جاڭا حابارلار

شي جينپيڭ بريكس ەلدەرى باسشىلارىنىڭ 10 - رەتكى كەزدەسۋىنە قاتىناستى ءارى ماڭىزدى ءسوز سويلەدى

    كەلۋ قاينارى: شينجياڭ گازەتى    2018-07-28 18:49:49  

بريكس ەلدەرىنىڭ ستراتەگيالىق سەرىكتەستىك قاتىناسىن تەرەڭدەتىپ، ەكىنشى «التىن 10 جىلدىقتىڭ» تاماشا ارمان تىلەگىن رەالدىققا اينالدىرۋدى باسا دارىپتەدى

 بريكس ەلدەرى باسشىلارىنىڭ 10 - رەتكى كەزدەسۋى 7 - ايدىڭ 26 - كۇنى وڭتۇستىك افريكانىڭ يوحاننەسبۋرگ قالاسىندا وتكىزىلدى. جۇڭگونىڭ مەملەكەت ءتوراعاسى شي جينپيڭ، برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي كەزدەسۋگە قاتىناستى. شي جينپيڭ «تاماشا ارمان - تىلەكتى رەالدىققا اينالدىرايىق» تاقىرىبىندا ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 7 - ايدىڭ 26 - كۇنى يوحاننەسبۋرگتەن بەرگەن حابارى (تىلشىلەر لي شىڭجياڭ، چىن جى، لو جۇن). بريكس ەلدەرى باسشىلارىنىڭ 10 - رەتكى كەزدەسۋى 7 - ايدىڭ 26 - كۇنى وڭتۇستىك افريكانىڭ يوحاننەسبۋرگ قالاسىندا وتكىزىلدى. كەزدەسۋدى وڭتۇستىك افريكانىڭ زۇڭتۇڭى راماپوسا باسقاردى. جۇڭگونىڭ مەملەكەت ءتوراعاسى شي جينپيڭ، برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي كەزدەسۋگە قاتىناستى. 5 ەلدىڭ باسشىلارى «بريكس ەلدەرى افريكادا: 4 - رەتكى ونەركاسىپ توڭكەرىسىندە قامتىمدى ارتۋ مەن بىرگە گۇلدەنۋگە تىزە قوسا تالپىنايىق» تاقىرىبىن ارقاۋ ەتىپ، بريكس ەلدەرى سەلبەستىگى جانە بىرگە كوڭىل ءبولىپ وتىرعان ەلەۋلى حالىقارالىق ماسەلەلەر جونىندە ىشكەرىلەي كوزقاراس اۋىستىرىپ، كەڭ كولەمدە ورتاق تانىمعا كەلدى.
  شي جينپيڭ «تاماشا ارمان - تىلەكتى رەالدىققا اينالدىرايىق» تاقىرىبىندا ماڭىزدى ءسوز سويلەپ، جاڭا ونەركاسىپ توڭكەرىسىنىڭ كورنەكتى ەرەكشەلىكتەرىن اشىپ كورسەتىپ، بريكس سەلبەستىگىنىڭ كەلەشەكتەگى دامۋى جونىندە باستاما كوتەرىپ، بريكس ەلدەرى قول ۇستاسا قۇلشىنىپ، باياندى، بەيبىت، جالپى بەتتىك حاۋىپسىز، بىرگە گۇلدەنەتىن، اشىق، قامتىمدى، كىرشىكسىز دە كورىكتى دۇنيە ءجۇزىن قۇرۋدى بىرگە ىلگەرىلەتۋدى باسا دارىپتەدى.
  شي جينپيڭ مىنالاردى اتاپ كورسەتتى: 18 - عاسىردان بەرگى ءۇش رەتكى ونەركاسىپ توڭكەرىسىنىڭ جويىمپاز سيپات العان عىلىم - تەحنيكالىق جاڭالىقتارى قوعامدىق وندىرگىش كۇشتىڭ بارىنشا ازات بولۋى مەن تۇرمىس ورەسىنىڭ بارىنشا جوعارىلاۋىن جارىققا شىعارىپ، ادامزات تاريحىنىڭ دامۋ ارناسىن تۇبىرىنەن وزگەرتتى. قازىر ءبىز ءبىر رەتكى ءتىپتى دە كەڭ كولەمدى، ءتىپتى دە تەرەڭ قاتپارلى عىلىم - تەحنيكا توڭكەرىسىن جانە كاسىپ وزگەرىسىن باستان كەشىرۋدەمىز. جاڭا تەحنيكا، جاڭا كاسىپ فورماتسياسى، جاڭا كاسىپتەر جىگى تولاسسىز جارىققا شىعىپ، ءار ەلدىڭ مۇددەسى مەن تاعدىرى تىعىز بايلانىسىپ، تەرەڭدەي توعىسۋدا. سونىمەن بىرگە، دۇنيە ءجۇزى ەكونوميكاسىنداعى تەرەڭ قاتپارلى، قۇرىلىمدىق ماسەلەلەر مەن جاعراپيالىق ساياسي قاقتىعىستار، قورعامپازدىق، سىڭار جاقتىلىق بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ دامۋىنىڭ سىرتقى ورتاسىنا تىكەلەي اسەر ەتتى.
  شي جينپيڭ مىنالاردى باسا دارىپتەدى: بريكس ەلدەرى تاريحي اۋقىمدى يگەرىپ، ستراتەگيالىق سەرىكتەستىك قاتىناسىن تەرەڭدەتىپ، «ءۇش تەگەرشىكتى اينالدىرۋ» سەلبەستىك قۇرىلىمىن بەكەمدەپ، ەكىنشى «التىن 10 جىلدىقتىڭ» تاماشا ارمان - تىلەگىن رەالدىققا اينالدىرۋ كەرەك.
  ءبىرىنشى، ەكونوميكالىق سەلبەستىكتىڭ وراسان زور كومەسكى كۇشىن جارىققا شىعارۋ. ءبىز ساۋدا، قارجى قوسۋ، ەكونوميكا، فينانستى ءوزارا بايلانىستىرۋ، ءوزارا تۇتاستىرۋ سياقتى سالالارداعى سەلبەستىكتى كۇشەيتىپ، سەلبەستىك اياسىن ۇلعايتۋىمىز، ناقتىلاندىرۋىمىز كەرەك. ەرەجە نەگىزىندەگى كوپ جاقتى ساۋدا ءتۇزىلىسىن باتىل قورعاپ، ساۋدا مەن قارجى قوسۋدىڭ ەركىندەنۋىن، قولايلىلانۋىن ىلگەرىلەتىپ، قورعانىمپازدىققا تۋىمىز ايقىن تۇردە قارسى تۇرۋىمىز كەرەك. جاڭالىق اشۋ ارقىلى جەتەكشىلىك ەتۋدەن جازباي، بريكس ەلدەرىنىڭ جاڭا ونەركاسىپ توڭكەرىسى سەرىكتەستىك قاتىناسىن ورناتۋ ارقىلى ماكرولىق ەكونوميكالىق ساياساتتاعى سايكەسۋىن كۇشەيتىپ، دامۋ ستراتەگياسىنىڭ تەرەڭ ۇشتاسۋىن جۇزەگە اسىرىپ، بريكس ەلدەرىنىڭ جانە بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ باسەكەلىك قۋاتىن جوعارىلاتۋىمىز كەرەك.
  ەكىنشى، حالىقارالىق بەيبىتشىلىكتى، حاۋىپسىزدىكتى باتىل قورعاۋ. ءبىز كوپ جاقتىلىق تۋىن ۇزدىكسىز بيىك ۇستاپ، ب م ۇ ۋستاۆىنىڭ نەگىزگى ماقساتى مەن پرينسيبىن قورعاپ، تاراپتاردى حالىقارالىق زاڭ مەن حالىقارالىق قاتىناستىڭ نەگىزگى ولشەمدەرىنە بويسۇنۋعا قۋزاپ، داۋ - شاردى ديالوگ ارقىلى شەشىپ، الاۋىزدىقتى اقىلداسۋ ارقىلى شەشىپ، ءوزارا قۇرمەتتەيتىن، ءادىل - ادىلەتتى، سەلبەسىپ تەڭ يگىلىككە كەنەلەتىن جاڭا حالىقارالىق قاتىناستى تىزە قوسا تۇلعالاۋىمىز كەرەك.
  ءۇشىنشى، گۋمانيتارلىق اۋىس - كۇيىس پەن سەلبەستىكتى ىشكەرىلەي كەڭەيتۋ. ءبىز حالىق تىلەگىن ءوزارا جالعاۋدى ۇزدىكسىز نەگىزگى ماقسات ەتىپ، ءار سالاداعى گۋمانيتارلىق اۋىس - كۇيىستى كەڭ كولەمدە ورىستەتىپ، 5 ەل حالقىنىڭ ءوزارا تۇسىنىستىگى مەن ءداستۇرلى دوستىعىن ۇزدىكسىز كۇشەيتىپ، بريكس سەلبەستىگىنىڭ حالىق تىلەگى نەگىزىن بەكەمدەۋىمىز كەرەك.
  ءتورتىنشى، تىعىز سەرىكتەستىك قارىم - قاتىناس تورىن قۇرۋ. ءبىز ب م ۇ، 20 ەل توبى سياقتىلار اياسىندا «بريكس +» سەلبەستىگىن كەڭەيتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ورتاق مۇددەسىن جانە دامۋ كەڭىستىگىن كەڭەيتىپ، كەڭ كولەمدى سەرىكتەستىك قاتىناس ورناتۋدى ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەستەر قوسۋىمىز كەرەك.
  شي جينپيڭ مىنالاردى باسا دارىپتەدى: بريكستىڭ كەلەشەگى 5 ەل حالقىنىڭ ءوز قولىندا. ءبىز حالىقارالىق قوعاممەن بىرگە باياندى بەيبىت، جالپى بەتتىك حاۋىپسىز، بىرگە گۇلدەنەتىن، اشىق، قامتىمدى، كىرشىكسىز دە كورىكتى دۇنيە ءجۇزىن قۇرۋىمىز كەرەك.

بريكس ەلدەرى باسشىلارىنىڭ 10 - رەتكى كەزدەسۋى 7 - ايدىڭ 26 - كۇنى وڭتۇستىك افريكانىڭ يوحاننەسبۋرگ قالاسىندا وتكىزىلدى. كەزدەسۋدى وڭتۇستىك افريكانىڭ زۇڭتۇڭى راماپوسا باسقاردى. جۇڭگونىڭ مەملەكەت ءتوراعاسى شي جينپيڭ، برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي كەزدەسۋگە قاتىناستى. 5 ەل باسشىلارى بىرگە سۋرەتكە ءتۇستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 راماپوسا مىنالاردى ءبىلدىردى: قازىر دۇنيە جۇزىندە سىڭار جاقتىلىق پەن قورعامپازدىق باس كوتەرىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەرگە ۇنامسىز ىقپال الا كەلدى. بريكس ەلدەرى سەلبەستىكتى كۇشەيتۋى، كوپ جاقتى ءتارتىپتى قورعاۋى، ب م ۇ - نىڭ سەنترلىك ورنىن قورعاۋى، دۇنيە ءجۇزى ساۋدا ۇيىمىنىڭ ەرەجەلەرىن قورعاۋى ءتيىس. وڭتۇستىك افريكا بريكس ەلدەرىنىڭ جاڭا ونەركاسىپ توڭكەرىسى سەرىكتەستىك قاتىناسىن ورناتىپ، 4 - رەتكى ونەركاسىپ توڭكەرىسى الا كەلگەن ورايلاردى جاقسى يگەرىپ، بريكس سەلبەستىگىنىڭ ەكىنشى «التىن 10 جىلدىعىندا» ءتىپتى دە جاقسى دامۋدى جۇزەگە اسىرىپ، ادامزاتتىڭ تاعدىرلاس ورتاق تۇلعاسىنىڭ اناعۇرلىم جارقىن كەلەشەگىنە بىرگە جول الۋدى قولدايدى.
  تەمەر مىنالاردى ءبىلدىردى: بريكس ەلدەرى قارايلاس دامۋ مىندەتىنە ءدوپ كەلدى، ىنتىماقتى كۇشەيتىپ، كەزەكتە ءدوپ كەلىپ وتىرعان حاۋىپ - قاتەرلەر مەن سىن - سايىستارعا تىزە قوسا توتەپ بەرىپ، دامۋ ستراتەگياسىن ۇشتاستىرىپ، سەلبەستىك سالالارىن كەڭەيتىپ، عىلىم - تەحنيكالىق باسەكەلىك قۋاتتى كۇشەيتۋ كەرەك.
  پۋتين مىنالاردى ءبىلدىردى: كەزەكتەگى كۇردەلى دە الماعايىپ حالىقارالىق ورتا الدىندا، بريكس ەلدەرى ىنتىماقتاسا سەلبەسىپ، كوپ جاقتىلىق پەن حالىقارالىق ەرەجەگە تاباندى بولىپ، ەكونوميكالىق ءتارتىپتى قورعاۋعا تىزە قوسا قۇلشىنىپ، جوعارى ساپالى، تەڭ دامۋدى ىلگەرىلەتۋ جانە وڭىرلىك قولامتالى ماسەلەلەردى ساياسي ءتاسىل ارقىلى ۇيلەسىمدى شەشۋ كەرەك. بريكس ەلدەرى كوپ جاقتى قۇرىلىم اياسىنداعى سەلبەستىكتى قويۋلاتىپ، حالىقارالىق ىستەردەگى ىقپالىن كۇشەيتۋ كەرەك.
  مودي مىنالاردى ءبىلدىردى: بريكس ەلدەرى دۇنيە جۇزىلىك ارتۋدىڭ ماڭىزدى قوزعاۋشى كۇشى. قورعامپازدىق باس كوتەرگەن، كوپ جاقتى جۇيە سىن - سايىسقا ءدوپ كەلگەن جاعدايدا، ءبىز الەمدىك جونگە سالۋعا بەلسەندىلىكپەن ات سالىسىپ جانە ونى كەمەلدەندىرىپ، كوپ جاقتىلىقتى ساۋلەلەندىرىپ، ەركىن ساۋدانى جەبەپ، جاھاندانۋدىڭ جالپىعا ءتيىمدى بەتالىسقا قاراي دامۋىن ىلگەرىلەتىپ، وركەندەپ كەلە جاتقان ەلدەردىڭ مۇددەسىن اناعۇرلىم جاقسى قورعاۋىمىز كەرەك.
  كەزدەسۋ كەزىندە 5 ەلدىڭ باسشىلارى بريكس ەلدەرى حاۋىپسىزدىك ىستەرى جوعارى دارەجەلى ۋاكىلدەر كەڭەسى ءتوراعاسىنىڭ، بريكس ەلدەرى ونەركاسىپ - ساۋدا القالار كەڭەسى ءتوراعاسىنىڭ، بريكس ەلدەرى جاڭا وركەندەتۋ بانكەسى باستىعىنىڭ قىزمەت جاعدايىنان بەرگەن مالىمەتتەرىن تىڭدادى.

  كەزدەسۋدە «بريكس ەلدەرى باسشىلارىنىڭ يوحاننەسبۋرگ جارناماسى» جاريالانىپ، كوپ جاقتىلىقتى قورعاۋ، قورعامپازدىققا قارسى تۇرۋ جونىندە ايقىن سيگنال تاراتىلىپ، بريكس ەلدەرىنىڭ جاڭا ونەركاسىپ توڭكەرىسى سەرىكتەستىك قاتىناسىن ىسكە قوسىپ، ەكونوميكا - ساۋدا، فينانس، ساياسي حاۋىپسىزدىك، گۋمانيتارلىق اۋىس - كۇيىس سياقتى سالالارداعى سەلبەستىكتى تەرەڭدەتۋ ۇيعارىلدى.
  كەزدەسۋ اياقتاعاننان كەيىن، 5 ەل باسشىلارى سەلبەستىك حۇجاتتارىنا قول قويۋعا بىرگە كۋا بولدى ءارى بەينە جازبا ارقىلى ادامزات بەسىگى جۇرتىنىڭ ناقتى كەسكىنىن كوردى، سونان كەيىن قول تابىن ءتۇسىرىپ ەستەلىك قالدىردى. ادامزات بەسىگىنىڭ جۇرتى − يوحاننەسبۋرگتىڭ باتىس سولتۇستىك بولەگىندە، بۇل جەردەن بايقالعان ادامزاتتىڭ اتا - باباسىنىڭ تاسقا اينالعان قالدىقتارى دۇنيە جۇزىندەگى جالپى ساننىڭ شامامەن جارىمىن ۇستايدى، ادامزاتتىڭ شىعۋ تەگى جونىندە ىزدەنىس جاساۋدى ماڭىزدى ءىز - دەرەكپەن قامتاماسىز ەتەدى، بۇل جۇرت 1999 - جىلى الەمدىك مۇراعاتتار تىزىمدىگىنە ەنگىزىلگەن.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە