبلىسى الەۋمەتتىك يگىلىك ۇيىمىنان 982 سىن قۇرىپ، ىلگەرىندى-كەيىندى 4 قوسىن مەملەكەتتىك ەرىكتى قىزمەت وتەۋدەگى وزات تيپ بولىپ باعالاندى. سانجى وبلىستىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى چىڭ شياۋفىڭ بىلاي دەدى: «ءمورالدىڭ وسىنداي كۇشى ارقىلى ءاربىر ادامعا جەتەكشىلىك ەتىپ جانە ولارعا ۇلگى كورسەتىپ، قوعامدا، ادامداردىڭ ءبارى الەۋمەتتىك يگىلىك ىسىنە قاتىناساتىن تانىم مەن رۋحتى دارىپتەيمىز، بۇل فيلم ءبىر جەكەنى، ءبىر قوسىندى كورسەتىپ قالماستان، ول گۋمانيتارلىق رۋحتى جەتكىزىپ وتىر».


بەرىپ كەت ورامالىڭدى

دوستار

الىستاعى اق ەركە