جاڭا حابارلار

شۇيجوۋدىڭ حان داۋىرىندەگى چۋ بەكتىگىنىڭ سارا مادەني مۇرالار كورمەسى اۆتونوميالى رايوندىق مۇراجايدا اشىلدى

    كەلۋ قاينارى: شينجياڭ حالىق راديو ىستانسياسى    2018-07-27 10:22:38  

7-ايدىڭ 26 –كۇنى «جيەيۋدىڭ اتا مەكەنى-شۇيجوۋدىڭ حان داۋىرىندەگى چۋ بەكتىگىنىڭ سارا مادەني مۇرالار كورمەسى» اۆتونوميالى رايوندىق مۇراجايدا اشىلدى.
(مىناۋ التىنمەن ادىپتەلگەن جاقۇت كەبىن، بۇل ەلىمىز بويىنشا ەڭ ەرتەدەگى، جاقۇت جاپىراقشاسى ەڭ كوپ جۇمسالعان، ەرەكشە ءساندى جاسالعان جاقۇت كەبىن...)
اۆتونوميالى رايوندىق مۇراجايدىڭ ەكىنشى قاباتىنداعى كورمە زالىندا، قىزمەتكەرلەر كورەرمەندەرگە «التىنمەن ادىپتەلگەن جاقۇت كەبىندى» تانىستىردى. وسى جاقۇت كەبىن 4 مىڭنان استام جاقۇت جاپىراقشادان قۇرالعان ءارى التىن جىپپەن جاقۇت جاپىراقشالاردى ادىپتەپ ءتىزىپ جاسالعان، ول ساۋىت ءتارىزدى، بۇكىل دەنەنى قاپتاپ تۇرادى. جاقۇت كەبىننىڭ جاقۇتى مايدا ءارى مولدىرلەۋ، وتە اسەم. يىن چۋان-ي اتتى كورەرمەن:« التىنمەن ادىپتەلگەن جاقۇت كەبىندى كورىپ نەشە مىڭ جىلدىڭ الدىنا قايتا بارعانداي سەزىمدە بولدىم، بايىرعى زامانداعى بيلەرمەن بەكتەر، ساردارلار مەن ۋازىرلەر قازا بولعاندا ولارعا ءمىناجات ەتۋ قيمىلدارى وتكىزىلىپ، سوڭىنان ولارعا التىنمەن ادىپتەلگەن جاقۇت كەبىن كيدىرىلەدى. ۋاقىتتىڭ وتۋىنە بايلانىستى، وسى مادەني مۇرالار ساقتالىپ قالىپ، كەيىنگى ۇرپاقتاردىڭ مادەني مۇرالار ارقىلى تاريحي مادەنيەتتى تۇسىنۋىنە مۇمكىندىك جاسالدى»،-دەدى. وسى رەتكى كورمەدە جالپى شۇيجوۋ مۇراجايىنداعى تاڭداۋلى مادەني مۇرادان 83 توپتاعى 117 مۇرا قويىلىپ، التىنمەن ادىپتەلگەن جاقۇت كەبىن، قۋىرشاق قوسىن، ۇلىق ءمورى بالشىق بەكىتپەسى، ءتۇرلى جاقۇت جابدىقتار جانە مىس، تەمىر، تاستان جاسالعان تۇرمىستىق بۇيىم سياقتىلار قامتىلدى. شۇي جوۋ مۇراجايى ساقتاۋ ءبولىمىنىڭ قىزمەتكەرى تيان ىر-ۋي، وسى رەتكى كورمە شينجياڭمەن ەرەكشە قاتىستى، باتىس حان داۋىرىندە، ورتا جازىقتاعى بەكتىكتەر جيە يۋ حانشانى باتىس وڭىرگە ۇزاتىپ، جەرگىلىكتى ءوڭىردى قاراستىلىعىنا الىپ بيلىك جۇرگىزگەن ءۇيسىن ەلىمەن قۇداندالى بولىپ، ھۇنداردىڭ شاپقىنشىلىعىنا تىزە قوسا قارسىلىق كورسەتكەن، وسى رەتكى كورمە جيە يۋ حانشانىڭ اتا مەكەنىنىڭ تاريحي مادنيەت بەينەسىن ايگىلەيتىن ارناۋلى كورمە بولدى دەي كەلىپ: «وسى رەتكى كورمە ارقىلى شينجياڭ حالقىنا باتىس حان داۋىرىندەگى چۋ بەكتىگىنىڭ جاعدايىن، جيە يۋ حانشانىڭ اتا مەكەنىن تانسىتىرۋدى، سونىمەن بىرگە ەكى جەردىڭ مادەنيەت اۋىس-كۇيىسىن جەبەۋدى ءۇمىت ەتەمىز»،-دەدى. وسى رەتكى كورمە 9-ايدىڭ سوڭىنا دەيىن وتكىزىلەدى، وسى مەزگىلدە قالا تۇرعىندارى مۇراجايعا كىرىپ تەگىن ەكسكۋرتسيالاۋىنا بولادى. اۆتونوميالى رايوندىق مۇراجايدىڭ باستىعى يۇي جىيۇڭ: «كورمەگە قويۋ جانە جيە يۋ سياقتى ناعىز تاريحي تيپتىڭ اڭگىمەسى ارقىلى حان داۋىرىنەن باستاپ شينجياڭدا تىرلىك ەتكەنءار ۇلت حالقىنىڭ شينجياڭدى ورتاق اشۋ، كوركەيتۋ جولىندا ماڭىزدى ۇلەس قوسقانىن ايقىن تۇسىندىرمەكشىمىز. سول كەزدە باتىس وڭىردەگى ءار ۇلت حالقى مەن ىشكى ولكەدەگىءار ۇلت حالقى بىرلىكتە ەجەلدەن بەرگى جۇڭگونىڭ ۇزاق تاريحىن، شۇعىلالى جۇڭگو مادەنيەتىن جاراتۋ جولىندا ماڭىزدى تاريحي ۇلەستەر قوستى»،-دەدى.


بەرىپ كەت ورامالىڭدى

دوستار

الىستاعى اق ەركە