جاڭا حابارلار

شي جينپيڭ بريكس ەلدەرى ونەركاسىپ - ساۋدا تالقى مىنبەرىنە قاتىناستى ءارى ماڭىزدى ءسوز سويلەدى

    كەلۋ قاينارى: شينجياڭ گازەتى    2018-07-27 20:49:47  

بريكس سەلبەستىگىنىڭ ساپارعا قايتا اتتانۋىن ىلگەرىلەتىپ، بريكس ەلدەرىنىڭ بىرگە دامۋىن ىسكە اسىرۋدى باسا دارىپتەدى

7 - ايدىڭ 25 - كۇنى مەملەكەت ءتوراعاسى شي جينپيڭ وڭتۇستىك افريكانىڭ يوحاننەسبۋرگ قالاسىندا وتكىزىلگەن بريكس ەلدەرى ونەركاسىپ - ساۋدا تالقى مىنبەرىنە ۇسىنىس بويىنشا قاتىناستى ءارى «ءداۋىر اعىمىنا ۇيلەسىپ، بىرگە دامۋدى ىسكە اسىرايىق» دەگەن تاقىرىپتا ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

  شينحۋا اگەنتتىگىنىڭ 7 - ايدىڭ 25 - كۇنى يوحاننەسبۋرگتەن بەرگەن حابارى (تىلشىلەر حو شياۋگۋاڭ، مىڭ نا، لي جيانمين). مەملەكەت ءتوراعاسى شي جينپيڭ 7 - ايدىڭ 25 - كۇنى وڭتۇستىك افريكانىڭ يوحاننەسبۋرگ قالاسىندا وتكىزىلگەن بريكس ەلدەرى ونەركاسىپ - ساۋدا تالقى مىنبەرىنە ۇسىنىس بويىنشا قاتىناستى ءارى «ءداۋىر اعىمىنا ۇيلەسىپ، بىرگە دامۋدى ىسكە اسىرايىق» دەگەن تاقىرىپتا ماڭىزدى ءسوز سويلەپ، مىنالاردى باسا دارىپتەدى: بريكس ەلدەرى تاريحتىڭ ۇلى بەتالىسىنا ۇيلەسىپ، ءوزارا پايدالى سەلبەستىككە، جاڭالىق اشۋ ارقىلى جەتەكشىلىك ەتۋگە، قامتىمدىلىق پەن جالپىعا بىردەي يگىلىككە، كوپ جاقتىلىققا تاباندى بولىپ، جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن ورناتۋدا سىندارلى رول اتقارۋى كەرەك.
  شي جينپيڭ ساندتون حالىقارالىق ءماجىلىس ورتالىعىنا كەلگەندە، وڭتۇستىك افريكانىڭ زۇڭتۇڭى راماپوسا ىستىق ىقىلاسپەن قارسى الدى، ەكى ەلدىڭ مەملەكەت باسشىسى ءماجىلىس زالىنا بىرگە كىردى. شاتىرلاعان شاپالاق ۇنىندە شي جينپيڭ ماڭىزدى ءسوز سويلەدى.
  شي جينپيڭ مىنالاردى اتاپ كورسەتتى: بريكس مەحانيزمىنىڭ دۇنيەگە كەلۋى مەن دامۋى − الەمدىك ەكونوميكانىڭ وزگەرىسى مەن حالىقارالىق جاعدايدىڭ قۇبىلۋىنىڭ تۋىندىسى. ءبىرىنشى 10 جىلدىقتا، بريكس سەلبەستىگى ۇتىمدى جاعدايدا العا ىلگەرىلەپ، الەمدىك ەكونوميكانىڭ ورنىعۋى مەن قايتا قالپىنا كەلۋىنە ءارى ارتۋ جولىنا ورالۋىنا كورنەكتى ۇلەس قوستى.
  قازىر دۇنيە 100 جىلدان بەرى بولماعان ۇلى وزگەرىس جاعدايىندا تۇر. قالىڭ جاڭادان وركەندەگەن بازار ەلدەرى مەن وركەندەپ كەلە جاتقان ەلدەر ءۇشىن، بۇل دۇنيە ورايعا تولى ءارى سىن - سايىستار دا ورىن تەۋىپ وتىر. ءبىز حالىقارالىق جاعدايدىڭ وزگەرىسىنىڭ تاريحي ۇدەرىسىندە بريكس سەلبەستىگىن جوبالاپ، دۇنيە ءجۇزىنىڭ دامۋى مەن بريكس ەلدەرىنىڭ بىرگە دامۋىنىڭ تاريحي ۇدەرىسىندە وزىندىك دامۋدى قاراستىرىپ، ەكىنشى «التىن 10 جىلدىقتا» جاڭا سەكىرىستى ىسكە اسىرۋىمىز كەرەك.
  شي جينپيڭ مىنالاردى باسا دارىپتەدى: الداعى 10 جىل − الەمدىك ەكونوميكانىڭ جاڭا - كونە قوزعاۋشى كۇشتەرىنىڭ الماسۋىنداعى شەشۋشى 10 جىل، حالىقارالىق جاعداي مەن كۇشتەردىڭ سالىستىرماسى جەدەل وزگەرەتىن 10 جىل، عالامدىق جونگە سالۋ جۇيەسى تەرەڭدەي قايتا قالىپتاساتىن 10 جىل. مەن بريكس ەلدەرىنىڭ باسشىلارىمەن بىرگە، بريكس سەلبەستىگىنىڭ يوحاننەسبۋرگتەن ساپارعا قايتا اتتانۋىن ىلگەرىلەتىپ، دامۋ ورايىن يگەرىپ، سايىستاردى كۇش بىرىكتىرە جەڭىپ، جاڭاشا حالىقارالىق قاتىناستىڭ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىندا سىندارلى رول اتقارۋدى ءۇمىت ەتەمىن.
  ءبىرىنشى، تەڭ پايدالى سەلبەستىككە تاباندى بولىپ، اشىق ەكونوميكا قۇرۋ. بريكس ەلدەرى اشىق الەمدىك ەكونوميكانى تاباندى تۇردە قۇرىپ، سىڭار جاقتىلىق پەن قورعانىمپازدىققا ايقىن تۋ ۇستاي وتىرىپ قارسى تۇرىپ، ساۋدا مەن قارجى سالۋدىڭ ەركىندەنۋى مەن قولايلىلانۋىن جەبەپ، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا بىردەي، تەپە - تەڭ، ءوزارا پايدالى بەتالىسپەن دامۋىنا بىرگە جەتەكشىلىك ەتۋ كەرەك. جاڭادان وركەندەگەن بازار ەلدەرى مەن وركەندەپ كەلە جاتقان ەلدەردىڭ، اسىرەسە، افريكا ەلدەرى مەن ەڭ دامىماعان ەلدەردىڭ حالىقارالىق كاسىپ بولىسىنە ءونىمدى تۇردە ات سالىسۋىنا كومەكتەسىپ، ەكونوميكانىڭ جاھاندانۋىنىڭ ۇلەس پايداسىن تەڭ يگىلىكتەنۋ كەرەك.
  ەكىنشى، جاڭالىق اشۋ ارقىلى جەتەكشىلىك ەتۋگە تاباندى بولىپ، دامۋ ورايىن يگەرۋ. بريكس ەلدەرى جاڭالىق اشۋ ۇسىنىلىمىن ارتتىرىپ، جاڭا - كونە قوزعاۋشى كۇشتەردىڭ الماسۋىن ىسكە اسىرىپ، قۇرىلىمدىق رەفورمانى بار كۇشپەن ىلگەرىلەتىپ، حالىقارالىق جاڭالىق اشۋ اۋىس - كۇيىسى مەن سەلبەستىگىن تەرەڭدەتىپ، عىلىم - تەحنيكالىق العاباسارلىقتىڭ اناعۇرلىم كوپ مەملەكەت پەن حالىقتاردى يگىلىككە كەنەلتۋىنە مۇمكىندىك جاساۋ كەرەك.
  ءۇشىنشى، قامتىمدىلىق پەن جالپىعا بىردەيلىككە تاباندى بولىپ، ءار ەل حالقىن يگىلىككە كەنەلتۋ. بريكس ەلدەرى ءوز - ءوزىنىڭ مەملەكەت جاعدايىن تياناق ەتىپ، 2030 - جىلعا دەيىنگى باياندى دامۋ كۇن ءتارتىبىن ءوز ەلىنىڭ دامۋ ستراتەگياسىمەن تەرەڭدەي ۇشتاستىرىپ، حالىقتى وزەك ەتۋگە تاباندى بولىپ، ەكونوميكانىڭ، قوعامنىڭ، قورشاعان ورتانىڭ دامۋىن ءبىر تۇتاس جوسپارلاپ، حالىق جۇرتشىلىعىنىڭ تابىس سەزىمى مەن باقىت سەزىمىن ۇزبەي نىعايتۋ كەرەك. حالىقارالىق دامۋ سەلبەستىگىن بەلسەندىلىكپەن ىلگەرىلەتىپ، افريكا ەلدەرىمەن سەلبەستىكتى كۇشەيتىپ، افريكانىڭ دامۋىنا قولداۋ كورسەتىپ، بريكس ەلدەرىنىڭ افريكامەن سەلبەستىگىن وڭتۇستىك - وڭتۇستىك سەلبەستىگىنىڭ ۇلگىسىنە اينالدىرۋعا قۇلشىنۋ كەرەك.
  ءتورتىنشى، كوپ جاقتىلىققا تاباندى بولىپ، عالامدىق جونگە سالۋدى كەمەلدەندىرۋ. بريكس ەلدەرى ءار جاقتى بىرگە بەلگىلەگەن حالىقارالىق ەرەجەلەرگە شىنايى بويسۇنۋعا قۋزاپ، ۇلكەن - كىشى ەلدەردىڭ بۇكىلدەي تەڭدىگىنە تاباندى بولۋ كەرەك. ورتاق، جالپىلىق، سەلبەستىك، باياندى حاۋىپسىزدىك كوزقاراسىن دارىپتەپ، كوپ جاقتى ساۋدا ءتۇزىلىسىن تاباندى تۇردە قولداپ، عالامدىق ەكونوميكانى جونگە سالۋ رەفورماسىن ۇزدىكسىز ىلگەرىلەتىپ، جاڭادان وركەندەگەن بازار ەلدەرى مەن وركەندەپ كەلە جاتقان ەلدەردىڭ ۋاكىلدىك سيپاتى مەن ءسوز بيلىگىن جوعارىلاتۋ كەرەك.
  شي جينپيڭ مىنالاردى اتاپ كورسەتتى: بيىل − جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى. 40 جىلدان بەرى جۇڭگو كەرەمەت تاريحي بارىستى باسىپ ءوتىپ، جۇڭگوشا سوتسياليزم جولىن اشتى. جۇڭگو حالقى ءوزىنىڭ دامۋىن ىسكە اسىرۋمەن قوسا، ادامزاتتىڭ بەيبىتشىلىك پەن دامۋ سىندى وسكەلەڭ ىستەرىنە ماڭىزدى ۇلەس قوستى. ءبىز وڭتۇستىك - وڭتۇستىك سەلبەستىگىن بەلسەندى تۇردە قانات جايدىرىپ، جاڭادان وركەندەگەن بازار ەلدەرى مەن وركەندەپ كەلە جاتقان ەلدەردىڭ بىرگە دامۋىنا اناعۇرلىم زور وراي جاراتۋعا قۇلشىنامىز. ءبىز ۇزدىكسىز ەسىكتى ايقارا اشىپ قۇرىلىس جۇرگىزىپ، ۇزدىكسىز اناعۇرلىم تارتىمدى قارجى سالۋ ورتاسىن ازىرلەپ، ءبىلىم مەنشىك ۇقىعىن قورعاۋدى كۇشەيتىپ، يمپورتتى ىرىقتى تۇردە كەڭەيتىپ، «ءبىر بەلدەۋ، ءبىر جول» قۇرىلىسىن ۇزدىكسىز بار كۇشپەن ىلگەرىلەتىپ، ءار ەلدىڭ ەكونوميكالىق، قوعامدىق دامۋىنا، 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋعا جاڭا كەڭىستىك اشامىز.
  شي جينپيڭ مىنالاردى اتاپ كورسەتتى: جۇڭگو − افريكا ەلدەرىنىڭ تابيعي جاقسى دوسى، جاقسى باۋىرلاسى، جاقسى سەرىكتەسى، جۇڭگو - افريكا سەلبەستىگى − وڭتۇستىك - وڭتۇستىك سەلبەستىگىنىڭ ونەگەسى. بيىل 9 - ايدا جۇڭگو افريكا ەلدەرىمەن بىرگە جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىن وتكىزىپ، جۇڭگو مەن افريكا ەلدەرىنىڭ ءوزارا پايدالى سەلبەستىك ورناتىپ، بىرگە دامۋىن اناعۇرلىم جوعارى ساپامەن، اناعۇرلىم جوعارى دەڭگەيدە جوبالايدى.
  شي جينپيڭ مىنالاردى اتاپ كورسەتتى: ەكونوميكالىق سەلبەستىك − بريكس سەلبەستىگىنىڭ ەڭ ماڭىزدى، ناتيجەسى ەڭ مول سالاسى. ونەركاسىپ - ساۋدا سالاسى − بريكس سەلبەستىگىنىڭ نەگىزگى كۇشى، ومىرشەڭ كۇشى. ەكىنشى «التىن 10 جىلدىقتى» اشۋ بارىسىندا، ونەركاسىپ - ساۋدا سالاسىنىڭ ىسكەرلىك كورسەتۋىنە مۇمكىندىك زور. ءارقايسى كاسىپورىنشى دوستاردىڭ ءوز ارتىقشىلىقتارىن تولىق ساۋلەلەندىرىپ، باتىلدىقپەن رەفورما جاساپ، جاڭالىق اشىپ، ەكونوميكالىق جانە قوعامدىق ونىمدىلىككە بىردەي ءمان بەرىپ، بەس ەلدىڭ ءوزارا پايدا جەتكىزىپ، تەڭ يگىلىككە كەنەلۋدى، بىرگە دامۋدى ىسكە اسىرۋىن جەبەۋ كەرەك.
  شي جينپيڭ سوڭىندا مىنالاردى باسا دارىپتەدى: بريكس سەلبەستىگىنىڭ بارىسى − بەس ەلدىڭ قول ۇستاسا شىڭعا ورلەپ، ۇزدىكسىز بيىككە كوتەرىلۋ بارىسى. بريكس ەلدەرى قول ۇستاسىپ، تىلەكتەس بولسا بولعانى، قاتەرلى قۇز - قيالارعا بوگەلمەي، تىڭ بەلەسكە كوتەرىلىپ، جاڭا دەڭگەيگە جەتىپ، ادامزاتتىڭ بەيبىتشىلىك پەن دامۋ سىندى وسكەلەڭ ىستەرىنە جاڭا، اناعۇرلىم زور ۇلەس قوسا الادى!
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىناستى.
  توگونىڭ زۇڭتۇڭى فور، وڭتۇستىك افريكانىڭ ورىنباسار زۇڭتۇڭى مابۋزا، بريكس ەلدەرىنىڭ ونەركاسىپ - ساۋدا مينيسترلەرى جانە ونەركاسىپ - ساۋدا سالاسىنداعى قايراتكەرلەر بولىپ جالپى 1200دەي ادام قاتىناستى.
  جەرگىلىكتى ۋاقىت 7 - ايدىڭ 25 - كۇنى تۇستەن بۇرىن، شي جينپيڭ بريكس ەلدەرى باسشىلارىنىڭ 10 - رەتكى كەزدەسۋىنە قاتىناسۋ ءۇشىن اۆتوكولىكپەن پرەتوريادان يوحاننەسبۋرگكە باردى.


بەرىپ كەت ورامالىڭدى

دوستار

الىستاعى اق ەركە