جاڭا حابارلار

شي جينپيڭ راماپوسا زۇڭتۇڭ وتكىزگەن قارسى الۋ جانە جۇڭگو مەن وڭتۇستىك افريكانىڭ ديپلوماتيالىق قاتىناس ورناتقاندىعىنىڭ 20 جىلدىعىن قۇتتىقتاۋ كەشكى قوناعاسىنا قاتىناستى

    كەلۋ قاينارى: شينجياڭ گازەتى    2018-07-27 20:45:59  

7 - ايدىڭ 24 - كۇنى مەملەكەت ءتوراعاسى شي جينپيڭ پرەتوريادا وڭتۇستىك افريكانىڭ زۇڭتۇڭى راماپوسانىڭ ءتوراعا شي جينپيڭنىڭ وڭتۇستىك افريكادا مەملەكەتتىك ساپاردا بولۋىن قارسى الۋ جانە جۇڭگو مەن وڭتۇستىك افريكانىڭ ديپلوماتيالىق قاتىناس ورناتقاندىعىنىڭ 20 جىلدىعىن قۇتتىقتاۋ بايلانىسىمەن وتكىزگەن كەشكى قوناعاسىعا قاتىناستى. سۋرەتتە: شي جينپيڭ ارناۋ ءسوز سويلەۋدە.سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 شينحۋا اگەنتتىگىنىڭ 7 - ايدىڭ 24 - كۇنى پرەتوريادان بەرگەن حابارى (تىلشىلەر فان جيە، جىڭ شياۋ - ي). مەملەكەت ءتوراعاسى شي جينپيڭ 7 - ايدىڭ 24 - كۇنى پرەتوريادا وڭتۇستىك افريكانىڭ زۇڭتۇڭى راماپوسانىڭ ءتوراعا شي جينپيڭنىڭ وڭتۇستىك افريكادا مەملەكەتتىك ساپاردا بولۋىن قارسى الۋ جانە جۇڭگو مەن وڭتۇستىك افريكانىڭ ديپلوماتيالىق قاتىناس ورناتقاندىعىنىڭ 20 جىلدىعىن قۇتتىقتاۋ بايلانىسىمەن وتكىزگەن كەشكى قوناعاسىعا قاتىناستى.
  شي جينپيڭ مەن پىڭ لييۋان زۇڭتۇڭ قوناق ۇيىنە كەلگەندە، راماپوسا زۇڭتۇڭ مەن ونىڭ حانىمى موتسەپە ىستىق ىقىلاسپەن قارسى الدى. ەكى ەلدىڭ مەملەكەت باسشىلارى مەن ولاردىڭ حانىمدارى ىقىلاسپەن قول الىسىپ، ءوزارا اماندىق سۇراستى.
  جەرگىلىكتى ۋاقىت كەشكى ساعات 7دەن 10 مينۋتتاي وتكەندە، شي جينپيڭ مەن پىڭ لييۋان راماپوسا ەرلى - زايىپتىلارمەن بىرگە قوناعاسى زالىنا كىردى. وركەستر جۇڭگو مەن وڭتۇستىك افريكانىڭ مەملەكەت اندەرىن ورىندادى.
  شي جينپيڭ ارناۋ ءسوز سويلەپ، جۇڭگو مەن وڭتۇستىك افريكانىڭ ديپلوماتيالىق قاتىناس ورناتقانىنىڭ 20 جىلدىعىن قىزۋ قۇتتىقتاپ، ۇزاق مەزگىلدەن بەرى جۇڭگو مەن وڭتۇستىك افريكانىڭ دوستىعىنا ۇلەس قوسىپ كەلگەن ءار سالا قايراتكەرلەرىنە وسكەلەڭ قۇرمەت ءبىلدىردى جانە شىن جۇرەكتەن العىس ايتتى. شي جينپيڭ مىنالاردى اتاپ كورسەتتى: جۇڭگو مەن وڭتۇستىك افريكانىڭ دوستىق ىستەرى ەكى ەلدىڭ اعا بۋىن باسشىلارىنىڭ كوڭىل ءبولۋى مەن باۋلۋىندا ۇزبەي دامىپ، ۇلعايىپ، ەكى ەلدەگى حالىقتاردىڭ دوستىعى ۇزدىكسىز بەكەمدەلىپ، تەرەڭدەدى. 1998 - جىلى 1 - ايدىڭ 1 - كۇنى جۇڭگو مەن وڭتۇستىك افريكا رەسمي تۇردە ديپلوماتيالىق قاتىناس ورناتتى. ءسويتىپ، ەكى مەملەكەت قاتىناسىنىڭ جاڭا تاريحي پاراعى اشىلدى. 20 جىلدان بەرى، جۇڭگو مەن وڭتۇستىك افريكانىڭ قارىم - قاتىناسى ماڭىزدى سەكىرىستى ىسكە اسىردى. جۇڭگو مەن وڭتۇستىك افريكا قارىم - قاتىناسىنىڭ شاپشاڭ دامۋى − جۇڭگو - افريكا سەلبەستىگىنىڭ ۇزبەي تەرەڭدەۋىنىڭ جاندى كورىنىسى، سونداي - اق وركەندەپ كەلە جاتقان ءىرى ەلدەردىڭ ىنتىماقتاسا سەلبەسۋىنىڭ ونەگەسى.
  شي جينپيڭ مىنالاردى باسا دارىپتەدى: قىسقا عانا 20 جىلدا، جۇڭگو مەن وڭتۇستىك افريكا قارىم - قاتىناسىندا وسىنشاما قوماقتى تابىستارعا قول جەتۋىنىڭ تەتىگى ەكى جاقتىڭ ءوزارا كومەكتەسۋگە، ءوزارا قۇرمەتتەۋگە، ءوزارا سەنىم ارتۋعا، ءوزارا پايدا جەتكىزۋگە، ءبىرىن - ءبىرى بىلۋگە، ءبىرىن - ءبىرى جاقىن تارتۋعا، ءبىر - بىرىنە ارقا سۇيەۋگە تاباندى بولىپ، ەكى مەملەكەت قاتىناسىنىڭ دامۋىنا ماڭىزدى سەزىمدىك نەگىز، ساياسي نەگىز، ەكونوميكالىق نەگىز، حالىقتىڭ راي نەگىزىن، ستراتەگيالىق نەگىز قالاعاندىعىندا. 20 جىلدىق تاجىريبەلەر وتە باعالى. ءبىز ەكى جاقتى قاتىناستاردىڭ العا باسۋ بەتالىسىن بەرىك يگەرىپ، جوعارى دەڭگەيلى ساياسي ءوزارا سەنىمدى بەكەمدەپ، قاي - قاشان دا ءبىر - بىرىنە ادال نيەتپەن قاراسىپ، قيىندىقتى بىرگە كوتەرىسكەن جولداس ءارى اعايىن بولۋ؛ ەكى ەلدىڭ دامۋ كومەسكى مۇمكىندىكتەرىن ۇزبەي اشىققا شىعارىپ، جوعارى ساپالى سىندارلى سەلبەستىكتى ىلگەرىلەتىپ، ەكى ەل حالقىنا ءتىپتى جاقسى باقىت جاراتۋ؛ ەكى ەلدەگى حالىقتاردىڭ ءوزارا تۇسىنىستىگى مەن دوستىعىن نىعايتىپ، اناعۇرلىم تىعىز گۋمانيتارلىق بارىس - كەلىستەردى ورىستەتۋ؛ حالىقارالىق ىستەردە ءبىر - بىرىنە جاردەم بەرىپ، جوعارى دەڭگەيلى ستراتەگيالىق سەلبەستىكتى كۇشەيتىپ، جاڭاشا حالىقارالىق قارىم - قاتىناس قۇرۋدى جانە ادامزاتتىڭ تاعدىرلاس ورتاق تۇلعاسىن ورناتۋدى بىرگە ىلگەرىلەتۋ كەرەك.
  شي جينپيڭ مىنالاردى اتاپ كورسەتتى: جۇڭگو مەن وڭتۇستىك افريكا قارىم - قاتىناسىنىڭ بولاشاعى شەكسىز كەڭ، الايدا، ءبىزدىڭ ۇزدىكسىز العا قادام تاستاۋىمىزدى قاجەت ەتەدى. جۇڭگو مەن وڭتۇستىك افريكا دامۋدىڭ جاڭا ساپارىنا قادام تاستاۋ قارساڭىندا، ءبىز ونان ارى قول ۇستاسىپ، تىلەكتەس بولىپ، ءبىر - ءبىرىمىزدىڭ دامۋ ارماندارىمىزدى ىسكە اسىرۋىمىزعا دەم بەرۋىمىز كەرەك. ەكى ەلدەگى حالىقتىڭ تاباندى قولداۋىمەن، ءبىزدىڭ، ءسوز جوق، جاڭا داۋىردەگى جۇڭگو - وڭتۇستىك افريكا قاتىناسىنىڭ جاڭا شۇعىلاسىن جاراتا الاتىندىعىمىزعا سەنەمىن.
  راماپوسا مىنالاردى ءبىلدىردى: ءتوراعا شي جينپيڭنىڭ وڭتۇستىك افريكاعا ساپارلاي كەلگەنىن قىزۋ قارسى الامىن، وسىندا ءتوراعا شي جينپيڭمەن بىرگە وڭتۇستىك افريكا مەن جۇڭگونىڭ ديپلوماتيالىق قاتىناس ورناتقاندىعىنىڭ 20 جىلدىعىن بىرگە تويلاعانىما وتە قۋانىشتىمىن. 20 جىلدان بەرى، وڭتۇستىك افريكا - جۇڭگو ەكى پارتيانىڭ، ەكى ەلدىڭ جانە ەكى ەل حالقىنىڭ اراسىنداعى تىعىز بارىس - كەلىسى ۇزىلگەن جوق، ەكى جاقتى، وڭىرلىك جانە عالامدىق دەڭگەيدە تاماشا سەلبەستىك ورناتتى. وڭتۇستىك افريكا مەن جۇڭگونىڭ قاتىناسى قازىر تاريحتاعى ەڭ جاقسى مەزگىلدە تۇر. ءتوراعا شي جينپيڭنىڭ وسى رەتكى ساپارى وڭتۇستىك افريكا مەن جۇڭگو قاتىناسىنىڭ ادەتتەگى ەكى جاقتى قاتىناس دەڭگەيىنەن اسىپ تۇسكەنىن بىلدىرەدى، بۇل ستراتەگيالىق مانگە يە. وڭتۇستىك افريكا جاق جۇڭگو جاقپەن بىرگە ەكى ەل كەلىسكەن ورتاق تانىمدى تياناقتاندىرىپ، ەكونوميكا - ساۋدا، عىلىم - تەحنيكا، گۋمانيتارلىق سياقتى سالالارداعى سەلبەستىكتى تەرەڭدەتىپ، وڭتۇستىك افريكا مەن جۇڭگونىڭ جاپپاي ستراتەگيالىق سەرىكتەستىك قاتىناسىن ۇزدىكسىز ىلگەرىلەتىپ، افريكا ەلدەرى مەن جۇڭگونىڭ دوستىق سەلبەستىگىن ۇزدىكسىز ىلگەرىلەتەدى.
  كەشكى قوناعاسى دۋماندى، دوستىق بەينەدە ءوتتى. ەكى مەملەكەت باسشىسى دوستىقتى تىلگە تيەك ەتىپ، جۇڭگو - وڭتۇستىك افريكا، جۇڭگو - افريكا قاتىناستارىنىڭ كوركەم بولاشاعى تۋرالى اقتارىلا اڭگىمەلەستى.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەشكى قوناعاسىعا قاتىناستى.


بەرىپ كەت ورامالىڭدى

دوستار

الىستاعى اق ەركە